Connect with us

Maqedonia e Veriut

Populizmi apo pragmatizmi, cila do të jetë motoja e partive shqiptare në zgjedhjet e 12 Prillit

Published

on

“Deri sa të na rrahë një dell, ne do të jemi gardianë, do të jemi mbrojtës të kauzës shqiptare, pavarësisht se çka deklarojnë lart e poshtë se do të na mposhtin, do të fitojnë…”, deklaroi Ali Ahmeti, kryetar i BDI-së (Fushata, 2016).

“Ne jemi për shtet bilingual, gjuhë shqipe zyrtare në të gjithë shtetin, në të gjithë territorin e Republikës së Maqedonisë, në dokumente personale, në valutë, në komanda dhe gjithandej…”, tha Ziadin Sela, kryetar i Aleancës për Shqiptarët (Fushata, 2016).

“Arsimtarët shqiptarë do të jenë të barabartë me arsimtarët e Bashkimit Evropian dhe të vendeve të tjera të zhvilluara…”, u shpreh Bilall Kasami, kryetar i Lëvizjes Besa (Fushata, 2016).

“Do të mbledhim ekspertë rreth nesh, do t’i dëgjojmë si është arsimi shqip, si mund të bëhet më cilësor…”, theksoi Menduh Thaçi, Kryetar i PDSH-së (Fushata, 2016).

Gjuha shqipe, përdorimi i flamurit, beteja për të drejta të barabarta, përfaqësimi i drejtë në institucione dhe zhvillimi i barabartë rajonal, në vazhdimësi kanë qenë pjesë e retorikës së mbushur me premtime patriotike nga ana e partive politike shqiptare. Për zgjedhjet e 12 prillit, partitë shqiptare akoma nuk i kanë gati programet e tyre por duke qenë se statusi i përdorimit të shqipes mbetet “status-kuo”, përfaqësimi i drejtë nuk ka arritur nivel kushtetues dhe zhvillimi rajonal nuk ndryshon nga ai periudhës para zgjedhjeve parlamentare të vitit 2016, nuk përjashtohet mundësia që partitë të shënojnë edhe një fushatë me retorikën e njëjtë.

Analisti Xhelal Neziri vlerëson se çështja e gjuhës shqipe dhe e përdorimit të simboleve kombëtare tashmë janë temë të absorbuara që nuk do të sjellin vota. Ai shton se nevojiten projekte konkrete.

Sa i përket gjuhës shqipe, sa i përket flamurit, mendoj se janë çështje të cilat deri diku janë absorbuar, janë harxhuar si mjete për grumbullimin e votave. Sa i takon punësimit të shqiptarëve mendoj se është çështje kryesore e cila duhet të jetë në fokus të partive politike, jo vetëm si frayeologji, si retorikë por me projekte konkrete – deklaroi Xhelal Neziri, analist.

Punësimi, ndarja e drejtë e kapitalit dhe vetingu në arsim, sipas Nezirit, janë shtyllat ku duhet të fokusohet fushata e partive politike shqiptare.

Të mbajnë llogari për përfaqësim të barabartë, të drejtë të të gjithë etniteteve, përfshirë këtu edhe të etnisë shqiptare, në të gjitha institucionet, por edhe të ndarjes së drejtë të kapitalit shtetëror në bazë rajonale. Ne e dimë se në bazë të zhvillimit rajonal, investimet kapitali i anashkalojnë rajonet e banuara me shumicë shqiptare dhe kjo normalisht se do të jetë një pikë ku partitë politike do të premtojnë ta përmirësojnë këtë gabim. Përveç kësaj, është edhe një çështje tjetër shumë e rëndësishme që ka të bëjë me vetingun në arsim. Ne kemi problem me kuadrot të cilët i prodhon kz sistem arsimor, me njerëz të kyçur po në atë sistem arsimor -u shpreh deklaroi Xhelal Neziri, analist.

