Connect with us

Lajme

Punësimet e maqedonasve, Ylber Sela i arsyetoi me Balanserin etnik

Published

on

Aleanca për Shqiptarët akuzoi sot se BDI po punëson maqedonas për të zbatuar gjuhën shqipe, në institucionin e ri te krijuar pas votimit të Ligjit për gjuhët. Sipas ASH-së, Agjencia e re e krijuar për këtë punë e që drejtohet nga Ylber Sela, ka shpallur konkurs me të cilin kërkon të punesojë 3 maqedonas, një shqiptar dhe një rom. Maqedonasit sipas Aleancës, kërkohen për pozitat e udhëheqësve, përcjell in7.

Sulmeve të Aleancës për Shqiptarët u eshtë përgjigjur drejtori i kesaj Agjencie, i cili këtë fakt e arsyeton me Balanserin etnik, një mjet që siguron përfaqësimin e të gjitha bashkësive etnike në institucionet shtetërore. Sipas Selës, institucioni që ai e drejton ka të punësuar më shumë shqiptarë, për dallim prej bashkësive tjera etnike.

Reagimi i plotë i Ylber Selës:

Kryeqytetari i Gostivarit, Arben Taravari, në faqen e tij në Fejsbuk paska botuar një reagim kundër Agjencisë për Zbatimin e Gjuhës, nëpërmjet të cilit shfaqet si një dalzotës i gjuhës shqipe. Për t’i flakur të pavërtetat e tij, jemi të detyruar t’i marrim me radhë dhe t’i sqarojmë për hir të qytetarëve.

Së pari, Arben Taravari që në titull thotë: “BDI-ja emëron maqedonas të përkujdesen për zbatimin e gjuhës shqipe”. Pa dashur të bëjmë avokatin e BDI-së, A. Taravari e ngatërron emërimin dhe punësimin. Pra, mund të emërohet një funksionar, bie fjala një ministër, një drejtor etj., por në këtë rast është fjala për punësim dhe jo për emërim!

Së dyti, është e pavërtetë kur thotë se janë emëruar maqedonas të përkujdesen për gjuhën shqipe. Por, edhe sikur të ishte e vërtetë kjo gjë, çfarë të keqe do të kishte që fundja edhe maqedonasit të kujdesen për gjuhën shqipe?! Përkundrazi, do të ishte një nder i madh për të gjithë ne. Ka plot maqedonas që kanë mbaruar për gjuhë shqipe dhe janë shumë solidë në punën e tyre.

Së treti, mësa duket zoti A. Taravari ka harruar se cili është roli i Agjencisë për Zbatimin e Gjuhës, ndonëse Ligjin e ka votuar edhe partia e tij. Ai thotë se Agjencia e kontrollon zbatimin e gjuhës shqipe. Jo, nuk bën kurrfarë kontrolli, as auditimi, por vetëm u ndihmon institucioneve në zbatimin e ligjit, përkthen dhe lekturon tekste zyrtare, shkresa, akte, dokumente, përgatit raporte për nevojat e qeverisë, jep sqarime dhe udhëzime profesionale, përkujdeset për drejtshkrimin e gjuhës shqipe, bën avancimin e saj etj.

Ndërkaq, kontrollin dhe sanksionimin do ta bëjë së shpejti Inspektorati.
Së katërti, ai vetë thotë se shumica e të punësuarve duhet të jenë shqiptarë, por nga ana tjetër del se është kundër maqedonasve. Ai duhet ta ketë të qartë Balancerin etnik që është një detyrim ligjor, të cilin e zbaton edhe vetë në Komunën që e udhëheq. Për të funksionuar një institucion, nevojiten edhe shumë struktura të tjera, duke filluar nga shërbimet teknike, adiminstrative, juridike, financiare etj.

Natyrisht, të drejtë konkurrimi dhe punësimi kanë të gjithë qytetarët e Maqedonisë së Veriut, por është çështje tjetër pastaj se cili prej tyre i plotëson kushtet ligjore. Në Agjencinë për Zbatimin e Gjuhës janë ndjekur pikërisht këto kritere. Dhe, për sa i përket kësaj, nuk ka pasur asnjë keqkuptim prej askujt. E vërteta është se në këtë agjenci janë të punësuar vetëm dy maqedonas, të tjerët janë të gjithë shqiptarë.

Së pesti, për sa u përket dy maqedonasve të punësuar në Agjencinë për Zbatimin e Gjuhës, nuk kanë të bëjnë fare me përkujdesjen, siç thotë A. Taravari, ndaj gjuhës shqipe. Sa për sqarim, ata i kanë plotësuar kushtet ligjore, janë persona shumë të aftë profesionalisht, por nuk punojnë as në fushën e përkthimit e as të lekturimit. Që të dytë e flasin gjuhën shqipe dhe japin ndihmesë në punën e kësaj agjencie.

Së gjashti, sa për dijeni të Arben Taravarit, Sektori i Përkthimit dhe Lekturës në Agjencinë për Zbatimin e Gjuhës, që është sektori kryesor, është i tëri me shqiptarë, që nga përgjegjësi i tij e deri te përkthyesit dhe lektorët. Pra, nuk ka asnjë të punësuar me përkatësi tjetër etnike.

