Connect with us

Shqipëri

Rama flet për negociatat: Macron mendon për “jo”, por dielli do të lindë sërish

Published

on

Ditën e sotme kryeministri Edi Rama përmes një videomesazhi në rrjetet sociale, foli për vendimin e vendeve të Bashkimit Evropian për çeljen ose jo të negociatave me Shqipërinë.

Me mjekër të gjatë, duke dashur mbase të kopjojë kreun e parë të shtetit shqiptar, Ismail Qemalin, Rama tha se Gjermania e cila udhëheq vendet e ‘Po-së’, ka zgjedhur një rrugë të ndryshme nga shumica e vendeve anëtare.

Ndërsa paralajmëroi vendimin e Presidentit Macron për një “jo” ndaj Shqipërisë.

“Ajo ka vendosur disa kushte të cilat janë të arsyeshme për ne dhe jo të paarsyeshme për të afruar Francën dhe ato dy a tri vende nuk kanë dalë ende në një pozicion përfundimtar dhe siç është e mundur që të mos lëvizin nga pozicioni i tyre nuk është e krejt pamundur që të mos pranojnë një vendim kompromisi. Presidenti i Francës ka dalë me qëndrim për një reformim të thellë të unionit. Emanuel Macron nuk është i gatshëm të shtyjë më fortë negociatat e Ballkanit Perëndimor, pa shtyrë më parë reformimin e unionit. Kjo qasje e Francës është konceptualisht e shpërputhur nga qasja konsensuale që kryeson prirjen e “Po-së”, por kjo nuk është kundër Shqipërisë dhe Maqedonisë së Veriut në vetvete apo Ballkanit Perëndimor në përgjithësi”, u shpreh Rama.

Kryeministri tha në mbyllje se, “Për pak ditë do të mësojmë përfundimin e këtij kapitulli të vështirë të përpjekjes sonë për tu bërë pjesë e BE, por cilido qoftë ai përfundim të nesërmen e mbledhjes së Këshillit të Europës, dielli do të lindë përsëri dhe dita do të jetë vazhdimi i natyrshëm i kësaj përpjekje historike për shtetbërjne europiane, drejt Europës që e duam për fëmijët tanë, jo për Berlinin, jo për Brukselin, jo për ne, por për Shqipërinë, shqiptarët dhe gjeneratat e tjera”.

Continue Reading

Lajme

Rinis furnizimi me ujë për banorët e Krujës/ ISHP: Ka prani të bakterit Enterokokus

Published

on

Furnizimi me ujë për banorët e qytetit të Krujës do të rinisë sot në orën 20:00 me kapacitet të reduktuar në mënyrë që të kryhen analiza të tjera në vijim për furnizimin e radhës.

Sipas Ujësjellës Kanalizime Krujë, deri në një njoftim të dytë, uji do të përdoret vetëm për arsye sanitare dhe jo për t’u pirë.

“Lutemi për mirëkuptimin Tuaj në zbatim të protokolleve të Higjienës dhe Sigurisë së Shëndetit Publik, që uji i rrjedhshëm nga rrjeti si dhe uji në depozitat familjare të përdoret vetëm për nevoja sanitare shtëpiake dhe jo për konsum për pirje dhe gatim, deri në një njoftim të dytë nga ana e Ujësjellës Kanalizime Krujë”, sipas njoftimit të UKK.

ISHP ka dalë në përfundime se helmimi i mbi 600 qytetarëve në Krujë ka ardhur si pasojë e ujit duke e cilësuar si epidemi hidrike nga ndotja sipërfaqësore e ujërave nga shiu.

Për këtë ISHP bëri përgjegjës ujësjellësin se ka vepruar me vonesë për rastin dhe se ka kapur çrregullimet që i kanë ndodhur në depon kryesore.

“Nga analizat e marra nga ISHP ka rezultuar që në një pikë të vetme të ujësjellësit ka rezultuar bakteri Enterokokus, shkak i këtyre shqetësimeve, situata që sot flasim është shumë e qetë, ka mbaruar pothuajse shqetësim, do e ndjekim me rigorozitet, epidemi e shkaktuar nga uji. Kemi konstatuar në një pikë, por rezultate kanë ardhur pa ndërhyrjes që ka bërë vetë ujësjellësi i Krujës pas pastrimit dhe klorinimit. Kam bindjen se në ditët në vijim nuk do këtë probleme. Për aq kohë epidemi hidrike, përgjegjësia i bie ujësjellësit të Krujës, duhet të kishin qenë më të kujdesshëm që me turbullirën e parë të këtij shqetësimi. Autoritetet duhet të kishin vepruar më shpejtë. Ndotja ka qenë sipërfaqësore si rezultat i shirave, ka pasur çrregullime nga ujësjellësi”, tha mjeku Ulqinaku.

Mësohet se autoritetet lokale kanë dezinfektuar depozitën kryesore që përdoret për ujin e pijshëm.

Një pjesë e banorëve e kanë marrë ujin nga autobotët që qarkullojnë nëpër qytet, kurse një pjesë tjetër e kanë blerë atë.

Një ditë më parë, Prokuroria e Krujës njoftoi nisjen e hetimeve, ku theksohet se është në pritje të analizave përfundimtare, edhe pse dyshimet e para janë që uji i pijshëm të ketë pasur ngarkesë bakteriale esheria koli dhe streptokoku fekale.

Prokuroria ka zbarkuar tek ndërmarrja ujësjellës-kanalizime Krujë, ku janë marrë disa dokumente si dhe janë marrë në pyetje drejtuesit e këtij institucioni.

Continue Reading

Lajme

Helmimi në Krujë: Edhe 130 qytetarë i drejtohen spitalit

Published

on

By

Helmimi në Krujë: Edhe 130 qytetarë i drejtohen spitalit

Situata e rënduar nga helmimi nga uji i pijshëm në Krujë vazhdon ende.

Në spitalin e Krujës nga dje deri sot 130 persona të tjerë janë paraqitur për të marrë ndihmë mjekësore. Aktualisht në spital nuk ka njeri që po merr ndihmë mjekësore për intoksikim alimentar, pra me shqetësimet që kanë shfaqur për ujin.

Ujësjellësi ka ndërprerë furnizimin me ujë të pijshëm ndërkohë që është dezinfektuar depozita kryesore që furnizon banesat me ujë në këtë qytet. Ndërkohë, ditën e djeshme prokuroria ka zbarkuar te ndërmarrja e Ujësjellës Kanalizime Krujë, ku janë marrë disa dokumente, si dhe janë marrë në pyetje drejtues të këtij institucioni. Ende nuk ka përgjegjës për këtë situatë, raporton lapsi.al.

Continue Reading

Lajme

Zbulohet porosia e Ramës në mbledhjen me dyer të mbyllura. ‘Të ngrihet sa më parë Komisioni për Reformën’

Published

on

Zbardhen detaje nga mbledhja me dyer të mbyllura e kryeministrit Edi Rama me drejtuesit politikë të Partisë Socialiste në 12 qarqet e vendit.

Gazetari Ergys Gjençaj raporton për “BalkanWeb” se në mbledhjen me drejtuesit politikë në qarqe, kryeministri Rama është shprehur dakord për të ngritur sa më parë të Komisionit të Posaçëm Parlamentar të Reformës Zgjedhore.

Ishte Partia Demokratike, e cila dorëzoi sot kërkesën në Kuvend për ngritjen e Komisionit të Reformës Zgjedhore, teksa në kërkesë theksonte se ky komision duhet të hartojë ndryshimet kushtetuese dhe të trajtojë rekomandimet e OSBE/ODIHR.

Continue Reading

Aktuale