Connect with us

Lajme

Kumanovë / Lëndohen disa punëtorë ndërtimarie, dy prej tyre me rëndë

Published

on

U lënduan disa punëtorë ndërtimtarie në Kumanovë

Dy prej dhjetë punëtorëve të lënduar të ndërtimtarisë në Kumanovë, janë në gjendje kritike dhe menjëherë janë transferuar në Qendrën Kirurgjike Urgjente në Shkup, dy kanë marrë lëndime të rënda, por nuk janë në gjendje rreziku për jetë, ndërsa të tjerët janë në gjendje stabile dhe gjenden në spitalin e Kumanovës, informuan kompetentët nga spitali.

Punëtorët ishin lënduar derisa kryenin punët ndërtimore sot paradite në lokacionin e rrugëve “Vasko Karangellevski” dhe “Anvoj” në Kumanovë, në lagjen “Kodra e Gjelbër” përderisa kryenin aktivitetet ndërtimore mes rrjetave të armaturave.

Paraprakisht, drejtoresha e spitalit, Snezhana Zaharieva, informoi se dy të lënduarit më rëndë menjëherë pas kontrolleve në qendrën urgjente të Kumanovës janë transferuar në Shkup, ndërsa të tjerët ishin mbajtur në spitalin e Kumanovës ku iu ishte ofruar ndihmë.

Rastin e konfirmuan nga SPB Kumanovë dhe ekipet e tyre ende kryejnë kontroll në vendin e aksidentit, si dhe nga prokuroria prej ku thonë se lokacioni është siguruar dhe po grumbullohen dëshmitë të cilat mund të ndihmojnë në vërtetimin e shkaqeve për aksidentin. am/fc/

Continue Reading

Bota

Hovenier këndon himnin amerikan për nder të Ditës së Pavarësisë së SHBA-së (Video)

Published

on

Në oborrin e Ambasadës Amerikane në Kosovë po zhvillohet një manifestim në përkujtim të Ditës së Pavarësisë Amerikane.

Kryeparlamentari Glauk Konjufca dhe kryetarja Vjosa Osmani janë në mesin e disa personaliteteve publike.

Ambasadori amerikan në Kosovë, Jeffrey M. Hovenier, ka performuar edhe himnin kombëtar para të ftuarve për të intensifikuar edhe më shumë natyrën emocionale të kësaj ceremonie.

“I lumtur të pres partnerët dhe miqtë kosovarë këtë mbrëmje, ndërsa shënojmë përvjetorin e 246-të të Ditës së Pavarësisë. Faleminderit që festuat me ne” shkroi Hovenier në Twitter.

Continue Reading

Lajme

Propozimi francez, grup i qytetarëve proteston para Qeverisë

Published

on

Pasditen e sotme para godinës së Qeverisë një grup i qytetarëve po proteston kundër propozimit të ri francez.

Protestuesit me flamuj qëndrojnë para Qeverisë, ndërkaq kërkojnë dorëheqjen e ekzekutivit, ndërsa thonë se i njëjti është i dëmshëm për interesat shtetërorë.

Përndryshe, edhe VMRO-DPMNE-ja opozitare ka paralajmëruar protesta kundër këtij propozimi me arsyetimin se qeveria pronon bullgarizimin e vendit. /Telegrafi/

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

on

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Aktuale