Connect with us

Lajme

Shpërndarja e Parlamentit / Xhaferi i vendosur për 11 Shkurtin

Published

on

Parlamenti shpërndahet më 11 shkurt, a do të ratifikohet Protokolli për NATO-n

Kryetari i Kuvendit Talat Xhaferi ka paralajmëruar se do të shpërbëjë Dhomën ligjvënëse më 11 shkurt ose 60 ditë nga mbajtja e zgjedhjeve parlamentare të caktuara më 12 prill. Me këtë hapet dilema nëse vendi do të ketë Parlament funksional që të ratifikohet Protokolli për anëtarësim në NATO.

Sipas njeriut të parë të Dhomës ligjvënëse, Talat Xhaferi, nuk ekziston mundësi të thirret Kuvendi nëse ka nevojë të ratifikohet Protokolli për anëtarësim në NATO. Për këtë siç deklaroi Xhaferi në brifingun e djeshëm për gazetarë do të duhet të pritet në përbërjen e re parlamentare. Për këtë çështje, siç ka shtuar ai, “deri tani nuk ka biseduar me liderë të partive politike”.

Kryeministri Zoran Zaev ka shprehur bindje se ratifikimi do të përfundojë në kohë.

“Unë besoj se me kohë do ta kryejmë këtë punë. Shteti po bëhet gati, që ne me institucionet tona, në këtë rast Parlamentin, mos të jemi pengesë. Kjo nënkupton se Parlamenti me kohë ta miratojë Ligjin e ri për mbrojtje. Kjo është me rëndësi për shkak se përmes tij, ne adaptohemi me gjithë ato obligime si anëtare e re e NATO-s, kuptohet edhe për ratifikimin me kohë të Protokollit në Parlamentin tonë”, theksoi Zaev.

Kryeministri po ashtu theksoi se nder i madh është që SHBA-ja e përfundoi ratifikimin për Protokollin në NATO, të cilin tradicionalisht ata e realizojnë të fundit.

Edhe lideri i opozitës, VMRO-DPMNE, Hristijan Mickoski ka thënë se nëse Kuvendi shpërbëhet, ai përsëri duhet të mblidhet.

Ai dje ka deklaruar se në takimin e liderëve tek presidenti i shtetit është biseduar për mundësinë të thirret veçmë Parlamenti i shpërndarë, nëse paraqitet nevoja e ratifikimit të Protokollit në NATO.

Edhe presidenti i vendit, Stevo Pendarovski në takimin e liderëve kohë më parë ka apeluar deri te partitë politike gjatë konfirmimit të datës së zgjedhjeve të kenë parasysh ratifikimin e protokollit për anëtarësim që të mos vjen në situatë shteti të ketë Parlamentin jofunksional dhe të mos mund të ratifikojë Protokollin.

Protokolli për anëtarësim në NATO duhet të ratifikohet në Parlamentin tonë pasi ratifikimi të kalojë në Parlamentet e vendeve anëtare të Aleancës. Deri tani, Protokollin e kanë ratifikuar 26 shtete, ndërsa mbetet edhe Franca, Holanda dhe Spanja. Në Spanjë pritet ratifikimi të kalojë në dhjetor kur dhe do të konstituohet Parlamenti spanjoll. fab/

Continue Reading

Lajme

Andreeva: Rritja e pagës minimale nuk rrit produktivitetin e punëtorëve

Published

on

Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.

Duke folur për këtë temë, ajo është shprehur:

“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/

Continue Reading

Bota

Merkel refuzon ofertën për punë në OKB

Published

on

Ish-kancelarja gjermane Angela Merkel, e cila u largua nga detyra në fillim të dhjetorit, refuzoi ofertën për punë nga sekretari i Përgjithshëm i OKB-së Antonio Guterres, njoftoi sot zyra e saj.

Angela Merkel “thirri sekretarin e Përgjithshëm të OKB-së javën e kaluar, e falënderoi për ofertën dhe tha se nuk do ta pranonte atë”, tha zyra e saj në një deklaratë për AFP, duke konfirmuar informacionin që u shfaq në media.

Në deklaratë nuk thuhej se çfarë lloj angazhimi i ofroi Guterres ish-kancelares gjermane, por mediat raportuan më parë se ai po kryesonte komitetin këshillues të OKB-së për të mirat publike globale, që është një nga projektet e tij kryesore reformuese.

Merkel, e cila ka njoftuar prej kohësh tërheqjen e saj pas zgjedhjeve parlamentare gjermane në shtator 2021, përsëriti në disa raste se nuk dëshiron të merr asnjë funksion të ri pas skadimit të mandatit të saj.

Që kur u largua përfundimisht nga skena politike më 8 dhjetor, ajo i është përkushtuar shkrimit të kujtimeve politike me ish-këshilltaren dhe bashkëpunëtoren e saj të ngushtë Beate Bauman.

Qëllimi i saj është të shpjegojë vendimet kryesore politike që ka marrë gjatë 16 vjetëve të saj në pushtet, tha këshilltarja e saj.

Continue Reading

Kosovë

Bislimi: Kosova i ka plotësuar të gjitha kriteret për heqjen e vizave

Published

on

Zëvendëskryeministri i parë, Besnik Bislimi, ka prezantuar agjendën e Qeverisë së Kosovës në Agjendën Evropiane për vitin 2022.

Ai, me anë të një postimi në rrjetin social Facebook, ka thënë se prioritetet e tyre do të jenë “zbatimi i MSA-së dhe agjenda e reformave evropiane (ERA-II), sundimi i Ligjit, luftimi i krimit të organizuar dhe korrupsionit, qeverisja e mirë dhe demokratizimi, rimëkëmbja ekonomike, reforma e administratës publike, marrëdhëniet e mira fqinjësore, përfshirë dialogun me Serbinë, përafrimi i legjislacionit me Acquis të BE-së dhe programimin dhe absorbimin më të madh të fondeve të paraanëtarësimit (IPA III) dhe Fondit Investiv për Ballkanin Perëndimor (WBIF)”.

Bislimi, tutje, ka theksuar se sot shënohet 10-vjetori i fillimit të dialogut të liberalizimit të vizave mes BE-së dhe Kosovës.

“Prandaj, shfrytëzova rastin t’ua rikujtoj vendeve anëtare të BE-së që Kosova ka plotësuar të gjitha kriteret e nevojshme dhe qytetarët e Kosovës janë në pritje të një vendimi për heqjen e vizave, të cilën e meritojnë”, ka thënë Bislimi.

Continue Reading

Aktuale