Connect with us

Kolumna

Me zgjedhjet në Kosovë bie Enverizmi mbarëshqiptar

Published

on

Shkruan, Zeqirija IBRAHIMI

Më 6 tetor në Kosovë mbahen zgjedhjet parlamentare. Pas pavarësimit, por ndoshta edhe pas luftës bile, këto mund të jenë zgjedhjet më interesante dhe, madje, më të rëndësishme që i ka pritur Kosova.

Kanë kaluar saktë 20 vjet qëkur lufta ka përfunduar dhe kjo i bie që tash janë bërë tamam vitet e pjekurisë politike për brezin e lindur në prag të luftës, por edhe pas saj, që edhe ata të mund të votojnë. E votuesi i ri mban mend nga jeta e tij dhe ai gjykon me moshën e tij.

Nisur nga kjo, një pjesë e politikanëve në Kosovë harrojnë se kësaj rinie nuk i bën përshtypje se dikur ka qenë një Lëvizje Popullore e Kosovës, që – nga ilegaliteti në mërgatë – e ka organizuar rezistencën shqiptare në Kosovës e as qeveria në ekzil e organizimet e tjera paralele. Madje, kësaj rinie nuk i bën fort përshtypje as se kush ishin komandantët “e mëdhenj” të UÇK-së, sepse për shumë prej tyre tashmë e ka perceptimin e “çunave me muskuj e me biznese të zeza”. Atyre nuk u bën përshtypje as se cilat janë “partitë e luftës” e as cilat janë “partitë e rezistencës pasive”, sepse për ata këto janë rrëfime të librave të historisë. Ndërkaq, po rikujtojmë, Kosova e ka popullatën, mbase, më të re në Ballkan.

Këto janë fakte shumë të rëndësishme për ta profilizuar kërkesën dhe pritjen e votuesit të ri kosovar në kohën kur i dërguari i special i SHBA-së, Palmer, po vjen me marrëveshjen e re nën sqetull, në kohën kur Kosova nuk ka marrë as liberalizim të vizave nga BE-ja dhe në kohën kur shteti më i ri i Europës vazhdon të jetojë nga remitencat ose nga pamundësia për ta braktisur atë.

Bota e ’99-tës nuk i ngjan aspak asaj të 2019-tës. Andaj secila kohë i kërkon aktorët e saj. E, duke parë një skenë të tillë, i bie që këto zgjedhje të prodhojnë një klasë të re politike me dije, kompetencë, profesionalizëm, guxim për vendimmarrje dhe atdhedashuri të mjaftueshme, që të mund të përballet me sfidat që e presin qeverinë e ardhshme kundrejt planeve gjeopolitike, por edhe kundrejt kërkesave e pritjeve të qytetarëve të Kosovës. Përveç kësaj, këto zgjedhje duhet të jenë një prerje përfundimtare kur Kosova duhet të çlirohet nga “çunat me muskuj”, nga fuqia e lëvizjeve të ilegalitetit të dikurshëm dhe e lëvizjeve të nëntokës sot, por edhe nga mitet e shenjtëruara.

Janë bërë tashmë 20 vjet qëkur shigjeta ka dalë nga harku dhe tashmë është në rënie të lirë. “Partitë e UÇK-së” nuk mund të pretendojnë të mbeten akoma në qiell falë shtytjes së luftës. Atyre u duhet narracion tjetër për Kosovën. Që, si duket, vështirë po e gjejnë. Ish lëvizjet ilegale, tash të shtrira gjithandej nëpër parti e organizata të tjera publike e sekrete, ndonëse kanë bërë para dhe fuqi, nuk mund të pretendojnë ta mbajnë fronin përgjithmonë me marifete nga më të ndryshmet, sepse kjo mund të jetë frymëzënëse edhe për vetë ato. Tashmë edhe klientelizmi duket është bërë letër e djegur. Populli nuk është në shitje.

