Connect with us

Lajme

LSDM: Për dy vite ndërtuam 400 kilometra ujësjellës dhe kanalizime në tërë vendin

Published

3 years ago

on

“Si parti politike me punë të përgjegjshme jemi duke përmbushur premtimet e bëra për qytetarët. Ne po i zgjidhim problemet e shtresuara me dekada të tëra të qytetarëve dhe u përgjigjemi nevojave të tyre. Në vend të barokut të rremë dhe monumenteve, ne investojmë në infrastrukturë dhe sigurimin e rrugëve të sigurta, në rrjetet e ujësjellësit dhe kanalizimeve”, thonë përmes një kumunikate të lëshuar për mediat nga LSDM-ja, përcjell in7.

Nga kjo parti thonë me vetbesim se përgjatë tërë shtetit, kanëndërtuar mbi 400 kilometra rrjet ujësjellësi dhe kanalizime, nga të cilat përmes programeve qeveritare rreth 250 kilometra dhe pjesa tjetër me financim të qeverisjes lokale.

“Deri më tani, janë lëshuar në përdorim impiantet e trajtimit të ujërave të zinjë në Gjevgjeli, Radovish, Strumicë, Kërçovë, Prilep dhe Koçani, dhe impiante të trajtimit janë planifikuar edhe në 4 komuna të tjera. Ne kemi ndërtuar puse të rinj të furnizimit me ujë në fshatrat Dragobrashte, Borino, Gorno Aglarci, si dhe për herë të parë, u krijuan rrjete ujësjellësi në vendbanimet Volkovo, Stopanski Dvor dhe Kisela Jabuka në Shkup dhe në lagjen Ballkanska në Shtip”, thonë nga kjo parti.

Related Topics:
Continue Reading

Bota

Hovenier këndon himnin amerikan për nder të Ditës së Pavarësisë së SHBA-së (Video)

Published

6 hours ago

on

01.07.2022

By

Në oborrin e Ambasadës Amerikane në Kosovë po zhvillohet një manifestim në përkujtim të Ditës së Pavarësisë Amerikane.

Kryeparlamentari Glauk Konjufca dhe kryetarja Vjosa Osmani janë në mesin e disa personaliteteve publike.

Ambasadori amerikan në Kosovë, Jeffrey M. Hovenier, ka performuar edhe himnin kombëtar para të ftuarve për të intensifikuar edhe më shumë natyrën emocionale të kësaj ceremonie.

“I lumtur të pres partnerët dhe miqtë kosovarë këtë mbrëmje, ndërsa shënojmë përvjetorin e 246-të të Ditës së Pavarësisë. Faleminderit që festuat me ne” shkroi Hovenier në Twitter.

Continue Reading

Lajme

Propozimi francez, grup i qytetarëve proteston para Qeverisë

Published

7 hours ago

on

01.07.2022

By

Pasditen e sotme para godinës së Qeverisë një grup i qytetarëve po proteston kundër propozimit të ri francez.

Protestuesit me flamuj qëndrojnë para Qeverisë, ndërkaq kërkojnë dorëheqjen e ekzekutivit, ndërsa thonë se i njëjti është i dëmshëm për interesat shtetërorë.

Përndryshe, edhe VMRO-DPMNE-ja opozitare ka paralajmëruar protesta kundër këtij propozimi me arsyetimin se qeveria pronon bullgarizimin e vendit. /Telegrafi/

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

7 hours ago

on

01.07.2022

By

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Aktuale