Connect with us

Maqedonia e Veriut

Buxheti për vitin 2020 për Qeverinë real, sjellë rroga dhe pensione më të larta

Published

on

Qeveria e konstatoi buxhetin për vitin e ardhshëm, duke vlerësuar si real me projeksione reale, i fokusuar në kapitalin njerëzor, me rroga, pensione dhe investime kapitale të rritura në nivel deri 23 miliardë denarë. Peshon 3,898 miliardë euro dhe ka rritje prej pesë për qind në krahasim me vitin paraprak. Të ardhurat janë projektuar në 3,615 miliardë euro dhe rritje prej 5,6 për qind dhe deficit prej 2,3 për qind të BPV-së.

Propozimin, i cili do të dërgohet për miratim në Kuvend, e prezantuan në konferencë për shtyp kryeministri Zoran Zaev dhe ministrja e Financave, Nina Angellovska.

“Në qendër të vëmendjes kur krijohen politikat janë qytetarët dhe rritja e standardit, ndërsa politikat në vitin e ardhshëm do t’i përkushtohen mbështetjes së potencialit për rritje dhe për kujdes të çdo qytetari”, porositi kryeministri, duke cekur se është mbajtur llogari që çdo denar i qytetarëve të shfrytëzohet në mënyrë më të mirë dhe më produktive.

Ministrja Angellovska e vlerësoi si real buxhetin e propozuar për vitin e ardhshëm.

“Arsyeja pse mbështetja e kapitalit njerëzor është në fokus, ose investimi në qytetarët dhe krijimin e kushteve më të mira për jetë është sfida me të cilën përballemi si vend: për të mirëmbajtur dhe përmirësuar kapitalin njerëzor. Nëse nuk investojmë në vazhdimësi në kapitalin njerëzor, si vend nuk do të jemi konkurrent me ekonominë botërore dhe nuk do të mund të mbajmë rritjen ekonomike. Jemi të vetëdijshëm se si vend sipas indeksit të kapitalit njerëzor, e cila mat produktivitetin potencial të fëmijës konform investimit përmes shëndetësisë, arsimit dhe kujdesit social, ngecim në rajon. Buxhet i mirë është ai buxhet që i adreson prioritetet- ndërsa prioritet i rritjes dhe përparimit të vendit është kapitali njerëzor”, ka thënë ministrja e Financave.

Ajo shtoi se gjithsej 154 miliardë denarë do investohen në shëndetësi, arsim dhe mbrojtje sociale, që është 64 për qind nga shpenzimeve të përgjithshme ose rritje për rreth 10 miliardë në krahasim me vitin 2019.

Është paraparë rritje e rrogave, rritje e punësimeve, mbrojtjes sociale për kategoritë e ndjeshme, rritje e bruto-investimeve…

Rrogat do të rriten në shëndetësi prej janarit, në arsim gjithashtu prej janarit, ndërkaq parashihet edhe përmirësim i standardit të personave të moshuar për 700 denarë dhe së bashku me harmonizimin ekzistues do të jetë gjithsej 850 – 900 denarë.

Shpenzimet kapitale janë projektuar në nivel të 23 miliardë denarëve, Investimet dedikohen për intensifikim të projekteve infrastrukturore, gjegjësisht për investim në infrastrukturën rrugore dhe hekurudhore, si dhe investime kapitale për përmirësim të kushteve në sistemin shëndetësor, arsimor dhe social, bujqësi, kulturë, sport, mbrojtje të mjedisit jetësor dhe jurisprudencë. Pesë miliardë denarë janë planifikuar për investim në infrastrukturën energjetike dhe komunale dhe menaxhim me mbeturinat…

Për ndotjen e ajrit do të ketë 100 milionë denarë, që nuk janë mjete të përgjithshme, sepse, siç tha Zaev, një pjesë serioze është përfshirë në buxhetin e ministrive të veçanta dhe 100 milionë euro shtesë nga buxheti i EEM për furnizim të inverterëve ekologjikë për 10.0000 amvisëri.

Deficiti buxhetor për vitin 2020 është parashikuar në nivel prej 2,3 përqindëve të BPV-së, që është më e ulët nga 2,5 për qind të sivjetshme, konform me strategjinë fiskale 2020-2022, si dhe rekomandimet e të gjitha organizatave ndërkombëtare.

