Connect with us

Lajme

Ligji i gjuhëve/ Osmani: Nuk ka raport final nga Komisioni i Venecias

Published

on

Zëvendëskryeministri për Çështje Evropiane Bujar Osmani sot deklaroi se në lidhje me Ligjin për gjuhët duhet të pritet Komisioni i Venecias të dalë me raport final, pas çka do të shihet se çka nga ajo mund t’i përgjigjet kontekstit tonë politik, gjë që është në kundërshtim me pikëpamjet e tij, përkundër Marrëveshjes Kornizë, në kundërshtim me pikëpamjet tona se si duhet ta zhvillojmë shoqërinë tonë multietnike dhe shtetin multientik.

Në pyetjen e gazetarëve për vërejtjet nga ana e Komisionit të Venecias për Ligjin për gjuhët, Osmani theksoi se komisioni është organ këshillimor, i cili jep mendime në lidhje me zgjidhjet ligjore për të cilat ne kërkojmë mendime, por, theksoi, nuk është e saktë se ka dhënë ndonjë raport.

“Ato janë versione të punës për momentin, të cilat japin mendime për raportuesit në lidhje me përshtypjen të cilën e morën nga vizita njëditore këtu më 7 shtator dhe kjo duhet në mënyrë shtesë të bisedohet në Komisionin e Venecias dhe të sillet vendim final”, deklaroi zëvendëskryeministri Osmani pas punëtorisë së sotme për përpunimin e Strategjisë për Parandalimin e Korrupsionit dhe Konfliktit të Interesave.

Sipas informacioneve të zëvendëskryeministrit Osmani, Komisioni i Venecias deri në fund të këtij viti nuk do t’i shqyrtojë versionet e punës dhe të sjellë raport final.

“Do të komentojmë versionin final”, tha Osmani.

Sipas tij, Ligji për gjuhët është një nga shtyllat themelore të Marrëveshjes Kornizë të Ohrit, ligj me të cilin mund të themi se pjesa administrative e Marrëveshjes së Ohrit është mbyllur dhe Republika e Maqedonisë së Veriut, nënvizoi, hyn në një kapitull pas Marrëveshjes së Ohrit në zbatimin e frymës së Marrëveshjes Kornizë.

“Secili kthim prapa do të nënkuptojë hapjen e Marrëveshjes Kornizë dhe negociata të tjera”, potencon zëvendëskryeministri Osmani.

Megjithatë, ai theksoi se rekomandimet finale nga Komisioni i Venecias do të shqyrtohen dhe do të merren parasysh, por vendimet sillen këtu në Kuvend.

“Ka versione të punës, nuk ka raport. Unë kam parë version pune në të cilin thuhet se dygjuhësia e bankënotave dhe e uniformave të ushtrisë është e mirë. Për këtë them se janë versione të punës, që japin pikëpamje të ndryshme për raportues të ndryshëm në lidhje me këtë çështje”, përsëriti zëvendëskryeministrit Bujar Osmani. f

Continue Reading

Lajme

Taravari: Votuesit tanë do të votojnë kandidatët e Lëvizjes Besa aty ku përballen me BDI-në

Published

on

Sekretari Gjeneral i Aleancës për Shqiptarët, Arben Taravari në një dalje për media konfirmoi marrëveshjen mes Besës dhe ASH-së për mbështetje të njëra-tjetrës në rrethin e dytë të zgjedhjeve që do të mbahen të dielën (31.10.2021).

Në suaza të kësaj Taravari ftoi votuesit e ASH-së, që të votojnë për kandidatët e Lëvizjes Besa në komunat ku ata përballen me BDI-në.

