Connect with us

Lajme

Kush i vodhi pemët e sapombjellura në Çair?

Published

on

Vidhen fidanët e porsambjellë në poliklinikën “Çair”

Autorë të panjohur mbrëmë i vodhën nëntë fidanët zbukurues nga gjelbërimi publik para Poliklinikës “Çair” në Shkup të cilat gjatë ditës së djeshme i mbollën ekipet e NP “Parqe dhe gjelbërime”.

Qyteti i Shkupit kumtoi se me vjedhjen janë shkaktuar dëme materiale, ndërsa paraprakisht gjelbërimi i rregulluar në atë lokacion ka qenë i shkelur dhe i shkatërruar. Incidenti është raportuar në polici.

Ekipet e Qytetit të Shkupit dhe NP “Parqe dhe gjelbërime” këtyre ditëve janë në terren në të gjitha komunat e Shkupit dhe po mbjellin drunj të rinj gjetherënëse dhe gjethembajtëse për të rinovuar vargun e shkatërruar të pemëve përgjatë rrugëve dhe bulevardeve të qytetit dhe për të vendosur të reja. Në këtë aksion vjeshtor për mbjelljen e drunjve, në vendin e fidanëve të vjedhur para Poliklinikës “Çair” do të mbillen fidanë të rinj.

“Mbjellja e drunjve është prioritet i Qytetit të Shkupit si një investim për mjedis të pastër dhe të shëndetshëm. Shkupi dhe shkupjanët meritojnë të kenë zona të gjelbra dhe të mirërregulluara. Prandaj, Qyteti i Shkupit u bën apel të gjithë qytetarëve t’i ruajnë drunjtë dhe gjelbërimet e tjera në zonat publike të gjelbra dhe të kontribuojnë për mjedis më të pastër dhe më të shëndetshëm”, thuhet në kumtesën e Qytetit të Shkupit.

Continue Reading

Lajme

Hapet thirrja për aplikim në konkursin për Abetaren e përbashkët Kosovë-Shqipëri

Published

on

Ministria e Arsimit e Kosovës dhe ajo e Shqipërisë sot kanë hapur thirrjen për aplikim në konkursin për tekstin e vetëm të përbashkët “Abetare”, të shoqëruar me fletoren e punës. Këtë e ka bërë të ditur ministrja e Arsimit, Shkencës, Teknologjisë dhe Inovacionit (MASHTI), Arbërie Nagavci, e cila ka ftuar shtëpitë botuese nga të dy shtetet që të aplikojnë në këtë konkurs.

Në një postim në Facebook, Nagavci ka thënë se ka filluar jetësimi i Marrëveshjes për Abetaren e re të përbashkët cilësore dhe unike, që do ta përdorin si tekst të parë të gjithë fëmijët shqiptarë në Kosovë, Shqipëri dhe kudo që ata mësojnë shqip.

Po ashtu, ministja Nagavci ka shprehur bindjen e saj të plotë se në vitin e ri shkollor, vogëlushët e të dyja shteteve do ta kenë në dorë Abetaren e re.

“Ky libër simbol, le të jetë një dhuratë për vogëlushët tanë në 110 vjetorin e Pavarësisë”, ka thënë Nagavci.

E krejt kjo, sipas saj, ka ardhur si rezultat i një pune të përbashkët të Komisionit për organizimin e konkursit për Abetaren e re.

“Një gjuhë, një Abetare… Pas një pune të përbashkët të Komisionit për organizimin e konkursit për Abetaren e re, Ministria e Arsimit e Kosovës dhe ajo e Shqipërisë sot kanë hapur thirrjen për aplikim në konkursin për tekstin e vetëm të përbashkët ‘Abetare’, të shoqëruar me fletoren e punës. Ftoj shtëpitë botuese nga të dy shtetet tona që të aplikojnë në këtë konkurs, rezultatet e të cilit do të bëhen publike në qershor të këtij viti”, ka thënë ajo.

Continue Reading

Kosovë

Ndërron jetë ish-ushtarja e UÇK-së, Vjosa Qerimaj

Published

on

Ka ndërruar jetë sot Vjosa Qerimaj, ish-ushtare e UÇK-së dhe infermiere aso kohe.
Lajmin për vdekjes e infermieres së luftës e kanë bërë të ditur familjarë të saj.

“Motra jone Vjosa na la sot. Ajo ka sherbyer si ushtare e Ushtrise Çlirimtare te Kosoves si infermiere ne kohet me te veshtira per ushtaret e plagosur, dhe me nevoje mjekesore. Kontributi i saj nuk do te harrohet kurre, dhe do te na mbaje krenar gjithe jeten.”, shkruhet në njoftimin e tyre.

Continue Reading

Lajme

Bumçi: Eurodeputetët i kanë dërguar një letër Bashës, ja për çfarë bëhet fjalë

Published

on

Anëtari i Komisionit të Rithemelimit Aldo Bumçi i ftuar në “Radarin Informativ” është pyetur nëse përfaqësues të Partisë Popullore Europiane janë ofruar që të negociojnë krizën e brendshme në Partinë Demokratike.

Bumçi tha se ka një letër të 3 eurodeputetëve për Bashën, në të cilën sipas tij i kërkojnë që të pranojë Kuvendin e 11 dhjetorit, të mbledhur nga ish-kryeministri Berisha.

“PPE ka si qëndrim që ne nuk përfshihemi në çështje te partive. Ka një letër të 3 eurodeputetëve gjermane, në PPE dhe një eurodeputeti një vendet e rajonit që i drejtohen Bashës që të pranojë 11 dhjetorin.

Kriza në PD është zgjidhur me 11 dhjetor nga demokratët. Ne do vazhdojmë betejën kundër Ramës”, tha Bumçi.

Continue Reading

Aktuale