Connect with us

Lajme

Zv. Ministri i Shëndetësisë merr 1000 euro për operacionin e prostatës, 100 euro për synetllëk

Published

on

Fiks Fare solli mbrëmjen e të hënës një investigim ku zv. Ministri i Shëndetësisë së Maqedonisë së Veriut, në spital shtetëror kryen ndërhyrje kirurgjikale kundrejt ryshfetit.

Z.Asim Musa, mjek urolog, me detyrë zv. Ministër Shëndetësie kryen ndërhyrje kirurgjikale në një spital në Strugë, kundrejt 1000 eurove.

Investigimi i Fiks Fare që zgjati tre muaj zbuloi pazaret që bën zv. ministri brenda ambienteve të spitalit.

Z. Musa ka qenë prej tre vitesh drejtor i dy spitaleve më të rëndësishëm në Strugë. Dy vite në Spitalin e Përgjithshëm dhe një vit në Spitalin e Nefrologjisë, ku falë edhe pushtetit të tij kryente ndërhyrje për prostatën, por bënte edhe synetlliqe.

Fiks Fare udhëtoi drejt Strugës pas denoncimeve të shumta se zv. Ministri i Shëndetësisë kryente operacione kundrejt ryshfetit.

Fillimisht bashkëpunëtorët e Fiksit shkëmbyen mesazhe për të lënë orarin dhe vendin e takimit, pasi zyrtari gjatë javës qëndronte në kabinetin qeveritar në Shkup.

Fiksi arriti të takohet me zv. ministrin , i cili pohon se duhen bërë analizat për të parë nëse pacienti kishte nevojë për ndërhyrje. Në biseda ai tregon se operacionin do ta kryente në spital dhe se kushtonte 1000 euro, dhe ky çmim jepej nga zv. ministri.

Nëse pacienti do të ishte shfaqur në rrethana të tjera do të duhej të paguante më shumë për këtë operacion diku tek 1100-1200 euro. Por Zv. Ministri i siguroi bashkëpunëtorët e Fiksit se do ua hiqte barrën prej 150 eurosh që kushtonin analizat , duke ia faturuar gjithçka brenda paketës prej 1000 euro dhe këtë do e bënte duke shkruar se pacienti edhe analizat i kishte kryer në po të njëjtën ditë që do të kryente edhe operacionin.

Madje sipas tij analizat duhet të kryheshin po aty, pasi ishin më të sakta se në Shqipëri. Zv. ministri pohon në bisedë e sipër se ai mundëson edhe ndërhyrje synetlliku kundrejt pagesës prej 100 euro. Edhe pse takimi midis palëve ishte pak i vonuar në kohë zv. ministri e arsyeton se kjo ka ndodhur për shkak të angazhimeve të tija në kabinetin qeveritar. Në përfundim të bisedës bashkëpunëtorët iu drejtuan zv. ministrit nëse mund ta kryenin pagesën që në atë moment për paketën me “skonto” që ai u kishte paraqitur në total 1000 euro, por Z.Musa u kërkoi që pagesa të kryhej ditën e ndërhyrjes.

Pyetjes së bashkëpunëtorëve të Fiksit se a duhet të linin kapar për atë çka kishin rënë dakord zv. Ministri i Shëndetësisë u thotë se mjafton një 50 eurosh për qef, por që këto pare nuk përfshiheshin në çmimin e operacionit.

” Le ta quajmë një kafe nëse keni qef, pastaj për të tjerat do flasim” shprehet ai.

Fiksi – Doktor si je si ke kaluar?

Zv. Ministri – Mirë, ju?

Fiksi – tani hall me qenë i mirë, hall me qenë i keq. Po qe i mirë të bin në qafë kështu si puna ime

Fiksi 2 – Unë kam edhe një problem se kam kaluar luçemi acute.

Zv. Ministri – Para sa kohësh?

Fiksi 2 – Akoma kontrollohem

Zv. Ministri – Do kontrollohesh …

Fiksi 2 – Tërë jetën

Zv. Ministri – Po pra tërë jetën

Fiksi 2 – kështu më than mua, ju thashë kështu do të rri tërë jetën?

