Connect with us

Rajon

Mogherini dhe politika e saj e (pa)suksesshme në Ballkan

Published

on

Shefja e diplomacisë evropiane, Federika Mogherini para largimit e vlerëson të “suksesshme” politikën e zgjerimit të BE. Por njëkohësisht paralajmëron, se gjendja në Ballkanin Perëndimor është si kuti e hapur e Pandorës.

Kutinë e hapur të Pandorës në Ballkanin Perëndimor duhet ta mbyllë tani pasardhësi i saj spanjoll, Josep Borell, sepse shefja e diplomacisë evropiane Federika Mogherini, ka dështuar ta bëjë këtë në mandatin e saj. Mogherini do të mbledhë tani edhe njëherë liderët e gjashtëshes ballkanike, në një darkë lamtumire në Bruksel. Ajo thotë se do të jetë ky një takim i zgjeruar me përfaqësues të rajonit, i cili ka qenë, siç thotë ajo, prioriteti kryesor në politikën e saj, menjëherë pas çështjeve të sigurisë dhe mbrojtjes.

Në raportin e saj në Parlamentin Evropian, në prill të këtij viti, Federika Mogherini tha se “politika e zgjerimit të BE ka qenë një prej më të sukseshmëve në pesë vitet e kaluara të mandatit të saj”, kur ajo ishte në krye të diplomacisë evropiane.

Pohimet e Mogherinit për “sukses”

“Politika jonë ndaj Ballkanit, në Ballkan dhe në radhë të parë me Ballkanin, është një histori suksesi, e cila ka pasur një fillim dhe rrugë të vështirë drejt vendosjes së mirëbesimit dhe jetës së përbashkët”, tha Mogherini. Korrespondentët e mediave të Ballkanit Perëndimor thonë, se këtu ka një “mospërputhje të madhe mes fjalëve dhe veprave”, sepse përfaqësuesja e lartë e BE për Politikë të Jashtme dhe Siguri nuk ka ndonjë temë tjetër, me të cilën mund të mburret – përveç angazhimit deklarativ për afrimin e Ballkanit Perëndimor me BE.

”Bosnje-Hercegovina nuk ka marrë as statusin e kandidatit, dialogu mes Kosovës dhe Serbisë është futur në qorrsokak. Serbia dhe Mali i Zi nuk kanë përparuar në negociata, ndërsa Shqipëria dhe Maqedonia e Veriut nuk e kanë marrë dritën jeshile për hapjen e negociatave për anëtarësimit në BE”, thotë për Deutsche Wellen, korrespondenti i Radio Televizionit të Serbisë Dushan Gajiq. Ai shton se përgjegjësinë për këtë gjendje në procesin e zgjerimit, në radhë të parë e mbajnë vendet anëtare, por edhe Mogherini, e cila ka humbur kredibilitetin në rajon, për shumë shkaqe.

”Për shembull, me paralajmërimin për heqjen e vizave për Kosovën, e cila nuk ka ndodhur. Pastaj pohimet për hapjen e negociatave me Tiranën dhe Shkupin, që nuk është realizuar, përkundër Marrëveshjes së Prespës për ndryshimin e emrit. Më në fund ajo ka humbur kredibilitetin edhe për shkak të paralajmërimeve të shumta për arritjen e marrëveshjes përfundimtare mes Beogradit dhe Prishtinës, deri në fund të mandatit të saj. Kur shikon mbrapa, të gjitha këto duken si një grumbull i madh i fjalëve boshe dhe nuk mund të paraqiten si trashëgimi e mirë për pasardhësin e saj”, konstaton Gajiq.

Humbja e timonit të dialogut

Krerët evropianë shpesh përgjigjen, se nuk e kanë në dorë “shkopin magjik”, për zgjidhjen e problemeve. Ndërsa shefja e diplomacisë së BE në largim mund të thotë se ka besuar në realizimin e hapave pozitivë. “Ndoshta nuk keni sukses, por nëse insistoni dhe keni qëllime dhe parime të qarta, atëherë mund të vijnë edhe sukseset. Ndoshta pas 25 vitesh, pas shtatë apo vetëm dy vitesh”, thoshte Mogherini.

