Connect with us

Lajme

Nuk ka datë për Maqedoninë e Veriut dhe Shqipërinë, BE e lodhur

Published

on

Shpresat e Ballkanit për fillimin e negociatave të pranimit me Bashkimin Evropian varen në ekuilibër, pasi Franca këmbëngul se blloku nuk është ende gati për të diskutuar mundësinë e pranimit të anëtarëve të rinj, tregojnë dokumentet e shkëmbyera midis misioneve diplomatike në Bruksel.

Maqedonia e Veriut dhe Shqipëria janë në ankth për “dritën jeshile” këtë javë për të filluar bisedimet zyrtare për t’u bashkuar me klubin më të madh tregtar në botë. Ndërsa shumica e vendeve anëtare mbështesin kërkesën e tyre, Franca dhe Holanda dëshirojnë një rregullim të plotë të procesit të zgjerimit përpara se të fillojnë negociatat me dy vendet.

Parisi dëshiron që bisedimet e mëtutjeshme të jenë “më graduale, më konkrete në përfitimet që ato sjellin për vendet e interesuara dhe të kthyeshme, sipas zbatimit efektiv, të prekshëm dhe të qëndrueshëm të reformave,” – thuhet në një draft-komunikatë të një takimi ministror në Luksemburg. Memoria u qarkullua në 10 tetor nga diplomatët francezë në qeveritë e tjera të BE-së.

“Asnjë datë për negociatat zyrtare nuk duhet t’i jepet Shqipërisë dhe Maqedonisë Veriore përpara se BE të përfundojë këtë rregullim të “metodologjisë” së saj” – thuhet në dokument.

Përkrahësit e zgjerimit argumentojnë se perspektiva e anëtarësimit në BE do të ndihmojë në ankorimin e mëtejshëm të rajonit të trazuar në Perëndim, ndërsa mospërcaktimi i një date për fillimin e negociatave zyrtare rrezikon të dobësojë forcat reformiste në Shqipëri dhe Maqedoninë e Veriut.

Por zyrtarët perëndimorë të BE-së, të mërzitur nga dështimi i vendeve lindore që u bashkuan në 2004-ën dhe 2007-ën sa i takon mbështetjes së sundimit të ligjit dhe luftës ndaj korrupsionit janë tashmë të kujdesshëm të pranojnë anëtarë të rinj.

Vende si Polonia, Hungaria dhe Rumania, ndër përfituesit më të mëdhenj të fondeve strukturore të BE-së dhe ndihmave për bujqësinë – janë në luftë me Komisionin Evropian mbi standardet e tyre demokratike dhe krahu ekzekutiv i BE-së deri më tani nuk ka arritur t’i detyrojë ata të hyjnë në rrugën e duhur.

Me insistimin e Francës, BE thotë në komunikatën e saj të qershorit për temën e zgjerimit se “pranimi i anëtarëve të rinj duhet të marrë parasysh aftësinë e bllokut për t’i integruar ato”.

Franca dhe Holanda nuk janë vetëm në skepticizmin e tyre. Shtohen këtu vende si Greqia dhe Bullgaria që citojnë çështje bilaterale që së pari duhet të zgjidhen, ndërsa të tjerët kërkojnë kushte të bashkuara me çdo nyje pozitive, veçanërisht për Shqipërinë.

Ambasadorët e BE do të bëjnë një përpjekje dëshpëruese për të ndërmjetësuar një kompromis të hënën përpara se ministrat të takohen në Luksemburg të martën, ku do të merret një vendim. Udhëheqësit e BE-së duhet të nënshkruajnë kur takohen të enjten në Bruksel.

Drafti i fundit i vendimit, i datës 11 tetor dhe i parë nga Bloomberg, jep një dritë jeshile që negociatat zyrtare të pranimit të fillojnë në gjysmën e parë të vitit të ardhshëm, por “askush nuk është i lumtur me këto fjalë”, citohet një diplomat që është në brendësi të diskutimeve.

 

BURIMI: Bloomberg, përktheu dhe përshtati in7.tv

Continue Reading

Kosovë

Vërtetohet pafajësia e ish-ministres së Kosovës

Published

on

By

Vërtetohet pafajësia e ish-ministres së Kosovës

Kolegji penal i Gjykatës së Apelit të Kosovës ka refuzuar si të pabazuar ankesën e Prokurorisë Themelore në Prishtinë, duke liruar nga akuza ish-ministren Meliza Haradinaj Stublla pasi që nuk është vërtetuar se e njëjta e kryer veprën penale mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose detyrimeve financiare.