Deficiti paraqet 17,385 miliardë denarë.

Rritja e BPV-së është projektuar në 3,8 për qind, që bazohet në rritjen e konsumit privat, eksportit dhe investimeve – publike dhe private.

Propozim-buxheti për vitin e ardhshëm do t’i dërgohet Kuvendit të Republikës së Maqedonisë së Veriut.

Nga VMRO-DPMNE-ja opozitare vlerësuan se ky është buxheti më i madh në histori dhe se pushteti planifikon të shpenzojë 3,9 miliardë euro në programe populiste dhe jozhvillimore.

“Buxhet prej 3,9 miliardë eurove, ndërkaq asnjë denar më shumë për investime kapitale, asnjë denar më shumë për zhvillim. Buxheti i Zaevit është buxheti më i pazhvilluar që Maqedonia ndonjëherë e ka pasur”, tha Nikolla Miceski, deputet nga VMRO-DPMNE.

Continue Reading

Lajme

Aksidenti i autobusit në Bullgari: Familjarët e viktimave nuk i besojnë hetimit bullgar, rastin do ta dërgojnë në Strasburg

Published

on

By

Familjarët e viktimave dhe të mbijetuarve të aksidentit të rëndë të autobusit në autostradën e Strumës janë të pakënaqur me raportin e prokurorisë bullgare, e cila thotë se shkak i aksidentit ka qenë shoferi i cili ka humbur kontrollin e autobusit dhe ka lëvizur me shpejtësi të papërshtatshëm për rrugën, përcjell Telegrafi Maqedoni.

Familjarët e viktimave thonë se do të kërkojnë hetime të mëtejshme.

“Ne do të kërkojmë një hetim të vërtetë. Kjo do të shkojë në Strasburg! Le të thuhet e vërteta, dikush le të marrë përgjegjësi. Si mundet shoferi të kalojë kufirin e shpejtësisë? Cili autobus shkon 120 në orë? Kam qenë shofer gjatë gjithë jetës sime dhe e kam vozitur atë rrugë disa herë. E vërteta do të dalë në dritë.

Le të thotë dikush se çfarë kishte në autobus, jo se shoferi ishte me shpejtësi. Autobusi nuk digjet plotësisht në 30 minuta! Do të ketë sërish ekspertizë. Do të shkoni në Strasburg.

Nuk i besoj më as shtetit tonë dhe as shtetit bullgar. Kemi njerëz të gjallë që e kanë parë të vërtetën, nuk i besojmë, ndërsa besojmë, se fajin e ka shoferi i vdekur”, tha për “Sloboden Peçat” Kamuran Pajazitovski, i afërm i një udhëtari në autobusin e “Besa Trans”.

Orhan Aliti, një nga shtatë të mbijetuarit e aksidentit, i cili fatkeqësisht nuk arriti të shpëtojë djalin e tij 23-vjeçar, Visarin, në një prononcim për “Sloboden Peçat” tha se është në pritje të përfundimit të hetimeve nga institucionet.

“Presim që institucionet ta hetojnë rastin. Deri më tani askush nuk më ka kontaktuar përveç Kryqit të Kuq të Maqedonisë”, tha Aliti.

Në aksidentin e autobusit në Bullgari jetën e humbën 45 persona dhe 7 të tjerë u lënduar./Telegrafi/

Continue Reading

Lajme

Pendarovski: Do t’i afrohemi rekordit të Turqisë nëse nuk fillojmë bisedimet me BE-në sivjet

Published

on

By

Është zvogëluar mbështetja e qytetarëve për anëtarësimin në BE, besimi po bie, ndërsa edhe në tërësi – nuk ka lajme të mira në rajon rreth zgjerimit. Integrimi ekonomik duhet të shkojë paralelisht me atë politik. Nëse këto procese lëvizin të ndara, ashtu siç ekzistojnë angazhime, është e mundur të kemi një rritje ekonomike të caktuar, por të menaxhohemi nga autokratët. Baza për këtë është hedhur poshtë, retorika antiperëndimore në mediume në të gjithë rajonin është në rritje të pabesueshme dhe ka tendencë të bëhet dominante nëse tashmë nuk është, ndërsa edhe si rajon po shkojmë prapa në demokraci, tha presidenti Stevo Pendarovski në tryezën e sotme të rrumbullakët të ambasadorëve “Inkuadrimi i Ballkanit Perëndimor drejt BE-së: tregim i gjatë i (pa)përfunduar – Qëndrueshmëria e kursit të politikës së jashtme të Maqedonisë”.