Korrespodentja e Radio Televizionit të Kosovës në Bruksel, Gjeraqina Tuhina mendon, se Mogherini nuk ka qenë parimore dhe e vendosur në politikën e saj ndaj rajonit, në veçanti në dialogun mes Kosovës dhe Serbisë. “Ajo nuk i është përmbajtur parimeve, sepse motivi i saj ka qenë që dialogu të përfundojë gjatë mandatit të saj. Zërat për mundësinë që të fitojë Çmimin Nobel për paqe kanë bërë ndoshta, që ajo të angazhohet për një zgjidhje me të gjitha mjetet gjatë mandatit të saj, ndërsa kualiteti i zgjidhjes ka qenë më pak (e ndoshta edhe aspak) i rëndësishëm”, vlerëson Tuhina.

Gazetarja e RTK, e cila e përcjellë dialogun mes Kosovës dhe Serbisë prej fillimit në vitin 2011, thotë se Mogherini ka përgjedhur bashkëbiseduesit sipas dëshirës – duke ndryshuar formatet e takimeve, varësisht nga personat, të cilët ajo preferonte si bashkëbisedues, por edhe duke ndryshuar fazat e bisedimeve, pa dhënë shpjegime se çfarë është arritur në fazën e mëparshme. ”Përveç momentit të nënshkrimit të Marrëveshjes së Prespës, Mogherini nuk ka qenë më e pranishme në opinionin maqedonasverior. Një nga hipotezat që mund të dëgjohet në qarqet politike maqedonase është se Mogherini nuk e ka ndihmuar Maqedoninë, për shkak se ka insistuar që Maqedonia e Veriut dhe Shqipëria të mbeten në “një paketë” për negociatat, që është edhe qëndrimi i Italisë. Sipas kësaj teorie, ka qenë më e lehtë që Maqedonia të fillojë negociatat, sikur të mos ishte Shqipëria, të cilën e kanë kundërshtuar disa vende si Holanda apo Danimarka”, thotë për Deutsche Wellen korrespondetja e agjencisë kombëtare maqedonase MIA, Tanja Milevska. Ajo nënvizon se Mogherini ka qenë e njohur në Maqedoninë e Veriut vetëm nga prizmi i angazhimit të saj në dialogun Beograd-Prishtinë, gjë që ka shkaktuar shqetësime në opinion maqedonasverior.

”Mendoj se Maqedonia e Veriut ka pritur nga Mogherini dhe BE që në përgjithësi të jenë më të qartë kundër ideve për shkëmbimin e territoreve”, thotë Milevska. Federika Mogherini kurrë nuk e ka hedhur poshtë qartë idenë për shkëmbimin e territoreve mes Kosovës dhe Serbisë, respektivisht për ndryshimin e kufijve në rajon. Këtu ka pasur edhe qëndrime të tjera dhe marrëveshje të paqarta, ndryshime të linjave të kuqe, në veçanti në dialogun mes Beogradit dhe Prishtinës, ku ka pasur “shumë të vërteta”. Ndoshta është në pyetje mungesa e përvojës së Mogherinit, kushtet jo të mira apo thjesht Ballkani është i këtillë, por Federika Mogherini nuk e arriti këtë “marrëveshje historike” në Ballkan. Pasardhësi i saj, Joseph Borell, thotë se e presin shumë punë dhe se mandatin e tij do ta nisë pikërisht – nga Ballkani Perëndimor.

Continue Reading

Lajme

Abazoviq po i refuzon mbledhjet e thirrura nga Krivokapiq

Published

on

Në mbledhjen e sërishme të Këshillit të Sigurisë Kombëtare të Malit të Zi nuk u paraqitën pesë anëtarët e Këshillit të Sigurisë Kombëtare, të cilët bojkotuan tubimin e djeshme, njoftoi kabineti i kryeministrit malazez, Zdravko Krivokapiq.

