Connect with us

Maqedonia e Veriut

Afrodita Shala: UNFPA-ja me përkushtim do të punojë në arritjen e qëllimeve

Published

on

Qasje universale deri te shëndeti seksual dhe reproduktiv, financim të Programit aksional të Konferencës Ndërkombëtare për Popullsi dhe Zhvillim, diversitet demografik me qëllim zhvillimin ekonomik, eliminimin e dhunës në bazë gjinore dhe praktikave të dëmshme, si dhe të drejtën e shëndetit seksual dhe reproduktiv në kushte të krizave humanitare, janë pesë sferat me prioritet për të cilat do të debatohet në Samitin e ardhshëm të Fondit për Popullsi të Kombeve të Bashkuara (UNFPA) në Najrobi, thotë shefja e zyrës së UNFPA-së në Maqedoninë e Veriut, Afrodita Shala.

Sipas saj, këto sfera me prioritet paraqesin drejtim për angazhimet nacionale dhe lokale të trupave qeveritare, organizatave qytetare, bizneseve dhe shteteve nga e gjithë bota, me qëllim përmbushjen e tyre deri në vitin 2030.

Fondi i Popullsisë së Kombeve të Bashkuara (UNFPA) është organizator i një prej samiteve më të mëdha në vitet e fundit, që do të mbahet në Najrobi, Keni, nga 12 deri më 14 nëntor. Cili është qëllimi i atij takimi?

Samiti në Najrobi shënon 25 vjetorin e mbajtjes së Konferencës Ndërkombëtare për Popullsi dhe Zhvillim (ICPD) që u mbajt në Kajro, në vitin 1994, kur 179 qeveri e miratuan Programin aksional historik. Ai program i vendos njerëzit në qendër të proceseve zhvillimore dhe e përforcon barazinë në bazë gjinore. Bota me përkushtim i përforcon përpjekjet për arritjen e Qëllimeve të ndjeshme zhvillimore deri në vitin 2030 (e ashtuquajtura Agjenda 2030 e Kombeve të Bashkuara) dhe vazhdimisht i referohet ICPD-së, sepse ky është thelbi i arritjes së këtyre qëllimeve.

Prej këtu, Samiti në Najrobi do t’i mobilizojë vullnetin politik dhe angazhimet financiare të cilat nevojiten urgjentisht për përmbushjen e programit të ICPD-së, do t’i grumbullojë angazhimet për parandalimin e vdekjes së nënave, eliminimin e nevojës së palejuar për planifikim familjar, dhunës në bazë gjinore, martesat e fëmijëve, përforcimin e kapitalit njerëzor në shtetet ku ndryshohet struktura e popullsisë, si dhe tema të tjera.

Ato synime, pa dallim se a janë politike ose financiare, do të harmonizohen në nivel global, rajonal, nacional dhe lokal nga ana e qeverive, sektorit të biznesit, fondacioneve dhe organizatat e tjera.

Pritet që në Samitin të marrin pjesë rreth 5.000 delegatë nga e gjithë bota, ndërsa edhe Republika e Maqedonisë së Veriut do të ketë delegacionin e saj. Cila do të jetë struktura e ngjarjes dhe kush do të marrë pjesë?

Pritet që në Samitin të marrin pjesë rreth 5.000 delegatë nga afro 140 shtete, përfshirë edhe presidentë, ministra, kryeministra, parlamentarë, liderë të bashkësive lokale, përfaqësues të organizatave qytetare, rrjete rinore, ekspertë, akademikë, institucione ndërkombëtare financiare, persona me nevoja të veçanta, medie, agjenci të tjera të KB-së, etj.

