Connect with us

Kosovë

Shkrimtari Selman Rushdie dakordohet me Vlora Çitakun për skandalin e çmimit Nobel

Published

on

Gjatë ditës ka pasur shumë reagime lidhur me fituesin e çmimit Nobel për letërsi, e ndër ta është edhe ambasadorja kosovare në Amerikë, Vlora Çitaku, e cila e konsideron të papranueshme që ky çmim t’i jepet Peter Handkes, një shkrimtari që adhuronte Sllobodan Millosheviqin.

Çitaku ka pasur edhe disa replika me shkrimtarin Selman Rushdie, i cili është pajtuar me atë që kishte thënë ambasadorja për Handken.

“I dashur Salman, besoj që e ke lexuar lajmin për laureatin e fundit të çmimit Nobel për letërsi. Jam e shokuar. Është goditje në fytyrë për të gjitha viktimat e regjimit të Millosheviqit”, ka shkruar Çitaku, transmeton Gazeta Express.

Ndërkaq shkrimtari britaniko-indian me famë botërore thotë se ka shkruar për ideologjinë e Handkes njëzet vjet më parë dhe se pajtohet me atë që dhënia e cmimit Nobel është ofendim për viktimat e Millosheviqit.

“Kam shkruar për ideologjitë e Handkes 20 vjet më parë. Pajtohem me ty”, ka shkruar shkrimtari Rushdie”.

Çmimin Nobel për letërsi sivjet e ka fituar Peter Handke, shkrimtari që admironte liderin kriminel të Serbisë, Slobodan Millosheviq dhe se mohonte masakrat e kryera nga regjimi serb si ajo e Srebrenicës.

Share this:

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

on

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Kosovë

Avioni me shqiptarë bën ulje emergjente sapo niset

Published

on

Një avion që u nis sot me linjën Prishtinë-Shtutgart u kthye në pistë pas 30 minutave që u ngrit në ajër.

Mësohet se avioni kishte një defekt teknik dhe ka bërë uljen e menjëhershme.

Sipas dëshmive, disa pasagjerëve brenda në avion i kishte rënë në fikët./Abcnews.al/

Continue Reading

Kosovë

SHBA e ndihmon Kosovën me 236,7 milionë dollarë: Do të investohen në energji

Published

on

Kryeministri i Kosovës, Albin Kurti ka njoftuar se Bordi i Korporatës së Sfidave të Mijëvjeçarit (MCC) i SHBA-së, ka miratuar marrëveshjen Kompaktit prej 236,7 milionë dollarësh.

Kurti përmes një postimi në Twitter ka thënë se ky është investimi më i madh energjetik në Kosovë, përcjell Kallxo.com.

“Ky është investimi më i madh energjetik në Kosovë deri më sot. Do të ndihmojë në vendosjen e themeleve për tranzicionin tonë të drejtë të energjisë. Falënderime të veçanta për të dy ekipet tona për punën e shkëlqyer”, tha ai.

Qeveria e Kosovës në bashkëfinancim me Shtetet e Bashkuara të Amerikës synon të investojë në bateri për ruajtjen e energjisë që do të shfrytëzohet nga KOSTT-i, në rastet e rënies së njësive të termocentraleve për balancim të sistemit të energjisë.Programi Kompakt do të jetë në vlerë prej 234 milionë dollarëve dhe do të përfshijë dy projekte: rezerva dhe arbitrazh të energjisë (bateritë me kapacitet të lartë mbi 200 Mëh) dhe zhvillimi i fuqisë punëtore dhe përfshirja e grave në sektor të energjisë.

Continue Reading

Aktuale