Connect with us

Lajme

Rritja e pagave në arsim / SASHK : Do vazhdojmë të bëjmë presion

Published

on

Rritja e re prej 10 për qind nga janari i vitit 2020, për SASHK-un vendimi është fillim i zgjidhjes së çështjeve të tjera të hapura

Të punësuarit në arsimin fillor, të mesëm dhe të lartë do të marrin rritje të re të pagave prej 10 për qind nga 1 janari i vitit 2020, është dakorduar në takimin e sotëm në Ministrinë e Arsimit dhe Shkencës midis ministrit dikasterial Arbër Ademi dhe përfaqësuesve të Sindikatës për Arsim, Shkencë dhe Kulturë (SASHK) të udhëhequr nga kryetari i tyre Jakim Nedellkov.

Pas takimit një orë e gjysmë ministri Ademi deklaroi se bëhet fjalë për një moment historik sepse kjo është rritja e tretë pas atyre që mësimdhënësit i kanë marrë shtatorin e kaluar dhe të tanishëm prej pesë për qind, duke theksuar se bëhet fjalë për rritje kumulative prej 21,3 për qind në një mandat.

Për zhvendosjen e pagesës për tre muaj, në janar në vend që në prill siç ishte propozuar paraprakisht, në Buxhet do të ndahen në mënyrë shtesë 1,4 miliardë denarë.

Ademi tha se mësimdhënësit meritojnë paga më të mëdha dhe se gjithmonë MASH-i do të jetë në anën e tyre, por se tani për tani këto janë mundësitë.

“Rritja e tretë  për 10 për qind do të llogaritet nga 1 janari i vitit 2020, edhe atë për arsimin fillor, të mesëm dhe të lartë. Ka vendim do ta kthejë dinjitetin e profesionit të mësuesit dhe profesorit dhe do të krijojë kënaqësi te të gjithë të punësuarit në veprimtarinë e arsimit. Jam krenar që së bashku me kryeministrin  Zoran Zaevin në këtë periudhë intensivisht negociuam dhe u konsultuam me përfaqësuesit e SASHK-ut të ketë paga me të cilët profesioni mësimdhënës do të jetë me dinjitet. Edhe në periudhën e ardhshme  do të vazhdojmë ta përmirësojmë statusin material dhe social të të gjithë të punësuarve në arsim dhe do të fokusohemi të përmirësohen edhe ligjet me të cilat do të ndikojmë në motivimin e të punësuarve”, theksoi Ademi pas takimit me përfaqësuesit e SASHK-ut.

Kryetari i SASHK-ut, Jakim Nedellkov është i kënaqur me rezultatin e, siç tha, raundin e fundit të negociatave pas disa takimeve të deritanishme me ministrin e Arsimit.

 

“Kërkesa jonë për fillimin e rritjes së pagave nga 1 janari i vitit 2020 sot edhe zyrtarisht  u pranua nga MASH-i. Patëm një periudhë të vështirë me negociata të rënda me MASH-in dhe me Qeverinë, tentuam në mënyrë konstruktive dhe të pranueshme reciproke, me argumente të gjejmë zgjidhje për përmirësimin e statusit social të të gjithë të punësuarve në veprimtarinë e arsimit”, theksoi Nedellkov, duke shtuar se kjo është me rëndësi që me arritjen e marrëveshjes nuk do të aktivizohet greva që ishte paralajmëruar për më 11 nëntor.

Theksoi se me arritjen e marrëveshjes nuk është mbyllur çështja, por ky është fillimi për hapjen e çështjeve të reja për probleme të tjera të të punësuarve dhe anëtarëve të Sindikatës, siç është regresi për pushimin vjetor, shpenzimet për transport deri te vendi i punës, vlerësimi real i mësimdhënësve në paralele të kombinuara, për orët shtesë në masim etj.

“Ne sot përfundojmë një periudhë të negociatave, por këtë kënaqësi nuk duhet ta pranojmë në mënyrë euforike, por kjo kënaqësi duhet të manifestohet në një presion edhe më të madh nga ne si Sindikatë për realizimin e këtyre çështjeve”, theksoi Nedellkov.

Në pyetjen nëse SASHK-u është pajtuar që rritja të jetë 10 për qind, duke pasur parasysh se fillimisht ka kërkuar të jetë proporcionale në rritjen e pagës minimale në shtet, Nedellkov u përgjigj se pret përqindja e rritjes të jetë më e lartë pasi do të zgjidhen kërkesat e tjera, siç janë kontributet për pagat.

