Lajme

Nga sot në fuqi Ligji për ndihmë juridike falas

Published

3 years ago

01.10.2019

B.SH

Me Ligjin e ri për ndihmë juridike falas, që hyri në fuqi sot, qytetarët fitojnë ndihmë juridike falas dhe qasje të njëjtë deri te drejtësia – avokati, ndërsa të gjitha shpenzimet gjyqësore dhe administrative mbulohen nga buxheti.

“Qytetarët të cilët kanë pozitë të pafavorshme financiare mund të drejtohen deri te Ministria e Drejtësisë dhe deri te njësitet e tyre rajonale dhe të kërkojnë që të jepet ndihmë juridike falas ose t’iu sigurohet avokat i cili do të paguhet nga Buxheti i Ministrisë. Risi në ligjin është se tani mbulohen të gjitha shpenzimet në lidhje me sigurimin e ndihmës juridike”, tha në konferencën e sotme për shtyp, ministrja e Drejtësisë Renata Deskoska.

Ky ligj, siç theksoi, kontribuon drejtë ndërtimit të sundimit të së drejtës, por edhe përmban dimension human i cili nënkupton se mundësitë materiale nuk guxojnë të jenë pengesë për realizimin e të drejtave të qytetarëve.

Deskoska potencoi se me këtë ligj, qytetarët të cilët nuk kanë mjaftueshëm mjete financiare do të mund t’i realizojnë të drejtat e tyre para gjykatave, para organeve administrative, por edhe para organeve të tjera shtetërore siç janë edhe Gjykata Kushtetuese, Avokati i Popullit dhe institucione të tjera.

Ndihmën juridike falas qytetarët mund ta marrin për konteste pronësore-juridike, marrëdhëniet borxhlinj-kreditor, çështje nga sigurimi pensional dhe invalidor, përfaqësimi i viktimave të dhunës familjare, realizimi i ndihmës sociale, për konteste me kompani të sigurimit, etj.

Risi në ligjin, siç tha Deskoska, është se mbulohen të gjitha shpenzimet në lidhje me sigurimin e ndihmës juridike. Deri më tani nuk mbuloheshin taksat gjyqësore, shpenzime për ekspertizë dhe të ngjashme, që ishte pengesë për shumë persona që të marrin mbrojtje për shkak të shpenzimeve shtesë. Tani ajo pengesë është mënjanuar. Me ligjin e ri, përdoruesit e ndihmës juridike falas lirohen nga shpenzimet gjyqësore dhe nga shpenzimet për ekspertizë dhe kjo do të bëhet nga Byroja për Ekspertizë Ligjore falas.

Ligji parasheh dhënien e ndihmës juridike primare dhe sekondare. Ndihmën primare juridike e japin persona të autorizuar nga Ministria e Drejtësisë ose nga repartet rajonale të cilat janë prezente nëpër qytetet në brendi të shtetit. Ndihmë primare juridike japin shoqata të autorizuara. Deri më tani janë regjistruar shtatë shoqata të tilla.

Ndihmë primare juridike do të japin edhe klinikat juridike në fakultetet juridike. Duke filluar prej sot fakultetet juridike në shtatë universitetet e para të ranguara për regjistrim në klinikat juridike.

Ndihmën sekondare juridike e japin avokatët dhe ajo përbëhet nga përfaqësimi në procedurat qytetare dhe gjyqësore, në procedurat administrative para Fondit për Sigurim Shëndetësor, përfaqësimi në procedurën për debatin për trashëgiminë para notarit, përpilim i parashtresave të borxhliut para përmbaruesit dhe ngjashëm. Risi e këtij ligji është që ndihmë juridike falas marrin edhe viktima të veprave penale.

Ministrja e Drejtësisë i theksoi edhe kushtet të cilat duhet t’i përmbushë kërkuesi i ndihmës juridike falas, ndërsa ato janë nëse kërkuesi jeton vetë të ardhurat e tij mujore të mos jenë më të mëdha se rroga e përcaktuar minimale, nëse jeton në familje të ardhurat totale të mos jenë më të mëdha se rroga minimale e rritur për 20% nga rroga minimale për secilin anëtar individualisht. Kjo nënkupton 12.500 denarë plus 2.500 denarë ose gjithsej 15.000 denarë të ardhura mujore nëse janë familje dyanëtarëshe, ose 17.500 denarë për familje treanëtarëshe, 20.000 për familje katëranëtarëshe…

Ministrja e Drejtësisë i inkurajoi qytetarët të cilët i përmbushin kushtet për marrjen e ndihmës juridike falas që të drejtohen deri te repartet rajonale të Ministrisë së Drejtësisë, deri te shoqatat qytetare dhe theksoi se shpreson se së shpejti do të mund të drejtohen edhe deri te klinikat juridike të fakulteteve juridike.

Lajme

Lloga takon ambasadoren e Greqisë në RMV, Sofia Philippidoup

Published

16 hours ago

20.03.2023

G.A

Ministri i Drejtësisë Krenar Lloga ka zhvilluar një takim pune me ambasadoren e Greqisë në vendin tonë, Sofia Philippidou. Ministri Lloga e njoftoi Philippidoun për skriningun në Bruksel dhe mbështetjen e Komisionit Evropian për progresin e arritur në fushën e reformave në drejtësi dhe sundimit të ligjit. “Greqia ka mbështetur gjithmonë ambiciet evropiane të Ballkanit Perëndimor, përfshirë Republikën e Maqedonisë së Veriut dhe është e gatshme të ofrojë ndihmë profesionale për të lehtësuar procesin”, tha Philippidou

Në takim u diskutua edhe për ndryshimet kushtetuese, ku ministri Lloga bëri të ditur se në periudhën e ardhshme, në koordinim me kryeministrin dhe presidentin e shtetit, do të formohet një grup pune që do të punojë për përgatitjen e ndryshimeve kushtetutese.

