Connect with us

Lajme

Nga gjashtë në në njësi zgjedhore / Tryezë e rrumbullakët në Kuvend

Published

on

Tryezë e rrumbullakët për ndryshim të modelit zgjedhor në një njësi zgjedhore dhe lista të hapura

Në Kuvendin e Republikës së Maqedonisë sot do të mbahet tryezë e rrumbullakët me temë “Ndryshimi i modelit zgjedhor prej gjashtë në një njësi zgjedhore dhe lista të hapura”.

Tryeza e rrumbullakët, siç informojnë nga Kuvendi, është me qëllim të përforcimit të pluralizmit në skenën politike të Maqedonisë së veriut dhe demokratizimin e vetë procesit zgjedhor, si dhe për demokratizimin e mbarë shoqërisë, ndërkaq në organizim të Iniciativës për një njësi zgjedhore në të cilën janë përfshirë 12 deputetë.

Partitë më të mëdha politike nga pushteti dhe opozita në takimin e paradokohshëm të liderëve arritën marrëveshje për t’u mbajtur zgjedhje të parakohshme parlamentare në prill të vitit të ardhshëm, por mbetet e hapur çështja nëse ato do të mbahen sipas modelit ekzistues zgjedhor apo do të ndryshohet Kodi zgjedhor. Komisioni shtetëror zgjedhor thotë se është i gatshëm të mbajë zgjedhje sipas cilit do model për të cilin do të arrijnë marrëveshje partitë. Organizatat qytetare, ndërkaq, konsiderojnë se nevojitet ndryshim i modelit, por se koha është e shkurtë që kjo të bëhet para këtyre zgjedhjeve.

Partitë më të vogla politike edhe kësaj radhe para zgjedhjeve, si edhe disa herë deri më tani, e hapën çështjen për ndryshim të modelit zgjedhor me një njësi zgjedhore, e cila, siç konsiderojnë, do të mundësonte gjasa të barabarta në zgjedhje edhe për to, e jo vetëm për partitë më të mëdha.

Katër subjektet më të mëdha politike në vend kanë qëndrime të ndryshme lidhur me modelin zgjedhor, LSDM-ja në pushtet kërkon vendosjen e një njësie zgjedhore me lista të hapura, sipas VMRO-DPMNE-së qytetarët më së miri do të përfaqësoheshin me model zgjedhor të shumicës, për BDI-në më i mirë është sistemi me gjashtë njësi zgjedhore, përderisa Aleanca për shqiptarët është për tetë njësi zgjedhore.

Marrë parasysh qëndrimet e ndryshme të partive politike, pritjet nga bisedimet e mundshme për rregullat e reja zgjedhore nuk janë mjaft të mëdha. Më e madhe është mundësia që ndryshimet të reduktohen kryesisht në implementimin e rekomandimeve të OSBE/ODIHR-së nga ciklet e fundit zgjedhore në vend.

Në Kuvend sot do të mbahet edhe mbledhje e Komisionit të përhershëm anketues për mbrojtje të lirive dhe të drejtave të qytetarëve ku do të prezantohen konkludimet nga debati publik për gjendjen nëpër burgjet e vendit.

Mbledhje në Parlament sot do të mbajë Komisioni për sistem politik dhe marrëdhënie mes bashkësive, ku në rend dite është Propozim-ligji për të drejtat e bashkësive të cilat janë më pak se 20 për qind e popullatës në vend, në lexim të parë

Continue Reading

Lajme

Gjukanoviq mbështet nismën e Abazoviqit për ndryshimin e Qeverisë

Published

on

Kryesia e Partisë Demokratike të Socialistëve (DPS), të presidentit të Malit të Zi, Millo Gjukanoviq, ka njoftuar se do të mbështesë çdo nismë që do të çojë në largimin e Qeverisë aktuale të shtetit.

“DPS-ja mirëpret gatishmërinë e një pjese të shumicës parlamentare për të propozuar zgjidhje me përfaqësues të disa partive të pakicave, që do të çonin në zhbllokimin e institucioneve dhe përshpejtimin e procesit të bisedimeve me Bashkimin Evropian”, tha partia e presidentit të Malit të Zi.