Zv. Ministri –Në sa kohësh kontrollohesh në tre muaj, gjashtë muaj?

Fiksi 2 – Bravo gjashtë muajsh.

Zv. Ministri – sa ke?

Fiksi 2 – Kam shtat vjet.

Zv. Ministri – Shtat vjet

Fiksi 2– tani problem është se jeni lidhur bashkë, por unë dua që ti bëj,m kam bërë shumë gjëra atje. Në Shqipëri kam bërë një provë për ujë. Sa ujë mbante fshikëza. Pra bëri eko, piva ujë, shkova në banjë dhe mbas asaj vajta prapë. Nuk e di si e quani ju, nuk e di se nuk jam mjek.

Zv. Ministri –Urino cituale. Sa ishte?

Fiksi 2– Është gjoja e zmadhuar.

Zv. Ministri – Jo sa ishte urino cituale?

Fiksi 2– të them të drejtën i kam letrat atje.Të vendosim paraprakisht ndonjë … Kur të vijmë, kur të jesh ti më i lirë

Zv. Ministri – Jo, jo do ti bojmë këtu ne, po thashë mos i ke bërë gati e sot ke ardhur për operacion këtu. Atëherë do të vij të mërkurën.

Fiksi 2– Po

Zv. Ministri – Dhe ti bëni këtu.

Fiksi 2 – Do i bëj këtu

Zv. Ministri – Po, janë më të sigurta

Fiksi – Bëhen analizat paradite besoi dhe pastaj operacioni kur vendoset?

Zv. Ministri – Për operacionin vendosim të mërkurën ne, në qoftëse na del se duhet bërë. Flasim të mërkurën për të mërkurën tjetër pastaj.

Fiksi – Dua ta keshë në dorë ti?

Zv. Ministri – Po, po mos ki problem

Fiksi 2– Urostratin e përdorë çdo ditë.

Fiksi – Problemi është, dua me ditë sa është analiza, sa është operacioni. Në darkë ti likujdojmë tani, në dalë nesër, pasnesër kur të duash ti.

Zv. Ministri –Nuk është temë diskutimi ajo tani.Të kryejmë pjesën mjekësore e të them është për operacion , duhet bërë. Do bëhet në këtë mënyrë, këtu kshu, këtu ashtu e tani ti vendos jo unë e e dua këtu sa shkon kjo e atëherë të them unë. S’ka problem

Fiksi – Ai është i mbyllur si muhabet duam të parapëgatitemi për vetën tonë se s’është problem.

Zv. Ministri – Tani supozojmë se duhet bërë. Në qoftëse i bëjm analizat, ekon, citoskopin e krejtë nga e mërkura, mundet të vej 100 – 120 – 130 – 150 euro komplet. Në operacion shkon 1000 euro. Bashkë me këto shkojnë 1200 – 1100 euro. Në qoftëse i bëjm dhe vendosim për operacion që do bëhet këtu atëherë unë i fus në një pako aty është domethënë 1000 euro, duke llogaritur analizat sikur janë bërë atë ditë që hynë në sallë. Dhe këtë gjë mundet ta bëj ti fus brenda në qoftëse vendosim ta bëjmë këtu dhe jo më shumë se një javë. Mos e qojmë dosjen dhe I bëjmë sikur e keni bërë sot analizat, nesër po është pjesë e kësaj dosje

Fiksi – Dhe dua ta operosh ti?

Zv. Ministri – Po, po unë po unë flas për vete për të tjerët të shkoj e të vizitoj tjetër kush.

Fiksi –Prandaj të morëm ty

Zv. Ministri –Po, po për vete kjo është. Kam punuar atje, kam punuar tek Hygea, atje ishin 2500 – 2700 – 2200 varet nga përmasat që kemi

Fiksi – Erdhëm këtu dy herë, jo s’është këtu, jo s’është këtu jo është në ministri, jo po këtej jo po andej…

Fiksi 2 – Doktor sikur ti bëjmë në Shqipëri nja dy analiza?