Në mbledhjen e sotme nuk është paraqitur edhe koordinatori i Shërbimeve të Sigurisë dhe zëvendëskryeministri Dritan Abazoviq.

“Është për t’u habitur që personat në pozita të tilla përgjegjëse nuk janë të interesuar të vënë në dispozicion të publikut të gjeturat rreth trazirave me rastin e kurorëzimit të Mitropolitit Joaniki më 5 shtator në Cetinje”, pohoi kryeministri.

Politikani shqiptar gjatë ditës së sotme ka udhëtuar drejt Beogradit për ta takuar me Patriarkun Porfir, raporton rtcg gjersa mediat shkruajnë se marrëdhëniet mes kryeministrit dhe zëvendësit të tij janë përkeqësuar deri në atë masë sa që po i shmangen edhe takimeve zyrtare.

Theksojmë se tash e disa javë është krijuar një krizë në institucionet malazeze teksa Abazoviq ka kërkuar krijimin e një qeverie të re malazeze ndërsa kryeministri po kërkon shkarkimin e zëvendëskryeministrit.

Ndryshe, Kuvendi i Malit të Zi ka përcaktuar tre seanca parlamentare gjatë muajit të shkurt që përfshijnë shkarkimin e Abazoviqit, shkurtimin e mandatit të Parlamentit dhe votëbesimi i Qeverisë. /Telegrafi/

Continue Reading

Lajme

Ministri bullgar i Mbrojtjes: Asnjë ushtar bullgar nuk do të marrë pjesë në veprimet ushtarake në Ukrainë

Published

on

Ministri bullgar i Mbrojtjes, Stefan Janev, në seancën e sotme të jashtëzakonshme të Kuvendit nacional kushtuar tensioneve midis Rusisë dhe NATO-s, deklaroi se pa vendimin e parlamentit ose Këshillit të ministrave asnjë ushtar bullgar nuk do të marrë pjesë në Ukrainë, nëse në të vihet drejt veprimeve ushtarake nga Rusia.

Janev i paralajmëroi të gjithë në armatë të përgatiten për mbrojtjen e atdheut, njofton korrespondenti i MIA-s nga Sofja.

Sipas ministrit, të gjithë në Bullgari besojnë se vendi është thuajse në prag të konfliktit dramatik në territorin e saj apo në ndonjë territor të huaj.

“Gjegjësisht, flasim për masa të cilat Bullgaria është në gjendje t’i ndërmarrë”, shtoi Janev.

Ai komentoi se Bullgaria do të vazhdojë të mbështetet në angazhimet diplomatike për tejkalimin e krizës. Sipas tij, Bullgaria më nuk dëshiron të jetë vetë konsumente e sigurisë por edhe anëtare e plotfuqishme e NATO-s, për çka qeveria është duke e kërkuar opsionin më të mirë.

Continue Reading

Lajme

Të gjitha për atentatet kundër presidentit Vuçiç, autorët e dyshuar

Published

on

By

Zyrtarët në Serbi kanë kërkuar përmes një deklarate që shteti të marrë masa, për të zbuluar se kush ka tentuar ta vrasë presidentin serb, Aleksandar Vuçiç.

Më herët, Vuçiç, i ftuar nga televizioni privat serb, Pink, ka konfirmuar se informacionet për atentatin kundër tij, i ka marrë nga Europoli, agjencia evropiane e policisë.

Në një deklaratë të Qeverisë rajonale të Vojvodinës, të lëshuar më 24 janar, autoriteteve shtetërore u kërkohet të bëjnë gjithçka dhe t’i zbulojnë ata që kanë përgatitur, siç thuhet, vrasjen e Vuçiçit.

Më herët, ministrja e Energjisë e Serbisë, Zorana Mihajlloviç, ka deklaruar se kërcënimet për vrasjen e presidentit të Serbisë, paraqesin problem sigurie për mbarë vendin.

Mihajlloviq: Kërcënimet për vrasjen e presidentit të Serbisë paraqesin problem sigurie.

