Lajme
Kuvendi miratoi rebalancin e buxhetit për vitin 2019!
Pas një debati 10 ditorë në komisionin për financa dhe buxhet dhe seancë plenare u miratua rebalanci i buxetit për vitin 2019, në të cilin u pranuan 57.4 milion denarë amandamente gjithësejt nga deputetët e kuvendit, potencoi kështu zëvendësministrja e financave, Dr. Shiret Elezi.
Ky Rebalanc ndaj qytetarëve siguron mbështetje për paga më të larta për punonjësit e sektorit privat, paga më të larta për punonjësit e administratës publike, më shumë fonde për të mbështetur masat aktive të punësimit për qytetarët e papunë dhe më në fund, në më pak se tre muaj, qytetarëve do ju kthehen paratë e para përmes projektit TVSH-jaime. Dhe ky nuk është përfitimi i vetëm i këtij projekti, sepse përmes TVSH-jaime qytetarët mbështesin drejtpërdrejt luftën për të ulur ekonominë gri, bashkë me shumë masa tjera qeveritare.
Siç theksoi zëvendësministrja, synimet e përcaktuara për vitin 2019 synojnë plotësisht arritjen e prioriteteve kryesore të shoqërisë: nivele më të larta të rritjes ekonomike, rivitalizim 3.5%, ngritje të standardit të jetesës së popullatës, arritje të niveleve më të larta mbi drejtësinë sociale dhe intensifikimin e proceseve integruese në BE dhe NATO. Ajo gjithashtu rikujtoi rritjen e pagës prej 5% në administratën publike, shëndetësi, arsim, kopshte, polici, kulturë, mbrojtje dhe në aktivitete të tjera të administratës publike.
Të ardhurat totale me ndryshimet në Buxhetin e Republikës së Maqedonisë Veriore për vitin 2019 janë planifikuar në nivelin prej 210.5 miliardë denarë, ndërsa shpenzimet totale përcaktohen në 228.2 miliardë denarë. Në kuadër të kësaj, deficiti mbetet i pandryshuar në krahasim me buxhetin e planifikuar, përkatësisht pozicionohet në vlerën 17.7 miliardë denarë, ose 2.5 përqind të BPV-së.
Elezi theksoi se me ndryshimet janë rialokuar fonde në mesin e përdoruesve të buxhetit, kanë ulur pozicione të caktuara në shpenzimet kapitale të përdoruesve të buxhetit që kanë regjistruar një ritëm të ngadaltë të realizimit, veçanërisht në projektet e financuara me linja kredie të huaja, duke audituar të ardhurat që shfrytëzuesit e buxhetit realizojnë në llogaritë e veta, duke ulur shpenzimet e interesit për 924 milion denarë, në përputhje me përpjekjet e vazhdueshme të Ministrisë së Financave për të ulur normat e interesit për huamarrje dhe aktivitetet tjera të cilat ishin në kuadër të debatit në Kuvend.
Lajme
Gostivari pushton mediat e Shqipërisë
Dje, në prag të muajit të shenjtë të Ramazanit, kryetari i Bashkisë së Tiranës z.Erion Veliaj, ishte në Gostivar. Atij ju akordua titulli Qytetar Nderi i Gostivarit me motivacionin promovim dhe mbështetje e jashtëzakonshme për qytetin e Gostivarit.
Në fjalën e tij kryetari Komunës z.Arben Taravari tregoi miqësinë e veçantë që e lidh me kryebashkiakun tiranas, dhe shprehu mirënjohjen e tij për të gjithë projektet e mbështetura nga Veliaj në Gostivar.
Nga ana e tij Erion Veliaj tregoi se dashuria e dedikimi i tij për Gostivarin, ishte e natyrshme për të, sepse ky qytet në drejtimin e Taravarit është një histori suksesi dhe është e lehtë të afeksinohesh pas komunave të sukseshme.
Më poshtë ju sjellim vegëzat dhe video nga ngjarja e cila u trajtua nga mediat më të rëndesishme të Shqipërise, kjo padyshim është një mjeshtri e Taravarit për promovimin e Gostivarit në arenën rajonale.
Veliaj nderohet me titullin “Qytetar Nderi” i Gostivarit: Krenar të kontribuoj për këtë qytet. Taravari: Tirana, qyteti më dinamik në Ballkan
Veliaj “Qytetar Nderi” i Gostivarit: “Krenar të kontribuoj për këtë qytet”; Taravari: “Tirana, qyteti më dinamik në ballkan” – Vizion Plus
Veliaj nderohet me titullin “Qytetar Nderi” i Gostivarit – Tv Klan
Lajme
Drejtori i Shtëpisë së Shëndetit publik Vullnet Selimi zgjidh problemin e 163 të punësuarve pa kontrata
163 punonjës shëndetësor në Shtëpitë e Shëndetit publik – Shkup që javën e kaluar protestuan në shenjë pa kënaqësie për faktin se kishin disa muaj që punonin pa kontrata pune tashmë çështja e tyre është zgjidhur.
Edhe pse ka vetëm pak ditë që është emëruar në krye të detyrës së drejtorit organizativ në Shtëpinë e Shëndetit publik- Shkup, drejtori Vullnet Selimi ka njoftuar se në koordinim me Ministrinë e Financave ka arritur të zgjidh çështjen e këtyre punonjësve.
“Pas pëlqimit të marrë nga Ministria e Financave gjatë javës së ardhshme do tu paguhen pagat për këto muaj si dhe do tu përgatisim kontratat për muajt vijues”, ka shkruar Selimi në rrjetin social Facebook.
https://www.facebook.com/1461036551/posts/pfbid064nfVH252tzRrKFk4qE13g3EuSFEis637cn3m7PemKZPsNkUbAUBSP4XosuDoHerl/?mibextid=cr9u03
Lajme
Minsitri Lloga uron besimtarëve agjërim të lehtë
Ministri i drejtësisë, Krenar Lloga përmes një postimi ka uruar besimtarët e komuniteti musliman për fillimin e muajt të shenjtë të ramazanit duke ju uruar një agjërim të lehtë, shkruan Top24
“Sonte hyjmë në muajin më të bekuar të vitit, muajin e mëshirës, dashurisë, sakrificës dhe solidaritetit.
Agjërim të lehtë dhe lutje të pranuara!”
https://www.facebook.com/100090407993687/posts/pfbid02xoZZduZuc9zJiaQgjq8PEwo9vTXWxZRWygZ9sxQjnvtxdhpoAv1LdVhhExScJYeBl/?mibextid=cr9u03
-
Lajmet kryesore1 year agoMediat në Shqipëri: Kastriot Rexhepi është shantazhuar me video materiale nga grupi i Izet Mexhitit
-
Bota1 year agoNuk u intereson kush është përballë tyre, shihni pamjet se si ukrainasit i ndalin në rrugë rusët
-
Lajme2 years agoLidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Kosovë1 year agoDalin detaje të reja për vrasjen e trefishtë në Gllogjan
-
Komente2 years agoMos e bëfsh pikën e hajrit o Albin Kurti
-
Lajme2 years agoGazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme2 years agoShek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme1 year agoAnketa më re: Struga, Tetova dhe Çairi do të drejtohen nga Opozita Shqiptare