Connect with us

Lajme

Takimi Dimitrov – Maas: Nuk ka propozim konkret për metodologjinë e negociatave

Published

on

Mas: Ende nuk ka propozim të gatshëm për ndryshimin e metodologjisë për negociata

Ende nuk ka propozim të gatshëm në raport me reformën e metodologjisë së negociatave. Për neve me rëndësi është që propozimet me të cilat ndryshohet procesi i aderimit, nuk ndryshohet asgjë me rëndësi, ndërsa kjo i dedikohet edhe Maqedonisë së Veriut dhe Shqipërisë.

Sipas ministrit për Punë të Jashtme të Gjermanisë, Hajko Mas, diskutimin për këtë duhet të drejtojnë të gjitha 28-të shtetet-anëtare. Ai këtë përgjigje e dha në konferencën e përbashkët për shtyp të cilën e realizoi me ministrin e Punëve të Jashtme të Maqedonisë së Veriut, Nikolla Dimitrov.

Shefi i diplomacisë gjermane, Mas sqaroi se çështja strategjike për Bashkimin Evropian është se si do të zhvillohet më tej procesi i integrimit në BE dhe a duan të thellohet ai. Kjo sipas tij do të jep përgjigje si do të jetë procesi i aderimit në të ardhmen, duke theksuar se Maqedonia e Veriut dhe Shqipëria, më janë të kyçura thellë në proces dhe meritojnë vendim për negociata.

“Ajo që ka qenë deri më tani në procedurat në raport me Maqedoninë e Veriut, nëse do të jetë e mjaftueshme dhe nëse Maqedonia e Veriut do të duhet t’i nënshtrohet kontrolleve të reja, mendim ynë është se kjo nuk është në rregull. Por kishim dashur të kemi një vendim përfundimtar për procesin e aderimit të Maqedonisë së Veriut dhe jemi gati të flasim për reformat për procesin e aderimit. Ky do të jetë diskutim, i cili nuk do të zhvillohet mes Francës dhe Gjermanisë, por do t’a udhëheqin të gjitha vendet-anëtare në BE. Por, nuk duam kjo të jetë kusht për hapjen e negociatave për aderim, gjegjësisht ne besojmë se procedura për Maqedoninë e Veriut është shumë aq e avancuar që tash mund të marrim vendim përfundimtar për fillimin e negociatave për aderim”, tha Mac, në pyetjen se vallë metodologjia e reformuar do të jetë e mjaftueshëm që vendi t’i fillojë negociatat për aderim.

Nga ana tjetër ministri Dimitrov, numëroi tre argumente të forta në bazë të cilave shteti meriton ta fillojë procesin e aderimit dhe e përmendi pritjen e gjatë, në atë se 14 vite jemi me statut të kandidatit, si dhe të zgjidhjes së kontestit shumë vjeçar për emrin.

“Vetë pritja nuk është argument i mjaftueshëm. Ne jemi shteti, i cili kaloi përmes një krize politike e cila preku deri në autoritarizëm në vitet 2015 dhe 2016. Në dy vite e gjysmë bëmë kthesë evidente demokratike. Ende nuk jemi gati të hymë në BE. Megjithatë, nëse ka energji evropiane të lirisë dhe demokracisë sot në Ballkan, ajo sigurisht është në Maqedoninë e Veriut. Këtë e konfirmoi edhe Komisioni Evropian dhe organet tjera. Nëse BE-ja dëshiron të jetë lojtar global nuk mund dhe mos të njoh kësi energji evropiane në Ballkan, e cila duhet të mbështetet nëse duam që Ballkani të bëhet evropian. Te Gjermania shohim mik të afërt dhe zë të fuqishëm në Evropë, i cili do të na ndihmojë të vijmë deri në një pikë ku do të kemi sukses. Ballkani do të ketë sukses edhe BE-ja do të ketë sukses”, tha Dimitrov, duke theksuar në mbështetjen gjermane në reforma dhe posaçërisht në “statusin e yllit” të Pribes.

Continue Reading

Bota

Shitja e dronëve Bayraktar, porositë janë mbyllur për 3 vjet

Published

on

By

Shitja e dronëve Bayraktar, porositë janë mbyllur për 3 vjet

Kërkesa për dronët turq Bayraktar TB2 është rritur ndjeshëm. Kompania turke Baykar Makina Sanayi ve Ticaret AS, e cila furnizon Ukrainën me drone, njoftoi se aktualisht ka një numër të madh të porosive për tre vjet. Sipas kompanisë, ajo ka kapacitetin për të prodhuar 20 dronë në muaj.

