Connect with us

Kosovë

Këta gazetarë kërkojnë anulimin e votave të ardhura nga Sërbia

Published

on

Gazetarët kërkojnë të anulohen votat e ardhura nga Serbia

Gazetarët e njohur, Adriatik Kelmendi, Berat Buzhala, Rrahman Paçarizi, Arben Ahmeti e të tjerë, kanë kërkuar që të anulohen votat e ardhura nga Serbia. Ata kanë thënë se nëse këto vota pranohen, mos të habitemi në qoftëse në zgjedhjet e ardhme Lista Serbe shpallet fituese e zgjedhjeve në Kosovë.

“Nëse nuk anulohen votat e paligjshme nga Serbia, me një presedencë të tillë – mos iu shkoftë mendja! – në zgjedhjet e ardhshme, fare lehtë, mund ta shohim të vijë në jetë një skenar si ky: Danilos i nevojiten vetëm numrat personalë të 150 mijë personave, të ulet në një kafene të tymosur në Prokuplje, t’i plotësojë ato doravetë, t’i bie fizikisht deri në Postën nr. 6 në Prishtinë, t’i bëjë bashkë ato vota me rreth 50 mijë vota të serbëve brenda Kosovës dhe – ja ku jemi! – ta shpallë Listën Serbe si fituese të zgjedhjeve në Kosovë”, ka shkruar Adriatik Kelmendi në një status në Facebook.

Ai thotë se kjo s’duhet të lejohet të ndodhë! Jo pse bëhet fjalë për një parti, cilado qoftë ajo, jo pse bëhet fjalë për një etni, cilado qoftë ajo, por se bëhet fjalë për deformim të vullnetit të qytetarëve votues për zgjedhjet në Kosovë.
“Një herë e mirë, një praktikë e këtillë manipuluese duhet të ndalet”, ka shkruar Kelmendi.

Ndërsa gazetari Berat Buzhala ka shkruar se mos me të pelqy Nisma dhe Fatmir Limaj është diçka tjetër, edhe me u mundu ilegalisht me e mbajtë nën prag është diçka krejt tjetër.

“Ajo çfarë Limaj tregoi në “Pressing” për votat e ardhura nga Serbia ishte e tmerrshme. Ato thjesht nuk janë vota. Ato janë porosi e Beogradit, duke mos i respektu ligjet tona”, ka thënë Buzhala.

Ai thotë se ka ndodh edhe në të kaluarën njëjtë? Sigurisht, ama tash ka viktima konkrete.

“Nuk mundesh me një proces joligjor me kërku me vu drejtësi. A do të ishte parlamenti dhe politika ma e mirë për Nismën. Po, ka mundësi. Mirëpo kështu nuk mendojnë 42 mijë qytetarët tanë”, ka thënë ai duke shtuar se plot njerëz e pengojnë në kafe, ama nuk mjafton veç ky fakt me i qitë jashtë.

Anulimin e votave nga Serbia e ka kërkuar edhe gazetari Rrahman Paqarizi. Ai ditë më parë në një status të postuar në llogarinë e tij në Facebook kishte thënë se votat e diasporës të ardhura me vonese duhet të numërohen, por votat e Serbisë duhet të anulohen.

“Të numërohen votat e diasporës e të anulohen votat e ardhura në mënyrë të parregullt nga Serbia”, kishte shkruar Paqarizi.

Ndërsa gazetari Arben Ahmeti ka thënë se nuk është e vërtetë që gjithmonë kështu është votuar nga Serbia. Ai thotë se ka pasur manipulime edhe në zgjedhjet e mëhershme por atëherë ka pasur një ndërmjetëses në grumbullimin e tyre, OSBE.

“Në zgjedhjet e vetme ku nuk pati OSBE nuk pati nevojë për manipulim nga Serbia. Sepse ishte vetëm një subjekt serb që garonte. Vetëm Lista Serbe. Këto ishin zgjedhjet e vetme kur disa politikan të guximshëm nga radhët e serbëve të Kosovës kandiduan dhe i bënë karshillek serioz listës. Ne dështuam t’i mbrojmë ata dhe t’i japim diçka elementare si gara e drejtë. I lamë nën presion dhe viktima të votave të kontaminuara e të organizuara sipas tekeve të Gjuriqit”, ka thënë Ahmeti.

Kërkesa për anulimin e 5 mijë votave nga Serbia, sipas Ahmetit, nuk ka të bëjë me Limajn, as VV-në e as LDK-në por ka të bëjë me dinjitetin e shtetit.

