Connect with us

Maqedonia e Veriut

ASH-ja kërkon llogari nga funksionarët e BDI-së për mallverzimet që kanë bërë

Published

on

Aleanca për Shqiptarët (ASH) kërkon nga institucionet e ndjekjes penale që të insistojnë në përgjegjësinë e funksionarëve të dyshuar të BDI-së për, siç thonë ata, bëmat e tyre të deritanishme.

Nga kjo parti thonë  se BDI ka qenë në dijeni për çdo rast të montuar kundër shqiptarëve, por të vërtetat i ka fshehur dhe vazhdon t’i fsheh.

Aleanca për Shqiptarët akuzon funksionarët e BDI-së për pasurim në kurriz të qytetarëve, përcjell in7

“Të zezat e BDI-së tani sa kanë filluar të dalin në shesh! 14 vite të  gjithë kemi qenë dëshmitarë të punëve të liga që kjo parti ka bërë, e  më në fund po fillon koha që gjithë ajo qe ne si qytetarë e kemi ditur  të merr edhe rrugë ligjore. Rastet e montuara ndaj shqiptarëve kanë qenë prezent gjithmonë gjatë  qeverisjes së BDI-së qoftë kur kanë qenë në koalicion me VMRO-në apo  LSDM-në. Mjafton të bëjmë një kronologji të ngjarjeve për të kuptuar sa
interesxhinjë janë këta persona të korruptuar. Nisemi nga viti 2003, atëherë kur BDI ishte në koalicion me LSDM-në. U  deshën 16 vite që rasti Sopoti të zbardhet, e në fund të del e vërteta që populli e dinte që nga dita e pare.
Për të vazhduar më tej me rastet e montuara ndaj shqiptarëve në vitin 2008, me rastin Alfa. Nga ky rast 3 shqiptar u dënuan me burg të përjetshëm, dhe një me gjashtë vite burg.Vazhdojmë më tej në vitin 2010 kur u vra edhe Harun Aliu. Dhe vetëm pas dy viteve sërish vazhdoi zakoni i montimit të rasteve ndaj shqiptarëve, kësaj here në masa edhe më ekstreme me rastin “Monstra”, për të cilin u akuzuan gjashtë shqiptarë pa asnjë prove! Dhe më e keqja ndodh tani kur pas 7 viteve zbardhen biseda nga të cilat kuptojmë se BDI gjatë tërë kohës ka qenë në dije për këtë rast,
dhe jo vetëm. Ç’është ajo që BDI di për të gjitha rastet e sipër përmendura dhe vazhdon ta fshehë, cilës përgjegjësi po mundohen t’i ikin?! Ishte BDI me LSDM-në ato që lejuan rikualifikimin e lëndës së Almir  Aliut. Pse kjo qeveri duhej të njolloste edhe emrin e Fetah Alimit, vetëm sepse shpëtoi dikë që ju nuk e doni? Përfshirja e BDI-së nuk mbetet vetëm në mënyrë indirekte, por përfshirja e tyre është edhe direkte në punë joligjore. Në një periudhë shumë të shkurtë kohore, Komisioni Antikorrupsion ka ngritur kërkesë që të përndiqen penalisht dy kryetarë komunash të BDI-së, Ramiz Merko i Strugës dhe Blerim Bexheti i komunës së Sarajit. Për të dy ekzistojnë fakte të forta të cilat Komisioni Antikorrupsion ka arritur t’i sigurojë, prandaj dhe janë hapur hetime plotësuese që të ndiqen penalisht.
Aleanca për Shqiptarët kërkon nga organet kompetente t’i qasen çështjeve seriozisht, duke mos anuar dhe duke mos krijuar drejtësi selektive. Por pyesim BDI-në cili prokuror politik që vetë e kanë kurdisur në prokurori do t’i shpëtojë kësaj radhe? Aleanca për Shqiptarët duke u thirrur në Kodeksin e Sjelljes së Nëpunësve të Doganës, kërkon dorëheqjen e zv.drejtorit të Doganave, z. Irfan Buçi për shkak të përgjegjësisë morale që duhet të bart! Ai jo
vetëm vet që e ka shkelur ligjin, por ka mundësuar shkelje grupore të ligjit nga ana e doganierëve, të cilët në mënyrë absolute e kanë të ndaluar publikisht të favorizojnë një parti politike! Askush nuk ka të drejtë të pasurohet në kurriz të qytetarëve dhe  tatimeve që paguajnë me djersen e ballit. Këtë e kanë bërë me vite të tëra funksionarë të BDI-së pa pikën e turpit”, deklaroi Abidin Abduli, Aleanca për Shqiptarët.