Zv. Ministri – E di s’ma merr mendja se i bën ajo në Korç, këtu i bëri ajo. Nëqoftëse është për operacion i fusim aty atë ne. Nëqoftëse nuk është për operacion analizat do vënë nga 100 deri 150 euro. Çfarë analizash do bëjmë? Do bëjmë gjakun komplet, veshkat, do bëjmë gjithë gjakun për atë koagulimin që thua ti, për hollimin e gjakut dhe do bëjmë citoskopin që ta shohim si duket sa e madhe është dhe qa ka brenda.

Të gjitha këto, vetëm citoskopia me pa me sy vete diku 50 euro. Eko është 20 euro dhe gjaku komplet shokon 70 – 80 euro, vete tek 150 euro, 150 e ca po. Po është për operacion e fusim një çmim që e ka aty 300 euro aq mundësi e kam sikur janë bërë një ditë para se me hy në sallë.

Fiksi 2– jo më përpara ë?

Zv. Ministri –Po. po

Fiksi 2– Që të ulet diçka ë?

Zv. Ministri –Po. Po

Fiksi –Po të pyes si specialstë tani edhe si qeveritar pse i kanë hequr synetlliqet tek ne në Shqipëri si lën me nëpër spitalet?

Zv. Ministri –Nuk i lën?

Fiksi – Nuk i lenë

Zv. Ministri – Se di?

Fiksi –Këtu i lën?

Zv. Ministri – Po

Fiksi –Kush i mbulon?

Zv. Ministri –Në spital bëhen pagesa private edhe këtu bëhen

Fiksi – Sa shkon këtu?

Zv. Ministri – Këtu 100 euro shkon, Kurt ë bëhen analizat flasim

Fiksi: Tani unë thashë , kaparin ta lë tani? Që të flasim më parë.

Zv Ministri :Jo, jo ,tani një kafe thjeshtë. Që nuk hyn tek ajo pjesa.

Fiksi: Bukur , atëherë për qejf po të lë një kafe.

Zv.Ministri : Po për qejf mundesh një kafe. Për ato të tjerat do flasim pastaj.

Fiksi: 100 euro?

Zv Ministri : Jo , bën me shenjë (vetëm 50 euro)

Top Channel

https://www.facebook.com/tch.fiksfare/videos/2455700754485555/

Continue Reading

Bota

Romë: Demonstratë masive kundër neofashistëve

Published

on

Përpara një jave të pandehur ekstremistë të djathtë kanë sulmuar një qendër të sindikatave në Romë. Të shtunën (16.10) dhjetra mijëra italianë protestuan kundër neofashistëve dhe kërkuan ndalimin e partisë Forza Nuova.

Dhjetra mijëra vetë u mblodhën në manifestimin antifashist në Romë. “Kurrë më fashizëm: për punë, bashkëvendosje dhe demokraci” ishte motoja e manifestimit, që u organizua nga aleanca e sindikatave të Italisë CGIL, CISL dhe UIL. Në manifestim, sipas mediave, morrën pjesë mbi 50.000 vetë. Organizatorët bëjnë fjalë për 200.000 pjesëmarrës.

Sipas të dhënave të sindikatave ishin vënë në dispozicion rreth 800 autobusë dhe dhjetë trena të posaçëm në mbarë Italinë, për t’i sjellë pjesëmarrësit në manifestimin e protestës në Romë. Me flamuj dhe pankarta mijëra përkrahës të sindikatave dhe grupe të ndryshme të majta marshuan në rrugët përreth drejt sheshit të manifestimit në “Piazza di San Giovanni in Laterano” jo larg Koloseut.

Sekretari i sindikatave Maurizio Landini tha në manifestim, se ka ardhur koha “të ndalet dhuna politike”. “Grupet neofashiste duhet të ndalohen dhe madje menjëherë”.

“Por fillimisht na duhet edukim antifashist në shkolla”, tha studentja Margherita Sardi për agjencinë e lajmeve AFP.

