Connect with us

Lajme

Bekteshi: Projektet për gazifikimin po zhvillohen sipas dinamikës së planifikuar

Published

on

Ministri i Ekonomisë, Kreshnik Bekteshi paralajmëroi se për një kohë të shkurtër do të publikohet thirrje për partneritet publiko-privat për ndërtimin e rrjetit distribuues të gazifikimit në qytetet ku kalon gazifikimi.

“Projektet për gazifikimin për momentin realizohen në pajtim me dinamikën e paraparë, ka realizim të mbi 70 për qind edhe në krahun nga Shkupi në Tetovë, nga fundi është me krahun deri në Manastir, ndërsa deri në Negotinë ka përfunduar. Për momentin si Ministri dhe si Qeveri, po punojmë t’i bashkojmë rajonet, ndërsa për një kohë të shkurtër do të publikojmë edhe thirrje publike ku të gjitha palët e interesuara përmes partneritetit publiko-privat do të mund të aplikojnë dhe të fillojnë ta ndërtojnë rrjetin distribuues nëpër qytetet ku kalojnë”, tha Bekteshi në “Top Tema” në Televizionin Telma.

Ai beson se infrastruktura primare do të jetë plotësisht në pronë të shtetit dhe se për rrjetet distribuuese sërish do të pyeten komunat, edhe pse siç thotë, në letrat paraprake kanë marrë përgjigje vetëm nga disa komuna.

“Qëndrimi im si ministër i Ekonomisë është që të shkojë përmes partneritetit publiko-privat duke e pasur parasysh se më shumë komuna nuk kanë kapacitet për ta zbatuar këtë projekt. Ne para disa muajsh u dërguam letër të gjitha komunave, morëm letër kthyese vetëm nga një apo dy komuna që është mjaft joserioze duke e pasur parasysh se bëhet fjalë për njërin prej projekteve më strategjike në vendin tonë”, tha ministri.

Ai tha se për këtë kanë qëndrime të ndryshme me partnerin e koalicionit lidhur me partneritetin publiko-privat me një apo më shumë kompani.

“Në pajtim me studimet e bëra dhe të gjitha analizat përkatëse, ndërsa duke i pasur parasysh edhe kapacitetet që i kanë komunat, nuk është proces i lehtë të ndërtohet rrjet distribuues nëpër komunat ku duhet të përfshihen të gjitha amvisëritë dhe jo vetëm institucionet publike ose industria”, tha ai.

Shtoi se do të vazhdojnë bisedimet se si të ndërtohet ky rrjet distribuues i cili në disa komuna duhet të jetë deri në 30 40 kilometra.

Continue Reading

Bota

Shitja e dronëve Bayraktar, porositë janë mbyllur për 3 vjet

Published

on

By

Shitja e dronëve Bayraktar, porositë janë mbyllur për 3 vjet

Kërkesa për dronët turq Bayraktar TB2 është rritur ndjeshëm. Kompania turke Baykar Makina Sanayi ve Ticaret AS, e cila furnizon Ukrainën me drone, njoftoi se aktualisht ka një numër të madh të porosive për tre vjet. Sipas kompanisë, ajo ka kapacitetin për të prodhuar 20 dronë në muaj.

“Dronët TB2 dhe Akinci janë prodhuar në masë, ne kemi kërkesë për të dyja”, tha CEO i kompanisë private Haluk Bayraktar, në një intervistë me Fondacionin ukrainas Come Back Alive. “Për Bayraktar TB2 kemi kontrata eksporti me 22 vende të ndryshme”, tha ai, shkruan Bloomberg.

Baykar, i cili po punon gjithashtu në një projekt luftarak pa pilot të quajtur Bayraktar Kizilelma, dëshiron të rrisë më tej kapacitetin e tij prodhues dhe shpreson ta bëjë këtë duke ndërtuar një fabrikë në Ukrainë.

Kompania turke bleu tokë në Ukrainë dhe është regjistruar si person juridik, me qëllim ndërtimin e një fabrike për prodhimin e mjeteve ajrore pa pilot Bayraktar.

