Connect with us

Bota

Kandidati hungarez për postin e komesarit për zgjerim në BE nuk është i denjë

Published

on

Të hënën ka nisur procesi i konfirmimit të komisarëve të BE-së për mandatin e ardhshëm pesëvjeçar, i cili do të duhej të niste më 1 nëntor. Të hënën është zhvilluar seanca dëgjimore për nënkryetarin e propozuar, Maros Sefcovic nga Sllovakia, Philo Higan nga Irlanda dhe Maria Gabriell nga Bullgaria.

Por lajmi kryesor këtë të hënë ishte konfirmimi i Komisionit për çështje ligjore se kandidatët nga Hungaria dhe Rumania, Lszlo Trocsanyi dhe Rovena Plumb, nuk mund as të shkojnë në seancë dëgjimore, sepse nuk janë të denjë për t’i ushtruar detyrat e komisarëve sipas Traktatit të BE-së. Një konstatim të tillë Komisioni për çështje ligjore e kishte dhënë që javën e shkuar, por kryetari i Parlamentit Evropian, David Sasolli, kishte kërkuar edhe një herë nga ky komision që të tentojë të sqarojë ekzistimin e konfliktit të interesit dhe nëse mund të jepet drita e gjelbër për të vazhduar me procesin e tyre.

Por Komisioni edhe një herë kishte përsëritur qëndrimin dhe kishte refuzuar përfundimisht këta dy kandidatë, ndonëse me një dallim më të vogël votash sesa javën e shkuar.

Kështu, presidentja e ardhshme e Komisionit Evropian, Ursula von der Leyen, është gjetur në probleme që në fillim të procesit të konfirmimit të ekipit të saj.

Është praktikë në Parlamentin Evropian që, para se të nisë procedura, Komisioni për çështje ligjore t’i verifikojë deklaratat e kandidatëve rreth ekzistimit të konfliktit të interesit. Ata kishin gjetur “paqartësi” për 11 kandidatë. Shumica prej tyre i kanë sqaruar ato paqartësi dhe të enjten kanë marrë dritën e gjelbër për të vazhduar procedurën dhe do të dalin nga java e ardhshme para deputetëve të komisioneve përkatëse, ku do të bëhen pyetje edhe rreth integritetit të tyre personal, por edhe për përgatitjet profesionale për të ushtruar funksionin e komisarit të BE-së.

Për kandidatin nga Hungaria ka dyshime se zyra e tij e avokaturës, nga e cila ka pezulluar pronësinë, ka përfituar edhe nga lidhjet me Rusinë në kohën kur ai ishte ministër i Hungarisë. Hungarezi Laszlo Trocsanyi, i caktuar të jetë komisar i BE-së për zgjerim dhe fqinjësi, kështu as nuk mund të shkojë në seancën dëgjimore të Parlamentit Evropian për konfirmim, pasi Komisioni për çështje ligjore ka konstatuar se në rastin e tij ekziston konflikt interesi.

Presidentja e ardhshme e Komisionit Evropian, Ursula von der Leyen, ka marrë një letër nga Parlamenti Evropian, ku kërkohet që të shprehet se si planifikon të vazhdojë.

Vetë Trocsanyi e ka quajtur këtë vendim “politik” dhe se “do të mbrohet me të gjitha mjetet ligjore në mënyrë që të marrë përsipër këtë resor të rëndësishëm për Hungarinë”. Ai është shprehur se ky vendim nuk ishte bazuar në fakte dhe është, siç e ka quajtur ai, “një hakmarrje ndaj Qeverisë së Hungarisë”.

Emërimin e Trocsanyit si person që do të merrej dhe me Ballkanin Perëndimor e kishin kritikuar shumë ekspertë dhe deputetë, duke e quajtur madje edhe si “provokim”. Por vërejtjet ishin se ai nuk mund të angazhohet për sundim të ligjit në Ballkanin Perëndimor nëse në vendin e tij si ministër kishte propozuar ligje që shkojnë kundër standardeve të BE-së.

