Connect with us

Lajmet kryesore

A do të arrijë Pendarovski të bindë Macron-in me argumente të tërheqë veton

Published

on

Presidenti Stevo Pendarovski, i cili po merr pjesë në Forumin e paqes në Paris, do të takohet sot me Presidentin Francez Emmanuel Macron.

Në takimin e tij me Macron, Pendarovski do të ketë mundësinë të dëgjojë drejtpërdrejt pikëpamjet e Francës për zgjerimin dhe metodologjinë e re të negociatave.

Ai javën e kaluar tha se takimi me Macron është një mundësi e mirë për të paraqitur argumente nga të dy palët dhe për të dëgjuar motivet e presidentit francez. Ai gjithashtu theksoi se ne si vend nuk kemi asnjë rezervë për metodologjinë e re të shpallur.

Pendarovski gjithashtu ka thënë se në periudhën e ardhshme duhet të marrim një sinjal më të fortë nëse së shpejti mund të kthehet mbrapa rezultati i pafavorshëm që doli nga samiti i fundit evropian, veçanërisht qëndrimi i Francës, e cila ishte kundër fillimit të negociatave të pranimit me Maqedoninë e Veriut dhe Shqipërinë, shkruan in7.

Kreu i shtetit vlerësoi se ai nuk shkon me pritshmëri të mëdha në këtë takimi pasi, siç tha ai, edhe pse ne jemi një vend i vogël dhe kemi argumente të forta, nuk mund të bindet presidenti i Francës, një gjë të tillë, sipas tij, nuk mund ta bëja as Amerika e as Gjermania.

Parisi insiston në reformat e brendshme të BE-së dhe ndryshimin e metodologjisë për pranimin e vendeve të reja anëtare.

Javën e kaluar, Ambasadori francez në vend Christian Timonie nuk komentoi pyetjen e një gazetar në lidhje me pritjet nga takimo në mes Presidentit Pendarovski dhe kreut të shtetit francez, Macron në Paris dhe nëse kjo do të kontribuonte në dinamikën e marrëdhënieve RMV-Francë.

“Në të gjithë atë që është komunikim me atë vizitë zyrtare, unë do t’ju referoja përgjigjen ta merrni tek Presidenca e Republikës, sepse mendoj se nuk do të ishte mirësjellje nga ana ime nëse do të flisja paraprakisht,” ka thënë ambasadori francez Timonie./in7.tv/

 

Continue Reading

Komente

Ziadin Sela: “Rexhail Qerimi, na dogji zemrat të gjithëve me ikjen e tij të parakohshme nga kjo botë”

Published

on

By

Ziadin Sela në facebook:

Edhe një tragjedi e madhe që vjen si pasojë e padrejtësisë dhe diskriminimit të këtij sistemi të kapur nga krimi dhe korrupsioni.

Rexhail Qerimi, na dogji zemrat të gjithëve me ikjen e tij të parakohshme nga kjo botë.

Nuk iu lejua të shijojë lirinë dhe drejtësinë, të cilën gjithë opinioni e pa se ai e meritoi më shumë se çdo kush tjetër.

Si çdo shqiptar në këtë shtet, ndjehem i neveritur dhe thellësisht i revoltuar nga lajmi për vdekjen e Rexhail Qerimit, i cili mbahej në burgun e Idrizovës për më tepër se një dekadë, i dënuar padrejtësisht në rastin “Alfa”.

Rasti “Alfa” do të ngelet një ndër rastet më eklatante të montuara politike kundër shqiptarëve, në të cilin tre të pafajshëm, pa asnjë provë materiale, u dënuan me burg të përjetshëm pas ekzekutimit nga një grup ende i panjohur, të një polici shqiptar të njësitit “Alfa” në parkingun e fakultetit matematiko-natyror në vitin 2008.

Për vite me radhë, politika dhe drejtësia ia hudhën fajin njëra-tjetrës për mbajtjen e këtyre qytetarëve të pafajshëm, duke injoruar dëshmitë materiale dhe konkluzionet e ekspertizës ndërkombëtare të video materialit nga kamerat e sigurisë që dëshmojnë pafajësinë e Rexhailit dhe të dënuarve të tjerë. Për pasojë, rasti nuk gjeti epilogun e drejtë dhe shqiptarët sot kanë një martir të ri të drejtësisë së verbër dhe selektive, të instaluar për vite më radhë nga shteti i kapur që ka shndërruar shqiptarin në fajtorin kujdestar për çdo krim të pasqaruar e të montuar.

Vdekja e Rexhailit na rikujton edhe njëherë falimentimin e shtetit të së drejtës dhe nevojën urgjente për të siguruar një gjyqësor të pavarur, efikas dhe të drejtë. Kjo mund të arrihet vetëm përmes vetingut në gjyqësor për të eliminuar ndërhyrjet politike, sjelljet bllokuese, joetike dhe shpeshherë korruptive të gjyqtarëve dhe prokurorëve.

Përballë këtij falimentimi, vazhdojmë të besojmë se zgjidhja e vetme për rastet e montuara politike dhe të korrupsionit të nivelit të lartë ngelet krijimi i një misioni evropian për shtetin e së drejtës, që do të ketë për mision kryesor rishikimin e procedurave gjyqësore në lidhje me këto raste.

Familjes së Rexhailit i shprehim ngushëllimet tona më të sinqerta. Bashkëndjejmë dhimbjen e tyre dhe u kërkojmë falje që nuk kemi mundur të bëjmë më tepër për lirimin e tij dhe të gjithë shqiptarëve të pafajshëm.

Drejtësia ka dështuar për Rexhailin dhe ajo do të vonojë për të pafajshmit e tjerë që po mbahen padrejtësisht në burgjet tona, por Aleanca për Shqiptarët zotohet se drejtësia nuk do të harrojë.

Continue Reading

Lajme

“Avokat i Popullit ku je?” – Shpëtim Pollozhani reagon pas vdekjes tragjike të Rexhail Qerimit në burg

Published

on

By

“Avokat i Popullit ku je?” – Shpëtim Pollozhani reagon pas vdekjes tragjike të Rexhail Qerimit në burg

Shpëtim Pollozhani në facebook:

AVOKATI I ,,POPULLIT” KU JE?

EDHE NJË I BURGOSUR POLITIK VDIQ NË BURGUN E IDRIZOVËS DUKE PRITUR DREJTËSI MBI 14 VJETË!

Continue Reading

Lajme

“Unë nuk kam 11 milionë euro për me dal prej burgu” – Ja çka thoshte Rexhail Qerimi disa ditë më parë

Published

on

By

“Unë nuk kam 11 milionë euro për me dal prej burgu” – Ja çka thoshte Rexhail Qerimi disa ditë më parë

Rexhail Opaja i dënuar me burgim të përjetshëm mesazh politikanve:

“Unë si kam 11 milion euro për me dale prej burgu, por kam pafajsinë dhe gjithë ato dëshmi që s’po merren për bazë e vuj 14 vite i pafajshëm n’burg”

Continue Reading

Aktuale