Në janar të 2017-tës, vetëm disa javë pas zgjedhjeve të kaluara parlamentare, partitë shqiptare firmosën deklaratën e përbashkët në të cilën zotoheshin për mbrojtjen e interesave të qytetarëve shqiptar, përdorimin e gjuhës, simboleve kombëtare shqiptare, punësim të drejtë, zhvillim të vendbanimeve shqiptare dhe të ngjashme. Disa muaj më vonë, më asnjëra parti nuk mori iniciativën për jetësim të deklaratës dhe vazhdim të koordinimit mes partive që e firmosën atë.

 

 

BURIMI: Alsat-M

Continue Reading

Lajme

Nga mesnata çmime të reja të derivative të naftës

Published

on

By

Nga mesnata çmime të reja të derivative të naftës

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut miratoi vendim, me të cilin bëhet rritja e çmimeve të shitjes me pakicë të derivateve të naftës mesatarisht 0,58% në raport me vendimin e datës 11.08.2022.

Çmimet referente të derivateve të naftës në tregun botëror, në krahasim me përllogaritjen e mëparshme shënojnë rritje mesatarisht te benzina për 2,140%, te nafta për 2,090%, te vaji ekstra i lehtë ka rritje për 2,044% dhe te mazuti ka rritje për 1,868%.
Çmimi i shitjes me pakicë të benzinës ЕUROSUPER BS-95 rritet për 0,50 den/litër.

Çmimet e shitjes me pakicë të benzinës ЕUROSUPER BS-98 dhe vajit për amvisëri EKSTRA I LEHTË (EL-1), rriten për 1,00 den/litër.
Çmimi i shitjes me pakicë i EURODIZELIT (D-E V) nuk ndryshon.
Nga data 16.08.2022, ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 88,50 (denarë/litër)
Benzinë motori EUROSUPER BS – 98 91,00 (denarë/litër)
Naftë motori EURODIZEL BS (D-E V) 90,00 (denarë/litër)
Vaj për Djegie Ekstra i Lehtë 1 (EL-1) 86,50 (denarë/litër)
Mazut М-1 SU 52,814 (denarë/kilogram)

Continue Reading

Lajme

Imeri nga ASH: Do të rrisim tatimet për reklama të kazinove dhe bastoreve në Tetovë

Published

on

By

Imeri nga ASH: Do të rrisim tatimet për reklama të kazinove dhe bastoreve në Tetovë

Blerian Imeri nga Aleanca për Shqiptarët, kandidat për këshilltar në komunën e Tetovës, në “Click 21” tha se do të inicojnë nismën që kompanitë e basteve dhe kazinove të kenë tatime më të larta për publicitet. Sipas tij, kjo do të ulte numrin e vizitave në këto lokale.

“Ne do të iniciojmë që reklama e tyre nëpër billborde të jetë dyfishi i një reklame të një sektori privat, do të rrisim tatimin për to dhe të ndalojmë publicitetin kaq të madh të kazinove. Kazinotë nuk janë vetëm problem komunal, por edhe shtetëror”, tha mes tjerash Imeri.

Continue Reading

Lajme

Ibraimi nga ASH: Do të sigurojmë çerdhe fëmijësh për fshatrat dhe malësinë e Tetovës

Published

on

By

Ibraimi nga ASH: Do të sigurojmë çerdhe fëmijësh për fshatrat dhe malësinë e Tetovës

Semira Ibraimi, kandidate e Aleancës për Shqiptarët për këshilltare në komunën e Tetovës në “Click 21” tha se si parti e kanë në plan që edhe fshatrave dhe malësisë së Tetovës t’u sigurojnë çerdhe për fëmijë.

“Dihet se Tetova ka problem me çerdhet, normal edhe me shkollat fillore. Një ndër ato probleme është që edhe malësia e Tetovës nuk ka çerdhe. Ne do ta realizojmë këtë plan që të kenë edhe malësia dhe fshatrat çerdhe, që të ua mundësojmë nënave që të lënë fëmijët e tyre në çerdhe dhe edhe ata të punësohen”, deklaroi mes tjerash Ibraimi.

Continue Reading

Aktuale