Sipas Pendarovskit, nëse vendi edhe këtë vit nuk i fillon negociatat me BE-në, do të plotësojë 17 vite pritje para derës që dukshëm do t’i afrohet rekordit famëkeq të Turqisë.

Ai porositi se BE-ja nuk ka asnjë arsye racionale, strategjike ose taktike të frikohet nga inkuadrimi i Ballkanit Perëndimor sepse edhe efekti ekonomik dhe demografik i të gjashtë vendeve do të ishte shumë më i vogël se inkuadrimi i çdo shteti tjetër anëtar.

“Zgjerimi në tërësi është de fakto i ngrirë disa vite përpara. Nëse jemi real, duhet të tregojmë se BE-ja ende për fat të keq, është kthyer dhe ka debate se si duhet të duket e ardhmja e Evropës. Një pjesë e mirë e politikës së jashtme për momentin është e preokupuar me krizën në Ukrainë, por nevojitet angazhim i veçantë i Ballkanit Perëndimor”, theksoi presidenti.

Për qëndrueshmërinë e kursit të jashtëm politik të Maqedonisë, tha se për fat të keq, ekzistojnë tendenca të caktuara negative.

“Gjithnjë e më shumë anketat tregojnë se mbështetja për integrimin evropian po zvogëlohet, po zvogëlohet më shumë se mesatarja në Ballkanin Perëndimor ose thënë ndryshe, gjithnjë e më shumë qytetarë tanë janë pro njërës prej alternativave të mundshme të BE-së. Në përgjithësi, imazhi nuk është aq i errët dhe i keq. Ne jemi ende mirë në atë pjesë sepse kemi bërë kompromise mjaft të vështira për të cilat kemi paguar një çmim të lartë dhe pjesë e këtij çmimi është edhe mbështetja e reduktuar nga qytetarët që mendojnë se tashmë jemi thellë në negociata me BE-në. Ai çmim, nëse vazhdon bllokada, pres të rritet sepse këtë vit do të plotësojmë 17 vjet si vend kandidat për anëtarësim. “Ne po i afrohemi rekordit famëkeq të Turqisë, e cila ka negociuar me dekada dhe praktikisht është e ngrirë në negociata”, tha Pendarovski.

Ai përmendi se pa mbështetjen e qytetarëve, kursi i politikës së jashtme nuk mund të jetë i qëndrueshëm. Por, segment i rëndësishëm për qëndrueshmërinë është edhe lufta kundër korrupsionit dhe klientelizmit.

“Nëse duam të jemi pjesë e organizatave perëndimore evropiane dhe të kemi mbështetje nga qytetarët, këtu duhet të tregojmë rezultate të mira”, potencoi Pendarovski.

Sipas tij, lajme të mira arrijnë nga të dy motorët – Gjermania dhe Franca. Qeveria e re gjermane vazhdon me tempo të pandërprerë ta mbështesë integrimin e Ballkanit Perëndimor, veçanërisht të vendit tonë, ndërsa Franca edhe kundrejt faktit se do të ketë zgjedhje presidenciale, vjen me një retorikë krejtësisht të ndryshme.

“Në vlerësimin tim, dy fjalimet e fundit të presidentit francez janë retorikë disa nivele më lartë në favor të integrimit të rajonit. Ai thotë se Ballkani Perëndimor nuk është vetëm një pjesë gjeografike e Evropës dhe se nuk duhet t’i kthehet shpina. Kjo është mirë, theksoi Pendarovski.

Për nonpejperët me origjinë të panjohur të cilët qarkullojnë në rajon, vlerësoi se nuk kanë arritur të reflektojnë mbi politikat e jashtme të shteteve evropiane, përveç në mediume.