Kështu u përgjigj DPS-ja ndaj nismës për të formuar një qeveri të pakicës, si një model për tejkalimin e krizës politike në Mal të Zi. Këtë propozim e ka prezantuar Lëvizja Qytetare Ura, që është në pushtet, dhe Lidhja e Qytetarëve CIVIS.

Këto dy subjekte, në zgjedhjet parlamentare të vitit 2020 kishin garuar në kuadër të listës “E zeza mbi të bardhë”. Në ato zgjedhje, DPS-ja u rrëzua nga pushteti pas tre dekadash.

Gjatë prezantimit të propozimit për qeveri të pakicës, Lëvizja Qytetare Ura dhe Lidhja e Qytetarëve CIVIS thanë më 17 janar se në një qeveri të tillë nuk do të kishte vend për partinë më të madhe opozitare, Partinë Demokratike të Socialistëve (DPS) dhe partinë më të fortë të koalicionit aktual, Frontit Demokratik (DF), parti pro-serbe.

Zëvendëskryeministri i Malit të Zi dhe lideri i Lëvizjes Ura, Dritan Abazoviq ka thënë se ky model është një zgjidhje e mundshme, por të cilën nuk do t’ia imponojnë askujt.

“Është koha që të zhbllokohet rruga për në Bashkimin Evropian. Nëse kjo situatë nuk mund të zgjidhet, zgjedhjet mbeten zgjidhje e qartë”, tha Abazoviq më 17 janar.

Për të iniciuar shkarkimin e Qeverisë në Kuvend nevojiten 27 vota, ndërsa për largimin e saj duhet një shumicë prej 41 deputetësh.

Me mbështetjen e DPS-së, e cila ka 30 deputetë në Parlamentin malazez, Lëvizja Ura siguron numrin e mjaftueshëm të votave për një mocion mosbesimi ndaj Qeverisë së kryeministrit Zdravko Krivokapiq.

Kryeministri i Malit të Zi, Zdravko Krivokapiq kundërshtoi ashpër paralajmërimin për formimin e një qeverie të pakicës, duke e cilësuar si “mashtrim” këtë nismë.

Qeveria e Krivokapiqit, e cila ka një votë më shumë se sa duhet në Parlament, ka humbur mbështetjen e shumicës qeverisëse, kryesisht të partisë pro-serbe, Frontit Demokratik.

Megjithatë, Fronti Demokratik nuk ka nisur asnjëherë një nismë formale për të shkarkuar Qeverinë, e cila nuk ka pasur mbështetjen e kësaj partie që nga mesi i vitit të kaluar.

Ndër të tjera, DF-ja nuk është pajtuar me miratimin e Rezolutës për Srebrenicën në Parlamentin e Malit të Zi, si dhe me shkarkimin e ministrit Vlladimir Lleposaviq për shkak të mohimit të gjenocidit në Srebrenicë.

Qeveria e Zdravko Krivokapiqit u zgjodh më 4 dhjetor 2020 me votat e Frontit Demokratik, Demokratëve dhe Lëvizjes Qytetare Ura si qeveria e ekspertëve, kurse i vetëm politikan në të është kreu i Lëvizjes Ura, Dritan Abazoviq, që mban postin e zëvendëskryeministrit.

Që nga formimi i kësaj qeverie, ajo ka qenë cak i kritikave dhe pengesave që vijnë nga strukturat e shumicës qeverisëse, në radhë të parë nga Fronti Demokratik, që vazhdimisht ka kërkuar, por asnjëherë nuk i ka zyrtarizuar kërkesën për zgjedhjen e një qeverie të re.

Fronti Demokratik është deklaruar për mundësinë e krijimit të qeverisë së pakicës, duke thënë se “nuk janë për rrëzimin e Qeverisë aktuale, por për zgjedhjen e një të reje”. Sipas kësaj partie, ata duan një ekzekutiv që do të pasqyronte vullnetin elektoral të qytetarëve, që e kanë shprehur në zgjedhjet e gushtit të vitit 2020.

