Connect with us

Lajme

Bëri simbolin e shqiponjës me duar, serbët kërkojnë që të dëbohet menjëherë këngëtari maqedonas

Published

on

Këngëtari maqedonas Daniel Kajmakoski ka provokuar të gjithë Serbinë pasi gjatë xhirimit të një shfaqje argëtuese, të titulluar “Fytyra jote tingëllon e famshme” në Beograd, duke treguar simbolin e shqiponjës shqiptare me duar duke pozuar për reporterët fotografikë, përcjell in7.

Serbët nga ky gjest i tij ndjehen të zhgënjyer dhe të zemëruar me Kajmakoskin, pasi pikërisht në Serbi ai u bë i njohur, ku edhe fitoi versionin serb të shout ‘X Faktor’. Mentori i tij atëherë ishte Zeljko Joksimovic, i cili gjithashtu regjistroi edhe një duet me të.

Duke treguar shqiponjën, të cilën disa e shohin si jo vetëm si simbol shqiptar, por edhe si simbol të “Shqipërisë së Madhe”, serbët besojnë se Kajmakoski është treguar mosmirënjohës. Disa po kërkojnë që ai të dëbohet dhe të mos lejohet më të hyjë në Serbi. Të tjerë thonë se ai e bëri këtë për të marrë votat e audiencës shqiptare.

Nga shtëpia prodhuese “Emocion”, e cila edhe është prodhuese e spektaklit “Fytyra jote tingëllon e njohur”, thonë se ata nuk mendojnë se Kajmakoski tregoi shqiponjën dhe se nuk ka asgjë të diskutueshme në këtë gjest të tij. Ata theksojnë se shfaqjet e tyre janë argëtuese dhe nëse do të mendonin se gjesti i tillë do të ishte ndonjë simbol apo mesazh politik, ata do të reagonin menjëherë.

Edhe anëtarët e jurisë e mbrojnë Kajmakoski. Ata thonë se ai është një djalë super dhe me vetëdije nuk do të bënte një provokim të tillë.

Edhe Kajmakoski gjithashtu është i tronditur nga reagimet ndaj tij. Siç shkruan Inorformer, ai thjesht i tregoi kamerës lyerjen e thonjve derisa po e maskonte veten si këngëtarja Taylor Swift.

“Një nga gjestet e mia ishte edhe ai që shkaktoi skandal. Nuk e dija që ishte një simbol shqiptar. Unë jam maqedonas dhe ortodoks, kurrë nuk do ta bëja atë me qëllim. Jam i tronditur nga e gjithë kjo”, ka thënë Kajmakoski.

Vlen të theksohet se Kajmakovski filloi karrierën nga produksioni  shqiptar JukeboxGroup ne Shkup, nga të cilët edhe udhëtoi për nëX Faktorin serb ku edhe fitoi./in7.tv/

Continue Reading

Kosovë

Kosova e Luksemburgu do të nënshkruajnë marrëveshje në vlerë 35 milionë euro

Published

on

Në muajin e ardhshëm pritet nënshkrimi i marrëveshjes së re bilaterale dhe memorandumit të bashkëpunimit me Qeverinë e Luksemburgut që parasheh përkrahjen financiare për Kosovën në vlerë prej 35 milionë euro.

Kjo u bë e ditur gjatë takimit që kryeministri Albin Kurti kishte sot me ambasadorin jo-rezident të Luksemburgut në Prishtinë Patrick Heck.

Populli dhe Qeveria e Kosovës janë shumë mirënjohës për përkrahjen dhe miqësinë e vazhdueshme të Luksemburgut, u shpreh kryeministri Kurti, duke shtuar se Luksemburgu është një aleat i fuqishëm i Kosovës në NATO dhe Bashkimin Evropian dhe dy vendet gëzojnë marrëdhënie shumë të mira bilaterale.

Gjatë takimit u dha zotimi i dyanshëm për avancim të bashkëpunimit ekonomik dhe rritje të shkëmbimeve tregtare në mes dy vendeve, ndërkaq u veçua edhe potenciali për bashkëpunim në sektorin e Teknologjisë së Informacionit dhe Komunikimit.

Luksemburgu është ndër shtetet e para që ka njohur Kosovën dhe që nga paslufta e ka përkrahur përmes programeve të ndryshme zhvillimore në fushën e arsimit profesional, shëndetësisë, fuqizimit të shoqërisë civile dhe procesit të integrimeve evropiane, që e tejkalojnë vlerën 100 milionë euro.