Prandaj këto zgjedhje në Kosovë pritet të prodhojnë lidership të ri, që do t’i zëvendësojë “çunat me muskuj”, “komandantët legjendarë”, “eminencat gri”, “mitet” dhe “shefat e shefave”. Për herë të parë kosovarët kanë zgjedhje mes një gruaje të re, që është aty për shkak të mendjes dhe guximit të saj, dhe një djaloshi që për vite të tëra, që nga mosha e rinisë, ka qenë në ballë të rezistencës. Pjesa tjetër është reprizë. Zgjedhja mes këtyre dy kandidatëve është modeli i duhur i garës demokratike, nëpër të cilën pritet të kalojë Kosova “e çliruar nga kapja”. Në këtë mënyrë, ashtu si më 1919-të, kur Shqipëria u bë tamam shtet, edhe 2019-ta e pret lidershipin e ri që do të dijë ta bëjë edhe shtetin e dytë shqiptar në Ballkan.

E kur këtë skenë e kundron nga Shkupi, kjo bëhet po kaq e rëndësishme dhe mund të interpretohet si uverturë për zgjedhjet që priten këtu në vitin e ardhshëm. Partia politike shqiptare, që është në pushtet këtu nga viti 2002 (me një ndërprerje të shkurtër më pak se dy vjet), është bërë një qenie që e po ha vetveten pas brejtjes së madhe që ia ka bërë kombit shqiptar në Maqedoni. Siç dihet, ajo është një zgjatim i lëvizjeve ilegale të shqiptarëve të Jugosllavisë dhe një nëndegë e “partive të luftës” nga Kosova, e cila mbahet në pushtet këtu vetëm fale marifeteve të nëntokës dhe klientelizmit në zgjedhje.

Përveç kësaj, krejt rrjeti i shërbimeve, bizneseve dhe krimeve, që kanë qarkulluar gjatë këtyre viteve në këto hapësira (Kosovë, Maqedoni, Shqipëri), hallkë të tyre e kanë pasur edhe këtë parti. Andaj “komandantët e Kosovës” flasin për “liderë të shqiptarëve në Maqedoni” (që nuk e ka as gjysmën e votave shqiptare) dhe prandaj ato parti i thurin elozhe njëra-tjetrës. Janë matrica e njëjtë. Ato e ruajnë kështu hallkën e pashkëputur. Sepse, në momentin që bie një hallkë, këputet zinxhiri dhe bie skema “piramidale” parapolitike dhe politike. Për këto arsye është bërë shumë e rëndësishme se kush i fiton zgjedhjet në Kosovë. Sepse ky do të jetë informacion edhe se kush i fiton zgjedhjet shqiptare edhe në Maqedoninë e Veriut. E, kjo do të merret vesh në mbrëmjen e 6 tetorit. Më 1998, me Arbër Xhaferin, në Shkup ra titizmi shqiptar. Më 2020 radhën e ka të bie edhe enverizmi.

Prandaj pyetja plebishitare e këtyre zgjedhjeve në Kosovë është më shumë se kosovare: a po ndryshon skena politike shqiptare, a po vjen një energji e re dhe a po krijohet një elitë e re politike? Apo do të vazhdojmë të mbetemi në llumin që i fundos jo vetëm ata që e kanë prodhuar atë, por edhe të gjithë shqiptarët në Ballkan?

Continue Reading

Kolumna

Të gjithë kundër krimit dhe interesit klanor

Published

on

Shkruan Premtim Dema

Tragjedia në Strugë lidhet me një emër dhe një parti, Ramiz Merko dhe BDI.

Mburrja e fitores nga ane e Merkos dhe argateve të tij është sa për të ardhur keq por aq edhe një realtet i nje shoqerie te kapur peng. Kjo u verejt më mirë në komunitetin Shqiptar, Turk dhe Torbesh dhe kjo ka të bëjë me lidhjet e interesave të ngushta klanore, shoqërore dhe të punsimeve pa bazë në dëm të taksapaguesve struganë.

Ne tre mujorin e fundit BDI e Struges deri sot ka berë pusnime te ba baza, ka dhëne tendere dhe ka shtruar asfalt pa kriter dhe pa plan. Keta jane te ashtuquajturat projektet e Merkos, në bashkpunim me mafien urbane dhe me ineresxhinjte të punsimit administrativ që janë në dëm të qytetarve Struganë.

