Connect with us

Maqedonia e Veriut

Sasolli: Ju lutem, mos e humbni shpresën dhe mos hiqni dorë nga ardhmëria evropiane

Published

on

Kryetari i Parlamentit Evropian, David Sasolli, i cili po qëndron për vizirë zyrtare në vend, përmes Tuiterit ka dhënë mesazh, veçanërisht deri tek të rinjtë, që të mos heqin dorë nga ardhmëria evropiane.

“Sot udhëtojmë në Maqedoninë e Veriut dhe kam një kërkesë, veçanërisht deri tek të rinjtë në vend: të mos heqin dorë nga ardhmëria evropiane. Ju i takoni familjes tonë. Parlamenti Evropian është me ju”, ka shkruar Sasolli në Tuiter.

Njeriu i parë i Parlamentit Evropian, mesazhin e përcolli edhe përmes video deklaratës deri tek qytetarët e Maqedonisë së Veriut dhe të Shqipërisë.

“Do ta vizitoj vendin e mrekullueshëm Maqedoninë e Veriut, ndërsa do ta vizitoj edhe Shqipërinë për disa javë dhe këto vizita janë me të vërtetë të rëndësishme për mua personalisht. Ky do të jetë udhëtimi im i parë zyrtar jashtë BE-së, në vende me të cilat jemi miq, të cilat duam të bëhen pjesë e Unionit tonë. E dimi se njerëzit në Maqedoninë e Veriut dhe në Shqipëri ishin thellë të dëshpëruar kur dëgjuan se disa vende e kanë bllokuar fillimin e negociatave. E kuptoj këtë dhe e ndaj dëshpërimin tuaj. I realizuat të gjitha kriteret, keni bërë punë të shkëlqyer dhe merituat dritë jeshile për fillimin e negociatave. Për këtë çështje, PE-ja dhe KE-ja e shprehën mendimin e tyre shumë qartë së bashku me shumicën e madhe të vendeve të BE-së. Por, ky nuk është fund i diskutimit. Parlamenti Evropian, shtëpia e demokracisë evropiane është me ju. Nuk do të heshtim. Do të shtypim fuqishëm për votim pozitiv në Këshillin e ardhshëm Evropian. Unë kam një kërkesë, veçanërisht deri tek të rinjtë në Maqedoninë e Veriut: Ju lus që të mos hiqni dorë nga ardhmëria evropiane. Ju i përkisni familjes tonë dhe ju në fund do të jeni anëtar i kësaj familje. Kjo familje do t’ju presë me besim dhe shpresë”, porositi Sasolli në video mesazhin.

David Sasolli në kuadër të vizitës së sotme në Shkup do të takohet me presidentin Stevo Pendarovski, pastaj me kryeparlamentarin Talat Xhaferi, si dhe me kryeministrin Zoran Zaev, ndërsa do të ketë takime edhe me liderët e partive politike dhe do të mbajë fjalimin në Parlament.

Sasolli do ta hapë Jurop Haus (Europe House), në hapësirat e Delegacionit të Bashkimit Evropian, dhe do t’i bashkëngjitet debatit të ambasadorit Samuell Zhbogar dhe nxënësve nga shkollat e mesme me temë “Vizioni i të rinjve për BE”.

Continue Reading

Lajme

Nesër ditë jopune për qytetarët e besimit ortodoks

Published

on

Sipas Ligjit për festat e Republikës së Maqedonisë të Veriut (“Gazeta zyrtare e RMV” nr. 21/98 dhe 18/07), 19 janar i viti 2022 (e mërkurë), Epifania ( Uji i Bekuar), është ditë jopune për qytetarët e besimit ortodoks në Republikën e Maqedonisë së Veriut, kumtoi Ministria e Punës dhe Politikës Sociale.

Nga MPPS-ja uron qytetarët e besimit ortodoks për festën e Epifanisë (Dita e Ujit të Bekuar).

