Connect with us

Spektakël dhe Yje

Gjimnastja me sindromën Down bëhet modele

Published

on

Vajza me sindromën Down, Chelsea Werner, nga California, e ka magjepsur botën me aftësitë e saj në gjimnastikë, dhe tani është bërë edhe modele.

Ajo është kampione e katërfishtë shtetërore në gjimnastikë edhe pse e ka sindromën Down, shkruan KOHA Ditore. Por Chelsea nuk e sheh paaftësinë e saj si një kufizim. Ajo filloi të merrej me gjimnastikë për t’i forcuar muskujt e saj, sepse toni i ulët i muskujve është një simptomë e diagnozës së saj.

Duke e ditur se sa e do vajza e tyre gjimnastikën dhe sa arriti për vetëm katër vjet, prindërit e saj ia gjetën trajnerin më të mirë për t’i realizuar ëndrrat e saj.

Chelsea ishte e vendosur ta tregonte talentin e saj, kështu që filloi të ushtronte 16 orë në ditë. Puna dhe mundi i saj u shpërblyen dhe ajo i fitoi katër kampionate kombëtare në Olimpiadën speciale.

Përveçse merret me gjimnastikë, Chelsea është bërë edhe modele. Ajo u shfaq në kopertinën e revistës “Teen Vogue”, bëri sfilatë në Javën e Modës në New York dhe udhëtoi në mbarë botën.

“Gjithmonë kam dashur të jem para kamerave. Gjithashtu më pëlqen shumë të udhëtoj. Puna ime e parë e modelimit ishte për H&M dhe atë e bëra në Havana të Kubës”, tha ajo me krenari.

Për shumë njerëz, tani kjo vajzë 22-vjeçare është një shembull.

“Kam dëgjuar shumë herë nga prindërit e fëmijëve të vegjël se unë jam shembull i tyre. Nëse mund ta ndihmoj ndokënd dhe të ngjall shpresë tek ata, kjo më bën shumë të lumtur dhe krenare”, tha ajo./KultPlus.com/

Continue Reading

Spektakël dhe Yje

Ku ndodhet muzika sot? Alban Skënderaj: Artistët shqiptarë kanë në fokus clubet sepse aty ka para

Published

on

Alban Skënderaj ka folur për muzikën në ditët e sotme, duke thënë se bëhet kryesisht vetëm për clube, duke harruar që një pjesë e madhe e shoqërisë pret t’i ofrohet diçka tjetër.

Këngëtari tha 90% e artistëve shqiptarë kanë në fokus clubet, pasi aty ka një pagesë të mirë, pa e kupuar se muzika që të gjithë po realizojnë iu përshtatet vendeve të tila.

Sipas tij muzika nuk mund të mbahet me 20-vjeçarë, pasi ka edhe një brez tjetër që kërkon gjëra të tjera.

“Problemi me clubin është që nuk është vetëm clubi mjet matës i dëfrimit, i qasjes ndaj muzikës. E kemi bërë ne. 90% e artistëve shqiptarë kanë si fokus clubin, sepse aty ka para, ka pagesa, ka jetë, ka qarkullim, është një biznes. Dhe pa kuptuar, nuk e vërejmë se të gjithë, qoftë edhe unë bashkë, që ndikohemi muzikalisht nga ajo atmosferë dhe bëjmë muzikë vetëm për clube. Ndërkohë që unë nuk mendoj se në shoqëri është vetëm clubi si formë dëfrimi.

Unë mendoj që është edhe një brez tjetër, që kërkon gjëra të tjera, por nuk i ofrohen. Është një pjesë shumë e madhe e shoqërisë që nuk merret fare në konsideratë. Nuk mund të mbahet muzika vetëm me 20-vjeçarë.

Për shembull, në club nuk ke mbi 30. Të tjerët çfarë bëjnë, ku shkojnë? Presin t’u ofrohet diçka. Kur unë bëra koncertin në Pallatin e Kongreseve, nuk e prisja kurrë që do kishte interes. Nuk e prisja kurrë që do ishin 3 netë, diku te 6500 bileta të shitura. Pse?Sepse kishte uri për diçka ndryshe,” –u shpreh Albani në një intervistë me Mira Kazhanin.

Këngëtari mbajti një koncert 3-ditor në mars të vitit 2018, të quajtur “Hapësira e një ëndrre”.

Continue Reading

Spektakël dhe Yje

Po vjen mega hiti nga Nora Istrefi, Bardhi & Shkurta

Published

on

Ashtu siç ishte raportuar kjo verë pritet të jetë e nxehtë nga Nora Istrefi.

Nora tani ka gati projektin në bashkëpunim me Bardhin dhe Shkurte Gashin.

Kënga quhet “Mama Mia” dhe do të publikohet shumë shpejt.

Në bazë të postimeve të super treshes, realizimi vizuel i këngës është në përfundim e sipër dhe duket se ritmet e kësaj kënge do të na ndjekin gjithë verën./indeksonline/

Continue Reading

Spektakël dhe Yje

Tayna dhe Azet publikojnë “Tequila” (Video)

Published

on

Ashtu siç edhe kishin paralajmëruar prej ditësh, reperët Tayna dhe Azet kanë publikuar bashkëpunimin e tyre të ri.

“Tequila” mban titullin kënga e tyre e re, e cila është ritmike e zhanrit hip-hop.

Muzika është punuar nga producenti Cricket, gjersa tekstin e kanë shkruar vet dyshja – secili pjesët e tyre përkatëse me ndihmë nga Endrit Mumajesi.

Kënga është vizualizuar edhe me klip, i cili është tipik veror dhe i përshtatet tematikës së këngës.

Ana vizuale i është besuar produksionit Secuenca.

Ky nuk është bashkëpunimi i parë i dyshes pasi një vit më parë ata kishin sjell edhe një tjetër duet, të quajtur “Ti harro”.

Continue Reading

Aktuale