Connect with us

Lajme

Maqedonia e Veriut i ka përmbushur reformat, radhën e ka BE

Published

on

Këshilli i ardhshëm Evropian konsiderohet si kyç, pritet kthesë përfundimtare në proceset eurointegruese të vendit dhe dritë jeshile për fillimin e negociatave me Bashkimin Evropian. Data është vetëm një pikë fillestare nga rruga për integrim të plotë, në të cilin vendi do të hapë kapitull pas kapitulli nga gjithsej 35, duke filluar nga më të rëndat, 23 që kanë të bëjnë me gjyqësinë dhe të drejtat fundamentale dhe 24 që kanë të bëjnë me drejtësinë, lirinë dhe sigurinë.

Më 15 tetor fillimisht mblidhet Këshilli për punë të përgjithshme dhe më pas më 17 dhe 18 tetor mblidhet Këshilli Evropian. Vendimet sillen me konsensus, ndërsa tani për tani shumica e madhe e vendeve anëtare janë për fillim të negociatave dhe ata lobojnë ndaj atyre që ende kanë rezerva, si Franca, përbërja e të cilave është e njohur – së pari reforma në Union, pastaj zgjerim.

Funksionarët e lartë me qëndrim se Maqedonia e Veriut i është përgjigjur reformave dhe tani e ka radhën BE-ja të përgjigjet. “Maqedonia e Veriut dhe Shqipëria u janë përgjigjur reformave të kërkuara, tani është koha që edhe vendet anëtare të përgjigjen!. Falënderim deri tek liderët e BE-së për qëndrimin e tyre të fuqishëm për fillimin e negociatave me dy vendet në tetor”, u ka thënë Han liderëve evropianë në Tuiter, pasi paraprakisht në letrën e dërguar më 3 tetor deri tek vendet anëtare të BE-së, kryetari i tanishëm i Këshillit të Evropës, Donald Tusk, i Komisionit Evropian Zhan Klod Junker, kryetarja e sapoemëruar e Komisionit Evropian Ursulla fon der Lejn dhe kryetari i Parlamentit Evropian David Sasol, kërkojnë hapje të negociatave aderuese për anëtarësim në BE me dy vendet.

Për vizitë në vend dje ishte ministri federal austriak për Evropë, integrim dhe punë të jashtme, Aleksander Shalenberg, i cili ka dhënë mesazh të qartë se Austria tërësisht qëndron pas qëndrimit se Maqedonia e veriut dhe Shqipëria duhet të fillojnë negociata. negociatat me BE-në ai i krahasoi me Tur de Frans – rruga është e gjatë, me shumë shtigje dhe vështirësi.

“Këtë proces mund ta krahasoj me Tur de Frans. Nuk është me rëndësi vetëm se kush do të jetë në pozitën fillestare, më tej ka shumë faza, shtigje dhe rruga është e gjatë, por besoj se nuk duhet të ekzistojë diskriminim lidhur me atë se kush duhet të qëndrojë në linjën fillestare të këtij turi”, ka thënë Shalenberg.

Ai në konferencën e përbashkët për shtyp me nikoqirin e tij, shefin e diplomacisë Nikolla Dimitrov, shprehu siguri se vendi meriton ta bëjë hapin e ardhshëm.

“Shkupi i ka dorëzuar rezultatet, tani radhën e ka Brukseli të përgjigjet. Kjo është pozita jonë”, ka thënë ministri austriak.

Theksoi se javën e ardhshme të gjitha vendet anëtare nuk do të kenë mendim të njëjtë, por ai është optimist dhe i sigurt se në Bruksel do të arrihen hapa pozitive dhe do të jepet dritë jeshile për negociatat.

Kreu shtetëror austriak, shtoi ai, ka kontaktuar me kolegët e tyre nga vendet tjera anëtare që zë sigurohen se në Bruksel do zë sillet vendim i duhur.

Dimitrov theksoi se fokusi në takimin e sotëm ishte Këshilli i ardhshëm Evropian dhe shtoi se kjo për vendin nuk është vetëm edhe një KE.

“Kemi zgjidhur çështje të vështira në periudhën kur në Evropë, e madje edhe në botë nuk ka shumë zgjidhje të problemeve veçanërisht të problemeve të mëdha. Kemi një kthesë demokratike me të gjitha minuset dhe gabimet, të cilat për fat të keq ende i bëjmë, por shoqëria maqedonase është më e pjekur dhe më demokratike prej para tre viteve. Ky është fakt, bëjmë kërcime në lirinë e mediumeve, në pavarësinë e gjyqësisë, ka shumë përgjegjësi, ka dukshëm antikorrupsion të pavarur, ka reforma të mira dhe të dukshme në sektorin e zbulimit – gjithë së bashku meritojmë ta bëjmë hapin e ardhshëm i cili është fillim i rrugës evropiane, nuk është fund”, theksoi Dimitrov.