Continue Reading

Lajme

UNICEF: Shtyrja e gjysmëvjetorit të dytë të jetë e përkohshme, mbyllja e shkollave duhet të jetë zgjidhja e fundit

Published

on

Meqenëse vendi po kalon një valë tjetër të infektimeve me KOVID-19, gjithnjë e më shpesh të shkaktuar nga lloji omikron, interesi më i mirë i fëmijës duhet të jetë në qendër të çdo vendimi nëse shkollat ​​do të jenë të hapura. Vendimi i Qeverisë për shtyrjen e fillimit të vitit shkollor pas pushimit dimëror duhet të jetë masë e përkohshme dhe të bëhen të gjitha përpjekjet për kthimin e fëmijëve në klasa, kumtojnë nga Zyra e UNICEF-it në vendin tonë.

Përfaqësuesja e UNICEF-it, Patricia DiXhovani, konsideron se masat parandaluese në shkollat janë efektive dhe se prania fizike në shkollë nuk duket të jetë shtytësi kryesor i përhapjes së infeksionit.

“Për muajin e fundit të mësimdhënies në vitin 2021, të dhënat tregojnë shkallë shumë të ulët të infeksionit me vetëm 0,01 për qind raste të reja në ditë te nxënësit dhe 0,03 për qind te mësuesit. Për krahasim, në dy javët kur shkollat ​​u mbyllën për pushim dimëror, numri i rasteve të reja të infektuara në të gjitha grupmoshat u katërfishua, nga afërsisht 2.600 në 11.000 raste pozitive të konfirmuara. Ne duhet ta përdorim këtë njohuri për të bërë gjithçka që mundemi për t’i mbajtur shkollat ​​të hapura dhe që fëmijët të ndjekin mësimet në mënyrë të sigurt”, thotë DiXhovani.

Në vend ndodhte që fillimi i vitit shkollor të shtyhej për shkak të kushteve të këqija atmosferike, tregon ajo, por tani situata ka ndryshuar. Vonesat e mëparshme në fillim të vitit shkollor ishin të rralla dhe koha e humbur e mësimit ishte kompensuar. Situata aktuale është përkeqësuar nga periudhat e gjata të mbylljes së shkollave për shkak të pandemisë.

Është e qartë se është në interesin më të mirë të fëmijëve, thekson DiXhovani, të jenë në klasa dhe rihapja e shkollave duhet të jetë prioritet për të gjithë vendin. Rreziqet me të cilat përballen fëmijët kur janë jashtë shkollës mbeten më të mëdha se rreziqet në shkollë.

Continue Reading

Lajme

Mariçiq: Shfrytëzimi i emrit të shkurtuar është gjest i vullnetit të mirë nga të dy anët

Published

on

Me hapa të përbashkëta, nga të dy anët, është zgjidhur një nga çështjet e hapura, që ka paraqitur problem në një pjesë të organizatave ndërkombëtare, thotë zëvendës-kryeministri për Integrime europiane, Bojan Mariçiq, lidhur me vendimin e Bullgarisë që ta përdorë emrin e shkurtuar të shtetit tonë – Maqedonia e Veriut.

Kjo, sipas Mariçiqit, është gjest i vullnetit të mirë nga të dy anët për përfitimin e besimit të mëtejshëm.

“Me këtë hap i cili është një nga çështjet e hapura, do të zgjidhet një problem – do të mbyllim një çështje dhe do të heqim një nga bllokadat. Me këtë mbyllet një problem. Bullgaria praktikisht e ndryshon pozitën e saj dhe fillon ta përdorë emrin e shkurtuar. Edhe kryeministri Petkov, sot disa herë e ka përdorur emrin e shkurtuar – Maqedonia e Veriut. Është zgjidhur një çështje e hapur e cila neve na shkaktonte problem në pjesën e organizatave ndërkombëtare. Kjo është temë e cila pothuaj dy vite është e hapur dhe me të kontestohej e drejta jonë që të quhemi me emrin e shkurtuar”, tha Mariçiq në intervistën për televizionin Tellma.

Continue Reading

Aktuale