Kurse partitë e komuniteteve e mbështesin propozimin e Lëvizjes Ura, duke e cilësuar si mundësi reale dhe optimale për të dalë nga kriza aktuale politike, u tha në një deklaratë të përbashkët të lëshuar nga liderët e Partisë Boshnjake, Listës Shqiptare dhe Koalicionit Shqiptar.

Continue Reading

Lajme

Nesër ditë jopune për qytetarët e besimit ortodoks

Published

on

Sipas Ligjit për festat e Republikës së Maqedonisë të Veriut (“Gazeta zyrtare e RMV” nr. 21/98 dhe 18/07), 19 janar i viti 2022 (e mërkurë), Epifania ( Uji i Bekuar), është ditë jopune për qytetarët e besimit ortodoks në Republikën e Maqedonisë së Veriut, kumtoi Ministria e Punës dhe Politikës Sociale.

Nga MPPS-ja uron qytetarët e besimit ortodoks për festën e Epifanisë (Dita e Ujit të Bekuar).

Continue Reading

Kosovë

Dëshmitari Sopi: Forcat serbe nuk i kursyen as fëmijët, gratë e pleqtë (Video)

Published

on

Kryetari i Organizatës së Veteranëve të Luftës së UÇK-së në Prishtinë, Fatmir Sopi, ka qenë dëshmitari i 11-të me radhë, i cili ka dëshmuar në gjykimin ndaj Salih Mustafës.

Sopi në Hagë ka rrëfyer për ofensivën e 7 dhe 18 prillit, derisa ka shpalosur detaje nga ato që kanë ndodhur në fshatrat e Gollakut.

“Forcat serbe kanë granatuar me mjetet dhe teknologjinë që kanë poseduar nga të gjitha drejtimet, duke mos kursyer as civilët dhe as fëmijët, gratë dhe pleqtë, gjatë kësaj ofenzivive kanë ndodhur ngjarje të tmerrshme ku familje të tëra apo njerëz që kanë qenë në shtëpitë e tyre janë granatuar dhe janë djegur për së gjalli”, tha Sopi.

Ish-pjesëtari i UÇK-së ka folur edhe për njësinë BIA, të cilin e ka udhëhequr Salih Mustafa.

“Rolin më specifik të njësitit BIA më së miri e shpjegon vet përfaqësuesi i njësitit BIA, ndërsa unë sa kam mujt me kuptu ka qenë pjesë e Ushtrisë Çlirimtare të Kosovës sikur të gjitha njësitet e tjera në Zonën Operative të Llapit, Rolin e çdo ushtari dhe çdo njësi unë nuk mund ta di por e di se kanë punuar në bazë të urdhrave dhe në bazë të rrethanave të kohës që të japin kontributin e tyre të çmuar për çlirimin e vendit”, tha Sopi.

Dëshmitari Sopi ka thënë se zyrtarizimi i Brigadës 153, pjesë e së cilës ka qenë edhe ai, është bërë në shtëpinë e tij.

Është pyetur për shkollën në Zllash e për të cilën ka thënë se aty nuk ka qenë i vendosur shtabi i brigadës.

“Ndërtesa e shkollës ka shërbyer si qendër stërvitore mirëpo shtabi i brigadës e ka pasur aty komandantin e qendrës stërvitore e shumë kush e ka identifikuar se ajo ka shërbyer si shtab, por ka qenë një zyre e komandantit të stërvitjeve, e përgjegjësive që kanë qenë për stërvitje të cilët kanë pasur zyre dhe ka qenë kuzhina për ushtarët të cilët kanë qenë në stërvitje ndërsa në atë kuptimin me qenë i stacionuar shtabi për kohë të gjatë në shkollë nuk ka qenë i stacionuar, përkohësisht ne kemi qarkulluar andej”, tregoi Sopi.

Gjykimi i Salih Mustafës është i pari në Dhomat e Specializuara të Kosovës, derisa para Fatmir Sopit në këtë proces kanë dëshmuar edhe 10 dëshmitarë të tjerë.

Mustafa është i arrestuari i parë nga Specialja pas konfirmimit të aktakuzës ndaj tij e sipas së cilit akuzohet për krime lufte.

VIDEO

Continue Reading

Aktuale