Disa ditë para Këshillit Evropian dje u deklarua edhe kryeministri bullgar Bojko Borisov. Porositi se ai dhe zëvendësi i tij dhe ministër i Mbrojtjes Krasimir Karaçanov e mbështesin anëtarësimin e Maqedonisë së Veriut në BE dhe në NATO.

“Për temën nëse Maqedonia e Veriut duhet të hyjë në BE dhe në NATO me zëvendëskryeministrin krasimir Karakaçanov jemi të një qëndrimi. Kuptohet se edhe Shqipëria duhet të jetë anëtare”, deklaroi Borisov gjatë takimit me përfaqësuesit e odës tregtare amerikane.

Mbështetja për Maqedoninë e Veriut është e madhe, por megjithatë hapet çështja nëse vendi së bashku me Shqipërinë do t’i fillojë negociatat ose eventualisht ekziston mundësi për ndarjen e tyre.

Sipas informacioneve të Rojters, të publikuara fundjavën e kaluar, Gjermania propozon ndarje të Maqedonisë së Veriut dhe Shqipërisë në tentim për të arritur kompromis midis të gjitha vendeve anëtare të BE-së më 15 tetor.

“Sipas planit të propozuar këtë javë deri tek ministrat e 28 vendeve anëtare që duhet të diskutojnë nga mesi i tetor është i mundur kompromis midis atyre që tentojnë t’i përafrojnë vendet ballkanike deri tek BE-ja dhe ata që ofrojnë rezistencë si Franca, Holanda dhe Danimarka”, shkruan Rojters. Agjencia përkujton se Gjermania para disa javësh ka votuar për fillimin e negociatave me Maqedoninë e Veriut dhe me Shqipërinë, por me kushte shtesë për Tiranën. Diplomati i BE-së megjithatë, për Rojters thotë se miratimi i këtyre konkludimeve do të varet nga Franca, ku vendimin do ta sjell personalisht Emanuel Mekron. Teksti thekson se Holanda, një vend tjetër me rezerva të mëdha ndaj zgjerimit, është më e prirë ndaj Maqedonisë së Veriut sesa ndaj Shqipërisë.

Pozita austriake për këtë çështje është e qartë – Maqedonia e Veriut dhe Shqipëria duhet të marrin datë për fillimin e negociatave në Këshillin e ardhshëm Evropian, porositi dje në Shkup, Shalenberg.

“Pozita jonë si Austri është e qartë. Besojmë se që të dy vendet edhe Maqedonia e Veriut edhe Shqipëria duhet të ftohen nga ana e Brukselit dhe të fillojnë negociata”, ka thënë Shalenberg.

Dimitrov theksoi se në këtë çështje mund të përgjigjet nga tre aspekte.

“Kemi interes shtetëror që Shqipëria fqinje të bëjë hap përpara, ne jemi fqinj të mirë, kjo është mirë për ne, para së gjithash për Tiranën, por edhe për tërë atmosferën dhe situatën gjeopolitike të Ballkanit. E dyta procesi i inkuadrimit është proces i cili është i fokusuar në arritjen individuale dhe nëse tek grupet e para të vendeve prishet logjika e kushtëzimit të procesit dhe e treta nuk guxojmë të lejojmë njëra të jetë viktimë e tjetrës, dy është më mirë se një, megjithatë një është më mirë se zero, që është mossukses edhe për vetë BE-në dhe mund ta prishë vetë politikën e zgjerimit”, ka thënë Dimitrov.

Edhe pse është paraparë që vendimi të sillet më 15 tetor në Luksemburg, nuk përjashtohet që dosja t’u dorëzohet shefave të shteteve dhe qeverive ku Merkel dhe Makron do të tentojnë të arrijnë kompromis. Sipas Rojters, dy opsione janë të mundshme, njëri që të jepen kushte shtesë para se të fillojnë negociata, tjetri që të ndahen Maqedonia e Veriut dhe Shqipëria.

Continue Reading

Lajme

Luma për incidentin në Kuvend: Ky akt duhet dënuar

Published

on

By

Luma për incidentin në Kuvend: Ky akt duhet dënuar

VIDEO

Continue Reading

Lajme

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Published

on

By

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Aktuale