Connect with us

Kosovë

Vajza e Astrit Deharit me lule në dorë bën homazh te varri i babait të saj

Published

on

Sot janë bërë tre vite nga vdekja e aktivistit të Lëvizjes Vetëvendosjes, Astrit Dehari. Më 5 nëntor të vitit 2016 Dehari u vra në rrethana të panjohura në burgun e Prizrenit.

Sot në këtë përvjetor të tij, kryetari i Lëvizjes Vetëvendosje, Albin Kurti dhe kryesia e këtij subjekti politik, së bashku me  familjarë e miq të Deharit kanë bërë homazhe te varri i të ndjerit prej ku u kërkua që autorët që ia morën jetën aktivistit të VV-së, të vihen para drejtësisë.

Për tek varri i babit të saj ishte nisur edhe Arsa Dehari e veshur me bluzën “Drejtës për Astritin” dhe me një lule në dorë.

Arsa Dehari është vajza e Astrit Deharit e cila u linda shtatë muaj pas vdekjes së aktivistit Dehari. Ndërsa emri i saj, mbanë pikërisht shkronjat e babait të saj.

Kurse babi i të ndjerit Astrit Dehari,  Avniu falënderoi të gjithë në emër të familjarëve për mbështetjen që po i ofrojnë familjes së tij në këto ditë.

Në trevjetorin e vdekjes së Astrit Dehari, Lëvizja Vetëvendosje ka organizuar një sërë aktivitetesh.
Duke filluar nga ora 12:00 do mbahet marshi me moton: “Një popull për drejtësi”, pastaj në selinë qendrore të Vetëvendosjes do të dhurohet gjak.
Ndërsa në Prizren, do ndizen qirinj për të përkujtuar aktivistin e Lëvizjes Vetëvendosje, i cili u gjet i vdekur në qelinë ku po mbahej. /Insajderi.com
Continue Reading

Kosovë

Kapet duke kaluar ilegalisht kufirin Kosovë-Maqedoni, i gjinden në trup rreth dy kilogram drogë

Published

on

Policia e Kosovës njofton se pasditen e sotme në vendkalimin kufitar mes Kosovës dhe Maqedonisë së Veriut është kapur një person i cili ka tentuar të kalojë ilegalisht kufirin. Gjatë kontrolleve tek i njëjti person, policia ka gjetur substanca të cilat dyshohet se kanë përmbajtje narkotike.

“Me datë 25.01.2022 rreth orës 18:45, Policia Kufitare e Kosovës, drejtoria rajonale-Lindje, konkretisht Njësia patrulluese (Stacioni Policor për Mbikëqyrje të Kufirit-SPMK) Hani Elezit, gjatë realizimit të detyrave dhe vëzhgimit për menaxhim dhe kontroll efikas kufitar, në rrugën Ekzodi99 në Han të Elezit në zonën kufitare në mes të Maqedonisë Veriore dhe Republikës së Kosovës kanë ndaluar një person duke tentuar ta kaloj ilegalisht kufirin nga RKS në R. e Maqedonisë së Veriut”, thuhet në njoftimin e Policisë së Kosovës.

“Gjate legjitimimit dhe kontrollit trupor të personit në pallto iu janë gjet edhe katër (4) paketime të mbështjella me rreth dy (2) kilogram substancë të dyshuar narkotike (që sipas të dyshuarit është drogë e llojit Heroinë)”, thuhet në njoftim.

Continue Reading

Kosovë

Qytetari: O bre ja honksha zemrën Albinit, se pak e ka shtrenjtu rrymën sa është dashtë, shumë bre e du (Video)

Published

on

Vendimi i Qeverisë për rritje të rrymës duket se ka gjetur mirëkuptim tek disa prej qytetarëve. Një person ka thënë se rryma ka është dashur të shtrenjtohet më shumë dhe ka shtuar se e do shumë kryeministrin e Kosovës, Albin Kurtin.

Një qytetar ka thënë se është bërë shumë mirë kur është pyetur për vendimin për shtrenjtim të rrymës.

“Pak e ka shterju duhet ma shumë. Po kqyrin mu nxjerr. Ska aty. Shumë e respektoj dhe e du Kurtin shumë që i ka shti në burg. E arsyeshme, e paarsyeshme. Pak ka shti në burg se kanë vjedh që 20 vjet. Edhe me mi qit këto fjalë. Cili televizion jeni. Me mi qit edhe me thonë shumë mirë se e dua shumë dhe e respektoj shumë. O ja hongsha zemrën”, ka thënë ai për Gazetën Blic.

Kjo është deklarata e plotë e tij:

Continue Reading

Kosovë

Vjosa Osmani: Hap pas hapi, drejt çrrënjosjes së korrupsionit

Published

on

Presidentja Vjosa Osmani ka mirëpritur sot publikimin e Indeksit të Perceptimit të Korrupsionit për vitin 2021 të Transparency International, sipas së cilës Kosova ka shënuar ngritje prej 17 pozitave.

Osmani në një postim në Facebook ka shkruar se kjo paraqet ngritjen më të lartë vjetore për Kosovën në historinë e publikimit të Indeksit.

“Para një viti premtuam që luftimi i korrupsionit do të ishte një prej prioriteteve kryesore të institucioneve të reja. Sot, ky premtim po sheh rezultatet e para jashtëzakonisht premtuese. Gjatë vitit që lamë pas, Republika e Kosovës shënoi rritje prej 17 pozitave në publikimin e Indeksit të Perceptimit të Korrupsionit për vitin 2021 të Transparency International – ngritja më e lartë vjetore për Kosovën në historinë e publikimit të Indeksit. Hap pas hapi, drejt çrrënjosjes së korrupsionit”, shkruan Osmani.

Continue Reading

Aktuale