Lajme
Ahmeti nga Kërçova: Historia do të shkruajë për bëmat e BDI-së
Në Kuvendin Zgjedhor të Bashkimit Demokratik për Integrim për Degën e Kërçovës, sot punimet nga afër i ka ndjekur edhe kryetari i BDI-së, Ali Ahmeti i shoqëruar nga kryetari i Komunës së Kërçovës, z. Fatmir Dehari, deputeti Artan Grubi, ministri i ekonomisë Kreshnik Bekteshi, ministri i arsimit dhe shkencës Arbër Ademi, si dhe shumë funksionarë të tjerë, ministra, deputet e drejtorë të nivelit qendror dhe lokal, ndërkohë që kyetare dege është zgjedhur Ardita Dani, e para femër drejtuese e një dege të partisë politike në vend.
Kryetari i BDI-së, Ahmeti ka bërë të ditur se në këto zgjedhje dhe me këto kuadro të përzgjedhura që marrin përgjegjësi për të vazhduar idealet përpara do të jemi fitues ashtu siç kemi qenë deri më tani.
“Të nderuar vëllezër e motra, trupa punues të kuvendit, të nderuar e të respektuar anëtarë, drejtues të organeve më të larta të BDI-së dhe të gjithë jut ë posazgjedhur ju uroj së pari shëndet dhe suksese të një pas njëshme por ama të gjithë bashkë si fishek në gjerdan të vjetër e të ri sepse BDI është një, unë nuk dua të numëroj këtu as të arriturat e as ndryshimet, cfarë kemi bërë për këto 18 vite, në pika të shkutëra e thanë Artani dhe Fatmiri por për të bëmat, programet dhe idealet që kemi realizuar është një histori e fortë dhe do shkruhen e do shkruhen libra të tërë, por unë do e përmbledh vetëm me një thënie se cfarë fituam ne, ne fituam që të ndihemi Zot e dalzotës në shtëpinë tonë, ne vramë frikën dhe rritëm krenarinë shqiptarëve, ne jemi këta, nuk ka se si liridashësit mos jenë dhe njerëz që e duan demokracinë që e duan përparimin që e duan zhvillimin dhe jetën, andaj si liridashës e çlirimtarë që kemi qenë kemi ardhur në këtë pikë ku arrimë ne me ndërgjegjësim që stafeta të kalojë tek më të rinjtë dhe ne nuk e marim misionin të përmbyllur nëse nuk ndërtojmë gjenerata që qëndrojnë mbi supet tona, atëherë misioni është i pavdekshëm kemi hyrë si idealist dhe ne po përgadisim gjeneratën dhe BDI për të çarë përpara drejtë Europës dhe NATO-s më të përgaditur të organizuar sepse pas këtyre qëndron një kapital dhe thesar i madh i këtij kombi që kanë dhënë aq shumë jo vetëm për vendin e tyre që kanë jetuar por gjithandej ku jetojnë shqiptarë nga Mitrovica e në Gjirokastër që të jetojnë dhe veprojnë me dinjitet, andaj të gjithë ne jemi krenar për këto që kemi arritur dhe pë rata punë e misione të rëndësishme që nap resin, prandaj ne jemi ata që do të hapim një faqe të re për ndërtimin e një historie më të begatë, ne kemi ngritur tema të rëndësishme, insistojmë dhe do e realizojmë vettingun nga gjyqësia deri në pushtetin lokal e secilin funksionarë dhe të futen në filtra verifikime çdo funskionarë i këtij vendi sepse pa pasur një veprim të tillë ne nuk mund të jemi të suksesshëm kundër cdo gjëje, mbase dikujt mund t’i duket kafshatë e hidhur por ky është një moment i pakapërcyeshëm, prandaj reformat janë të dhimbshme por për të arritur tek qëllimi sigurisht ne kërkojmë sundim të ligjit, nëse BE është një proces i vështirë por jemi të gatshëm dhe pregaditur të përballemi me këto çështje sigurisht që NATO tashmë është realitet në këtë vend sepse një nga qëllimet kryesore ka qenë që vendi ynë të jetë pjesë e kësaj aleance jo vetëm pse ishte një ndihmesë e madhe e pa këtë aleancë nuk bënim qëllimet kombëtare morri anën tonë sepse ne ishim të braktisur dhe sakatosur nga regjime të instaluar që bënin eksperimente me shqiptarët këtu”, tha Ahmeti.
