Connect with us

Lajme

Ndryshimet e reja në mjekësi / Mjekët amë, stomatologët dhe gjinekologët do të marrin më shumë mjete financiare nga pacientët

Published

on

Rritet pika e kapitalit të të gjithë mjekëve amë nga praktika e përgjithshme, gjinekologjia dhe stomatologjia

Për tetë denarë rritet vlera e pikës kapitale të të gjithë mjekëve amë nga praktika e përgjithshme, gjinekologjia dhe stomatologjia, është theksuar në konferencën për shtyp në Qeveri të kryeministrit Zoran Zaev, ministrit të Shëndetësisë, Venko Filipçe dhe drejtorëve të Fondit për sigurim shëndetësore Den Donçev dhe Orhan Ramadani.

Zaev tha se për këtë rritje të pikës kapitale janë siguruar 465 milionë denarë nga Buxhneti, para të qytetarëve, të cilat tani kthehen tek ata si mbështetje e punës së mjekëve amë për shërbime më të motivuara shëndetësore dhe sqaroi se bëhet fjalë për 18 për qind rritje të kapitacionit.

Ai theksoi se e rrisin edhe kompensimin për specialistët privatë, të cilët kanë marrëveshje me Fondin dhe nga tani e tutje, kompensimi i specialistëve privatë stomatologë të protetikës dhe kirurgjisë orale, në vend të 90.000 denarëve aktuale do të marrin 103.000 denarë në muaj ose afërsisht 15 për qind.

Qëllimi reformave në mbrojtjen primare shëndetësore për vitin 2020, potencoi është që të vendos model të pagesës së saj, i cili do të kontribuojë drejt sigurimit të mbrojtjes gjithëpërfshirëse primare shëndetësore nga ana e punonjësve shëndetësore në nivel primar, si dhe të përmirësohet cilësia e kujdesit primar shëndetësor.

Sipas kryeministrit, ky simulim me vlerë më të lartë të kapitalit do të motivojë numër më të madh të mjekëve nga praktika e përgjithshme të specializojnë mjekësi familjare, ndërsa zgjerimi i shërbimeve më të mëdha të infermierëve presim të nxisë punësim të një anëtari të tretë apo të katërt në ekipet e mjekëve amë.

Lidhur me pezullimin e kuotave për ilaçe nga 1 tetori, tha se këtë muaj qytetarët kanë mundur të binden, ka ilaçe të kapshme gjatë gjithë muajit.

Sa i përket rritjes së pikës së kapitalit, ministri Filipçe tha se bëhet fjalë për masë në kuadër të reformës, e cila nuk do të thotë vetëm rritje e shumës së mjeteve, të cilën mjekët e marrin, por numër më i madh i shërbimeve si dhe masa parandaluese, të cilat do t’i ndjejnë pacientët, si dhe masa, që do ta lehtësojnë udhëheqjen e sëmundjeve kronike, për të cilat në një pjesë të mirë pacientët deri më tani janë drejtuar në spitale.

Drejtori i Fondit, Donçev lidhur me  rritjen e pikës së kapitalit tha se qëllimi është përmirësimi i kapaciteteve teknike të mjekëve amë në shëndetësinë primare dhe efikasiteti i tyre më i madh, ndërsa personat e siguruar do të marrin shërbim më cilësor shëndetësor që në ordinancë, me çka do të ulet nevoja për udhëzim të mëtutjeshëm. Theksoi se me këtë do të shkarkohen mjekët dhe sistemi shëndetësor në nivel sekondar dhe terciar, nxitet parandalimi në mbrojtjen primare shëndetësore, lehtësohet edhe puna administrative në institucionin primar shëndetësor…

“Fondi mori vendim që nga 1 nëntori të rritet edhe kompensimi për barnatoret me të cilat kanë lidhur marrëveshje për dhënie të ilaçeve në recetë në ngarkesë të Fondit prej 16 përqindëve në 18 për qind ndërsa kompensimi për medikamentet e shtrenjta do të arrijë 180 denarë për recetë. Kjo masë e kombinuar me pezullimin e paradokohshëm të kuotave të farmacive do të kontribuojnë për dhënie akoma më efikase, cilësore dhe të pandërprerë të ilaçeve në recetë, që janë në ngarkim të Fondit”, shtoi Donçev. mb/

Continue Reading

Bota

Uragani, black out në mbarë Kubën: Florida përgatitet për përmbytje katastrofike!

Published

on

By

Uragani, black out në mbarë Kubën: Florida përgatitet për përmbytje katastrofike!

Kuba ka mbetur e gjitha pa energji elektrike pas goditjes nga Uragani Ian, që preku tokën në perëndim të ishullit e po lë pas një vazhdë shkatërrimesh në rrugën e tij.

Sistemi energjetik u shemb i teri, pohuan zyrtarë vendas, sipas të cilëve njëri prej termocentraleve kryesore nuk ka qenë e mundur të kthehej në funksion.

Dy persona raportohet se të kenë humbur jetën e një numër i madh ndërtesash, në mbarë vendin, janë shkatërruar. Uragani i kategorisë së tretë, me erëra që arrijnë shpejtësinë prej 195 kilometrash në orë, tani është nisur drejt Floridës, në Shtetet e Bashkuara, banorët e të cilës janë paralajmëruar për rrezikun e “përmbytjeve katastrofike”.

Kreu i autoritetit për energji elektrike në Kubë pohoi në televizionin shtetëror se 11 milionë persona janë pa energji, ndërsa pronari i kompanisë së njohur të cigareve Finca Robaina, postoi fotografi në rrjetet sociale të cilat tregonin shkallën tmerruese të dëmeve. “Është gati apokaliptike”, shkruante Hirochi Robaina.

