Connect with us

Lajme

Kasami: PSP u shfrytëzua për qëllime pushteti

Published

on

Kryetari i Lëvizjes Besa, Bilall Kasami, konsideron e Prokuroria Speciale është shfrytëzuar vetëm se për ndërrimin e pushtetit por jo edhe për pastrimin me krimin dhe korrupsionin në vend.

“PSP u shfrytëzua vetëm për ndërrimin e pushtetit. Që me marrjen e lëndëve nga Prokuroria Publike, u vërtetua se qëllimi i vetëm ishte ndërrimi i Gruevskit dhe ardhja e Zaevit dhe nuk kemi asgjë nga ajo që pritej”, tha Kasami.

Ndërsa sa i përket koalicionit të mundshëm me VMRO-DPMNE-në, Kasami në një intervistë për Evropën e Lirë ka thënë se bisedimet me opozitën maqedonase janë të natyrshme.

“Për ne është e natyrshme të ulemi të bisedojmë me parti opozitare, pasi kemi shumë çështje për të cilat duhet të bisedojmë”, shtoi Kasami.

Continue Reading

Lajme

Janjiq demaskon pushtetin e Vuçiqit: Frikësim i opinionit

Published

on

Deklaratat e presidentit, kryeministrit dhe disa ministrave në Serbi se po përgatitet stuhi dhe sulm, po përsëriten tash e shumë herë. Çdo herë shqetësohen serbët e Kosovës dhe pas frikësimit zakonisht pranohet vendimi që merr Prishtina dhe kjo po bëhet model, ka deklaruar Dushan Janjiq nga Forumi për raporte etnike, shkruan media serbe.

“Stuhia, gremina,…këto janë fjalë të rënda që nxisin frikë edhe shqetësim, që u thanë edhe nga ministri Vulin duke përsëritur se Serbia nuk do lejojë dëbimin e serbëve nga Kosova. Se po përgatitet plan i sulmit mbi serbët ka deklaruar edhe Vuçiq, duke reaguar në vendimin e Prishtinës se të gjitha tabelat duhet ndërruar me ato të Kosovës”.

“Nuk kërcënojmë, nuk ka luftë dhe përdorim të ushtrisë, por ju lusim më së miri që mos të tentoni të dëboni serbët nga veriu, mos tentoni që asnjë fëmijë mos të qajë, mos tentoni të përsëritni stuhinë se nuk përfundon mirë. Unë nganjëherë kam ndjenjën se BE dhe Prishtina janë çmendur, të marrë, a jeni normal me ju shkuar serbëve në shtëpi me ju marr automjetet, tabelat dhe të bëni këtë, e bëni si sundim i ligjit”, ka thënë ministri i policisë Vulin, transmeton “Bota sot”.

“Serbët e Kosovës jetojnë në frikë dhe pasiguri dhe retorika e tillë dinamike, përmendja e vazhdueshme e stuhisë aspak nuk ndihmon në zgjidhjen e problemeve”, ka deklaruar ish-ministri për Kosovë Goran Bogdanoviç, duke shtuar se me këto deklarata shërbehet Vuçiq për të homogjenizuar serbët e Kosovës.

“Ju keni situatën e urdhëresës për të punësuarit në institucionet e shtetit të Serbisë në veri të Kosovës që nuk mund shfrytëzohet pushimi veror dhe nuk dihet për sa kohë zgjat kjo. Me gjasë duan të homogjenizohen banorët serb atje, më shumë se të frikësohen”, tha Bogdanoviç.

“Ngritja e temës teknike të tabelave, që shumica janë ndërruar në nivel politik dhe deklaratat dramatike tashmë janë parë”, konsideron Janjiç dhe kjo shërben që palët të ruajnë status-quo dhe të ndryshohet situata në terren dhe “kjo është sikur tregimi për bariun edhe ujkun”.

“Problemi në atë lojë është se kur paraqitet vërtetë ujku, askush nuk i del në ndihmë bariut, Vuçiq ka arrit në atë pikë që thirrjeve të tij, mos të ju besojë askush. Nuk do i shkojë në ndihmë askush as nga populli as opinioni, kur vërtet arrini tek vendimi serioz po ose jo në NATO”, tha Janjiq.

Kësaj sipas tij, duhet shtuar edhe zakonin që të udhëhiqet me frikë, “situata në terren në të vërtetë ndryshon nga Prishtina dhe nga loja me përparësi po del Kurti, që përfiton nga politika e reciprocitetit dhe të cilën po e aplikon”.

“Ajo që këtu është çmimi shihet tek shqiptarët edhe serbët ku shpërndahet mosbesimi dhe frika nga njëri-tjetri, çmimi i kësaj është se të dy palët përfshihen nga mosbesimi dhe atmosfera jo e mirë për dialog por atë për konflikt. E kjo është thelbi i politikës së reciprocitetit, por në këtë nuk ka reagim nga Kuinti, e Amerika u përmbajt”, tha ai.