Ndaj aktgjykimit të lartcekur, ka paraqitur ankesë Prokuroria Themelore në Prishtinë, duke i propozuar kolegjit penal të Gjykatës së Apelit të Kosovës, që ankesa të aprovohet, ndërsa çështja penale t’i kthehet gjykatës së shkallës së parë në rigjykim.

Kolegji penal i Gjykatës së Apelit të Kosovës pas shqyrtimit të të gjitha shkresave të lëndës dhe vlerësimit të pretendimeve ankimore, ka konstatuar se ankesa e Prokurorisë Themelore në Prishtinë është e pabazuar, pasi që aktgjykimi i lartcekur i Gjykatës së Themelore në Prishtinë, nuk është përfshirë në asnjë shkelje ligjore, për faktin se nga provat e administruara nuk është vërtetuar se e akuzuara Haradinaj -Stublla, ta ketë kryer veprën penale për të cilën ishte akuzuar, andaj edhe me të drejtë është liruar nga akuza./21Media

Continue Reading

Lajme

Paralajmërohet ngritje e përditshme e çmimit të derivateve deri në janar

Published

on

By

Paralajmërohet ngritje e përditshme e çmimit të derivateve deri në janar

Shoqata e Naftëtarëve të Kosovës ka paralajmëruar se do të ketë vazhdimisht ngritje të çmimit të derivateve deri në muajin janar, raporton Express.

Kryetari i kësaj shoqate, Fadil Berjani, ka deklaruar se edhe pse çmimet po rriten, s’ka nevojë për panik.

“Ne e kuptojmë çfarë është ekonomia jonë dhe çfarë jete kanë qytetarët. E them me përgjegjësi që është i shtrenjtë çmimi, por këtë s’e bën shoqata e naftëtarëve, por berza dhe organizata prodhuese OPEC. Kur kemi reduktim më të madh, çmimi është më i lartë. Po fillojmë që nga SHBA-ja e deri në Kosovë është panik e madhe.

Organizata prodhuese ka dalë me komunikatë se deri në janar do të ketë probleme dhe ngritje të përditshme të çmimeve. Kjo rritje është duke vazhduar dhe do të ndodhë e s’ka të ndalur. Çmimi me shumicë po rritet e ai me pakicë është real. S’po rriten çmimet në mënyrë të theksuar, por në mënyrë të lehtë. Qytetarët po shërbehen me çmim real. Në tregjet botërore rritja reflekton edhe në Kosovë. Por ne jemi më të lirët në rajon e s’ka nevojë për panik”, ka deklaruar Berjani në KTV.

Sipas tij, në vend furnizimi po bëhet me derivate cilësore e më s’po ka ankesa nga qytetarët.

Berjani ka apeluar te qytetarët që të mos frikësohen sepse “do të ketë me bollëk derivate në Kosovë”.

Continue Reading

Lajme

KSHZ-ja nxjerr rezultatet e para paraprake të zgjedhjeve lokale

Published

on

Kryetari i Komisionit Shtetëror të Zgjedhjeve, Aleksandar Dashtevski, në një dalje për shtyp, ka nxjerrë rezultat e para të kandidatëve që kanë fituar komunat që në raundi e parë dhe ato që shkojnë në balotazh, pas dy javësh, më 31 tetor.

Rezultatet parapake të zgjedhjeve lokale të 17 tetorit:

Haraçina shkon në balotazh, LSDM-BDI

Manastir shkon në balotazh LSDM-VMRO-DPMNE

Bogovina shkon në balotazh

Bevernica shkon në balotazh

Butel ka fituar VMRO-DPMNE-ja

Silevo shkon në balotazh VMRO-LSDM

Vevçan shkon në balotazh LSDM-VMRO

Vrapçisht shkon në balotazh ASH-BDI

Gazi Baba ka fitura në raundin e parë

Gjevgjeli shkon në balotazh LSDM-VMRO

Gradsko ka fituar VMRO-ja

Dibër shkon në balotazh BDI-ASH

Dimir Hasar shkon në balotazh VMRO-LSDM

Dollnen shkon në balotazh LSDM-BDI

Zhelinë shkon në balotazh Besa-BDI

Kërçovë shkon në balotazh BDI-VMRO

Kratov shkon në balotazh LSDM-VMRO

Kriva Pallanka fiton LSDM

Krushevë fiton LSDM

Kumanovë shkon në balotazh LSDM-kandidat i pavarur

Likovë fiton BDI

Kamenicë shkon në balotazh VMRO-LSDM

Makedonski Brod shkon në balotazh VMRO-LSDM

Ohër shkon në balotazh VMRO-LSDM

Continue Reading

Aktuale