Connect with us

Lajme

Franca me kërkesa të reja për metodologjinë e anëtarësimit

Published

on

Kërkesat franceze për negociatat më detajisht në Këshillin e ardhshëm për punë të përgjithshme

Kërkesat më të detajuara të Francës lidhur me metodologjinë e procesit negociues do të jepen në takimin e ministrave të punëve të jashtme dhe të Evropës të vendeve të BE-së, i cili do të mbahet më 19 nëntor në Bruksel, ndërsa zgjerimi i Unionit edhe formalisht do të jetë në rend dite të takimit. Çështja do të diskutohet, por nuk priten konkludime konkrete.

Ministrat e vendeve-anëtare të BE-së, të cilët janë mbështetës të zgjerimit insistuan që të kthehet zgjerimi i agjendës sa më shpejtë që është e mundur. Ata në takim do të bisedojnë për situatën në të cilin gjendet çështja në këtë moment, ndërsa burime diplomatike për MIA-n shtojnë se presin që Franca të parashtrojë kërkesa më të detajuara për propozimet për reformë të metodologjisë së procesit të zgjerimit.

Zgjerimi dhe bllokada e negociatave për anëtarësimin e Maqedonisë së Veriut dhe Shqipërisë ishin temë e diskutimit në takimin e së martës joformal të ambasadorëve në Bruksel. Diplomatët këtë e interpretojnë si tentim që të mbahet në jetë tema për zgjerimin e BE-së dhe sinjal politik se BE-ja nuk heq dorë nga kjo politikë.

Sipas paralajmërimeve deri më tani jozyrtare të cilat vijnë nga Parisi, propozimi francez do të thotë se vendet kandidate do të mund më shpejtë t’i shfrytëzojnë përfitimet e BE-së në disa sfera ku avancohen pa e pritur anëtarësimin e plotfuqishëm, por nga ana tjetër procesi do të ishte reverzibil, gjegjësisht vendi kandidat do të mund të humbë disa beneficione nëse e ndryshon politikën ose fillon të ngecë.

Euroambasadori Samuel Zhbogar, lidhur me metodologjinë e tij të negociimit, dje theksoi se politika e lartë duhet të lihet në Bruksel, ndërsa Delegacioni i BE-së mbetet këtu, pa marr parasysh nëse vendi ka marrë datë ose jo për fillimin e negociatave me Unionin.

“Është shumë herët të flitet për metodologjinë e re. Siç thash edhe më herët, kjo duhet t’i lihet politikës së lartë të vendeve anëtare dhe diskutimeve në Bruksel. Ajo që ne duhet të fokusohemi është se çfarë mund të bëjmë si delegacion i BE-së, që t’u tregojmë njerëzve se jemi këtu ta vazhdojmë mbështetjen”, tha Zhbogar.

Be-ja është donatori më i madh në vend, me mbi 90 milionë euro në nivel vjetor për mbështetje të reformat kombëtare në sektorë të ndryshëm. Përveç Instrumentit për ndihmë parainkuadruese (IPA), BE-ja ka edhe mundësi të tjera për mbështetje të vendit në rrugën e saj ndaj anëtarësimit të plotfuqishëm.

Presidenti, Stevo Pendarovski javën e ardhshme do të takohet me kolegun e tij francez Emanuel Makron dhe do të ketë mundësi që drejtpërdrejt nga shefi i shtetit francez t’i dëgjojë  qëndrimet e Francës për zgjerim dhe për metodologjinë e tij të bisedimeve. Takimi mes Pendarovskit dhe Makronit, siç konfirmuan nga Kabineti i tij, do të mbahet më 12 nëntor, kur Pendarovski do të marrë pjesë në Forumin paqësor të Parisit.

Ndërsa presidenti dje në takimet në Romë duke u përqendruar në vendimin e Këshillit të BE-së të mos i fillojë negociatat për inkuadrimin e Maqedonisë së Veriut në Union theksoi se, edhe pse vendimi jo i volitshëm, një vendim i tillë nuk guxon të demotivohet për ne, sepse siç nënvizoi, europeizimi i shtetit tonë është proces i pakthyeshëm për të cilin ekziston konsesnus i qartë shtetëror dhe për ne, një model tjetër të qëndrueshëm alternativ nuk ka.

Theksoi se të gjithë aktorët politik në Maqedoninë e Veriut kanë obligim t’i zbatojnë obligimet të cilat rrjedhin nga agjenda evropiane në dobi, para së gjithash të qytetarëve.

Maqedonia e Veriut u bllokua në Këshillin e fundit Evropian nga ana e Francës, ndërsa në fillimin e negociatave inkuadruese me Shqipërinë kundërshtuan edhe Holanda dhe Danimarka. Franca kërkon që të reformohet procesi i negociatave dhe metodologjia e saj, por tani për tani Parisi nuk ka parashtruar propozime konkrete për këtë reformë.