Ministri i Drejtësisë, Krenar Lloga e informoi ambasadoren e Greqisë se Ministria e Drejtësisë do të paraqesë kërkesë të re për ekstradimin e ish agjentëve Goran Grujovski dhe Nikolla Boshkoski të cilët në vitin 2017 u akuzuan për përgjime masive të mbi 20 mijë qytetarëve. “Nuk mund të ketë shtet të së drejtës derisa këta persona të përgjigjen për veprat që kanë kryer. Presim që vendet e BE-së të na ndihmojnë në zbatimin e ligjeve dhe rikthimin e besimit në sistemin e drejtësisë”, tha ministri i Drejtësisë Krenar Lloga.

Ministri Lloga dhe ambasadori Philippidou presin nga të dyja vendet intensifikimin e përpjekjeve për zbatimin e plotë të Marrëveshjes së Prespës. Bashkëpunimi do të vazhdojë edhe në periudhën e ardhshme duke organizuar punëtori, vizita zyrtare dhe takime në nivel ekspertësh për të lehtësuar procesin e negociatave me BE-në. Mbështetja e Akademisë për Gjyqtarë dhe Prokurorë Publikë në Selanik do të jetë e një rëndësie të madhe për afrimin e legjislaturës tonë me atë evropiane.
https://www.facebook.com/100090407993687/posts/pfbid029ogB6Npp9U4jnKowKCTDZPhTYWje4yn9JfJCLGBNuDTenECrr4miTNxnV2L44ZpBl/?mibextid=cr9u03

Lajme

Lloga jep lajmin e madh, mijëra qytetarë lirohen nga burgu, amnistia për shkeljet e Covid miratohet ekspress në Kuvend

Published

17 hours ago

20.03.2023

G.A

Ministri i drejtësisë Krenar Lloga vazhdon të përmbush një nga një premtimet e tij pasi erdhi në krye të ministrisë së Drejtësisë, shkruan Top24

Një nga premtimet e radhës është ai i ligjit për amnesti të personave që shkelën masat Kovod i cilo sot ishte në kuvend.
Pas një procedure të shkurtuar, Kuvendi miratoi Ligjin për Amnisti për shkelësit e protokolleve të Covid.
Kuvendi me 76 vota pro dhe 1 kundër miratoi Ligjin për Amnisti pas procedurë të shkurtuar. Ministria e Drejtësisë ka marrë pjesë në përgatitjen e ligjit dhe është propozuar në Kuvend nga një grup deputetësh.
Mijëra shkelës të masave Covid, të cilët nuk kanë paguar dënim dhe kanë përfunduar ose janë në prag të burgut do të amnistohen. Burgu do të zëvendësohet me një dënim me kusht.
Amnistia nuk do të zbatohet për personat juridikë, restorantet dhe kafenetë.
https://www.facebook.com/100090407993687/posts/pfbid02tSdWkpgZz9viV1B6VHM2nJk9Xjyg7LcLMZocf6A34FAd4G3SCEVWTomQc4dNzwMDl/?mibextid=Nif5oz

Lajme

Anketë: Taravari barazohet me Ahmetin, Mexhiti i treti

Published

2 days ago

19.03.2023

G.A

Izet Mexhiti rezulton personaliteti politik jo lider për të cilin qytetarët kanë mendimin më të madh pozitiv, ndërkaq zëvendëskryeministri i parë Artan Grubi gëzon mendimin më të madh negativ nga qytetarët, përkatësisht rreth 60 për qind. Kështu vërteton një anketë e realizuar në gjysmën e dytë të muajit shkurt. Mexhiti radhitet në grupin e liderëve politikë duke gëzuar 43,5 për qind mbështetje, ndërsa para tij radhiten vetëm Ali Ahmeti me 48,9 për qind dhe Arben Taravari me 46 për qind. Edhe pse Mexhiti gëzon këtë mbështetje jo si një lider i një partie politike, prapa vetes lë Bilall Kasami dhe Afrim Gashin.
Konstatim nga anketimi
“Të anketuarit mendim më pozitiv kanë për Ali Ahmetin (48,9%), Arben Taravarin (46%) dhe Izet Mexhitin (43.5%), ndërkaq mendim më negativ kanë për Mendu Thaçin (58,6%) dhe Artan Grubin (58,3%). Më së paku i njohin Bashkim Hasanin dhe Kastriot Rexhepin”.
Lidhur me zhvillimet brenda BDI-së dhe veprimet e “grupit të zjarrit”, të anketuarit nxjerrin Mexhitin si eksponentin më të favorshëm për një lider të ardhshëm politik. 21,4 për qind e të anketuarve mendojnë se Mexhiti mund të jetë lider i një partie politike, ndërsa pas tij mbështetje të ulët përkatësisht nën 10 për qind gëzojnë Musa Xhaferi, Nevzat Bejta dhe Visar Ganiu.
Në lidhje me betejën brenda BDI-së, 30,5 për qind për qind e të anketuarve konsideron se lufta e grupit të zjarrit është e drejtë, ndërsa rreth 14 për qind për qind vlerësojnë se bëhet fjalë për betejë personale kundër kreut të BDI-së, Ali Ahmeti.
Konstatim nga anketimi
Grupi i zjarrit bën betejë të drejtë për reforma brenda BDI-së dhe reformave në shtet (30,5%)
Është çështje e tyre e brendshme partiake, e parëndësishme për shtetin (26,1%)
Grupi i zjarrit bën betejë personale kundër Ali Ahmetit (14%)