Kreu i BDI-së, Ahmeti para gjithë të pranishmëve në Kërçovë tha se shqiptarët në këto hapësira ndodhën para përballjeve të reja duke konkurruar me vlera të cilat i çojnë përpara qëllimet tona historike në këto hapësira dhe troje shqiptare.
Lajme
Edhe në sondazhin e ri Taravari shumë pranë Ahmetit
Lideri i ASH-së, Arben Taravari sërish i afrohet me popullaritet atij të BDI-së, Ali Ahmeti. Në sondazhin e fundit realizuar nga Instituti për Politika Publike (IPP) “Arbën Xhaferi”, Taravari është katër përqind pas Ahmetit.
“Sondazhi i IPP Arbën Xhaferi i realizuar ekskluzivisht me shqiptarë në Maqedoninë e Veriut tregon se kur bëhet fjalë për opinionin publik për liderët partiakë, Ali Ahmeti (BDI) është më i popullarizuari, me besueshmëri neto prej zero (neutrale) dhe 49.7% të opinioneve pozitive. Arben Taravari (ASh) qëndron afër si i dyti, me besueshmëri neto prej -9.4 dhe 45% të opinioneve pozitive”, thuhet në sondazhin e relaizuar nga IPP “Arbën Xhaferi”.
Pas Ahmetit dhe Taravarit radhitet Izet Mexhi, si figure politike e popullarizuar te shqiptarët edhe pse nuk është kryetar partie. Pas Mexhitit janë Kasami i Besës dhe lideri i Alternativës, Gashi radhitet i fundit.
“Pas tensioneve të brendshme në BDI, Izet Mexhiti, lideri i fraksionit brenda BDI-së i njohur si “Grupi i Zjarrit” është lideri i tretë partiak më i popullarizuar me besueshmëri neto prej -28.8% dhe 35.3% të opinioneve pozitive. Bilall Kasami (Lëvizja Besa) renditet i katërti, me besueshmëri neto prej -43% dhe 28.2% të opinioneve pozitive. Lideri partiak me përkrahjen më të vogël popullore është Afrim Gashi (Alternativa), me besueshmëri neto prej -74.6% dhe vetëm 12.4% të opinioneve pozitive”, thuhet më tej në sondazhin e relaizuar nga IPP “Arbën Xhaferi”.
30.8% e shqiptarëve kanë thënë se do të votonin për BDI-në nëse zgjedhjet parlamentare do mbaheshin nesër. ASh renditet e dyta me 14.9%, e ndjekur nga Lëvizja Besa me 9.6%. Alternativa do të merrte vetëm 2% të votave, ndërsa PDSH është fare afër zeros (0.3%). Ndër partitë maqedone, 1.6% e shqiptarëve do të votonin për LSDM-në dhe vetëm 0.1% për VMRO-DPMNE-në.
“Interesante është se në mesin e atyre që kanë thënë se do të votonin për BDI-në, një e treta prej tyre (31.7%) do të zgjidhnin të votonin për “Grupin e Zjarrit” në rast se ky fraksion do të kandidonte si i pavarur nga BDI-ja. Kjo do të ndikonte seriozisht në skenën politike shqiptare, duke ulur përqindjen e votave të BDI-së në 19.5%, ndërsa “Grupi i Zjarrit” do të renditej si forca e katërt politike me 9.3%”, qendron në sondazhin e relaizuar nga IPP “Arbën Xhaferi”.