“Në këtë moment vlerësuam se nuk është e mundur tani dhe menjëherë të gjindet një zgjidhje e tillë”, tha Nedellkov, duke shtuar se nuk do të ishte mirë për askënd nëse të hënën hynin në grevë të përgjithshme që në pako ti shqyrtojnë të gjitha kërkesat e tyre. Theksoi se dialogu social me MASH-in është konstruktiv, se SASHK-u është Sindikatë serioze e cila, siç tha, nuk dëshiron me çdo kusht të shkojë në grevë dhe të negociojë nën presion.

Continue Reading

Lajme

Osmani: ASh do të jetë balancues mes inateve të BDI-së dhe Lëvizjes Besa, të cilët nuk e kanë dertin për qytetarët

Published

on

By

Osmani: ASh do të jetë balancues mes inateve të BDI-së dhe Lëvizjes Besa, të cilët nuk e kanë dertin për qytetarët

Abdulla Osmani nga Aleanca për Shqiptarë në debatin “Click21” tha se ASh do të jetë balancues mes inateve të BDI-së dhe Lëvizjes Besa.

“Unë besoj se populli e ka të qartë se pse njëra parti nuk duhet ti ketë 16 këshilltarë dhe pse tjetra nuk duhet të rikthehet në Këshillin komunal. Unë i garantoj qytetarët se ASh edhe këtë radhë do të jetë përkrah tyre dhe do të jetë balancuesi i këtyre dy inatave të mëdha për të cilën në fund të fundit e kanë vetëm për rejtingun e tyre partiak dhe nuk e kanë aspak për dertin e qytetarëve. Përndryshe ne nuk do të ishim në këtë situatë ku jemi sot, tha Osmani.

Debati i plotë:

Continue Reading

Lajme

Abdulla Osmani, Tetovarët kanë mundësi tu japin zë të rinjve

Published

on

By

Abdulla Osmani, Tetovarët kanë mundësi tu japin zë të rinjve

Bartësi i listës së ASH-së, Abdulla Osmani në emisionin ClickPlus ka treguar arsyet se pse Tetovarët duhet mbështetur lista e ASH-së. Sipas Osmanit në Tetovë nuk ka hapsira të gjelbërta, se në Tetovë nuk ka vende për të rinjë dhe nuk ke një vend ku mund të dalin të rinjtë apo të mëshuarit, për këtë arsye qytetarët kanë mundësi ti japin zë rinisë.Top24

Continue Reading

Bota

Përmbytje në Kinë, 16 të vdekur dhe 36 të zhdukur

Published

on

By

Përmbytje në Kinë, 16 të vdekur dhe 36 të zhdukur

Si pasojë e reshjeve të papritura, të cilat shkaktuan rrëshqitjen e dheut dhe ndryshimin e rrjedhës së një lumi, 16 njerëz kanë vdekur dhe dhjetëra të tjerë janë zhdukur nga përmbytjet në veriperëndim të Kinës.

Përmbytjet ndodhën në një rajon malor të qarkut Datong në provincën Qinghai, kanë prekur më shumë se 6.200 njerëz nga gjashtë fshatra, raportoi transmetuesi shtetëror CCTV.

“Që nga mesdita e datës 18 gusht, 16 persona janë vrarë dhe 36 janë të zhdukur”, shtoi CCTV.

Puna e shpëtimit është duke vazhduar.

Këto përmbytje vijnë gjatë një vere shumë të nxehtë në Kinë, ku qytete të shumta regjistrojnë temperaturat e tyre më të larta.

Sipas transmetuesit shtetëror, tashmë është ngritur edhe shtabi i emergjencës.

Reshjet e mëdha dhe të papritura të së mërkurës mbrëma kishin shkaktuar përmbytjet, thuhet në raportimin e CCTV.

Përmbytjet e mëdha në Kinën jugore në qershor zhvendosën më shumë se gjysmë milioni njerëz dhe shkaktuan rreth 250 milionë dollarë dëme.

Ndërkohë, miliona njerëz në Kinën jugperëndimore po përballen me ndërprerje të vazhdueshme të rrymës, pasi një valë dërrmuese e të nxehtit çoi në një krizë të furnizimit me energji elektrike që i ka detyruar fabrikat të ndalojnë punën.

Administrata Meteorologjike e Kinës tha se vendi po kalonte periudhën e tij më të gjatë të temperaturave të larta, që nga viti 1961./REL

Continue Reading

Aktuale