Përderisa Janiç shpreson se Kuinti do të kujtohet se politika e reciprocitetit nga Kurti dhe deri diku Vuçiq nuk shpie askund, Bogdanoviç thërret në kthimin në çështjet konkrete të jetës së qytetarëve në Kosovës dhe mbrojtjen e serbëve që jetojnë atje.

Continue Reading

Lajme

Aksident i rëndë në Strumicë, lëndohen 13 persona, në mesin e tyre edhe një fëmijë gjashtë vjeçar

Published

on

Trembëdhjetë persona janë lënduar nga përplasja e dy automjeteve të pasagjerëve me targa të Strumicës, e cila ka ndodhur dje pasdite në ora 16:20 në rrugën Strumicë-Valandovë, tek vendi i njohur si “Valandovsko Bërdo”.

Lajmin e ka konfirmuar zëdhënësja e SPB Strumicë, Aleksandra Trajanova, e cila ka bërë të ditur se ka disa persona të lënduar të cilët janë dërguar për tretman në spitalin e Strumicës.

Më shumë detaje rreth aksidentit janë bërë të ditura sot.

Sipas të dhënave nga drejtoresha e spitalit të Strumicës, Katerina Kuzmanovska, lëndime më të rënda ka një fëmijë gjashtë vjeçar dhe një grua, ndaj janë dërguar në Qendrën Klinike në Shkup për trajtim të mëtutjeshëm, ndërsa pjesa tjetër janë me lëndime të lehta dhe po trajtohen në Strumicë.

Në nxjerrjen e të lënduarve ka marrë pjesë edhe një zjarrfikës, ndërsa një grup policie ka kryer hetimet.

Për shkak të aksidentit, qarkullimi në këtë rrugë është ndërprerë për më shumë se një orë.

Continue Reading

Kosovë

Nuredin Lushtaku flet nga Stacioni i Policisë: Telashja ka ndodhë, s’kemi përdorë armë ne, polici plagosi policin

Published

on

U raportua se ish-nënkryetari i Skënderajt, Nuredin Lushtaku, së bashku me disa familjarë të tij u përfshi në një konflikt mbrëmë në Skënderaj, ku mbetën të plagosur dy policë. Për këtë rast, Lushtaku është prononcuar për dy media.

Në një prononcim për RTV Dukagjini, Nuredin Lushtaku, ka deklaruar sot se ndodhet në stacionin policor dhe se nuk do të jap detaje deri në përfundim të hetimeve nga policia.

Ndërsa, për Kallxo.com, Nuredin Lushtaku, ka mohuar të ketë përdorë armë ai, djemtë ose vëllëzërit e tij në drejtim të zyrtarëve policor.

Sipas tij, polici e ka plagos policin.

“S’është ashtu hiç. Por aksidenti ka ndodhë, ka ndodhë telashja, as nuk e kam plagos unë kë, as nuk e kanë plagos vëllaznia, as djemtë. Polici e ka plagos policin. As nuk kemi përdorë armë na, e them me përgjegjësi të plotë. Mbetet me raportu edhe policia. Unë e kam dhënë deklaratën, unë jam i gatshëm me deklaru çka ka qenë. Polici ua ka drejtu armën vëllaznive, ka ndodhë përleshja. Nuk e di a ka gjujtë me tut kë a me vra, e din ai çka thotë. Unë e kam dhënë deklaratën tem, policin nuk e kemi plagos na. Më vjen keq çfarë ka ndodhë, por kjo është e vërteta, nuk kemi plagos askënd, nuk kemi përdorë armë”, tha Lushtaku për Kallxo.com.

Ndërkohë, Lushtaku nuk i është përgjigjur thirrjeve të Gazetës Express, i njëjti më pas e ka ndalur edhe telefonin.

Policia e Kosovës ka konfirmuar plagosjen e dy zyrtarëve policorë, mbrëmë në orët e vona në Skënderaj. Njëri polic është plagosur me armë zjarri e tjetri është lënduar me mjete të forta, raporton Express

Lidhur me rastin janë arrestuar dy persona, ndërsa dy të tjerë ndodhen në arrati, ka konfirmuar policia.

Nuk dihet se kush nga personat e përfshirë në konflikt është prangosur.

Policët janë dërguar për trajtim mjekësor në QKUK, ndërsa motivi i plagosjes së dyfishtë dyshohet se ka të bëjë me shqiptimin e një gjobe në trafik.

Njoftimi i plotë i policisë:

Me datë 02.07.2022, rreth orës 23:55, është raportuar se në Skenderaj gjatë një pike të kontrollit janë sulmuar dy zyrtarë policorë, njëri është i plagosour me armë zjarri në këmbë dhe tjetri është i lënduar nga mjetet e forta.

Të dy zyrtarët policorë janë jasht rrezikut për jetë, të njëjtit janë dërguar në QKUK për trajtim mjeksorë.

Deri në këtë fazë dy persona janë arrestuar dhe dy të tjerë ndodhen në kërkim nga Policia.

Lidhur me rastin janë duke u ndermarr veprime operative dhe hetimore në bashkëpunim dhe koordinim me institucionet relevante.

Continue Reading

Aktuale