Republika e Maqedonisë së Veriut ishte një nga shtetet, nënkryesuese të Konferencës në Kajro para 25 viteve, bashkë me Rumaninë dhe Hungarinë nga rajoni i Evropës Lindore. Dhe tani, në Samitin në Najrobi, delegacioni i mbështetur nga UNFPA-ja do të marrë pjesë me 12 anëtarë nga ministri të ndryshme, institucione, asociacione dhe shoqata qytetare, në mesin e të cilëve edhe bashkëshortja e presidentit, përfaqësues të lartë të Ministrisë së Punës dhe Politikës Sociale dhe Ministrisë së Shëndetësisë, parlamentarë, përfaqësues të asociacioneve profesionale, të shoqatave qytetare, të të rinjve, si dhe e medieve.

Samiti nuk është ngjarje klasike e KB-së, por tubim ku përveç seancave plenare në nivel të lartë, do të mbahen edhe punëtori, tryeza të rrumbullakëta, ekspozita dhe ngjarje nga sfera e kulturës. Ideja është që të grumbullohen përfaqësues me perspektiva të ndryshme që të gjejnë bazë të përbashkët që do të rezultojë me zgjidhje të cilat do t’i reflektojnë vlerat e përbashkëta.

A priten përfundime të caktuara nga Samiti dhe me çfarë dinamike do të realizoheshin?

Samiti do të jetë platformë ku qeveritë dhe organizatat e tjera do t’i publikojnë angazhimet vullnetare, nacionale, rajonale dhe globale, përfshirë edhe financiare, për atë se si do ta përshpejtonin procesin e zhvillimit. Këtu do të përfshihen edhe modelet financiare inovative nga qeveritë, institucionet financiare ndërkombëtare, si dhe sektori privat, të cilat janë të nevojshme për realizimin e Agjendës 2030.

Angazhimet globale janë grupuar në afro pesë sfera me prioritet – qasje universale deri te shëndeti seksual dhe reproduktiv si pjesë e mbulimit universal shëndetësor, financimin e Programit aksional të ICPD, diversitet demografik me qëllim zhvillimin ekonomik, eliminimin e dhunës në bazë gjinore dhe praktikave të dëmshme, si dhe të drejtën e shëndetit seksual dhe reproduktiv në kushte të krizave humanitare. Ato përfaqësojnë drejtim për angazhimet nacionale dhe lokale të trupave qeveritare, organizatave qytetare, bizneseve dhe të tjera, të shteteve nga e gjithë bota, me qëllim përmbushjen e tyre deri në vitin 2030.

Samiti do të ketë qasje të integruar drejtë këtyre temave me theks në përforcimin e barazisë gjinore, lidership të të rinjve, lidership politik, zgjidhje inovative dhe partneritete të ndryshme në drejtim të përshpejtimit të zhvillimit botëror.

Jam krenare që jam pjesë e këtij rrëfimi të rëndësishëm. Ekipi i UNFPA-së dhe familja e KB-së mbeten të përgatitur që me përkushtim të punojnë me Qeverinë dhe me gjithë partnerët që t’i arrijnë qëllimet për zhvillim të qëndrueshëm deri në vitin 2030, edhe me atë edhe i Planit aksional të ICPD-së.

Continue Reading

Lajme

Ilire Dauti nga ASH-ja: Ti japim zë rinisë të ua kthejmë dinjitetin, për çdo lot të derdhur prindërish për largimin e fmijëve tanë

Published

on

By

Ilire Dauti nga ASH-ja: Ti japim zë rinisë të ua kthejmë dinjitetin, për çdo lot të derdhur prindërish për largimin e fmijëve tanë

Deputetja e Aleancës për Shqiptarër, Ilire Dauti në vazhdën e mesazheve të eksponentëve të ASH-së u është drejtuar qytetarëve të Tetovës se vota për rinistët është votë që të jemi nga të ururarit dhe nga meritorët për çdo të ri më pak të larguar, ti inkurajojme e tua kthejme shpresën. Ta shprehim pakënaqësinë tonë ndaj fenomeneve devijante me votë për rininë për çdo lot të derdhur prindërish për largimin e fmijëve tanë, shkruan Top24.