Së shtati, me keqardhje po themi se Arben Taravari, që paraqitet si mbrojtës i gjuhës shqipe, më mirë do të ishte që vetë të ketë kujdes se si e shkruan atë. Po ia përkujtojmë se “Agjencia për zbatimin e gjuhës shqipe”, siç e shkruan ai, duhet ta shkruajë me shkronja të mëdha “Agjencia për Zbatimin e Gjuhës”; shumësin e fjalës “shqiptar”, duhet ta bëjë me “ë” në fund, pra “shqiptarë”; nacionaliteti “maqedonë” duhet ta shkruajë nacionalitetit “maqedonas”; nacionalitetit “romë” duhet ta shkruajë nacionalitetit “rom” etj.” – thotë Sela

Continue Reading

Bota

Shitja e dronëve Bayraktar, porositë janë mbyllur për 3 vjet

Published

on

By

Shitja e dronëve Bayraktar, porositë janë mbyllur për 3 vjet

Kërkesa për dronët turq Bayraktar TB2 është rritur ndjeshëm. Kompania turke Baykar Makina Sanayi ve Ticaret AS, e cila furnizon Ukrainën me drone, njoftoi se aktualisht ka një numër të madh të porosive për tre vjet. Sipas kompanisë, ajo ka kapacitetin për të prodhuar 20 dronë në muaj.

“Dronët TB2 dhe Akinci janë prodhuar në masë, ne kemi kërkesë për të dyja”, tha CEO i kompanisë private Haluk Bayraktar, në një intervistë me Fondacionin ukrainas Come Back Alive. “Për Bayraktar TB2 kemi kontrata eksporti me 22 vende të ndryshme”, tha ai, shkruan Bloomberg.

Baykar, i cili po punon gjithashtu në një projekt luftarak pa pilot të quajtur Bayraktar Kizilelma, dëshiron të rrisë më tej kapacitetin e tij prodhues dhe shpreson ta bëjë këtë duke ndërtuar një fabrikë në Ukrainë.

Kompania turke bleu tokë në Ukrainë dhe është regjistruar si person juridik, me qëllim ndërtimin e një fabrike për prodhimin e mjeteve ajrore pa pilot Bayraktar.

Bayraktar, i cili është vëllai i dhëndrit të presidentit turk Rexhep Tajip Erdogan, Selcuk Bayraktar, tha se kompania dëshiron të ndërtojë drone TB2 dhe Akinci, si dhe Kizilelma Fighters në Ukrainë. Ndërtimi i një objekti kërkimor dhe një qendre prodhimi të avancuar tashmë është duke u zhvilluar, tha ai, duke shtuar: “Ne e shohim Ukrainën si partnerin tonë strategjik. Ne gjithashtu duam ta bëjmë Ukrainën një bazë prodhuese”.

Turqia ka arritur të mbajë marrëdhënie të mira si me Ukrainën ashtu edhe me Rusinë. / abcnews

Continue Reading

Bota

Sa do të rriten pagat vitin e ardhshëm në Zvicër

Published

on

By

Sa do të rriten pagat vitin e ardhshëm në Zvicër

Referuar një sondazhi të KOF (Qendrës së Kërkimeve Ekonomike), thuhet se pagat në Zvicër pritet të rriten mesatarisht me 2.2% vitin e ardhshëm, përcjell albinfo.ch.

Ndërkohë që kjo shumë do të ishte rritja më e madhe në 22 vjet.

Ekspertët ekonomikë thonë se kjo rritje nuk do të kompensojë plotësisht inflacionin.

Ky sondazh u transmetua në “NZZ am Sonntag”, ku thuhet se pritet një rritje mesatare e pagave prej 2.2% në vitin 2023.

Nga ana tjetër, gazeta shkruan se UBS në parashikimet e saj tregon se inflacioni për gjithë vitin 2022 do të jetë në të vërtetë 3.1%./albinfo.ch

Continue Reading

Kosovë

Vuçiq: Zbatimi i vendimit të Kosovës për targa mund të bëhet vetëm me dhunë

Published

on

By

Vuçiq: Zbatimi i vendimit të Kosovës për targa mund të bëhet vetëm me dhunë

Presidenti i Serbisë, Aleksandar Vuçiq, ka thënë të hënën se do të shkojë në Bruksel për takim me kryeministrin e Kosovës, Albin Kurti, me një qëllim, “të ruajë paqen dhe stabilitetin”.

Ndërkohë pak sekonda më pas tha se Qeveria e Kosovës mund të zbatojë vendimin e saj për targat e automjeteve, kryesisht në veri, “vetëm me dhunë”.

“Kjo mund të bëhet vetëm me dhunë, por mos prisni që Serbia t’ju ndihmojë në rregullimin ligjor të problemit”, tha ai përcjellin mediat serbe.

Vuçiqi gjatë prezantimit të armëve të reja të prodhuara nga Serbia në Akademinë Ushtarake në Beograd, tha se Serbisë nuk duhet t’i interesojë Kushtetuta e Kosovës.

“Ne jemi të interesuar të diskutojmë gjithçka. Ne nuk kemi problem me temat. Ne duam të flasim për Asociacionin e komunave serbe. Nëse thonë se nuk është në përputhje me Kushtetutën, atëherë nuk na duhet një e tillë në përputhje me kushtetutën, sepse një komunitet të tillë mund ta formojë çdo qytetar. Pse duhet të na interesojë Kushtetuta e tyre”, tha Vuçiq.

Takimi Kurti – Vuçiq do të mbahet më 18 gusht dhe BE-ja të dielën u bëri thirrje liderëve të të dy vendeve që të ndalin “retorikën nxitëse”.

Kosova, me kërkesë të bashkësisë ndërkombëtare ka shtyrë për një muaj vënien në fuqi të masës së reciprocitetit për letërnjoftime, ndërkohë që u ka dhënë dy muaj kohë të gjithë atyre që kanë targa të lëshuara nga Serbia në emër të qyteteve të Kosovës, që t’i ndërrojnë ato.

Continue Reading

Aktuale