Para një jave anëtarët e partisë ekstremiste të djathtë Forza Nuoava (FN) pas protestave armiqësore kundër shtrirjes së masave ndaj koronavirusit në Itali ndër të tjera sulmuan selinë e sindikatës CGIL. Pas trazirave policia arrestoi dymbëdhjetë vetë ndër ta edhe sekretarin e përgjithshëm të partisë Forza Nuova, Roberto Fiore dhe kryetarin e degës së partisë për Romën Giuliano Castellino. Gjatë protestave në kryeqytetin italian pati edhe përleshje me policinë. Gjatë trazirave u plagosën 40 vetë, sikurse njoftuan mediat.

Në Itali që nga dita e premte (15.10) të gjithë të punësuarit duhet të paraqesin një “certifikatë të gjelbër” që vërteton vaksinimin ndaj koronavirusit, ose shërimin nga infesksioni me koronavirus ose duhet të paraqesin një test negativ nëse duan të vazhdojnë punën. Në rast të kundërt ata përballen me sanksione. Kush nuk paraqitet në punë, sepse nuk posedon dokumentin e kërkuar duhet të llogarisë me pushim nga puna. Testet ndaj koronavirusit janë falas për njerëzit, të cilët për arësye shëndetësore nuk mund të vaksinohen. Detyrimi për cerfitikatë vaksinimi prek në Itali rreth 23 milionë të punësuar.

Socialdemokratët (PD) kërkojnë ndalimin e partisë Forza Nuova. PD paraqiti në senat dy ditë përpara sulmeve kërkesën përmes së cilës i kërkohet qeverisë të ndërmarrë hapat për shpërbërjen e Forza Nuova dhe të partive të tjera fashiste. Sikurse njoftoi PD të shtunën (16.10), ndërkohë 100.000 vetë kanë nënshkruar një peticion përkatës. Të tjerë senatorë kanë paraqitur kërkesa të ngjashme. Pas trazirave të një jave më parë prokuroria ka nisur hetimet.

Manifestimi masiv i protestës së të shtunës përkoi me 78 vjetorin e sulmit të nazistëve ndaj getos së Romës. Mbi 1000 hebrej, ndër ta 200 fëmijë, më 16 tetor 1943 në të gdhirë u grumbulluan me forcë dhe u deportuan në kampin e përqendrimit Auzhvic./DW

Continue Reading

Lajme

Edhe në Gostivar problem me votimin biometrik

Published

on

Procesi zgjedhor në Zgjedhjet e sotme lokale në Gostivar filloi pa probleme. Më shumë se gjysma e aparateve të cilat i lexojnë shenjat nga gishti nuk kanë mundur të aktivizohen, informojnë nga KKZ Gostivar.

Për shkak të problemeve të paraqitura do të mbahet takim që të konfirmohet si do të zhvillohet votimi më tej. Atje ku nuk punojnë aparatet, procesi zhvillohet sipas udhëzimeve të KSHZ-së në të gjitha 121 vendvotimet. Në listën për votim janë të regjistruar 80.050 persona.

Nga KKZ Mavrovë Rostushë të gjitha 39 vendvotimet janë hapur në afatin e paraparë. Në listën zgjedhore ka 10.144 persona me të drejtë vote.

Nga KKZ Vrapçisht informojnë se të gjitha 39 vendvotimet janë hapur në kohë dhe vështirësitë të cilat janë paraqitur kanë tejkaluar, ndërsa procesi i votimit zhvillohet sipas parashikimeve. Në këtë komunë për votim janë regjistruar 26.383 qytetarë.

Continue Reading

Lajme

Deri në ora 09:30, jehona e votuesve në Tetovë është 3,4 për qind

Published

on

Autoritetet e Komisioni Shtetërorë Zgjedhorë në Tetovë njoftojnë se deri në ora 9:30, jehona e votuesve në zgjedhjet lokale është 3,4 për qind.

“Deri në ora 9:30, sa kemi mundur të mbledhim informacione pasi Komisioni Komunal i Tetovës përfshin 117 vendvotime, dhe duhet të bimë në kontakt me kryetarët. Deri në ora 9:30 kemi dalje prej 3,4 për qind në nivel të komunës së Tetovës”, Nazim Dauti nga KSHZ Tetovë.

Continue Reading

Aktuale