Continue Reading

Lajme

Asnjë fajtor për zjarrin në spitalin modular në Tetovë, Prokuroria thotë se vendimi është duke u përgatitur

Published

on

Po bëhen gati 10 muaj nga tragjedia në Spitalin modular në Tetovë, ndërsa prokuroria ende nuk ka drejtuar gishtin ndaj askujt si i fajtor për rastin, edhe pse muaj më parë u tha se do të ngriten padi ndaj 4 personave. Edhe pas kaq shumë muajve, prokuroria ende thotë se përgatitja e vendimit është në proces e sipër.

“Bëhet fjalë për një çështje komplekse, në të cilën duhet shpjeguar me kujdes dhe saktësi të gjitha aspektet e përgjegjësisë penale të përcaktuar dhe të renditen të gjitha provat që e mbështesin atë. Sapo të merret vendimi, publiku do të njoftohet menjëherë.”- thonë nga Prokuroria.

Autoritetet vazhdimisht kanë ripërsëritur se shkaktarët për zjarrin do t’i tregojë raporti gjerman, i cili pothuajse 6 muaj më parë ka arritur në duart e prokurorisë. Po edhe përkundër faktit që organet e drejtësisë i kanë të gjitha provat në duar, ende nuk ka aktakuzë.

Pyetëm kryetarin e Këshillit të prokurorëve, Antonio Jolevski, se a do të iniciojnë procedurë kundrejt prokurorëve të cilët e kanë lëndën në duar e nuk po ndërmarrin veprime.

“Ekskluzivisht, dorëzues i kërkesës për inicim të procedurës disiplinore është ose prokurori publik i RMV-së, ose prokurorët e lartë. Kështu që në këtë moment, këtë pyetje duhet ta drejtoni atje, të pyesni nëse ato kanë nisur ndonjë procedurë. Ne as nuk mund ta dimë sepse do të del sikur ne përzihemi në punën e Komisionit disiplinor, ndërsa në shkallën e dytë duhet të vendosim ne”.- tha Antonio Jolevski, Kryetar i Këshillit të Prokurorëve

E vetmja përgjegjësi e ndërmarrë pas tragjedisë, është ajo morale, me dorëheqjen e ministrit të Shëndetësisë, Venko Filipçe dhe zëvendësit të tij Ilir Hasani, të cilët nuk u patën pranuar nga Kryeministri Zave. Dorëheqje dhanë edhe dy drejtorë të spitalit të Tetovës. Më 8 shtator të vitit të kaluar, në spitalin modular të Tetovës humbën jetën 14 persona, prej të cilëve 12 pacientë dhe dy persona që kujdeseshin për familjarët e tyre.

Continue Reading

Lajme

‘Çmenduri’ në ishullin grek, 500 euro për të parë perëndimin e diellit

Published

on

E padëgjuar më parë. Por realitet!

500 euro për të parë perëndimin e diellit në ishullin grek. Dhe…po deshët!

Pas skandalit të “këmbëve të gaforres” ku dy turiste amerikane paguan 600 euro, një tjetër fakt ka habitur një çift turistësh amerikanë. Ata janë ulur pranë një bari në zonë e quajtur ‘Venecia e Vogël’ në ishullin e Mikonos për të shijuar perëndimin e diellit nën shoqërinë e një pije, por janë habitur kur kamarieri i ka kërkuar 500 euro.

Sapo janë ulur dhe kanë tentuar të porosisim diçka për të pirë kamarieri i ka informuar që konsumi minimal në një kafe-bar të njohur në ‘Venecia e Vogël’ është 500 euro. Megjithatë, mbresëlënës është fakti që për të shijuar perëndimin e diellit në një lokal në ‘Venecia e Vogël’ piktoresk duhet të paguash nga 300 deri në 500 euro.

Banori i Mykonos, Dimitris Koutsoukos, bëri një postim në Facebook:

“Dy miqtë e mi nga San Francisko kanë ardhur në Mykonos, që nuk janë aspak të varfër dhe as pinjollë. Dje donin të shkonin diku për një pije dhe të shikonin perëndimin e diellit. Ata u ulën në një nga lokalet, pak para perëndimit të diellit. Kamerieri shkoi për të marrë porosinë dhe u tha se është 500 euro konsumi minimal për tavolinë. U ngritën dhe u larguan. Sot pyeta dikë që e njeh dhe më tha që jo të gjitha dyqanet atje kanë një konsum minimal të pijeve… Pra duam vetëm turistë shumë të pasur në Mykonos? Ne kemi ikur shumë në këtë ishull ”.-shkroi ai.

Continue Reading

Aktuale