Connect with us

Shqipëri

Makron, përballë patriotizmit folklorik shqiptar…e pështirë, e trashë, vulgare dhe e pagdhendur…

Published

on

Tashmë, letrat janë mbi tavolinë. Mund t’i lexojnë të gjithë. Për herë të parë, shqiptarët i dinë të vërtetat siç janë. Për herë të parë nuk janë viktima të një gebelsizmi rilindës histerik dhe gënjeshtar, sepse i njohin vetë të vërtetat. Të gjithë e dinë më së miri që Maqedonia meritonte t’i hapeshin negociatat dhe këtë s’ka propagandë që e kundërshton dot.

Të gjithë dinë gjithashtu që Shqipërisë nuk do t’i hapeshin negociatat, sepse qeveria jo vetëm nuk kishte bërë asgjë për pesë kërkesat, që ishin vendosur më parë, por kushtet u shtuan me kërkesë të Bundestagut gjerman, duke u bërë nëntë të tilla.

Të gjithë e dinë se Presidenti i Francës pengoi hapjen e merituar të negociatave për Maqedoninë, për shkak të Shqipërisë dhe për të mos i ndarë dy vendet.

Pra, Makron favorizoi Shqipërinë në dëm të Maqedonisë.

Kjo është kaq e qartë dhe kaq e thjeshtë sa çdo sqarim i mëtejshëm do të ishte pa asnjë kuptim.

Në një furi mediatike të orkestruar nga gebelsizmi qeveritar po shfaqet një furi folklorizmi patriotik qesharak anti-Makron.

Një furi e tillë është sa e pështirë, aq edhe e trashë, vulgare dhe e pagdhendur.

Përmenden pellazgët, ilirët, Skënderbeu, luftëra e beteja për të treguar se Makron u tregua i padrejtë me ne.

Është vërtet një turp i madh për Shqipërinë që ajo të shfaqë nivele të tilla banale e provinciale.

Makron qenka fajtor ndaj Shqipërisë? Mbase ndaj Maqedonisë edhe po.

Po ndaj Shqipërisë, përse?
Si mundet që logjika të gremiset në humnera budallallëku të tillë?!
Arrihet deri edhe që t’i kërkohet Makronit të na kërkojë falje neve shqiptarëve.
Po këtu është fundi i fundit të inteligjencës njerëzore.

Makron ka kryer një padrejtësi ndaj Maqedonisë, por faljen duhet t’ia kërkona Shqipërisë!?

Jo, jo, të nderuar miq.

Ju të paguar nga qeveria dhe ju që me një naivitet fëmijëror besoni një propagandë të çmendur dhe shpërtheni me patriotizëm folklorik.

Ka vetëm një fajtor dhe një shkaktar që Shqipëria është jashtë Europës.

Ky është Edi Rama që e shndërroi Shqipërinë në Kolumbinë e Europës dhe që bëri zgjedhje komuniste në 30 qershor dhe rrëmbeu 100% të pushtetit. Këto i kemi peshqesh nga Edi Rama dhe jo nga Makron.

Edi Rama as që mund të kërkojë dot as falje se faji që rëndon mbi të është shumë i madh.

Nëse s’keni kurajë dhe mend në kokë t’ia kërkoni Ramës këtë, të paktën mos shkruani marrëzira.

Makron, po, bëri një padrejtësi, por ia bëri Maqedonisë. Ky është fakt i madh sa një mal dhe këtë nuk e mbulon dot as moçali i Edi Ramës, as marrëzirat e hedhura nëpër media si hashashi që ka mbuluar Shqipërinë për të hutuar njerëzit.

As që kam ndërmend t’i them kurrkujt se i duhet kërkuar ndjesë Makronit.
Por që të ndalin këtë shfaqje që na bën pis të gjithëve, po.
Shqiptarët janë inteligjentë, racionale dhe të drejtë.
Kjo epidemi vulgare anti-Makron vetëm shfaq të kundërtën e Shqipërisë së vërtetë.
Nuk i shtoi kushtet për hapjen e negociatave Makron, por kriminalizimi i Edi Ramës.

Bundestagu gjerman me të drejtë shtoi kushtet, dhe shumë të rënda madje, por propaganda rilindase filloi duartrokitjet idiote me Edi Ramën në krye, që klithte si i marrë: Danke Angela.

Pra, danke se kushtet u shtuan dhe fajin sërish e paska Makron!?

Maqedonia shkon në zgjedhje të parakohshme dhe Zaev i pranon ato, megjithëse duartrokitet nga gjithë Europa për negociatat dhe nuk sulmon Makronin siç bën Edi Rama. Edi Rama, që mori në qafë edhe Maqedoninë, rri paturpësisht në karrige dhe nuk largohet.

Ju, miq naivë, boll u lodhët me budallallëkun anti-Makron!

Është koha të kërkojmë përgjegjësitë ndaj qeverisë armike së shqiptarëve dhe Kryeministrit antishqiptar të tyre.

Continue Reading

Lajme

Policia kufitare vazhdon kontrollet në det, bllokon tre mjete lundruese në Shëngjin

Published

on

By

Policia kufitare vazhdon kontrollet në det, bllokon tre mjete lundruese në Shëngjin

Policia Kufitare në Shëngjin ka njoftuar bllokimin e tre mjeteve lundruese “Jet ski” dhe ka ndëshkuar me masë administrative drejtuesit e tyre.