Sondazhi është realizuar me 1,000 të anketuar të moshës 18 vjeç e lart ku pjesëmarrësit janë anketuar ndërmjet 15 dhe 21 marsit përmes intervistave telefonike. Hulumtimi është kryer duke përdorur metodologjinë e përzgjedhjes rastësore, duke siguruar një përfaqësim gjithëpërfshirës të popullatës shqiptare në Maqedoninë e Veriut, bazuar në karakteristikat demografike si gjinia, mosha, arsimi, si dhe njësia zgjedhore dhe komuna ku ata jetojnë. Margjina e gabimit është 3.1 pikë, me një nivel besimi 95 për qind.
Lajme
Taravari: Me anëtarësimin në NATO, Maqedonia e Veriut është bërë shtet i sigurt
Kryetari i Aleancës për Shqiptarët Arben Taravari, thotë se me anëtarësimin në NATO, Maqedonia e Veriut është shtet i sigurt dhe larg çdo rreziku të sovranitetit dhe integritetit.
Në Facebook ai shkruan se RMV si anëtare e NATO-s jep kontributin e saj për çdo vend në të cilin duhet të sigurohet paqja botërore.
“Më 27 mars të vitit 2020, Republika e Maqedonisë së Veriut u bë anëtare më e re në NATO. Nga ky moment RMV, si pjesë e Aleancës më të fuqishme Veriatlantike, është shtet i sigurtë dhe larg çdo rreziku të sovranitetit dhe integritetit të vendit. RMV, si anëtare e NATO-s, jep kontributin e saj për çdo vend në të cilin duhet të sigurohet paqja botërore. Agresioni rus kundër Ukrainës duke rrezikuar sigurinë globale, edhe njëherë dëshmoi se duke qenë pjesë e NATO-s, qytetarët tanë dhe vendi janë të mbrojtur nga ana e aleancës së shteteve më të fuqishme në botë”.
“Aleanca për Shqiptarët kishte fatin që të kontribuojë në procesin e anëtarësimit të Maqedonisë së Veriut në NATO. ASh me dinamikë dhe seriozitet të njëjtë do të japë kontributin politik dhe programor në përshpejtimin e procesit të anëtarësimit në BE së bashku me sfidat e ndryshimeve kushtetuese që janë parakusht dhe objektiv parësor i anëtarësimit të vendit në BE”, ka shkruar Taravari me rastin e 3 vjetorit të anëtarësimit të RMV-së në NATO.
Lajme
Anëtarë te Besës nga Gostivari kalojnë në ASH
Katër anëtarë nga Lëvizja BESA nga Gostivari, sonte kanë kaluar në ASH. Kjo është dëshmuar përmes një fotografie të publikuar në rrjetet sociale ku ata shihen bashkë me kryetarin e ASH, Arben Taravari ku i shoqëron edhe kryetari i Degës së ASH-së në Gostivar, Gazmend Abdija.
Fotografia të cilën e ka publikuar Abdija mbanë shkrimin “Aleanca për Shqiptarët çdo ditë po forocohet”.
Ky kalim kalim i katërshes, e cila ka qenë në krye të BESËS në Gostivar, është festuar me një kafe të përbashkët.
Ndryshe, jo zyrtarisht ditëve në vazhdim pritet edhe anëtarë dhe simpatizantë të tjerë nga Lëvizja Besa në Gostivar të kalojnë në ASH.
-
Lajmet kryesore1 year ago
Mediat në Shqipëri: Kastriot Rexhepi është shantazhuar me video materiale nga grupi i Izet Mexhitit
-
Bota1 year ago
Nuk u intereson kush është përballë tyre, shihni pamjet se si ukrainasit i ndalin në rrugë rusët
-
Lajme2 years ago
Lidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Kosovë1 year ago
Dalin detaje të reja për vrasjen e trefishtë në Gllogjan
-
Komente2 years ago
Mos e bëfsh pikën e hajrit o Albin Kurti
-
Lajme2 years ago
Gazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme2 years ago
Shek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme1 year ago
Anketa më re: Struga, Tetova dhe Çairi do të drejtohen nga Opozita Shqiptare