Connect with us

Maqedonia e Veriut

Ndryshim i modelit zgjedhor në një njësi zgjedhore me ose pa konsensus

Published

on

Kryeministri Zoran Zaev vazhdon me idenë për ndryshim të modelit zgjedhor nga gjashtë në një njësi zgjedhore, që ishte edhe një nga premtimet zgjedhore të LSDM-së.

Iniciativa për ndryshim të modelit zgjedhor, të cilën ai e mbështet dhe të cilën këto ditë e kanë propozuar 15 deputetë nga partitë më të vogla parlamentare, në gjashtë muaj nga zgjedhjet e parakohshme parlamentare të caktuara për më 12 prill, megjithatë nuk ka mbështetje nga partneri në koalicionin qeveritar BDI, as nga VMRO-DPMNE-ja opozitare.

Kryeministri Zaev shfaqi shpresë se do të arrihet konsensus për ndryshim të Modelit zgjedhor me një njësi zgjedhore, duke përsëritur se me këtë humbin partitë e madhe, do të humb edhe LSDM-ja, por do të mënjanohet mundësia për çfarëdo qoftë sjellje autoritare në të ardhmen.

Duke u përgjigjur në pyetjen e gazetarëve pas promovimit të “Gramatika e gjuhës moderne rome”, theksoi se është mirë që në vend, çështje të këtilla të mëdha, si ndryshimi i Modelit zgjedhor, të miratohen me konsensus.

“Ne, megjithatë, nuk mundemi ndryshe, ne u kemi premtuar qytetarëve që në fushatë në vitin 2016 se jemi për një njësi zgjedhore. Kjo është pjesë e programit tonë zgjedhor, ndërsa ne nuk besojmë në to”, tha Zaev dhe shtoi se kjo përveç që do të jetë përfitim për partitë më të vogla, do të jetë përfitim edhe për të gjithë qytetarët.

Ai tha se konsideron se ka mbështetje për këto ndryshime.

“Mendoj se kam mbështetje, unë nuk jam iniciator kur them kështu. Partia më e madhe politike nga bashkësitë etnike me më pak numër është BDI-ja, mendoj se ka gjithsej 23 shqiptarë në Parlament, ndërsa BDI-ja ka 10 deputetë, ku janë komunitetet me numër më të vogël. A dakordohen do të shohim në votim, do të bëhet presion për atë për zgjedhjet e ardhshme”, tha Zaev, i cili beson që këto ndryshime do t’i tërheqin ata qytetarë, që nuk janë të interesuar për zgjedhje që ta testojnë modelin e ri zgjedhor.

Deputeti i BDI-së Artan Grubi, megjithatë, paraprakisht këtë javë ka deklaruar se partitë politike kanë harmonizuar ndryshime të Kodit zgjedhor, ku nuk parashihet ndryshim i modelit zgjedhor.

“Ne mbetemi në përbërjen formale e cila diskuton ndryshime të Kodit zgjedhor edhe atë në kuadër të Ministrisë së Drejtësisë. Gjatë javës të gjithë kishim takim, edhe partitë politike, Organizatat joqeveritare dhe Organizatat ndërkombëtare dhe veçmë kemi harmonizuar tekst të propozim- ligjit që në vete përfshin të gjitha rekomandimet e OSBE/ODIHR nga tre ciklet e fundit zgjedhore, ato presidenciale, zgjedhjet lokale dhe referendumin dhe në atë propozim nuk është diskutuar për modelin zgjedhor”, ka deklaruar Grubi.

Pesëmbëdhjetë deputetë të cilët vijnë nga partitë më të vogla si dhe deputetët e pavarur të cilët qëndrojnë pas iniciativës për ndryshim të modelit zgjedhor me një njësi zgjedhore në vend të gjashtë aktuale, paralajmëruan se në një të afërme të shpejtë do të parashtrojnë ligj për ndryshime të Legjislacionit zgjedhor në të cilin do të implementohet kërkesa e tyre. Nga Iniciativa propozojnë edhe lista të hapura që do të vendosen nga zgjedhjet e ardhshme lokale, si dhe përfaqësim i barabartë gjinor, gjegjësisht nga 50 për qind burra dhe gra.

Për ndryshim të Kodit zgjedhor është e nevojshme shumicë absolute nga 61 deputetë dhe “Shumicë të Badenterit”, gjegjësisht shumicë e pjesëtarëve të bashkësive.

Continue Reading

Lajme

Andreeva: Rritja e pagës minimale nuk rrit produktivitetin e punëtorëve

Published

on

Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.

Duke folur për këtë temë, ajo është shprehur:

“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/

Continue Reading

Lajme

Petliçkovski: S’është momenti të hiqen maskat

Published

on

Drejtori i Institutit për Imunologji dhe Gjenetikë Humane, Aleksandar Petluçkovski në TV Sitel foli për rritjen e rasteve të reja në Maqedoni.

Ai theksoi se qytetarët duhet të jenë të kujdesshëm duke potencuar se jemi rreth pikut të llojit Omicron të coronavirusit.

“Lloji Omicron është virus më i lehtë, por nuk jemi të sigurt nëse do të jetë kështu përherë. Nuk e dimë nëse ky lloj i virusit do të ndryshojë dhe do të shndërrohet në virus më i rrezikshëm. Mendoj se nuk është momenti të hiqen maskat për arsye se pandemia ende nuk ka përfunduar”, tha Petliçkovski.

Kujtojmë se deri tani në Maqedoni me COVID-19 janë diagnostifikuar gjithsej 249.704 raste, ndërsa prej tyre 223.053 janë shëruar dhe 8.153 persona kanë humbur jetën. Numri i rasteve aktive është 18.498.

Continue Reading

Lajme

Media bullgare: Familjarët e viktimave në autobusin në “Struma” kërkojnë hetim paralel

Published

on

Siç raporton BNT, familjarë të afërt të viktimave janë deklaruar për televizionin se presin më shumë infromacione për arin dhe akcesorët me vlerë që viktimat e kanë mbajtur me vete.

Pas tragjedisë, të mbijetuarit dhe familjarët e viktimave kërkuan nga Gjykata e Rrethit në Pernik në mënyrë paralele t’i hetojë arsyet e aksidentit dhe presin më shumë infromacione për arin dhe akcesorët me vlerë që udhëtarët e kanë mbajtur me vete.

Edhe pse kanë kaluar dy muaj nga tragjedia e madhe, një pjesë e të mbijetuarve kthehen në Bullgari, ndërsa familjarët i presin sendet e ruajtura të familjarëve të tyre.

“Kam dëshmi se kunata ime ka akcersorë në vlerë prej 7.000 eurove gjatë udhëtimit. Ari nuk digjet”, shprehet Qamuran Pajazitovski.

Edhe të mbijetuarit edhe familjarët e viktimave kërkojnë hetim paralel për tragjedinë.

Kujtojmë se në aksidentin në Bullgari që ndodhi më 23 nëntor, humbën jetën 45 persona prej të cilëve 12 fëmijë dhe 7 mbijetuan.

Continue Reading

Aktuale