Anulimin e këtyre votave nuk e ka kërkuar vetëm lideri i Nismas Socialdemokrate, Fatmir Limaj, fati i së cilës varet nga këto vota, por e kanë kërkuar edhe shumë

Continue Reading

Kosovë

Zv.ministri i Shëndetësisë: Mund të ketë rishikim të masave anti-COVID brenda javës

Published

on

Zëvendësministri i Shëndetësisë, Arsim Berisha, ka thënë se mund të ketë rishikim të masave anti-COVID në ditët në vijim.

Berisha theksoi se këto janë masa të përkohshme, që sipas tij, çdo ditë merren të dhënat nga komiteti këshillëdhënës për përmirësimin e tyre, apo cilat kanë dhënë efekt pozitiv apo negativ.

“Nuk mund ta them saktë cila masë do të ndryshohet, por do të ketë rishikim të këtyre masave. Këto janë vendosur në një afat dyjavor, por nuk do të thotë se nuk mund të ndërrohen brenda javës”, u shpreh Berisha në Klan Kosova.

Pas rritjes shqetësues të rasteve me coronavirus, Qeveria e Kosovës më 21 janar ka vendosur masa shtesë mbrojtëse kundër COVID-19.

Më kuadër të masave të reja kufizimi i qarkullimit të qytetarëve do të jetë nga ora 22:00 deri në ora 05:00.

Ndërkaq shërbimet e gastronomisë, kafiteritë lejohet të zhvillojnë aktivitetin e tyre nga ora 05:00 deri në orën 21:00.

Masat e reja anti-COVID kanë hyrë në fuqi nga 22 janari 2022 dhe është paraparë të zbatohen deri më 04 shkurt 2022.

Continue Reading

Kosovë

Kosova blen 40 fluturake vëzhgimi e filmimi nga SHBA-ja

Published

on

Forca e Sigurisë së Kosovës do të pajiset së shpejti me 40 fluturake vëzhgimi e filmimi nga Shtetet e Bashkuara të Amerikës.

Siç shkruan Shephardmedia, FSK-ja do të marrë pajisje “RQ-20 Puma Long Endurance (LE) UAS”, që janë të prodhuara nga AeroVironment, përmes programit FMs, transmeton Klankosova.tv.

Ofertuesi i vetëm AeroVironment duhej të përfundonte punën për kontratën prej 11.01 milionë dollarësh më 25 janar.

Kosova ka porositur 40 njësi gjithsej, bazuar në një kosto të vlerësuar për njësi prej 215,000 dollarë.

Puma LE janë fluturake, të cilat lëshohen me duar dhe shërbejnë për mbikëqyrje territori. Mund të qëndrojnë në ajër deri në gjashtë orë.

Trupat amerikane që shërbejnë në Kosovë si pjesë e misionit paqeruajtës të KFOR-it dihet se kanë përdorur Puma LE për misionet e mbikëqyrjes kufitare.

Continue Reading

Kosovë

Protestë kundër masave anticovid të qeverisë së Kosovës, vihen nën hetim dy qytetarë

Published

on

By

Dy banorë të Kukësit janë vënë nën hetim pasi një ditë më parë organizuan protestë në Pikën Kufitare të Morinës.

64-vjeçari dhe 37-vjeçari akuzohen për veprat “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit

të mjeteve të transportit”, pasi protestuan për rregullat anticovid të vendosura nga qeveria kosovare.

“Specialistët për Hetimin e Krimeve në Komisariatin e Policisë Kukës proceduan penalisht në gjendje të lirë për veprat penale “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”, shtetasit R. M., 64 vjeç dhe M. F., 37 vjeç, banues në Kukës, pasi në PKK Morinë, kanë organizuar protestë pa lejen e organeve kompetente, duke bllokuar lëvizjen e lirë të qarkullimit të mjeteve”, sipas policisë.

Prej të shtunës, banorët e Kukësit që duan të hyjnë në Kosovë po kthehen për shkak të mungesës së dozës së tretë të vaksinës.

Kjo i revoltoi qytetarët e të hënën organizuan protestë në pikën kufitare në Morinë, pasi sipas tyre është e padrejtë të mos lejohen të kalojnë kufirin pa dozën e tretë të vaksinës.

Banorët e Kukësit bllokuan edhe korsinë e automjeteve që hynin në Shqipëri me arsyetimin se edhe qytetarëve të Kosovës iu duhen tri doza për të hyrë në Shqipëri.

Sipas qeverisë kosovare, të gjithë personat që hyjnë në territorin e Kosovës duhet të kenë tri doza të vaksinës ose dy doza të vaksinës e testin PCR, masa që janë të vlefshme deri më 4 shkurt. Kjo masë e Kosovës është kundërshtuar edhe nga Maqedonia e Veriut./Top Channel

Continue Reading

Aktuale