Connect with us

Bota

Turqia nis operacionin ushtarak në verilindje të Sirisë

Published

on

Turqia dhe aleatët e tij rebelë sirianë kanë nisur operacionin e tyre ushtarak në verilindje të Sirisë, ka thënë presidenti turk, Recep Tayyip Erdogan.

Sipas tj kjo ofensivë synon të eliminojë “korridorin e terrorit” përgjatë kufirit jugor të Turqisë.

Erdogan ka thënë se ofensiva e ashtuquajtur “Operacioni Pranvera e Paqes”, ka për qëllim eliminimin e kërcënimit që vjen nga milicia e kurdëve sirianë dhe militantëve të grupit ekstremist, Shteti Islamik.

Milicia kurde, e njohur si grupi YPG ka luajtur rol të rëndësishëm në mposhtjen e Shtetit Islamik në Siri.

A gjendet Siria para një tragjedie të re?​

Turqia e konsideron këtë grup si pjesë të Partisë së ndaluar të Punëtorëve të Kurdistanit, e cila ka luftuar për autonominë kurde brenda Turqisë për tri dekada me radhë.

YPG-ja e mohon çdo lidhje të drejtpërdrejtë organizative me Partinë e Punëtorëve të Kurdistanit.

Erdogan ka thënë se kjo ofensivë synon edhe të mundësojë kthimin e refugjatëve sirianë pas formimit “të zonave të sigurta” në këtë pjesë.

“Misioni ynë është që të parandalojnë krijimin e një korridori të terrorit përgjatë kurfirit jugor, si dhe të ofrojmë paqe në këtë zonë”, ka thënë Erdogan përmes një postimi në rrjetin social, Twitter.

“Ne do ta ruajmë integritetin territorial të Sirisë dhe të çlirojmë komunitetet lokale nga terroristët”, ka shtuar ndër të tjera ai.

Të hënën forcat amerikane kanë nisur të tërhiqen nga zonat përgjatë kufirit të Sirisë me Turqinë, pasi Shtëpia e Bardhë ka njoftuar se do të distancohet nga operacioni i planifikuar turk kundër forcave kurde në verilindje të Sirisë.

Sipas disa njoftimeve, forcat amerikane janë tërhequr tashmë nga dy postblloqet e vëzhgimit në Tel Abjad dhe Ras al-Ain.

SHBA-ja tërheq trupat nga kufiri i Turqisë me Sirinë

Continue Reading

Bota

Hovenier këndon himnin amerikan për nder të Ditës së Pavarësisë së SHBA-së (Video)

Published

on

Në oborrin e Ambasadës Amerikane në Kosovë po zhvillohet një manifestim në përkujtim të Ditës së Pavarësisë Amerikane.

Kryeparlamentari Glauk Konjufca dhe kryetarja Vjosa Osmani janë në mesin e disa personaliteteve publike.

Ambasadori amerikan në Kosovë, Jeffrey M. Hovenier, ka performuar edhe himnin kombëtar para të ftuarve për të intensifikuar edhe më shumë natyrën emocionale të kësaj ceremonie.

“I lumtur të pres partnerët dhe miqtë kosovarë këtë mbrëmje, ndërsa shënojmë përvjetorin e 246-të të Ditës së Pavarësisë. Faleminderit që festuat me ne” shkroi Hovenier në Twitter.

Continue Reading

Bota

Paralajmërimi i fortë i Erdogan: Nuk duam luftë me Greqinë, por nuk po i mban premtimet

Published

on

Turqia nuk dëshiron të hyjë në luftë me Greqinë, por do të vazhdojë t’i përgjigjet shkeljeve të hapësirës ajrore turke, tha Recep Tayyip Erdogan, një ditë pas kthimit nga Samiti i NATO-s në Madrid.

Presidenti turk është pyetur për marrëdhëniet greko-turke dhe mundësinë e zbutjes së tensionit, pas deklaratave të Kyriakos Mitsotakis në favor të Turqisë për çështjen e terrorizmit. Siç tha ai, nuk po mendon për ndonjë takim me kryeministrin grek, ndonëse sipas Erdogan, shumë liderë bënë përpjekje për t’i “pajtuar” në Madrid.

“Ne nuk kemi dëshirë të hyjmë në luftë me Greqinë. Megjithatë, Greqia nuk i mban premtimet e saj, ky është problemi”, theksoi Erdogan.

Në të njëjtin kontekst ai akuzoi Greqinë për shkelje.

“Kanë bërë 147 shkelje ajrore në një kohë shumë të shkurtër. Pra, nëse jemi fqinjë, nëse jemi miq, nëse duam të jetojmë në paqe, pse po na shkelni hapësirën ajrore 147 herë? Sigurisht, kur bëni një gjë të tillë, shkeljet, atëherë cila është detyra jonë? Forca jonë ajrore do të ngrihet dhe do t’ju japë imazhin dhe perspektivën që ju nevojitet. Këtë e bën forca jonë ajrore”, tha ai.

“Nëse nuk e bëj, çfarë do të thonë qytetarët e mi? Ku janë forcat tona të armatosura? Prandaj forcat tona të armatosura po bëjnë pjesën e tyre dhe nëse vazhdojnë këto shkelje të hapësirës ajrore, ne do të vazhdojmë të bëjmë atë që duhet. Këtu do të them se Mitsotakis na dha drejtësi, por shumë liderë, nuk e di kush e nisi, bënë përpjekje të mëdha për të na pajtuar. Ne thamë se nuk po mendojmë për këtë tani. Ne po shohim se çfarë do të sjellin kushtet në të ardhmen dhe ne do t’i vlerësojmë ato në përputhje me rrethanat”, tha ai.

Continue Reading

Bota

Çekia merr presidencën e BE

Published

on

Çekia merr nga sot presidencën e radhës të Bashkimit Europian, që zgjat deri në fund të vitit.

Nisja formale e bisedimeve të anëtarësimit për Shqipërinë dhe Maqedoninë e Veriut do të jetë në fokusin e presidencës çeke ashtu si gjatë asaj franceze.

Mediat pranë Brukselit shkruajnë që po punohet për mbajtjen e konferencës së parë ndërqeveritare mes BE-së dhe këtyre vendeve, që këtë muaj para nisjes së pushimeve verore.

Propozimi i presidentit francez Emanuel Makron për zgjidhjen e mosmarrëveshjeve mes Shkupit dhe Sofjes pritet të nxisë Bullgarinë të heqë veton që mban peng edhe Shqipërinë.

Kalimi simbolik i presidencës nga Franca në Çeki u bë përmes vizitës këtë të Premte, të krerëve të unionit në Pragë.

Continue Reading

Aktuale