Diplomatët dhe deputetët e Parlamentit Evropian nuk kanë dyshim se Hungaria është në favor të zgjerimit, por ky shtet ka problem me Brukselin pikërisht për shkak të kritikave rreth gjyqësorit, sundimit të ligjit dhe vlerave demokratike. E në këto vlera BE-ja thirret kur u bën pengesa vendeve të Ballkanit Perëndimor në rrugëtimin e tyre drejt integrimit në BE.

Presidentja e ardhshme e Komisionit Evropian, Ursula von der Leyen, në paraqitjen e kabinetit të saj përsëriti se Ballkani Perëndimor do të jetë prioritet i saj në krye të Komisionit Evropian në 5 vjetët e ardhshëm, por progresi në procesin e zgjerimit do të varet nga suksesi i vendeve të rajonit në afrimin me standardet evropiane.

Dyshimet se a mund të jetë i denjë një ministër i Qeverisë së Viktor Orbanit nga Hungaria t’i promovojë vlerat evropiane në rajonin e Ballkanit kanë bërë që të shfaqet që tash droja se ai mund të refuzohet nga Parlamenti Evropian. Madje disa analistë e kanë konsideruar emërimin e tij në këtë post si “provokim” ndaj BE-së dhe ndaj të gjithë atyre që në rajonin e Ballkanit angazhohen për promovimin e vlerave evropiane.

Në letrën drejtuar këtij komisari të propozuar, Ursula von der Leyen kishte shkruar se nga ai pret që “perspektiva evropiane e Ballkanit Perëndimor ka ndihmuar në tejkalimin e ndasive historike, duke nxitur reformat domethënëse politike dhe ekonomike”. Ajo ka tërhequr vërejtjen se “ndërkohë ndikimi nga jashtë ka shënuar rritje domethënëse në rajon”.

Presidentja e ardhshme e Komisionit Evropian ka shkruar se “është imperativ që të mbahet dhe forcohet progresi në pesë vjetët e ardhshëm, përmes një procesi të bazuar në merita për secilin vend kandidat, duke mbajtur perspektiven e besueshme për anëtarësim në të ardhmen”.

“Ju do të duhej të punoni për t’i përshpejtuar reformat strukturore dhe institucionale, me fokus të fuqishëm në themelet e sundimit të ligjit, zhvillimit ekonomik dhe reformat e fuqishme të administratës publike. Ju, po ashtu, do të duhej të mbështetni të gjitha përpjekjet për luftë kundër korrupsionit në tërë rajonin dhe të mbështesni përpjekjet drejt fqinjësisë së mirë dhe zgjidhjen e problemeve bilaterale”, ka shkruar në letrën për misionin e komisarit të ardhshëm të fqinjësisë dhe zgjerimit presidentja e zgjedhur, Ursula von der Leyen.

Qeveria e Hungarisë, sikur edhe ajo e Rumanisë, edhe gjatë ditës së hënë kanë insistuar në mbështetjen për kandidatët e tyre. Por Von der Leyen tash duhet të vendosë a do të kërkojë nga Hungaria që të emërojë një kandidat tjetër apo të provojë sërish që të vazhdohet me përpjekjet për të shpëtuar Trocsynyin. Ajo tash po përballet edhe me presionin kohor, sepse deri me datën 23 tetor duhet të konfirmohet Komisioni i ri në mënyrë që më 1 nëntor ta nisë mandatin. /Kohanet

Continue Reading

Bota

Rriten pagat e deputetëve dhe ministrave gjerman – kancelari do të paguhet mbi 30 mijë euro në muaj

Published

on

Derisa qytetarët e Gjermanisë po përballen me çmime më të larta dhe duhet të kursejnë, nga nesër pagat e politikanëve në atë vend do të rriten.