Informacionet për tentativën për atentat janë publikuar fillimisht nga ministri i Brendshëm i Serbisë, Aleksandar Vulin.

Më 21 janar, Vulin ka thënë se përmes Europolit, policia e një vendi evropian e ka informuar Ministrinë e Brendshme të Serbisë për krijimin e një grupi të organizuar kriminal, “qëllim i të cilit është vrasja, përkatësisht atentati ndaj presidentit të Republikës së Serbisë, Aleksandar Vuçiç”.

I dyshuari: Zvicer

Siç ka shpjeguar Vulin, pas kontrollit të autenticitetit të informacionit, së bashku me përfaqësuesit e Europolit dhe shërbimet partnere, ka nisur një aksion gjithëpërfshirës për përcaktimin e identitetit të kësaj “organizate kriminale”.

“Në krye të kësaj organizate kriminale është shtetasi malazez, Radoje Zvicer, për të cilin Serbia tashmë ka lëshuar një urdhër arresti; është organizator dhe një nga krerët e klanit të Kavaçit, përgjegjës për kontrabandë dhe shitje të paligjshme të drogës, por edhe organizimin dhe urdhërimin e disa vrasjeve të kryera në territorin e Republikë së Serbisë, Malit të Zi, por edhe në vende të tjera”, ka thënë Vulin.

Ai ka shtuar se hetimet do të përcaktojnë nëse Radoje Zvicer e ka organizuar këtë grup kriminal sipas gjykimit të tij, apo sipas urdhrit të shefit të tij politik.

Vulin nuk ka treguar se për kë e ka fjalën kur përmend shefin politik të Radoje Zvicerit.

Ministri i Brendshëm i Serbisë, Aleksandar Vulin.

Deri atëherë, anëtarët e MPB-së dhe Agjencisë së Sigurisë Informative do ta informojnë Prokurorinë për Krim të Organizuar për çdo informacion që do ta arrijnë përmes punës operative”, ka thënë Vulin.

Prokuroria nuk i ka komentuar këto deklarata.

Më 21 janar, kryeministrja e Serbisë, Ana Bërnabiç, ka konfirmuar për televizionin serb, Prva, se është informuar për atentatin e mundshëm kundër presidentit të Serbisë dhe se ai është planifikuar, sipas saj, për në gjysmën e parë të shkurtit.

Ministri i Mbrojtjes i Serbisë, Nebojsha Stefanoviç, ka thënë se shërbimet e sigurisë ushtarake dhe njësia speciale “Kobra” do të bëjnë gjithçka “për të parandaluar çdo kërcënim ndaj presidentit”.

Kush është Zvicer?

Më 21 maj, 2021, Mali i Zi ka lëshuar një urdhër-arrest ndërkombëtar për Radoje Zvicerin, me dyshimin se, bashkë me nëntë persona të tjerë, ka formuar një organizatë kriminale dhe ka kryer vrasje të rëndë.

Zvicer përmendet në media si një nga krerët e “Klanit Kavaç” – një nga dy klanet e Kotorrit nga Mali i Zi.

Vetë Zvicer i ka mbijetuar atentatit në Ukrainë, në maj të vitit 2020, kur, sipas informacioneve të policisë ukrainase, është qëlluar nga katër ekzekutorë: dy nga Serbia dhe dy nga Mali i Zi.

Sipas raportimeve të medieve, Zvicer është qëlluar me tre plumba në gjoks, por është shpëtuar nga bashkëshortja e tij, Tamara Zvicer, e cila ka qëlluar me armë zjarri.

“Nuk di për atentat”

Prejse është bërë zëvendëskryeministër i parë në vitin 2012, pastaj për tre vjet kryeministër, e deri në janar të vitit 2022, kur ka shënuar gati pesë vjet në presidencë, mediet kanë raportuar për pesë atentate të supozuara ndaj Aleksandar Vuçiçit.

