Connect with us

Lajme

‘Pranvera shqiptare fillon nga Kosova’, Intelektualët shqiptarë paralajmërojnë ndryshim pushteti në Kosovë dhe në Maqedoninë e Veriut

Published

on

Ndryshimi i pushtetit tashmë është një realitet në Maqedoninë e Veriut, pasi Zoran Zaev nuk i ka plotësuar pritjet e qytetarëve, ky ishte qëndrimi i intelektualëve shqiptar në konferencën e sotme me titull, ‘Pranvera shqiptare fillon nga Kosova’. transmeton in7.

Ata thonë se kryeministri po humbet besimin tek shqiptarët, besim ky i fituar në zgjedhjet e fundit parlamentare. Ish-deputeti i PDSH-së, Bekim Foku thotë se edhe pse premtimet ishin të larta, asgjë nuk ka ndryshuar në Maqedoni e Veriut, madje situata është edhe më e keqe, shkaku i migrimit të qytetarëve drejt BE-së.

“Në Maqedoninë e Veriut, pretendohej se Zaev do të bëjë ndryshime thelbësore në të gjitha sferat. Ai i ndryshoi vetëm figurat, përkatësisht njerëzit, por sistemi i të qeverisurit fare nuk ka ndryshuar. Ne jemi në të njëjtin drejtim, me mosbesimin ndaj sistemit të drejtësisë, pasi siç shihet edhe me zhvatjet që po ndodhin. Është edhe më keq kur shohim këtë ekzod, përkatësisht ikjen e qytetarëve nga Maqedonia e Veriut në kohën e Zoran Zaevit”, ka thënë Qoku.

Kryetari i Komunës së Gostivarit Arben Taravari pajtohet me atë që duhet të ketë ndryshim të qeverisë, ai thotë se kurdo që të mbahen zgjedhjet parlamentare në Maqedoninë e Veriut, duhet të priten ndryshime të qeverisjes.

“Për momentin e shihni se si është situata, nuk ka asnjë përmirësim, por shpresojmë që në zgjedhjet e ardhshme, kurdo që ato të zhvillohen, qoftë në prill, maj, qershor apo më së voni në tetor, a tek ne ka të ngjarë të ketë edhe zgjedhje të parakohëshme, definitivisht priten të ndodhin ndryshime”, ka thënë Taravari.

Dëshmi e qartë është se qeveria nuk interesohet për qytetarët, nuk po merr pothuajse asnjë masë për t’u marrë me ndotjen e ajrit dhe të ambientit. Kjo, sipas aktivistit, Ariant Xhaferi, thotë mjaftueshëm për atë lloj njerëzish që drejtojnë vendin.

“Unë shpesh kam thënë që ndryshimi rrënjësor kërkohet masa radikale. Për masa të tilla duhen liderë guximtarë, të cilët duhet të marrin disa masa, të cilat nuk do të jenë populiste dhe nuk do t’u sjellin atyre vota”, ka thënë aktivisti Xhaferi.

Qëndrimi i përbashkët i intelektualëve shqiptarë ështe se në fillim do të ketë ndryshim të qeverisjes në Kosovë, në zgjedhjet që do të mbahen në tetor, e pastaj ndryshim të qeverisjes pritet edhe në Maqedoninë e Veriut.

Continue Reading

Lajme

Luma për incidentin në Kuvend: Ky akt duhet dënuar

Published

on

By

Luma për incidentin në Kuvend: Ky akt duhet dënuar

VIDEO

Continue Reading

Lajme

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Published

on

By

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Aktuale