“Besimi i juaj i dhënë si deputete e zonës ishte mundësi që të ua kthej me punë në kuvend. Aty pra ku të gjithë që duhet të jenë në anën tuaj, ku ne kërkojmë ndryshime ligjore apo mjete nga buxheti janë në anën e gabuar. Ju pa dyshim meritoni jetë të dinjitetshme sikurse që mijra qytetarë që meritonin shtetësinë që sot falë ndryshimeve ligjore dhe presionit për zbatim korekt të ligjit e kanë marrë apo janë duke e marë.

Uratat e tyre të shumta para se të vlejnë per ne, janë për ju që na besuat. Kësaj here ju drejtohem për të kërkuar që besimi i juaj të jupet të rinjëve, që të jemi nga të ururarit dhe nga meritorët për çdo të ri më pak të larguar, ti inkurajojme e tua kthejme shpresën. Ta shprehim pakënaqësinë tonë ndaj fenomeneve devijante me votë për rininë për çdo lot të derdhur prindërish për largimin e fmijëve tanë, sepse fundja shprehja e pakënaqësisë është hapi parë drejt përparimit të një invidi apo populli” tha Ilire Dauti përcjellë Top24.

Continue Reading

Lajme

Abdulla Osmani Për një Tetovë ndryshe JEPI ZË RINISË

Published

on

By

Abdulla Osmani Për një Tetovë ndryshe JEPI ZË RINISË

Bartësi i listës për këshilltarë nga radhët e Aleancës për Shqiptarët, Abdulla Osmani përmes një videomesazhi u është drejtuar Tetovarëve duke kërkuar që ti japin Zë Rinisë dhe ta kthejmë dinjitetin në qytetin tonë, shkruan Top24.

“Të dashur bashkëqytetarë, Tetova jonë e lënë në haresë ka nevoj për ide të reja, e për ekositem inovativ, Tetova jonë ka nevoj për teatër për fëmijët dhe për qendër rinore ku të rinjtë do zhvillojnë aftlsitë e tyre. Tetova ka nevojë për një strehimore për qentë endacak dhe trajtim e kujdes human. Për një Tetovë ndryshe JEPI ZË RINISË voto shtatë” tha Abdulla Osmani, përcjellë Top24.

Continue Reading

Lajme

Vjollcë Berisha; Aftësitë e të rinjëve duhet artikuluar në vendin e lindjes e jo rrugëve të botës, andaj Jepi zë Rinisë

Published

on

By

Vjollcë Berisha; Aftësitë e të rinjëve duhet artikuluar në vendin e lindjes e jo rrugëve të botës, andaj Jepi zë Rinisë

Sekretari i përgjithshëm i Aleancës për Shqiptarët, profesoresha Vjollcë Berisha në pak ditë para ditës së zgjedhjeve ka zgjedhur që bashkëvendasve të saj të ju drejtohet me pak fjalë e shumë domethënie, shkruan Top24.

Profesoresha Berisha ka kërkuar Tetovarëve që ti japin zë rinisë pasi ata kanë dije, energji dhe kanë sfiduar të gjithë dhe se aftësitë e tyre duhet të artikulohen në vendlindje dhe jo rrugëve të botës.

“Rinia jonë është me Aleancën për Shqiptarët, me ç’do gjë që realisht i nevojitet qytetit tonë. Ata janë më të mirët, kanë dijen, kanë energjinë, kanë vrrullin e moshës për ti bërë më së miri gjërat. Unë besoj fort tek ata, besoni edhe ju. Ata na kanë sfiduar të gjithëve, aftësitë e tyre duhet artikuluar në vendin e tyre të lindjes e jo rrugëve të botës, andaj votoni, shtatë jepni Zë rinisë” tha sekretari i ASH-së, Vjollcë Berisha përcjellë Top24.

Continue Reading

Aktuale