Connect with us

Bota

Detaje të reja për operacionin në të cilin u vra Al-Baghdadi

Published

on

Zyrtarët amerikanë po publikojnë hollësi të tjera nga operacioni i rrezikshëm ushtarak i së shtunës që eliminoi udhëheqësin e organizatës Shteti Islamik Abu Bakr al-Bagdadi.

Dikur njeri i fuqishëm, i vetëshpallur kalif, Al-Baghdadi u gjet i fshehur në një tunel. Duke parë se nuk kishte rrugëdalje, ai hodhi në erë veten dhe tre fëmijët e tij.

Korrespondentja e Zërit të Amerikës Carla Babb, na jep më shumë informacion për materialet që komandot amerikane gjetën pas operacionit.

Kjo është gjithçka që ka mbetur nga vendi ku rrinte i fshehur udhëheqësi i Shtetit Islamik. Gjithçka është shndërruar në rrënojë nga fuqia e goditjes ajrore amerikane.

Forcat amerikane i morën mbetjet trupore të Al-Bagdadit nga një tunel diku nën këtë rrënojë, duke konfirmuar identitetin e tij me anë të ADN-së, para se ta varrosnin në det.

Zyrtarët e lartë të Pentagonit thanë se Al-Bagdadi nuk ishte i vetmi që u eliminua.

“Ishin edhe dy meshkuj të rritur që u kapën të gjallë dhe që i kemi nën arrest,” tha gjeneral Mark Milley.

Zyrtarët shpresojnë se të dy këta persona si dhe një thesar të dhënash të mbledhura nga kompleksi, do të ndihmojnë forcat amerikane dhe Forcat Demokratike Siriane me të cilat ato po bashkëpunojnë.

Ndërkohë, Presidenti Trump e ka kthyer vemendjen e tij në një tjetër pasuri: fushat e naftës në veri-lindje të Sirisë.

“Ne po mbajmë naftën – mos harroni. Unë gjithmonë kam thënë: “Mbani naftën. Janë 45 milion dollarë në muaj.”

Sigurimi i fushave të naftës tani është pjesë e misionit të Amerikës. Sekretari i mbrojtjes Mark Esper thotë se trupat amerikane do t’i mbrojnë ato nga forcat ruse dhe siriane, nëse është e nevojshme.

“Ne duam të garantojmë që Forcat Demokratike Siriane do të kenë qasje te këto burime, për të ruajtur burgjet, për të armatosur trupat e tyre, në mënyrë që të na ndihmojnë në misionin për mposhtjen e ISIS-it”, tha Sekretari i Mbrojtjes, Mark Esper.

Një kolonë trupash amerikane u largua nga Siria pak ditë më parë në mes të brohoritjeve dhe thirrjeve provokuese, por një zyrtar amerikan i mbrojtjes i tha Zërit të Amerikës se një autokolonë tjetër e forcave amerikane u fut përsëri në Siri të dielën për furnizimin e trupave dhe për të përgatitur tërheqjen që synon të arrijë Presidenti Trump.

“Duke dërguar më shumë njerëz për të mbrojtur fushat e naftës, a do të ketë tani më shumë trupa në Siri sesa kishte më parë? Apo më pak?”

“Pritshmëria ime është se do të ketë më pak dhe se ata do të kthehen në shtëpi”, tha Sekretari i Mbrojtjes, Mark Esper.

Por në kushtet kur në Siri hyjnë e dalin trupa, është e paqartë se sa kohë do të zgjasë tërheqja amerikane.

Continue Reading

Bota

Shitja e dronëve Bayraktar, porositë janë mbyllur për 3 vjet

Published

on

By

Shitja e dronëve Bayraktar, porositë janë mbyllur për 3 vjet

Kërkesa për dronët turq Bayraktar TB2 është rritur ndjeshëm. Kompania turke Baykar Makina Sanayi ve Ticaret AS, e cila furnizon Ukrainën me drone, njoftoi se aktualisht ka një numër të madh të porosive për tre vjet. Sipas kompanisë, ajo ka kapacitetin për të prodhuar 20 dronë në muaj.