“Ne si ASH menjëherë pas shpalljes së rezultateve të zgjedhjeve, kemi shprehur qëndrimin tonë që duhet të mbështeten të gjithë kandidatët shqiptarë të opozitës që garojnë përballë BDI-së në të gjitha komunat. Shumë mirë e mirëpresim thirrjen e Lëvizjes Besa për mbështetje të kandidatëve të koalicionit ASH-AAA e përsërisim qëndrimin tonë konzistent se edhe anëtarët dhe simpatizantët tanë dhe të gjithë votuesit tjerë do t’i mbështesin kandidatët e Lëvizjes Besa në komunat ku ata përballen me BDI-në. Dhe në të njëjtën kohë vlerësojmë se BDI duhet të bjerë nga pushteti. Shpresojmë që Lëvizja Besa ta ketë me gjithë mend që BDI duhet të shkojë në opozitë.

Continue Reading

Bota

Varfëria ekstreme shtyn familjen afgane ta shesë foshnjën për 500 dollarë

Published

on

By

Varfëria ekstreme shtyn familjen afgane ta shesë foshnjën për 500 dollarë

Afganistani po përballet me krizën më të madhe humanitare në botë. Në këtë shtet gjendja është bërë alarmante veçanërisht pasi talebanët kanë marrë kontrollin në gusht.

Fondet ndërkombëtare që i japin shtytje ekonomisë së brishtë në Afganistan janë ndaluar, ndërsa bota po debaton se si të merret me regjimin tabelan, raporton BBC.

Kombet e Bashkuara kanë lëshuar një paralajmërim të rëndë, se miliona do të vdesin në Afganistan nëse ndihmat nuk arrijnë në vend.

Një familje në Afganistan për BBC ka treguar se si është dashur ta shesë foshnjën për shkak të varfërisë ekstreme. Pasi po vdesin nga mungesa e ushqimit.

“Fëmijët e tjerë po vdesin nga uria, kështu që u desh ta shisnim vajzën. Si të mos jem e trishtuar? Është vajza ime. Uroj të mos isha e detyruar të bëja këtë”, ka thënë nëna e vajzës.

Ndërkohë babai i saj ka thënë se nuk po kanë fare ushqim dhe se është i detyruar ta bënte.
Personi që bleu vajzën i ka paguar atij më tepër se gjysmën e 500 dollarëve. Vajza do të qëndrojë te familja derisa të jetë në gjendje të ecë. Personi që e bleu i ka thënë familjes se vajza e vogël kur të rritet do të martohet me një nga fëmijët e tij.

Gazetarja e BBC-së ka treguar se si ka parë edhe raste tjera në Afganistan ku varfëria ka detyruar familjet që t’i shesin fëmijët. Madje ajo ka treguar se një person i është afruar asaj dhe e ka pyetur nëse dëshiron ta blejë një fëmijë.

Video

Continue Reading

Kosovë

Haxhiu reagon për dënimin me 8 muaj burgim për dhunuesit e 15-vjeçares

Published

on

By

Haxhiu reagon për dënimin me 8 muaj burgim për dhunuesit e 15-vjeçares

Ministrja e Drejtësisë, Albulena Haxhiu ka reguar pas dënimit me vetëm 8 muaj e 8 ditë burg për personin që dhunoi një 15-vjeçare në Pejë.

Haxhiu thotë se është e shqetësuar për këtë vendim siç e quan ajo absurd dhe të padrejtë. Ajo thekson se vendime të tilla motivojnë dhunuesit dhe dhunojnë për së dyti herë viktimat.

“Sapo përfundova fjalën në konferencën që i dedikohej viktimave të krimit, u njoftova me lajmin që dhunuesi seksual ndaj vajzës 15 vjeçare qenka dënuar me vetëm 8 muaj e 8 ditë burgim, pa asnjë rrethanë rënduese dhe fatkeqësisht shumë rrethana lehtësuese. Jam shumë e shqetësuar në raport me këto vendime absurde të padrejta dhe që motivojnë dhunuesit dhe që dhunojnë për së dyti herë viktimat”, ka shkruar Haxhiu në Facebook./21Media

Continue Reading

Aktuale