“Megjithatë, nuk ndikuan mbi politikat e qendrave të mëdha evropiane apo të gjithë anëtareve të BE-së, veçanërisht në nonpejperin fillestar në të cilin flitet gjoja për zgjidhje përfundimtare të shpërbërjes së Jugosllavisë. Në tërësi flitet për ndryshim të kufijve. Është mirë që për mendimin tim tregon se ndoshta iniciatori joformal i atyre nonpejperëve vjen nga rajoni, jo nga Evropa dhe më gjerë, tha Pendarovski.

Ai mendon se është lajm i shkëlqyer angazhimi i përforcuar i bashkësisë evropiane në Ballkanin Perëndimor. Për herë të parë pas 30 vitesh pavarësi, ai theksoi se deputetë të posaçëm nga tre shtete po merren njëkohësisht me rajonin.

Pendarovski u kthye edhe në sigurinë e rajonit, duke e përmendur situatën në BeH, por edhe dialogun Prishtinë-Beograd i cili, siç theksoi, zhvillohet me tempo të ngadaltë dhe kryesisht në nivel teknik.

Në fund përfundoi se nuk mund të ketë bashkëpunim rajonal më të mirë nëse nuk ka infrastrukturë të mirë rajonale, porositi Pendarovski dhe i bëri thirrje BE-së sa më shpejtë ta realizojë Planin për rindërtim sepse kontribuon për mbështetje më të madhe dhe besim nga qytetarët.

Në fjalën hyrëse, kryetari i Këshillit të ambasadorëve, Muhamed Halili theksoi se titulli i debatit është bazuar në dy supozime dhe një përfundim.

“Supozimi i parë është se asnjëherë nuk do të përfundojë integrimi i vendeve të Ballkanit Perëndimor, ndërsa i dyti është se procesi do të përfundojë. Të dy supozimet janë bazuar në deklaratat e samiteve të Këshillit Evropian, nga viti 2003 deri në 2020. Supozimi i parë nuk ka arsye të mbijetojë sepse e ardhmja e Ballkanit Perëndimor është në BE dhe këtu nuk ka dilema. Mendoj se dilema e dytë është zgjidhur sepse është shprehur qartë përkushtimi i vendeve anëtare të BE-së që vendet e Ballkanit Perëndimor të kenë perspektivë evropiane”, nënvizoi Halili.

Tryeza e rrumbullakët e ambasadorëve “Inkuadrimi i Ballkanit Perëndimor drejt BE-së: tregim i gjatë i (pa)përfunduar – Qëndrueshmëri e kursit të jashtëm politik të Maqedonisë”, mbahet në Klubin e deputetëve në Shkup, në organizim të Këshillit të ambasadorëve. Folës janë edhe zëvendëskryeministri për Eurointegrime Bojan Mariçiq, ministri i Punëve të Jashtme Bujar Osmani, kryetari i Komisionit kuvendor për Punë të Jashtme Antonio Milloshoski, si dhe euroambasadori Dejvid Gir. Do të flasin edhe ambasadorët e Italisë, Sllovenisë, Francës, Holandës, zëvendëshefat e misioneve nga ambasadat e Gjermanisë dhe të SHBA-së, si dhe ish ambasadorët Muhamed Halili, Aleksandra Naqeva-Ruzhin, Lupço Arsovski, Tihomir Ilievski dhe Gjorgji Filipov.

Continue Reading

Lajme

Nedellkov: Qeveria dhe MASH të shqyrtojnë vendimin për mbajtje të mësimit me prezencë fizike

Published

on

By

Kryetari i Sindikatës së Arsimit, Shkencës dhe Kulturë, Jakim Nedellkov përmes një shkrimi në Facbook ka bërë apel deri tek autoritetet që të shqyrtojnë mënyrën e mbajtjes së mësimit pas 1 shkurtit.

Nedellkov thotë që autoritetet duhet të shqyrtojnë vendimin për mbajtje të mësimit me prezencë fizike.
“Në një kohë të përqindjes së lartë të të infektuarve, temperaturave dimërore në minus, nuk jemi të sigurt nëse qeveria ka marrë vendimin e duhur për mënyrën e mbajtjes së mësimit në gjysmëvjetorin e dytë.

Dritaret e hapura të klasave nuk do të parandalojnë përhapjen e virusit. Qeveri, MASH, rishqyrtoni vendimin sa nuk është vonë!”, shkruan Nedellkov./Telegrafi/

Continue Reading

Aktuale