“Dronët TB2 dhe Akinci janë prodhuar në masë, ne kemi kërkesë për të dyja”, tha CEO i kompanisë private Haluk Bayraktar, në një intervistë me Fondacionin ukrainas Come Back Alive. “Për Bayraktar TB2 kemi kontrata eksporti me 22 vende të ndryshme”, tha ai, shkruan Bloomberg.

Baykar, i cili po punon gjithashtu në një projekt luftarak pa pilot të quajtur Bayraktar Kizilelma, dëshiron të rrisë më tej kapacitetin e tij prodhues dhe shpreson ta bëjë këtë duke ndërtuar një fabrikë në Ukrainë.

Kompania turke bleu tokë në Ukrainë dhe është regjistruar si person juridik, me qëllim ndërtimin e një fabrike për prodhimin e mjeteve ajrore pa pilot Bayraktar.

Bayraktar, i cili është vëllai i dhëndrit të presidentit turk Rexhep Tajip Erdogan, Selcuk Bayraktar, tha se kompania dëshiron të ndërtojë drone TB2 dhe Akinci, si dhe Kizilelma Fighters në Ukrainë. Ndërtimi i një objekti kërkimor dhe një qendre prodhimi të avancuar tashmë është duke u zhvilluar, tha ai, duke shtuar: “Ne e shohim Ukrainën si partnerin tonë strategjik. Ne gjithashtu duam ta bëjmë Ukrainën një bazë prodhuese”.

Turqia ka arritur të mbajë marrëdhënie të mira si me Ukrainën ashtu edhe me Rusinë. / abcnews

Continue Reading

Bota

Sa do të rriten pagat vitin e ardhshëm në Zvicër

Published

on

By

Sa do të rriten pagat vitin e ardhshëm në Zvicër

Referuar një sondazhi të KOF (Qendrës së Kërkimeve Ekonomike), thuhet se pagat në Zvicër pritet të rriten mesatarisht me 2.2% vitin e ardhshëm, përcjell albinfo.ch.

Ndërkohë që kjo shumë do të ishte rritja më e madhe në 22 vjet.

Ekspertët ekonomikë thonë se kjo rritje nuk do të kompensojë plotësisht inflacionin.

Ky sondazh u transmetua në “NZZ am Sonntag”, ku thuhet se pritet një rritje mesatare e pagave prej 2.2% në vitin 2023.

Nga ana tjetër, gazeta shkruan se UBS në parashikimet e saj tregon se inflacioni për gjithë vitin 2022 do të jetë në të vërtetë 3.1%./albinfo.ch

Continue Reading

Bota

Ukraina publikoi shifrat më të reja mbi humbjet e trupave ruse

Published

on

By

Ukraina publikoi shifrat më të reja mbi humbjet e trupave ruse

Shtabi i Përgjithshëm i Forcave të Armatosura të Ukrainës publikoi sot të dhëna të reja mbi humbjet e vlerësuara ushtarake ruse që nga fillimi i pushtimit më 24 shkurt.

Që nga fillimi i luftës, 43,750 ushtarë rusë kanë vdekur, që është 200 më shumë se dje, sipas Shtabit të Përgjithshëm të Forcave të Armatosura të Ukrainës.

U shkatërruan 1876 tanke, 4141 automjete luftarake të armatosura, 985 sisteme artilerie, 261 MLRS, 136 sisteme luftarake kundërajrore.

Ukraina pretendon gjithashtu se 233 avionë dhe 195 helikopterë janë shkatërruar.

Forcat e Armatosura të Ukrainës deklarojnë se trupat ruse pësuan humbjet më të mëdha dje në drejtim të Donetsk.

Continue Reading

Aktuale