Connect with us

Lajme

Pagat në arsim do të rriten, ky është konkluzioni i takimit SASHK dhe Qeverisë

Published

on

Pagat e arsimtarëve dhe të të punësuarëve në sektorin e arsimit do të rriten edhe për 10 përqind, transmeton in7.

Kjo marrëveshje u arrit pas takimit të përfaqësuesit të Sindikatës së Arsimit dhe Shkencës, Jakim Nedellkov me ministrin e Arsimit, Arbër Ademi dhe në kryeministrin Zoran Zaev.

Ademi dhe Nedellkov në deklaratë për mediumet thanë se takimi ishte konstruktiv. Sipas ministrit, 10 për qind të tjerë prej prillit do të jenë shtesë të dy rritjeve paraprake prej nga 5 për qind (vitin e kalaur dhe kjo në shtator). Nedellkov, ndërkaq, tha se çdoherë mundet më tepër.

“Unë do të thoja se kjo është rritje historike e rrogave në veprimtarinë e arsimit. Propozimi konkret është prej prillit rrogat të rriten për plus 10 për qind, duke filluar nga arsimi, fillor, i mesër, i lartë dhe shkenca”, deklaroi Ademi.

Ai tha se propozimi do të shqyrtohet, nesër, edhe në mbledhje të Qeverisë. Do ta presin vendimin e Këshillit të SASHK-ut, për, siç tha, të informohen për epilogun nga negociatat. Theksoi se me ligjet e miratuara angazhohen për zhvillim karriere dhe për përmirësim të statusit materiaë dhe social të mësimdhënësve.

Përfaqësuesi i SASHK-ut, Nedellkov, tha se vendimi nëse do ta pranojnë apo jo këtë propozim për 10 për qind prej prillit, do ta dinë deri në fund të kësaj jave apo në fillim të javës tjetër. Tha se për ofertën e ofruar Këshilli i SASHK-ut do të diskutojë që nesër, e më pas do të presin përgjigje nga anëtarësia e tyre.

Kërkesa e SASHK-ut prej fillimit të vitit mësimor ishte rritja e rrogave të mësimdhënësve për aq për qind sa ishte rritur rroga minimale në shtet, përkatësisht deri 25 për qind. Sindikata në ditën e parë shkollore mbajti grevë paralajmëruese me paralajmërimin se ajo mund të bëhet e përgjithshme nëse për një muaj nuk arrihet marrëveshje me Qeverinë.

Continue Reading

Lajme

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Published

on

By

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Maqedonia, Bullgaria dhe Shqipëria do të nënshkruajnë memorandumin trepalësh që do të nënshkruhet sot në Sofje.

Sipas njoftimeve nga kabineti i ministrit të Transportit, Blagoj Boçvarski po udhëton sot në Bullgarinë fqinje.

Ky memorandum është për përfundimin e Korridorit 8 dhe sipas qëllimit të deklaruar është përcaktimi i gatishmërisë së tre vendeve për planifikim afatgjatë dhe zhvillim të koordinuar të Korridorit 8 me fokus në projektet që janë me rëndësi më të madhe për rajonin dhe gatishmërinë për të zbatuar masat për transport të shpejtë dhe të pandërprerë të mallrave në pikat kufitare./Telegrafi/

Continue Reading

Lajme

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Published

on

By

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Një tërmet i fortë ka shkundur mëngjesin e sotëm Greqinë ndërsa është ndjerë edhe në disa shtete të tjera.

Tërmeti ra 156 kilometra në juglindje të ishullit Karpathos në Greqi dhe ishte me magnitudë 6.1 i shkallës Rihter. Thellësia ishte 66.3 kilometra nën tokë.

Lëkundjet e forta u ndjenë edhe në ishullin e Kretës, që javët e fundit është tronditur nga disa tërmete. Ky tërmet është ndjerë edhe në Egjipt e Izrael, kanë raportuar mediat e këtyre vendeve.

Continue Reading

Kosovë

Vërtetohet pafajësia e ish-ministres së Kosovës

Published

on

By

Vërtetohet pafajësia e ish-ministres së Kosovës

Kolegji penal i Gjykatës së Apelit të Kosovës ka refuzuar si të pabazuar ankesën e Prokurorisë Themelore në Prishtinë, duke liruar nga akuza ish-ministren Meliza Haradinaj Stublla pasi që nuk është vërtetuar se e njëjta e kryer veprën penale mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose detyrimeve financiare.

Ndaj aktgjykimit të lartcekur, ka paraqitur ankesë Prokuroria Themelore në Prishtinë, duke i propozuar kolegjit penal të Gjykatës së Apelit të Kosovës, që ankesa të aprovohet, ndërsa çështja penale t’i kthehet gjykatës së shkallës së parë në rigjykim.

Kolegji penal i Gjykatës së Apelit të Kosovës pas shqyrtimit të të gjitha shkresave të lëndës dhe vlerësimit të pretendimeve ankimore, ka konstatuar se ankesa e Prokurorisë Themelore në Prishtinë është e pabazuar, pasi që aktgjykimi i lartcekur i Gjykatës së Themelore në Prishtinë, nuk është përfshirë në asnjë shkelje ligjore, për faktin se nga provat e administruara nuk është vërtetuar se e akuzuara Haradinaj -Stublla, ta ketë kryer veprën penale për të cilën ishte akuzuar, andaj edhe me të drejtë është liruar nga akuza./21Media

Continue Reading

Aktuale