Connect with us

Lajme

Ratifikimi i protokolit për në NATO dhe data e zgjedhjeve ende temë diskutimi

Published

on

12 prilli datë e volitshme për zgjedhje, megjithatë ratifikimi i protokollit për NATO mund të shkaktojë ndryshime.

Nëse respektohen të gjitha afatet ligjore Kuvendi do të duhet të shpërndahet më 11 shkurt, ndërsa menjëherë kryetari i Kuvendit, Talat Xhaferi do t’i shpallë zgjedhjet e parakohshme parlamentare që duhet të mbahen më 12 prill.

Këtë e theksoi vetë Xhaferi në takimin me gazetarët para disa ditëve, ndërsa kryeministri Zoran Zaev  dje theksoi se 12 prilli, data për kur janë harmonizuar liderët e partive politike në takimin tek presidenti Stevo Pendarovski, duhet të të mbahet, por megjithatë theksoi se lihet mundësia për çfarëdo qoftë ndryshimi, para se gjithash për shkak të ratifikimit të Protokollit për anëtarësim në NATO.

Theksoi se si shtet nuk do të lejojmë të mos kemi parlament pikërisht kur ne duhet ta ratifikojmë Protokollin me NATO-n.

“Të gjitha 29 vendet anëtare e kanë ratifikuar Protokollin dhe kur të vijë koha që Republika e Maqedonisë së Veriut ta ratifikojë nuk guxojmë të lejojmë të mos kemi parlament”, theksoi kryeministri.

Sipas Xhaferit, nuk ekziston mundësi të konvokohet Kuvendi nëse paraqitet nevoja që të ratifikohet Protokolli për anëtarësim në NATO.

Për këtë Xhaferi do të duhet të pritet në përbërjen e re kuvendore. Për këtë çështje theksoi deri më tani  nuk ka biseduar me liderë të partive politike, e kush ka nevojë për të nënvizoi duhet të kërkojë takim dhe të bisedojmë.

Vendi pritet shumë shpejt të bëhet edhe anëtar zyrtar i NATO-s, edhe tre ratifikime e ndajnë nga anëtarësimi i plotfuqishëm.

Njëzet e gjashtë vende, mes të cilëve edhe SHBA-ja, kanë dhënë dritën jeshile për Maqedoninë e Veriut për t’u anëtarësuar në Aleancë. Shumë shpejt pritet që këtë ta bëjnë edhe Franca, Holanda dhe Spanja, ndërsa Protokolli do të kalojë në Parlamentin tonë.

Në Francë, ratifikimin duhet ta përfundojë Asambleja parlamentare pasi që ketë paraprakisht e bëri senati. Të hënën në vend vjen nënkryetarja e  senatit Elen Konve-Mure në takim me kryetarin e parlamentit Talat Xhaferi, me përfaqësues të organeve parlamentare dhe grupeve parlamentare.

Nënkryetarja Konve-Mure mori pjesë në përgatitjen e Propozim-ligjit për ratifikim të Protokollit për anëtarësim  të Maqedonisë së Veriut në NATO,  që muajin e kaluar në lexim të parë kaloi në Senatin  e Francës.

Continue Reading

Bota

Shitja e dronëve Bayraktar, porositë janë mbyllur për 3 vjet

Published

on

By

Shitja e dronëve Bayraktar, porositë janë mbyllur për 3 vjet

Kërkesa për dronët turq Bayraktar TB2 është rritur ndjeshëm. Kompania turke Baykar Makina Sanayi ve Ticaret AS, e cila furnizon Ukrainën me drone, njoftoi se aktualisht ka një numër të madh të porosive për tre vjet. Sipas kompanisë, ajo ka kapacitetin për të prodhuar 20 dronë në muaj.

“Dronët TB2 dhe Akinci janë prodhuar në masë, ne kemi kërkesë për të dyja”, tha CEO i kompanisë private Haluk Bayraktar, në një intervistë me Fondacionin ukrainas Come Back Alive. “Për Bayraktar TB2 kemi kontrata eksporti me 22 vende të ndryshme”, tha ai, shkruan Bloomberg.