I pyetur nga gazetarët në konferencën vjetore për media për atentatet ndaj tij, Vuçiç ka thënë se nuk di as për një rast të vetëm.

Ju thoni se ka pasur tentime për atentat, unë nuk di për asnjë”, ka thënë Vuçiç më 29 dhjetor, 2021.

Presidenti i Serbisë, Aleksandar Vuçiq (djathtas), dhe ministri i Brendshëm i Serbisë, Aleksandar Vulin.

Snajperi i Belivukut

Pas arrestimit të Velko Belivukut, më 4 shkurt, 2021 – i cilësuar në media si i afërt me klanin kriminal Kavaç dhe i akuzuar për vrasje të rëndë, zhvatje, rrëmbim dhe trafik droge – te pjesëtarët e grupit të tij është gjetur një pushkë snajper me municion.

Dy ditë më vonë, më 6 shkurt, Vulin ka thënë se në grupin e Velko Belivukut ka pasur disa persona të trajnuar për përdorimin e pushkës snajper.

Snajperi përdoret për të eliminuar objektiva të rëndësishme – disa prej të cilave mund të mos jeni në gjendje t’iu afroheni aq lehtë. Këta zakonisht janë përfaqësues të shtetit”, ka thënë Vulin në atë kohë.

Nëse do ta kishit vrarë atë, do ta kishit paralizuar gjithë vendin dhe do ta kishit sjellë atë në një destabilitet të rëndë politik, ndoshta edhe do ta kishit ndaluar luftën kundër mafias… I vetmi njeri, vdekja e të cilit do ta ndalonte luftën kundër mafias, do të ishte Aleksandar Vuçiç”, ka thënë Vulin.

Sipas tij, siguria e presidentit të Serbisë është në rrezik, sepse ai “është përplasur me kriminelët më të fuqishëm në Evropë”.

Në aktakuzën e Prokurorisë për Krim të Organizuar kundër Velko Belivukut dhe 29 të tjerëve, e cila ka hyrë në fuqi më 11 nëntor, 2021, nuk përmendet tentativa për atentat ndaj Vuçiqit.

Bërnabiç për atentatin ndaj Vuçiçit në janar, 2021

Kryeministrja e Serbisë, Ana Bërnabiç, ka thënë më 24 tetor, 2021, se gjatë zbulimit të monumentit të princit Stefan Nemanja, në qendër të Beogradit, në janar të vitit 2021, është përgatitur atentati ndaj presidentit Vuçiç.

Nëse do ta qëllonin Vuçiçin, do ta bënin rrëfimin sikur ajo të ishte një gjë e natyrshme – kushedi se në çfarë ka qenë i përfshirë ai dhe familja e tij… Është monstruoze se sa mirë ka qenë i lidhur ai rrjet”, ka thënë Bërnabiç, për të shtuar se shërbimet përgjegjëse po merren me rastin.

Nuk do të ketë të mbrojtur, pa marrë parasysh emrin, mbiemrin, funksionin dhe përkatësinë partiake”, ka thënë ajo.

(Vrasja e Vuçiçit) është planifikuar për një kohë të gjatë dhe në detaje. Në Ministrinë e Punëve të Brendshme janë krijuar struktura paralele dhe janë bërë fushata në mediet manjate, të cilat janë transmetuar nga mediet e rajonit – për ta çnjerëzuar Vuçiçin dhe për ta kthyer atë dhe familjen e tij në një klan kriminal”, ka thënë Bërnabiç për Televizionin Pink.

Bërnabiq: [Vrasja e Vuçiqit] është planifikuar për një kohë të gjatë dhe në detaje.

Ajo nuk ka dhënë më shumë detaje rreth këtij rasti, ndërsa nuk ka as të dhëna se si ka vepruar Prokuroria në këtë rast.

Hetimet e vitit 2016 – armët në Jajince

Sipas raportimeve të medieve, një “arsenal” armësh dhe kuti municionesh janë gjetur në vitin 2016 në një pyll në Jajince, një vendbanim periferik, rreth 15 kilometra në jug të Beogradit – afër shtëpisë së familjes së prindërve të Vuçiçit.

