Connect with us

Lajme

Supremja pranon kërkesën për rishikim të vendimit për Jankullovskën

Published

on

Gjykatësit Faik Arslani, Xhemali Saiti, Afrim Fidani, Snezhana Bajlozova dhe Jelica Krstevska do të vendosin për dënimin me burg të ish-ministres së Brendshme, Gordana Jankuloska, për rastin e blerjes së ‘Mercedesit’, në një seancë të jashtëzakonshme ketë muaj, transmeton in7.

Gjykatësi Arslani, pas ankesave në Këshillin Gjyqësor se nuk ka gjykatës të mjaftueshëm në gjykatën më të lartë, bëri ndryshime në orarin e gjykatësve, dhe kjo ka të bëjë edhe me këshillin penal që duhet të vendosë nëse do ta pranojë apo refuzojë ankesën e Jankuloska. Kjo vjen pasi gjykatësit e shkarkuar, Jovo Vangelovski dhe Rahilka Stojkovska, të cilët ishin anëtarë të këshillit penal.

Më 24 qershor, Gjykata Supreme mbështeti kërkesën e Jankuloska për një rishikim të jashtëzakonshëm të aktgjykimit dhe shtyu dënimin e saj me burg.

Gjykatësja Dobrila Kacarska fillimisht e dënoi Jankuloska me gjashtë vjet burg për shpërdorim të pushtetit dhe autoritetit, Apeli e uli dënimin e saj në katër vjet.

Ndërkaq burgosja e saj u shty sepse foshnja e Jankuloska nuk kishte mbushur një vit.

Continue Reading

Bota

Hovenier këndon himnin amerikan për nder të Ditës së Pavarësisë së SHBA-së (Video)

Published

on

Në oborrin e Ambasadës Amerikane në Kosovë po zhvillohet një manifestim në përkujtim të Ditës së Pavarësisë Amerikane.

Kryeparlamentari Glauk Konjufca dhe kryetarja Vjosa Osmani janë në mesin e disa personaliteteve publike.

Ambasadori amerikan në Kosovë, Jeffrey M. Hovenier, ka performuar edhe himnin kombëtar para të ftuarve për të intensifikuar edhe më shumë natyrën emocionale të kësaj ceremonie.

“I lumtur të pres partnerët dhe miqtë kosovarë këtë mbrëmje, ndërsa shënojmë përvjetorin e 246-të të Ditës së Pavarësisë. Faleminderit që festuat me ne” shkroi Hovenier në Twitter.

Continue Reading

Lajme

Propozimi francez, grup i qytetarëve proteston para Qeverisë

Published

on

Pasditen e sotme para godinës së Qeverisë një grup i qytetarëve po proteston kundër propozimit të ri francez.

Protestuesit me flamuj qëndrojnë para Qeverisë, ndërkaq kërkojnë dorëheqjen e ekzekutivit, ndërsa thonë se i njëjti është i dëmshëm për interesat shtetërorë.

Përndryshe, edhe VMRO-DPMNE-ja opozitare ka paralajmëruar protesta kundër këtij propozimi me arsyetimin se qeveria pronon bullgarizimin e vendit. /Telegrafi/

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

on

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Aktuale