Shërbimet e Policisë Kufitare Shëngjin, në vijim të kontrolleve përgjatë gjithë vijës bregdetare të qarkut Lezhë, në kuadër të masave të marra për mbarëvajtjen e sezonin turistik, kanë konstatuar në det, në zonën e quajtur “Rana e Hedhun”, 3 mjete lundruese “Jet ski”, të cilat janë shoqëruar për verifikim.

Gjatë verifikimeve, ka rezultuar se drejtuesit e këtyre mjeteve lundruese nuk dispononin dokumentacionet përkatëse për daljen në det dhe drejtimin e mjeteve “Jet ski”, ka thënë policia në një njoftim në Facebook.

Në vijim të veprimeve, 3 drejtuesit e mjeteve lundruese u ndëshkuan me masa administrative, 10,000 dhe 20,000 lekë, si dhe u bënë bllokimet e mjeteve të tyre.

Continue Reading

Bota

Patenta shqiptare do të njihet edhe në Arabinë Saudite

Published

on

By

Patenta shqiptare do të njihet edhe në Arabinë Saudite

Shqipëria ka arritur një marrëveshje me Arabinë Saudite për njohjen reciproke të lejeve të drejtimit.

Këtë e ka njoftuar Ministria për Evropën dhe Punët e Jashtme.

Duke nisur që pas një muaji shoferët shqiptarë do munden të lëvizin me automjete edhe në Arabinë Saudite.

Njoftimi i plotë:

Përmbyllen procedurat e marrëveshjes për njohjen reciproke të lejeve të drejtimit mes Shqipërisë dhe Mbretërisë së Arabisë Saudite.

Pas përfundimit të procedurave të brendshme ligjore fillimisht nga pala jonë, Ministria e Punëve të Jashtme e Mbretërisë së Arabisë Saudite ka njoftuar përfundimin e procedurave të brendshme ligjore edhe nga pala e tyre.

Marrëveshja, e cila hyn në fuqi 30 ditë pas përfundimit të procedurave, do të lehtësojë lëvizjen reciproke të qytetarëve, vizitorëve dhe turistëve të dy vendeve tona, përmes përdorimit të patentave, si dhe konvertimin e tyre.

Continue Reading

Bota

Motra e 28-vjeçares që u hodh nga kati i 6-të në Nju Jork: E vrau Florindi bashkë me fëmijën që do të lindte pas disa muajsh

Published

on

By

Motra e 28-vjeçares që u hodh nga kati i 6-të në Nju Jork: E vrau Florindi bashkë me fëmijën që do të lindte pas disa muajsh

Një dëshmi e rëndë vjen pas ngjarjes tragjike dy ditë më parë në Bronx, Nju Jork ku humbën jetën 35-vjeçari shqiptar Florind Belliu dhe bashkëshortja e tij 28 vjeçe Ornela Belliu, duke lënë pas dy fëmijë të mitur.

Ngjarja ishte mister dhe për hetuesit, të cilët po hetonin si në pistën e vetëvrasjes, ashtu dhe në atë të vrasjes. Kjo pasi burrë e grua ranë nga kati i 6 i pallatit ku jetonin. Por sot motra e 28-vjeçares, gruas së aktorit Belliu akuzon këtë të fundit për vrasjen e saj dhe të fëmijës që do të vinte në jetë pas pak muajsh.

Ajo tregon se Florindi vuante nga çrregullimet mendore dhe ishte shtruar dhe në klinikë psikiatrike në Nju Jork.

“E kam shumë të vështirë të flas në këto momente, pasi unë motra e Ornelës dhe e gjithë familja jonë jemi tejet të pikëlluar nga humbja e parakohshme e motrës sonë të dashur, por nuk mund të rri pa i shkruar dy fjalë për motrën time, për engjëllin tonë, që e donte aq shumë jetën, që rrezatonte mirësi dhe e donte i gjithë komuniteti në zonën ku jetonte në Nju Jork.

Vë re me keqardhje që të gjithë portalet janë mbushur me fjalë të ndjera për humbjen e jetës së Florind Belliut, personit që vrau jo vetëm motrën tonë, por edhe fëmijën që do të lindte pas disa muajsh dhe asnjë fjalë keqardhjeje nuk kanë denjuar të shkruajnë për motrën tonë, e cila punonte dhe rriste pothuajse e vetme dy fëmijë të mitur, pasi ai që i mori jetën në mënyrën më makabre kishte kohë, vite që vuante nga çrregullime mendore, kishte kohë që ia kishte bërë jetën të vështirë motrës sonë, por Ornela ishte aq e mirë dhe e dhimbsur saqë shkonte e vizitonte çdo ditë në klinikën psikiatrike ku ishte i izoluar atë që do t’i merrte jetën në mënyrën më kriminale…i dërgonte ushqim siç dëshironte Flori, saqë punonjësit e klinikës e kishin pagëzuar Ornelën ‘engjëll’, pasi ishte e vetmja që shkonte çdo ditë në klinikë…Mjekët e klinikës në Nju Jork e kishin paralajmëruar Ornelën që bashkëshorti i saj kishte ende probleme…”, shkruan ndër të tjera motra e 28-vjeçares.

Continue Reading

Aktuale