“Dronët TB2 dhe Akinci janë prodhuar në masë, ne kemi kërkesë për të dyja”, tha CEO i kompanisë private Haluk Bayraktar, në një intervistë me Fondacionin ukrainas Come Back Alive. “Për Bayraktar TB2 kemi kontrata eksporti me 22 vende të ndryshme”, tha ai, shkruan Bloomberg.

Baykar, i cili po punon gjithashtu në një projekt luftarak pa pilot të quajtur Bayraktar Kizilelma, dëshiron të rrisë më tej kapacitetin e tij prodhues dhe shpreson ta bëjë këtë duke ndërtuar një fabrikë në Ukrainë.

Kompania turke bleu tokë në Ukrainë dhe është regjistruar si person juridik, me qëllim ndërtimin e një fabrike për prodhimin e mjeteve ajrore pa pilot Bayraktar.

Bayraktar, i cili është vëllai i dhëndrit të presidentit turk Rexhep Tajip Erdogan, Selcuk Bayraktar, tha se kompania dëshiron të ndërtojë drone TB2 dhe Akinci, si dhe Kizilelma Fighters në Ukrainë. Ndërtimi i një objekti kërkimor dhe një qendre prodhimi të avancuar tashmë është duke u zhvilluar, tha ai, duke shtuar: “Ne e shohim Ukrainën si partnerin tonë strategjik. Ne gjithashtu duam ta bëjmë Ukrainën një bazë prodhuese”.

Turqia ka arritur të mbajë marrëdhënie të mira si me Ukrainën ashtu edhe me Rusinë. / abcnews

Continue Reading

Bota

Sa do të rriten pagat vitin e ardhshëm në Zvicër

Published

on

By

Sa do të rriten pagat vitin e ardhshëm në Zvicër

Referuar një sondazhi të KOF (Qendrës së Kërkimeve Ekonomike), thuhet se pagat në Zvicër pritet të rriten mesatarisht me 2.2% vitin e ardhshëm, përcjell albinfo.ch.

Ndërkohë që kjo shumë do të ishte rritja më e madhe në 22 vjet.

Ekspertët ekonomikë thonë se kjo rritje nuk do të kompensojë plotësisht inflacionin.

Ky sondazh u transmetua në “NZZ am Sonntag”, ku thuhet se pritet një rritje mesatare e pagave prej 2.2% në vitin 2023.

Nga ana tjetër, gazeta shkruan se UBS në parashikimet e saj tregon se inflacioni për gjithë vitin 2022 do të jetë në të vërtetë 3.1%./albinfo.ch

Continue Reading

Kosovë

Vuçiq: Zbatimi i vendimit të Kosovës për targa mund të bëhet vetëm me dhunë

Published

on

By

Vuçiq: Zbatimi i vendimit të Kosovës për targa mund të bëhet vetëm me dhunë

Presidenti i Serbisë, Aleksandar Vuçiq, ka thënë të hënën se do të shkojë në Bruksel për takim me kryeministrin e Kosovës, Albin Kurti, me një qëllim, “të ruajë paqen dhe stabilitetin”.

Ndërkohë pak sekonda më pas tha se Qeveria e Kosovës mund të zbatojë vendimin e saj për targat e automjeteve, kryesisht në veri, “vetëm me dhunë”.

“Kjo mund të bëhet vetëm me dhunë, por mos prisni që Serbia t’ju ndihmojë në rregullimin ligjor të problemit”, tha ai përcjellin mediat serbe.

Vuçiqi gjatë prezantimit të armëve të reja të prodhuara nga Serbia në Akademinë Ushtarake në Beograd, tha se Serbisë nuk duhet t’i interesojë Kushtetuta e Kosovës.

“Ne jemi të interesuar të diskutojmë gjithçka. Ne nuk kemi problem me temat. Ne duam të flasim për Asociacionin e komunave serbe. Nëse thonë se nuk është në përputhje me Kushtetutën, atëherë nuk na duhet një e tillë në përputhje me kushtetutën, sepse një komunitet të tillë mund ta formojë çdo qytetar. Pse duhet të na interesojë Kushtetuta e tyre”, tha Vuçiq.

Takimi Kurti – Vuçiq do të mbahet më 18 gusht dhe BE-ja të dielën u bëri thirrje liderëve të të dy vendeve që të ndalin “retorikën nxitëse”.

Kosova, me kërkesë të bashkësisë ndërkombëtare ka shtyrë për një muaj vënien në fuqi të masës së reciprocitetit për letërnjoftime, ndërkohë që u ka dhënë dy muaj kohë të gjithë atyre që kanë targa të lëshuara nga Serbia në emër të qyteteve të Kosovës, që t’i ndërrojnë ato.

Continue Reading

Aktuale