Nga 1 korriku, pagat e deputetëve të Bundestagut do të rriten me 310,40 euro, gjegjësisht në 14,906,68 euro.

Nga rritja e pagave në Bundestag përfitojnë edhe anëtarët e qeverisë, pasi shumë prej tyre kanë ende mandatin e deputetit.

Kështu për herë të parë paga e kreut të qeverisë do të kalojë 30 mijë euro në muaj, shkruan bild.

Olaf Scholz do të marrë një pagë prej 30,139.81 euro nga e premtja, njoftoi qeveria me kërkesë të Alternativës për Gjermaninë (AfD).

Në të ardhmen, zv.kancelari Robert Habeck do të marrë 25,573,08 euro, po aq sa pagat, ndër të tjera, ministres së Jashtme, Annalena Baerbock.

Ministrja e Mbrojtjes, Kristina Lambrecht duhet të mjaftohet me “vetëm” 20,425.57 euro në muaj. Ajo nuk do të merr të ardhura të lartë sepse nuk është edhe deputete.

Ndryshe, koalicioni “Semafor” është qeveria gjermane më e paguar e të gjitha kohërave.

Continue Reading

Bota

Biden ngatërron Suedinë për Zvicrën në konferencën për shtyp të NATO-s (Video)

Published

on

Presidenti Joe Biden e përmirësoi veten shpejt pas një gabimi gjatë një konference për shtyp të enjten, duke thënë gabimisht se Zvicra neutrale po i bashkohej NATO-s – duke dashur të përmendte Suedinë.

Sipas mediave të huaja, përcjell Telegrafi, Biden i dha komentet e tij në fund të një samiti të NATO-s në Madrid, Spanjë, ku lajmi i madh ishte se Turqia hoqi dorë nga kundërshtimi i saj ndaj anëtarësimit të Suedisë dhe Finlandës në aleancë.

Biden mbërriti në Evropë të shtunën në mbrëmje për samitin e G7 në Gjermani, përpara se të fluturonte për në Spanjë.

Më herët, udhëheqësit në samitin e NATO-s e kishin bërë të qartë se mbetën të bashkuar në mbështetjen e Ukrainës për aq kohë sa duhet. /Telegrafi/

Continue Reading

Bota

Euro bie nën nivelin e frangut zviceran

Published

on

Euro është tregtuar të enjten (sot) nën normën e deritashme dhe kushtoi 0,997 CHF.

Pasi Banka Kombëtare e Zvicrës rriti befasisht normat e interesit dy javë më parë dhe nuk e përshkroi më frangun si të vlerësuar lartë, pjesëmarrësit e tregut thanë se ishte vetëm çështje kohe kur euro do të binte nën pikën e barazisë ndaj frangut, transmeton albinfo.ch.

“Për sa kohë që Banka Qendrore Europiane reagon me ritmin e kërmillit ndaj normave të larta të inflacionit, frangu do të vazhdojë të rritet”, thuhet në një koment të VP Bank të mërkurën. Kjo është veçanërisht e dukshme në ditët e tregtimit me refuzim të theksuar ndaj rrezikut.

“Është e vërtetë që një marshim i shpejtë në nivelet 0.90 në mes të euros dhe frangut nuk mund të supozohet, shkruan srf.ch. Por epërsia e frangut mbi euron ndoshta do të bëhet normë”.

Sipas një studimi të fundit nga CS, edhe SNB (Banka Kombëatre e Zvicrës) mund të përfundojë së shpejti blerjet e saj të këmbimit valutor, të cilat kanë ndihmuar në lehtësimin e presionit për ngritje të vlerës së frangut zviceran.

Sepse pas më shumë se një dekade ndërhyrjesh pothuajse ekskluzivisht të njëanshme në tregun valutor, perspektiva e inflacionit nuk lejon më një nënçmim të konsiderueshëm të frangut zviceran, kanë shkruar ekspertët të mërkurën.

Continue Reading

Aktuale