Connect with us

Kosovë

Veton Surroi për Ministër të Jashtëm – dëshirë e Vetëvendosjes?

Published

on

Partia e Albin Kurtit ka nisur përpjekjet për ta bërë Veton Surroin Ministër të Jashtëm.

Burime të Express brenda VV’së kanë thënë se ish-Shefi i Partisë ORA, Veton Surroi, mund të bëhet Shef i diplomacisë kosovare.
Këtë opsion është duke u munduar ta realizojë Partia e Albin Kurtit.

Autori i librit “Përcaktimi i dashurisë së Marie Gjonit” ka pasur një afërsi me Vetëvendosjen prej kur kishte dështuar ta kalonte pragun në garën elektorale të vitit 2007.

Madje, në zgjedhjet e fundit ka dalë hapur pro fitores së partive opozitare, VV’së e LDK’së.

Ish-gazetari ishte përmendur edhe për shef të diplomacisë shqiptare pasi Edi Rama kishte vendosur të emëronte dikë nga Kosova si kryediplomat. Kur kishte ndodhur bllokada më 2011, themeluesi i “Kohës Ditore” ishte përmendur edhe për Shef të Shtetit por këtë pozitë ishte rezervuar për Atifete Jahjagën.

Zyrtarët e Partisë së shuar të Surroit janë shpërndarë në LDK e Vetëvendosje duke marrë pozita udhëheqëse në këto parti.

Lëvizja Vetëvendosje dhe Lidhja Demokratike kanë nisur të kërkojnë emra për Ministra edhe jashtë partive të tyre për të ndërtuar një Qeveri sa më kredibile. Përpos në diplomaci, Albin Kurti dhe Isa Mustafa po kërkojnë emra të pakompremetuar për t’i vënë në krye të dikastereve qeveritare.

Albin Kurti për herë të parë doli i pari në zgjedhje duke fituar 32 deputetë. LDK e dyta me 29 të zgjedhur të popullit.

Një muaj para zgjedhjeve, Surroi kishte thënë se ardhja e Albin Kurtit si Kryeministër duket reale dhe kishte lavdëruar Vetëvendosjen për ofertën që ia kishin bërë LDK’së për koalicion parazgjedhor.

Continue Reading

Kosovë

Ndërron jetë ish-ushtarja e UÇK-së, Vjosa Qerimaj

Published

on

Ka ndërruar jetë sot Vjosa Qerimaj, ish-ushtare e UÇK-së dhe infermiere aso kohe.
Lajmin për vdekjes e infermieres së luftës e kanë bërë të ditur familjarë të saj.

“Motra jone Vjosa na la sot. Ajo ka sherbyer si ushtare e Ushtrise Çlirimtare te Kosoves si infermiere ne kohet me te veshtira per ushtaret e plagosur, dhe me nevoje mjekesore. Kontributi i saj nuk do te harrohet kurre, dhe do te na mbaje krenar gjithe jeten.”, shkruhet në njoftimin e tyre.

Continue Reading

Kosovë

Të pakënaqur, banorët e një fshati në Podujevë nuk e lejojnë imamin e ri të hyjë në xhami

Published

on

Banorët e fshatit Halabak të Podujevës janë të pakënaqur me imamin e ri, të përzgjedhur nga Bashkësia Islame e Kosovës.

Janë rreshtuar para xhamisë së fshatit, raporton T7.

Para se të falin namazin e së premtes, ata po sigurohen që të parandalojnë ardhjen e imamit të ri në fshatin Halabak të Podujevës.

Të vendosur se nuk e duan të përzgjedhurin e Bashkësisë Islame, ka dy të premte që ka pasur përleshje verbale kur ka ardhur imami, të cilin s’e kanë lejuar brenda xhamisë.

Prandaj, edhe këtë ditë Policia e Kosovës po e vëzhgon situatën.

Madje për këtë, banorët kanë nënshkruar një peticion dhe një sërë kërkesash për Bashkësinë Islame e po ashtu edhe për Avokatin e Popullit.

Por ankesat nuk mbarojnë.

Banorët thonë se për ta është dëshpëruese që nuk u morën parasysh nga Bashkësia Islame.

Pak kohë më pas, filloi edhe namazi i së premtës në xhami.

E atë e drejtoi imami i përzgjedhur nga banorët e fshatit.

Continue Reading

Kosovë

Drecun i përgjigjet Escobarit: Serbia nuk pranon Asociacion…

Published

on

Kryetari i Komisionit për Kosovën në Parlamentin e Serbisë, Milovan Drecun, ka thënë se për Serbinë është i papranueshëm çdo model i Asociacionit të Komunave me shumicë serbe pa kompetenca ekzekutive.

Reagimi i Drecunit, që është deputet në Parlamentin e Serbisë nga partia e Aleksandar Vuçiqit, vjen si përgjigje një deklarate të dërguarit të Posaçëm amerikan për Ballkanin Perëndimor, Gabriel Escobar, se Kosovës do t’i ofrohen disa modele të formimit të Asociacionit të komunave me shumicë serbe, pa kompetenca ekzekutive.

Drecun, siç raportojnë mediat serbe, tha se sipas Marrëveshjes së Brukselit është definuar që Asociacioni të ketë kompetenca ekzekutive duke thënë se ky organ nuk formon asnjë nivel tjetër të qeverisjes dhe se ky nuk ka qenë qëllimi i Beogradit dhe as i popullit serb.

“Escobar ka folur për atë se ndoshta duhet të mendohet që Asociacioni të jetë pa kompetenca ekzekutive, dhe se nuk duhet të ketë një nivel tjetër qeverisjeje dhe se mund të ketë një marrëdhënie tjetër bashkëpunimi mes pushteteve lokale. Ky ndoshta është një vizion i tij kornizë se si ndoshta problemi mund të zgjidhet, respektivisht që Prishtina nuk dëshiron të formojë Asociacionin”, tha Drecun.

Ai thekson se kjo është e papranueshme për Serbinë dhe rithekson se Asociacionin është i definuar me kompetenca ekzekutive që nuk nënkuptojnë asnjë nivel tjetër të qeverisjes.

Çështja e Asociacionit të Komunave me shumicë serbe do të jetë një nga temat, të cilat priten të diskutohen gjatë vizitës së të dërguarit të Posaçëm amerikan për Ballkanin Perëndimor, Gabriel Escobar, dhe nga përfaqësuesi i Posaçëm i BE-së për dialogun Kosovë-Serbi, Mirosllav Lajçak, javën e ardhshme gjatw vizitws nw Kosovw dhe Serbi.

Para vizitws nw Kosovw Escobar ka deklaruar se ShBA nxisin qeverinë e Kosovës të shqyrtojë modelet e shumta për Asociacionin.

“Ka shumë modele që funksionojnë, duke përfshirë modele të shumta që do të lejonin bashkërenditje më të mirë lokale pa një nivel tjetër të qeverisë ose pushtetit ekzekutiv. E nxisim qeverinë e Kosovës që t’i shqyrtojë me kujdes këto modele”, deklaroi Escobar.

Continue Reading

Aktuale