Bayraktar, i cili është vëllai i dhëndrit të presidentit turk Rexhep Tajip Erdogan, Selcuk Bayraktar, tha se kompania dëshiron të ndërtojë drone TB2 dhe Akinci, si dhe Kizilelma Fighters në Ukrainë. Ndërtimi i një objekti kërkimor dhe një qendre prodhimi të avancuar tashmë është duke u zhvilluar, tha ai, duke shtuar: “Ne e shohim Ukrainën si partnerin tonë strategjik. Ne gjithashtu duam ta bëjmë Ukrainën një bazë prodhuese”.

Turqia ka arritur të mbajë marrëdhënie të mira si me Ukrainën ashtu edhe me Rusinë. / abcnews

Continue Reading

Bota

Sa do të rriten pagat vitin e ardhshëm në Zvicër

Published

on

By

Sa do të rriten pagat vitin e ardhshëm në Zvicër

Referuar një sondazhi të KOF (Qendrës së Kërkimeve Ekonomike), thuhet se pagat në Zvicër pritet të rriten mesatarisht me 2.2% vitin e ardhshëm, përcjell albinfo.ch.

Ndërkohë që kjo shumë do të ishte rritja më e madhe në 22 vjet.

Ekspertët ekonomikë thonë se kjo rritje nuk do të kompensojë plotësisht inflacionin.

Ky sondazh u transmetua në “NZZ am Sonntag”, ku thuhet se pritet një rritje mesatare e pagave prej 2.2% në vitin 2023.

Nga ana tjetër, gazeta shkruan se UBS në parashikimet e saj tregon se inflacioni për gjithë vitin 2022 do të jetë në të vërtetë 3.1%./albinfo.ch

Continue Reading

Kosovë

Vuçiq: Zbatimi i vendimit të Kosovës për targa mund të bëhet vetëm me dhunë

Published

on

By

Vuçiq: Zbatimi i vendimit të Kosovës për targa mund të bëhet vetëm me dhunë

Presidenti i Serbisë, Aleksandar Vuçiq, ka thënë të hënën se do të shkojë në Bruksel për takim me kryeministrin e Kosovës, Albin Kurti, me një qëllim, “të ruajë paqen dhe stabilitetin”.

Ndërkohë pak sekonda më pas tha se Qeveria e Kosovës mund të zbatojë vendimin e saj për targat e automjeteve, kryesisht në veri, “vetëm me dhunë”.

“Kjo mund të bëhet vetëm me dhunë, por mos prisni që Serbia t’ju ndihmojë në rregullimin ligjor të problemit”, tha ai përcjellin mediat serbe.

Vuçiqi gjatë prezantimit të armëve të reja të prodhuara nga Serbia në Akademinë Ushtarake në Beograd, tha se Serbisë nuk duhet t’i interesojë Kushtetuta e Kosovës.

“Ne jemi të interesuar të diskutojmë gjithçka. Ne nuk kemi problem me temat. Ne duam të flasim për Asociacionin e komunave serbe. Nëse thonë se nuk është në përputhje me Kushtetutën, atëherë nuk na duhet një e tillë në përputhje me kushtetutën, sepse një komunitet të tillë mund ta formojë çdo qytetar. Pse duhet të na interesojë Kushtetuta e tyre”, tha Vuçiq.

Takimi Kurti – Vuçiq do të mbahet më 18 gusht dhe BE-ja të dielën u bëri thirrje liderëve të të dy vendeve që të ndalin “retorikën nxitëse”.

Kosova, me kërkesë të bashkësisë ndërkombëtare ka shtyrë për një muaj vënien në fuqi të masës së reciprocitetit për letërnjoftime, ndërkohë që u ka dhënë dy muaj kohë të gjithë atyre që kanë targa të lëshuara nga Serbia në emër të qyteteve të Kosovës, që t’i ndërrojnë ato.

Continue Reading

Aktuale