Për fat të keq kjo është një fitore me kosto te madhe për shoqërinë tonë, qe mbahet aq e paster por eshte aq e vobeket se e vjedh vetveten.

E uroj Idri Istrefin për fitoren ne Struge dhe të mburret me atë që ai ka bërë për pak kohë kundër një aparati mafiozo-sheteror.

Votat që mori Idri Istrefi ishin votat e qytetarve pa interes klanor, nga ata qytetar që duan Strugën të pastër nga virusi i krimit shtetror.

U bëj thirrje të gjithe atyre që kanë dhe që duan Strugën le ti mendojnë mirë pasojat kur e hedhin votën në kuti. Se kostoja për një vend pune të pa merituar është e madhe për femijën, nipin, mbesen tuaj.

Vota bën ndryshimin dhe ju foj që së bashku nga perendimi deri ne Strugë të tregojmë se dijmë të bëjme më shumë se kaq.

Continue Reading

Kolumna

“Shani” me votë ditën e zgjedhjeve, nëse nuk e bëni atë ditë, mos u “shani” asnjëherë!

Published

on

Shkruan: Hasim Memishi – Sopi, Aktor

“SHANI” ME VOTË!

Politikanët e marrin fuqinë nga populli me anë të votës, prandaj më mirë është të “shahemi” me votë!
Nesër, mos votoni ata që kanë kaluar nga “shiltet” në gucci!
Nesër ju jeni fuqia, prandaj duhet t’i ndëshkoni me votë!
Nesër, Ne ua japim pushtetin e tenderit, korrupsionit, manipulimit, ofendimit, nënçmimit, përçmimit e “shitpordhjes”
Mos votoni ata që kanë blerë diplomat;
Mos votoni arrogantët injorant!
Mos votoni keqpërdoruesit!
Mos votoni amatorët, abuzuesit!
Mos votoni ata që janë bërë milioner vetëm duke bërë selfi!
Shani ditën e zgjedhjeve, sepse atë ditë shajnë të mençurit!
Mos e shitni votën për një thes miell, për një punë në administratë, për një premtim bosh, për premtimet për BE me dekada të tëra!
“Shani” me votë nesër, nëse nuk e bëni nesër, mos u “shani” asnjëherë!

P.s: unë çekaç di t’ju thom, prap Ju e dini ma majr!

Continue Reading

Kolumna

Demiri: Inxhinierë e magjistra punojnë si kamerier, të paditurit bëjnë ligje…

Published

on

Shkruan: Osman DEMIRI

Që kur na lan si numra, partitë politike kanë bërë petulla për vete. Pse duhet të ketë numra, pse mos të jenë emri dhe mbiemri, dhe aq?! Pse nuk janë listat e hapura, me emër e mbiemër, por duhet që me numra të shtyejmë përpara të paditurit, analfabetët, matrapazët? Nëpër lista kam plot miq e shokë dhe njerëz të dëshmuar nga të gjitha partitë dhe të gjithë nacionalitet, që pa asnjë hezitim do t’i kisha rrethuar!

Njërin nga njëra parti, dy apo tre nga partia tjetër, duke e plotesuar mozaikun politik me njerëz të shquar, me njerëz të cilët nuk na turpërojnë dhe degradojnë në këtë mënyre! Janë mbushur listat me ushtarë partiak, me sllogane qesharake, koncepte patetike, përmbajtje mediokre.

Na e dëbuan rininë duke ua nënvlerësuar intelegjencën. Profesorë, inxhinierë e magjistra punojne si kamerier, kurse ata që memzi kanë kryer shkollën e mesme, me kostume e kollare bëjnë ligjin dhe sorollaten nëpër ministri e drejtori! Dhe prap numra, 20 apo 30 kandidat të dëshmuar, shtyejnë përpara 2 apo 3 të dështuar! Eshtë koha që t’na llogarisni si njerëz, JO SI NUMRA!

Continue Reading

Aktuale