Connect with us

Maqedonia e Veriut

Qeveria lë në pritje tatimin progresiv

Published

on

Qeveria do të “ngrijë” tatimin progresiv për tre vjet dhe do të kthejë tatimin e sheshtë. Ministrja e financave Nina Angellovska e arsyetoi vendimin e Qeverisë në një konferencë për shtyp sot, transmeton Meta.mk,përcjell in7.

“Është analizuar periudha e gjashtë muajve të parë të këtij viti deri me gjashtë muajt e parë të vitit të kaluar. Efekti i tatimit progresiv dhe tatimit më të lartë të të ardhurave personale është se kjo për efekt ka pas evazion fiskal, përkatësisht janë humbur rreth 50 përqind të të ardhurave tatimore që kanë mund të mblidhen. Pabarazia është ulur me një përqind, do të thotë një përmirësim i vogël në shpërndarjen e të ardhurave”, tha Angelovska.

Ajo shtoi se në 36 muajt e ardhshëm, niveli i taksës 10 përqind do të zbatohej për të ardhurat nga puna, vetëpunësimi, të drejtat e autorit dhe të drejtat e lidhura dhe shitja e produkteve bujqësore të veta.

“Ai gjithashtu do të vihet në pritje dhe norma 15 përqind ose 10 përqind do të zbatohet gjithashtu për të drejtat e pronësisë industriale, nga qiraja dhe nën qiraja, kapitali neto, fitimet kapitale, sigurimet dhe të ardhurat e tjera”, shtoi ajo.

Ministria e financave propozon edhe shtyrje tre-vjeçare edhe për tatimin e fitimit të kapitalit nga letrat me vlerë si edhe për dispozitën për tatim të të ardhurave nga interesi i depozitave.

Angellovska theksoi se nuk bëhet fjalë për heqje të masave, por thjesht shtyrje për tre vite, periudhë gjatë së cilës si ministri kompetente ata do t’i përkushtohen hartimit të zgjidhjeve optimale dhe rritjen e vetëdijes dhe besimit në sistemin e tatimor. Sipas saj, tatimi progresiv u fut në përdorim në kohë të keqe, përkatësisht kur qytetarët dhe kompanitë nuk ishin të përgatitur dhe nuk kishin besim të mjaftueshëm në sistem për të paguar më shumë.

Ndryshime ka edhe në Ligji për vlerën e shtuar, përkatësisht pragu i regjistrimit për TVSH është rritur nga një në tre milion euro.

Continue Reading

Lajme

Nesër ditë jopune për qytetarët e besimit ortodoks

Published

on

Sipas Ligjit për festat e Republikës së Maqedonisë të Veriut (“Gazeta zyrtare e RMV” nr. 21/98 dhe 18/07), 19 janar i viti 2022 (e mërkurë), Epifania ( Uji i Bekuar), është ditë jopune për qytetarët e besimit ortodoks në Republikën e Maqedonisë së Veriut, kumtoi Ministria e Punës dhe Politikës Sociale.

Nga MPPS-ja uron qytetarët e besimit ortodoks për festën e Epifanisë (Dita e Ujit të Bekuar).

Continue Reading

Lajme

UNICEF: Shtyrja e gjysmëvjetorit të dytë të jetë e përkohshme, mbyllja e shkollave duhet të jetë zgjidhja e fundit

Published

on

Meqenëse vendi po kalon një valë tjetër të infektimeve me KOVID-19, gjithnjë e më shpesh të shkaktuar nga lloji omikron, interesi më i mirë i fëmijës duhet të jetë në qendër të çdo vendimi nëse shkollat ​​do të jenë të hapura. Vendimi i Qeverisë për shtyrjen e fillimit të vitit shkollor pas pushimit dimëror duhet të jetë masë e përkohshme dhe të bëhen të gjitha përpjekjet për kthimin e fëmijëve në klasa, kumtojnë nga Zyra e UNICEF-it në vendin tonë.

Përfaqësuesja e UNICEF-it, Patricia DiXhovani, konsideron se masat parandaluese në shkollat janë efektive dhe se prania fizike në shkollë nuk duket të jetë shtytësi kryesor i përhapjes së infeksionit.

“Për muajin e fundit të mësimdhënies në vitin 2021, të dhënat tregojnë shkallë shumë të ulët të infeksionit me vetëm 0,01 për qind raste të reja në ditë te nxënësit dhe 0,03 për qind te mësuesit. Për krahasim, në dy javët kur shkollat ​​u mbyllën për pushim dimëror, numri i rasteve të reja të infektuara në të gjitha grupmoshat u katërfishua, nga afërsisht 2.600 në 11.000 raste pozitive të konfirmuara. Ne duhet ta përdorim këtë njohuri për të bërë gjithçka që mundemi për t’i mbajtur shkollat ​​të hapura dhe që fëmijët të ndjekin mësimet në mënyrë të sigurt”, thotë DiXhovani.

Në vend ndodhte që fillimi i vitit shkollor të shtyhej për shkak të kushteve të këqija atmosferike, tregon ajo, por tani situata ka ndryshuar. Vonesat e mëparshme në fillim të vitit shkollor ishin të rralla dhe koha e humbur e mësimit ishte kompensuar. Situata aktuale është përkeqësuar nga periudhat e gjata të mbylljes së shkollave për shkak të pandemisë.

Është e qartë se është në interesin më të mirë të fëmijëve, thekson DiXhovani, të jenë në klasa dhe rihapja e shkollave duhet të jetë prioritet për të gjithë vendin. Rreziqet me të cilat përballen fëmijët kur janë jashtë shkollës mbeten më të mëdha se rreziqet në shkollë.

Continue Reading

Lajme

Mariçiq: Shfrytëzimi i emrit të shkurtuar është gjest i vullnetit të mirë nga të dy anët

Published

on

Me hapa të përbashkëta, nga të dy anët, është zgjidhur një nga çështjet e hapura, që ka paraqitur problem në një pjesë të organizatave ndërkombëtare, thotë zëvendës-kryeministri për Integrime europiane, Bojan Mariçiq, lidhur me vendimin e Bullgarisë që ta përdorë emrin e shkurtuar të shtetit tonë – Maqedonia e Veriut.

Kjo, sipas Mariçiqit, është gjest i vullnetit të mirë nga të dy anët për përfitimin e besimit të mëtejshëm.

“Me këtë hap i cili është një nga çështjet e hapura, do të zgjidhet një problem – do të mbyllim një çështje dhe do të heqim një nga bllokadat. Me këtë mbyllet një problem. Bullgaria praktikisht e ndryshon pozitën e saj dhe fillon ta përdorë emrin e shkurtuar. Edhe kryeministri Petkov, sot disa herë e ka përdorur emrin e shkurtuar – Maqedonia e Veriut. Është zgjidhur një çështje e hapur e cila neve na shkaktonte problem në pjesën e organizatave ndërkombëtare. Kjo është temë e cila pothuaj dy vite është e hapur dhe me të kontestohej e drejta jonë që të quhemi me emrin e shkurtuar”, tha Mariçiq në intervistën për televizionin Tellma.

Continue Reading

Aktuale