Radio Televizioni i Serbisë (RTS) ka raportuar në atë kohë se janë gjetur predha, katër granata dore, 100 copa municion 7,62 milimetrash, disa plumba për armë automatike dhe 10-15 plumba të kalibrit të panjohur.

Sipas RTS-së, armët dhe municionet janë gjetur disa qindra metra larg shtëpisë së familjes Vuçiç.

Në atë kohë, Vuçiç ka qenë kryeministër i Serbisë, ndërsa ministër i Brendshëm ka qenë Nebojsha Stefanoviç, aktualisht ministër i Mbrojtjes.

Disa ditë më vonë, në kuadër të hetimeve për atentatin ndaj Vuçiçit, mediet kanë raportuar se policia në lagjen Beogradi i Ri ka zbuluar edhe një automjet të vjedhur, të tipit Renault Megane, plot me armë.

Në këtë automjet janë gjetur: një revole, një hekler (pushkë automatike), sasi e madhe municionesh, në dy vende nga 200 gramë eksploziv Tritol dhe dy celularë që mund të përdoreshin si detonatorë për aktivizimin në distancë të lëndëve plasëse.

Në atë kohë, ministri i Brendshëm i Serbisë, Nebojsha Stefanoviç, ka thënë për RTS-në se armët kanë qenë “në një vend ideal për sulmuesin”.

“Kryeministri (atëherë Vuçiç) është në një vend të sigurt”, ka thënë Stefanoviç.

Në një rreze prej një kilometri (rreth fshatit Jajince), në ditën e zbulimit të arsenalit të armëve dhe dy ditë më parë, kanë qenë 97 zyrtarë të lartë të sigurisë – gjë që është shumë e pazakonshme”, ka thënë Stefanoviç në fillim të nëntorit, 2016.

Edhe ky rast ka mbetur pa epilog gjyqësor.

Siç ka raportuar portali serb Insajder, në gusht të vitit 2017, Prokuroria e Lartë Publike ka vendosur se nuk ka bazë për fillimin e procedurës penale për rastin në Jajince.

Sulmi ndaj Vuçiçit në Potoçari

Derisa ka qenë kryeministër i Serbisë, Vuçiç është sulmuar më 11 korrik të vitit 2015 në Potoçari, ku po shënohej 20-vjetori i gjenocidit në Srebrenicë.

“Në një moment jam goditur me një gur në gojë, asgjë e tmerrshme, më kanë rënë syzet dhe më janë thyer”, ka thënë Vuçiç pas incidentit.

Por, disa media në Serbi e kanë cilësuar këtë incident si atentat: “Atentat ndaj Vuçiçit në Srebrenicë” dhe “Tentativë për vrasjen e Vuçiçit në Potoçari” kanë qenë disa nga kryetitujt e asaj kohe.

Vuçiq në Potoçari, 2015.

Pesë vjet pas incidentit, më 2020, Vulin ka kritikuar autoritetet në Bosnje, duke thënë se nuk kanë gjetur autorët e tentim-vrasjes së Vuçiçit në Srebrenicë.

“Kanë kaluar pesë vjet nga tentativa për vrasjen e Aleksandar Vuçiçit në Srebrenicë, askush nuk është arrestuar apo dënuar”, ka thënë Vulin në korrik të vitit 2020.

Kryeministri serb është vrarë më 2003

Më 12 mars, 2003, në Beograd është vrarë kryeministri i Serbisë dhe lideri i Partisë Demokratike, Zoran Gjingjiç.

Gjingjiç është qëlluar për vdekje në hyrje të ndërtesës së Qeverisë së Serbisë.

Zoran Gjingjiq, 2002.

Organizatori i vrasjes, Milorad Ulemek Legija, dhe snajperisti Zvezdan Jovanoviç janë dënuar me nga 40 vjet burgim.

Prapavija politike e vrasjes së Gjingjiçit nuk është zbuluar ende./ REL

Continue Reading

Aktuale