Continue Reading

Lajme

Nesër ditë jopune për qytetarët e besimit ortodoks

Published

on

Sipas Ligjit për festat e Republikës së Maqedonisë të Veriut (“Gazeta zyrtare e RMV” nr. 21/98 dhe 18/07), 19 janar i viti 2022 (e mërkurë), Epifania ( Uji i Bekuar), është ditë jopune për qytetarët e besimit ortodoks në Republikën e Maqedonisë së Veriut, kumtoi Ministria e Punës dhe Politikës Sociale.

Nga MPPS-ja uron qytetarët e besimit ortodoks për festën e Epifanisë (Dita e Ujit të Bekuar).

Continue Reading

Lajme

UNICEF: Shtyrja e gjysmëvjetorit të dytë të jetë e përkohshme, mbyllja e shkollave duhet të jetë zgjidhja e fundit

Published

on

Meqenëse vendi po kalon një valë tjetër të infektimeve me KOVID-19, gjithnjë e më shpesh të shkaktuar nga lloji omikron, interesi më i mirë i fëmijës duhet të jetë në qendër të çdo vendimi nëse shkollat ​​do të jenë të hapura. Vendimi i Qeverisë për shtyrjen e fillimit të vitit shkollor pas pushimit dimëror duhet të jetë masë e përkohshme dhe të bëhen të gjitha përpjekjet për kthimin e fëmijëve në klasa, kumtojnë nga Zyra e UNICEF-it në vendin tonë.

Përfaqësuesja e UNICEF-it, Patricia DiXhovani, konsideron se masat parandaluese në shkollat janë efektive dhe se prania fizike në shkollë nuk duket të jetë shtytësi kryesor i përhapjes së infeksionit.

“Për muajin e fundit të mësimdhënies në vitin 2021, të dhënat tregojnë shkallë shumë të ulët të infeksionit me vetëm 0,01 për qind raste të reja në ditë te nxënësit dhe 0,03 për qind te mësuesit. Për krahasim, në dy javët kur shkollat ​​u mbyllën për pushim dimëror, numri i rasteve të reja të infektuara në të gjitha grupmoshat u katërfishua, nga afërsisht 2.600 në 11.000 raste pozitive të konfirmuara. Ne duhet ta përdorim këtë njohuri për të bërë gjithçka që mundemi për t’i mbajtur shkollat ​​të hapura dhe që fëmijët të ndjekin mësimet në mënyrë të sigurt”, thotë DiXhovani.

Në vend ndodhte që fillimi i vitit shkollor të shtyhej për shkak të kushteve të këqija atmosferike, tregon ajo, por tani situata ka ndryshuar. Vonesat e mëparshme në fillim të vitit shkollor ishin të rralla dhe koha e humbur e mësimit ishte kompensuar. Situata aktuale është përkeqësuar nga periudhat e gjata të mbylljes së shkollave për shkak të pandemisë.

Është e qartë se është në interesin më të mirë të fëmijëve, thekson DiXhovani, të jenë në klasa dhe rihapja e shkollave duhet të jetë prioritet për të gjithë vendin. Rreziqet me të cilat përballen fëmijët kur janë jashtë shkollës mbeten më të mëdha se rreziqet në shkollë.

Continue Reading

Lajme

Mariçiq: Shfrytëzimi i emrit të shkurtuar është gjest i vullnetit të mirë nga të dy anët

Published

on

Me hapa të përbashkëta, nga të dy anët, është zgjidhur një nga çështjet e hapura, që ka paraqitur problem në një pjesë të organizatave ndërkombëtare, thotë zëvendës-kryeministri për Integrime europiane, Bojan Mariçiq, lidhur me vendimin e Bullgarisë që ta përdorë emrin e shkurtuar të shtetit tonë – Maqedonia e Veriut.

Kjo, sipas Mariçiqit, është gjest i vullnetit të mirë nga të dy anët për përfitimin e besimit të mëtejshëm.

“Me këtë hap i cili është një nga çështjet e hapura, do të zgjidhet një problem – do të mbyllim një çështje dhe do të heqim një nga bllokadat. Me këtë mbyllet një problem. Bullgaria praktikisht e ndryshon pozitën e saj dhe fillon ta përdorë emrin e shkurtuar. Edhe kryeministri Petkov, sot disa herë e ka përdorur emrin e shkurtuar – Maqedonia e Veriut. Është zgjidhur një çështje e hapur e cila neve na shkaktonte problem në pjesën e organizatave ndërkombëtare. Kjo është temë e cila pothuaj dy vite është e hapur dhe me të kontestohej e drejta jonë që të quhemi me emrin e shkurtuar”, tha Mariçiq në intervistën për televizionin Tellma.

Continue Reading

Aktuale