Baykar, i cili po punon gjithashtu në një projekt luftarak pa pilot të quajtur Bayraktar Kizilelma, dëshiron të rrisë më tej kapacitetin e tij prodhues dhe shpreson ta bëjë këtë duke ndërtuar një fabrikë në Ukrainë.

Kompania turke bleu tokë në Ukrainë dhe është regjistruar si person juridik, me qëllim ndërtimin e një fabrike për prodhimin e mjeteve ajrore pa pilot Bayraktar.

Bayraktar, i cili është vëllai i dhëndrit të presidentit turk Rexhep Tajip Erdogan, Selcuk Bayraktar, tha se kompania dëshiron të ndërtojë drone TB2 dhe Akinci, si dhe Kizilelma Fighters në Ukrainë. Ndërtimi i një objekti kërkimor dhe një qendre prodhimi të avancuar tashmë është duke u zhvilluar, tha ai, duke shtuar: “Ne e shohim Ukrainën si partnerin tonë strategjik. Ne gjithashtu duam ta bëjmë Ukrainën një bazë prodhuese”.

Turqia ka arritur të mbajë marrëdhënie të mira si me Ukrainën ashtu edhe me Rusinë. / abcnews

Continue Reading

Bota

Sa do të rriten pagat vitin e ardhshëm në Zvicër

Published

on

By

Sa do të rriten pagat vitin e ardhshëm në Zvicër

Referuar një sondazhi të KOF (Qendrës së Kërkimeve Ekonomike), thuhet se pagat në Zvicër pritet të rriten mesatarisht me 2.2% vitin e ardhshëm, përcjell albinfo.ch.

Ndërkohë që kjo shumë do të ishte rritja më e madhe në 22 vjet.

Ekspertët ekonomikë thonë se kjo rritje nuk do të kompensojë plotësisht inflacionin.

Ky sondazh u transmetua në “NZZ am Sonntag”, ku thuhet se pritet një rritje mesatare e pagave prej 2.2% në vitin 2023.

Nga ana tjetër, gazeta shkruan se UBS në parashikimet e saj tregon se inflacioni për gjithë vitin 2022 do të jetë në të vërtetë 3.1%./albinfo.ch

Continue Reading

Kosovë

Vuçiq: Zbatimi i vendimit të Kosovës për targa mund të bëhet vetëm me dhunë

Published

on

By

Vuçiq: Zbatimi i vendimit të Kosovës për targa mund të bëhet vetëm me dhunë

Presidenti i Serbisë, Aleksandar Vuçiq, ka thënë të hënën se do të shkojë në Bruksel për takim me kryeministrin e Kosovës, Albin Kurti, me një qëllim, “të ruajë paqen dhe stabilitetin”.

Ndërkohë pak sekonda më pas tha se Qeveria e Kosovës mund të zbatojë vendimin e saj për targat e automjeteve, kryesisht në veri, “vetëm me dhunë”.

“Kjo mund të bëhet vetëm me dhunë, por mos prisni që Serbia t’ju ndihmojë në rregullimin ligjor të problemit”, tha ai përcjellin mediat serbe.

Vuçiqi gjatë prezantimit të armëve të reja të prodhuara nga Serbia në Akademinë Ushtarake në Beograd, tha se Serbisë nuk duhet t’i interesojë Kushtetuta e Kosovës.

“Ne jemi të interesuar të diskutojmë gjithçka. Ne nuk kemi problem me temat. Ne duam të flasim për Asociacionin e komunave serbe. Nëse thonë se nuk është në përputhje me Kushtetutën, atëherë nuk na duhet një e tillë në përputhje me kushtetutën, sepse një komunitet të tillë mund ta formojë çdo qytetar. Pse duhet të na interesojë Kushtetuta e tyre”, tha Vuçiq.

Takimi Kurti – Vuçiq do të mbahet më 18 gusht dhe BE-ja të dielën u bëri thirrje liderëve të të dy vendeve që të ndalin “retorikën nxitëse”.

Kosova, me kërkesë të bashkësisë ndërkombëtare ka shtyrë për një muaj vënien në fuqi të masës së reciprocitetit për letërnjoftime, ndërkohë që u ka dhënë dy muaj kohë të gjithë atyre që kanë targa të lëshuara nga Serbia në emër të qyteteve të Kosovës, që t’i ndërrojnë ato.

Continue Reading

Aktuale