Continue Reading

Bota

Shitja e dronëve Bayraktar, porositë janë mbyllur për 3 vjet

Published

on

By

Shitja e dronëve Bayraktar, porositë janë mbyllur për 3 vjet

Kërkesa për dronët turq Bayraktar TB2 është rritur ndjeshëm. Kompania turke Baykar Makina Sanayi ve Ticaret AS, e cila furnizon Ukrainën me drone, njoftoi se aktualisht ka një numër të madh të porosive për tre vjet. Sipas kompanisë, ajo ka kapacitetin për të prodhuar 20 dronë në muaj.

“Dronët TB2 dhe Akinci janë prodhuar në masë, ne kemi kërkesë për të dyja”, tha CEO i kompanisë private Haluk Bayraktar, në një intervistë me Fondacionin ukrainas Come Back Alive. “Për Bayraktar TB2 kemi kontrata eksporti me 22 vende të ndryshme”, tha ai, shkruan Bloomberg.

Baykar, i cili po punon gjithashtu në një projekt luftarak pa pilot të quajtur Bayraktar Kizilelma, dëshiron të rrisë më tej kapacitetin e tij prodhues dhe shpreson ta bëjë këtë duke ndërtuar një fabrikë në Ukrainë.

Kompania turke bleu tokë në Ukrainë dhe është regjistruar si person juridik, me qëllim ndërtimin e një fabrike për prodhimin e mjeteve ajrore pa pilot Bayraktar.

Bayraktar, i cili është vëllai i dhëndrit të presidentit turk Rexhep Tajip Erdogan, Selcuk Bayraktar, tha se kompania dëshiron të ndërtojë drone TB2 dhe Akinci, si dhe Kizilelma Fighters në Ukrainë. Ndërtimi i një objekti kërkimor dhe një qendre prodhimi të avancuar tashmë është duke u zhvilluar, tha ai, duke shtuar: “Ne e shohim Ukrainën si partnerin tonë strategjik. Ne gjithashtu duam ta bëjmë Ukrainën një bazë prodhuese”.

Turqia ka arritur të mbajë marrëdhënie të mira si me Ukrainën ashtu edhe me Rusinë. / abcnews

Continue Reading

Bota

Sa do të rriten pagat vitin e ardhshëm në Zvicër

Published

on

By

Sa do të rriten pagat vitin e ardhshëm në Zvicër

Referuar një sondazhi të KOF (Qendrës së Kërkimeve Ekonomike), thuhet se pagat në Zvicër pritet të rriten mesatarisht me 2.2% vitin e ardhshëm, përcjell albinfo.ch.

Ndërkohë që kjo shumë do të ishte rritja më e madhe në 22 vjet.

Ekspertët ekonomikë thonë se kjo rritje nuk do të kompensojë plotësisht inflacionin.

Ky sondazh u transmetua në “NZZ am Sonntag”, ku thuhet se pritet një rritje mesatare e pagave prej 2.2% në vitin 2023.

Nga ana tjetër, gazeta shkruan se UBS në parashikimet e saj tregon se inflacioni për gjithë vitin 2022 do të jetë në të vërtetë 3.1%./albinfo.ch

Continue Reading

Kosovë

Vuçiq: Zbatimi i vendimit të Kosovës për targa mund të bëhet vetëm me dhunë

Published

on

By

Vuçiq: Zbatimi i vendimit të Kosovës për targa mund të bëhet vetëm me dhunë

Presidenti i Serbisë, Aleksandar Vuçiq, ka thënë të hënën se do të shkojë në Bruksel për takim me kryeministrin e Kosovës, Albin Kurti, me një qëllim, “të ruajë paqen dhe stabilitetin”.

Ndërkohë pak sekonda më pas tha se Qeveria e Kosovës mund të zbatojë vendimin e saj për targat e automjeteve, kryesisht në veri, “vetëm me dhunë”.

“Kjo mund të bëhet vetëm me dhunë, por mos prisni që Serbia t’ju ndihmojë në rregullimin ligjor të problemit”, tha ai përcjellin mediat serbe.

Vuçiqi gjatë prezantimit të armëve të reja të prodhuara nga Serbia në Akademinë Ushtarake në Beograd, tha se Serbisë nuk duhet t’i interesojë Kushtetuta e Kosovës.

“Ne jemi të interesuar të diskutojmë gjithçka. Ne nuk kemi problem me temat. Ne duam të flasim për Asociacionin e komunave serbe. Nëse thonë se nuk është në përputhje me Kushtetutën, atëherë nuk na duhet një e tillë në përputhje me kushtetutën, sepse një komunitet të tillë mund ta formojë çdo qytetar. Pse duhet të na interesojë Kushtetuta e tyre”, tha Vuçiq.

Takimi Kurti – Vuçiq do të mbahet më 18 gusht dhe BE-ja të dielën u bëri thirrje liderëve të të dy vendeve që të ndalin “retorikën nxitëse”.

Kosova, me kërkesë të bashkësisë ndërkombëtare ka shtyrë për një muaj vënien në fuqi të masës së reciprocitetit për letërnjoftime, ndërkohë që u ka dhënë dy muaj kohë të gjithë atyre që kanë targa të lëshuara nga Serbia në emër të qyteteve të Kosovës, që t’i ndërrojnë ato.

Continue Reading

Aktuale