Connect with us

Shqipëri

Rreziku rus, Bushati: Ja pse Shqipëria është imune!

Published

on

Influenca ruse në Ballkanin Perëndimor, përfshirë edhe Shqipërinë, është bërë temë diskutimi në emisionin “Real Story” të gazetarit Sokol Balla, në News24. Deputeti socialist, Ervin Bushati, tha se Shqipëria është imune ndaj rrezikut rus, për faktin se është një vend pro-amerikan dhe anëtar i NATO-s.

Deputeti foli dhe për rezolutën e PS të dërguar sot në Kuvend për ndërhyrjet e huaja në zgjedhje, ku tha se ka të bëjë me dezinformimin dhe mënyrën si financohen burimet për të shpërndarë dezinformim.

“Shqipëria është një vend pro-amerikan, në NATO. Mënyra se si sot në gjithë botën po vërehet ndikimi i Rusisë, me metoda të ndryshme, të bën të mendosh si mund të marrësh masa. Fakti që ne jemi pro-amerikanë na bën imun ndaj sulmeve të Rusisë. Rezoluta që po përgatisim ka të bëjë me dezinformimin, por dhe mënyra si financohen burimet për të shpërndarë dezinformim. Duhet që qytetarët, media, industria, të jetë e mbrojtur, ta imunizojmë sa më shumë nga këto ndikime”, tha Bushati.

Nga ana tjetër, kreu i Partisë Republikane, Fatmir Mediu, deklaroi se rezoluta ka një gjuhë të përgjithshme dhe nuk ka një burim të qartë informacioni.

“Është shumë e rëndësishme kjo dhe është çështje e hershme. Do ishte shumë e rëndësishme që rezoluta të kishte një burim më të qartë informacioni. Gjuha në rezolutë është një gjuhë shumë e përgjithshme. Kjo që është paraqitur në rezolutë është një kërcënim për sigurinë tonë kombëtare. Rusia ka ndryshuar strategjinë, nuk është si më parë ku Serbia ishte vendi kryesor, tashmë ata duan të infiltrohen kudo. Nga fjalë, ne duhet të kemi institucione që funksionojnë. Çfarë masash ka qeveria shqiptare për të parandaluar rrezikun?”, u shpreh Mediu.

Continue Reading

Lajme

Avioni i ‘Air Albania’ bllokohet në Stamboll, shkak stuhia e dëborës

Published

on

Moti i keq ka përfshirë edhe Turqinë, duke shkaktuar probleme në aviacion. Aeroplani i kompanisë “Air Albania” është bllokuar në aeroportin e Stambollit për shkak të stuhisë së dëborës.

“Air Albania” njofton se për shkak të motit të keq, çdo fluturim nga aeroporti i Stambollit është bllokuar, teksa po merren masa për t’u kujdesur për pasagjerët e linjës shqiptare.

“Një stuhi dëbore e paprecedentë ka paralizuar çdo lëvizje brenda dhe jashtë aeroportit të Stambollit, duke bllokuar çdo fluturim nga ky aeroport. Ekipet tona janë në terren, duke marrë të gjitha masat e nevojshme për kujdesin dhe mirëqenien e pasagjerëve tanë, përballë kësaj situate me vështirësi të mëdha”, njofton kompania “Air Albania”.

Continue Reading

Lajme

Deputetja e PS kundër vendimit të Albin Kurtit: Shqipëria edhe në karantinë nuk i ndaloi qytetarët e Kosovës të hynin në vendin tonë

Published

on

Deputetja e PS në Kukës, Gerta Duraku, ka reaguar pas vendimit të Qeverisë së Kosovës, për të ndaluar qytetarët shqiptarë që të hyjnë në Kosovë, nëse nuk kanë bërë tre doza të vaksinës kundër koronavirusit.

“Shqipëria nuk vendosi kurrë asnjë kusht për qytetarët e Kosovës, madje as në kohen e karantinës së madhe.

Uroj dhe shpresoj që qeveria e Kosovës ta rishikojë këtë masë që penalizon rëndë banorët e qarkut Kukës dhe qytetarët shqiptarë në përgjithësi duke i diskriminuar ata përtej çdo lloj arsye dhe llogjike”, shkruan ajo.

Vendimi i marrë nga Albin Kurti është në kufijtë e skandalit, pasi asnjë vend në botë nuk të kërkon tre doza vaksine për të hyrë në vend.

Ironia është se njeriu që premtonte vite më parë se do të bashkonte kufijtë, në fakt që kur ka ardhur në pushtet, është kthyer në njeriun që ka bllokuar kufijtë dhe po përçan shqiptarët.

Continue Reading

Lajme

Mbyllet sektori i vizave deri më 28 janar, ambasada gjermane tregon kur mund të zëvendësohen takimet e anuluara

Published

on

Ambasada gjermane në Tiranë ka bërë me dije se sektori i vizave do të qëndrojë i mbyllur deri më 28 janar.

Përmes një njoftimi në Facebook sqaron se do të njoftohen me e-mail të gjithë aplikuesit, të cilëve u anulohet takimi.

“Ne shpresojmë që takimet e anuluara të mund t’i zëvendësojmë sa më shpejt në muajt shkurt ose mars. Dorëzimi i pasaportave të martën pasdite dhe të premten paradite do të zhvillohet si zakonisht.

Ditën e mërkurë nuk do të ketë legalizime. Lutemi për mirëkuptimin tuaj! Ju lutemi, kini parasysh, që nuk mund t’ju përgjigjemi pyetjeve mbi stadin e aplikimit”, thuhet në njoftim.

Continue Reading

Aktuale