Meteorologët kanë paralajmëruar se disa rajone të Kubës mund të përballen me 30 centimetra shi për shkak të Uraganit Ian. Presidenti Miguel Diaz Canel, vizitoi personalisht disa nga zonat e prekura, ku i premtoi qytetarëve se do të marrin ndihmë nga shteti.

Teksa largohet nga Kuba, stuhia ka marrë edhe më shumë forcë në Gjirin e Meksikës, sipas Qendrës Kombëtare të Uraganëve në SHBA, e cila paralajmëron se kur të godasë Floridën, Ian mund të kthehet në stuhi të kategorisë së katërt me erëra të fuqishme, çka detyroi guvernatorin e saj Ron DeSantis të urdhërojë aktivizimin e 5.000 trupave të Gardës Kombëtare.

Continue Reading

Lajme

Asnjë gjurmë nga i riu Erdon Ramadani nga Kumanova, flasin familjarët

Published

on

By

Asnjë gjurmë nga i riu Erdon Ramadani nga Kumanova, flasin familjarët

Gazetar: Bashkim Sulejmani

Asnjë gjurmë nga i riu Erdon Ramadani nga Kumanova, i cili duke u kthyer nga Tetova, me makinën Golf 4 nga autostrada përfundoi në lumin Vardar.

“Vazhdon edhe sot kërkimi për vozitësin e aksidentuar ditë më parë këtu në autostradë në pikën e Zhelinës. Ndërkohë, siç mund të shihni, pas konfirmimit se Vozitësi dyshohet të jetë nga Kumanova, në kërkim të personit sot janë kyçur edhe pjesëtarë të policisë, dhe familjarët e ardhur nga Kumanova”, raporton Bashkim Sulejmani, gazetar.

Familjarët thonë se studenti Erdon Ramadani kishte shkuar për të bërë pagesën e semestrit. Babai i tij Naser Ramadani është kthyer nga Austria dhe bashkë me vëllain e tij janë vënë në kërkim të Erdonit.

“Kam ardhur mbrëmë nga Austria sepse atje punoj. Familjarët gjithë jemi këtu erdhën edhe nga kurbeti kërkojmë. Djali duhej të paguaj semestrin në Tetovë, ishte viti i katërt në sociologji por ja, ka dashur Zoti dhe ka ndodh kjo. Kemi ardhur edhe sot që në orën katër në mëngjes por asnjë shenjë ende. Apeloj po patën mundësi të vijnë të kërkojnë birin tim, veç këtë djalë e kam”, deklaroi – Naser Ramadani, babai i Erdonit.

“Prej orës pesë e gjysmë jemi këtu. Erdhën pas pak zjarrfikësit tjerë s’kishte, ata erdhën në gjashtë e gjysmë, dhe ne shokët familjarët”, tha Xhaxhai i Erdon Ramadanit.

“Djali veç vetë ka udhëtuar se ka qenë student në vit të katërt në sociologji. Apeloj që të dalin sa më masovikisht këtu, sepse shteti është katastrofë. Kemi kërkuar ndihmë edhe prej Forcave të Sigurisë së Kosovës na thanë se do na ndihmojnë”, u shpreh një familjar i Erdonit.

Drejtoria për mbrojtje dhe shpëtim ka angazhuar zhytës për të kërkuar studentin e aksidentuar.

“U alarmuam se ka nevojë për intervenimin tonë nga agjencia për mbrojtje dhe shpëtim dhe ja erdhëm në vendngjarje dhe po presim instruksione nga eprorët se si të veprojmë. Presim arritjen e edhe ekipit nga Koçani që do vijnë me anije që bashkë të bëjmë kërkimet sot”, deklaroi Trpkovski, palombar.

Nga Sektori i Punëve të Brendshme në Tetovë dhe Prokuroria akoma nuk kanë dhënë informacione preliminar për shkaqet eventuale të aksidentit të mesditës së djeshme. /Alsat.mk

Continue Reading

Bota

NATO, mesazh Putinit: Lufta bërthamore nuk ka fitues, do të kesh pasoja të rënda

Published

on

By

NATO, mesazh Putinit: Lufta bërthamore nuk ka fitues, do të kesh pasoja të rënda

Përdorimi i armëve bërthamore nga Rusia është i papranueshëm dhe do të ketë pasoja të rënda. Ky është paralajmërimi që vjen për Vladimir Putin nga Sekretari i Përgjithshëm i NATO-s, Jens Stoltenberg.

“Rusia duhet ta dijë se lufta bërthamore nuk fitohet dot dhe nuk duhet të luftohet kurrë. Nuk po them që mundësia e përdorimit të armëve bërthamore është e lartë, por po them që kur shohim vazhdimisht këtë lloj retorike bërthamore nga Rusia, nga Presidenti Putin, duhet ta marrim seriozisht dhe për këtë arsye po i përcjellim mesazhin e qartë që do të ketë pasoja të rënda për Rusinë dhe që nuk duhet të zhvillohet kurrë një luftë bërthamore”, tha norvegjezi.

Reagimi erdhi pas deklaratave të së martës për përdorim të armëve bërthamore me rreze të shkurtër, të bëra nga ish-presidenti dhe ish-kryeministri rus, Dimitry Medvedev, i cili si një aleat i ngushtë i Putinit, mban postin e nënkryetarit të Këshillit të Sigurisë Kombëtare në Rusi.

Sipas analistëve, gatishmëria për përdorimin e këtyre armëve, e cila po shprehet thuajse përditë nga pala ruse, bëhet për të zmbrapsur Ukrainën dhe Perëndimin, pasi ushtria e Kievit ka fituar terren të konsiderueshëm në lindje, ku edhe po zhvillohen betejat më të mëdha.

Continue Reading

Aktuale