Connect with us

Lajme

Gjermania kreu punën, tani sytë nga Franca

Published

on

Pas dritës së gjelbër nga Bundestagu për perspektivën evropiane të vendit, sytë e qytetarëve të Maqedonisë janë kthyer drejt Francës dhe Holandës.

Nga Franca tashmë vijnë sinjale pozitive. Ne do të bëjmë një koktej të mirë midis realitetit dhe pritjeve, realitetit që duhet të përmirësohet dhe të përmbushet dhe natyrisht atë që presim, thotë ambasadori francez Kristian Timonie.

Sidoqoftë, nga Holanda, rreth dy javë para Samitit të Ministrave të Jashtëm të BE-së, heshtje. Simonida Kacarska nga Instituti për Politika Evropiane për Alsat-M thotë se nuk ka asnjëherë garanci të sigurta, por është e qartë se atmosfera është shumë pozitive.

“Pas vendimit të Bundestagut gjerman, ajo që duhet të shikojmë është qëndrimi i Presidentit Francez Makron. Po e them këtë për Presidentin Francez, sepse ndryshe nga Gjermania ku ju keni një sistem më të gjerë të vendimmarrjes që është më gjithëpërfshirës, në Francë kjo çështje do të vendoset në nivelin e Pallatit Presidencial. Ajo që dimë nga dje, nga ambasadori francez në vend është se padyshim që pritet drita jeshile. Nëse ndonjëherë do të mund të ishim të disponuar me optimizëm, atëherë kjo ka të bënte me këtë Samit. …. Mbetet edhe Holanda, e cila ishte kryesisht skeptike ndaj sundimit të ligjit. Dhe çështja nëse dhe si do të ecim bashkë me potencialin, si vendet do ta vlerësojnë se si do të zhvillohet marrëdhënia jonë me Shqipërinë në proces. Por ne e dimë se në Holandë kjo çështje do të jetë më e vështirë për shkak të vendimit të parlamentit”-tha Simonida Kacarska, Instituti për Politika Evropiane.

Kacarska shprehet se Maqedonia, e cila e ka pritur këtë datë për më shumë se 10 vjet – dhe tashmë është në procesin e skriningut sqarues – duhet të përgatitet me të gjitha forcat për fillimin e konferencës së parë ndërqeveritare dhe për bisedime që padyshim që pa dyshim do të zgjasin shumë gjatë. Për reformat në gjyqësor dhe proceset gjyqësore që kanë një fat të pasigurt, Kacarska shprehet se ato nuk do të jenë kusht për fillimin e bisedimeve.

“Në këtë fazë për fillimin e bisedimeve vendi ynë ka bërë shumë më tepër se të tjerët, mirëpo këto pyetje do të parashtrohen menjëherë në kapitullin e parë që do të vihet në rendin e ditës, kapitujt që kanë të bëjnë me gjyqësorin dhe të drejtat e njeriut, nëse nuk janë pyetje në tetor, atëherë do të jenë në janar”-pohoi Simonida Kacarska, Instituti për Politika Evropiane.

Ambasadori i BE-së Samuel Zbogar shfaqë shpresë se së shpejti gjuha maqedonase do të jetë gjuha e 25-të zyrtare e BE-së.

 

BURIMI:Alsat-M

Continue Reading

Lajme

Edhe në sondazhin e ri Taravari shumë pranë Ahmetit

Published

on

By

Lideri i ASH-së, Arben Taravari sërish i afrohet me popullaritet atij të BDI-së, Ali Ahmeti. Në sondazhin e fundit realizuar nga Instituti për Politika Publike (IPP) “Arbën Xhaferi”, Taravari është katër përqind pas Ahmetit.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut


“Sondazhi i IPP Arbën Xhaferi i realizuar ekskluzivisht me shqiptarë në Maqedoninë e Veriut tregon se kur bëhet fjalë për opinionin publik për liderët partiakë, Ali Ahmeti (BDI) është më i popullarizuari, me besueshmëri neto prej zero (neutrale) dhe 49.7% të opinioneve pozitive. Arben Taravari (ASh) qëndron afër si i dyti, me besueshmëri neto prej -9.4 dhe 45% të opinioneve pozitive”, thuhet në sondazhin e relaizuar nga IPP “Arbën Xhaferi”.
Pas Ahmetit dhe Taravarit radhitet Izet Mexhi, si figure politike e popullarizuar te shqiptarët edhe pse nuk është kryetar partie. Pas Mexhitit janë Kasami i Besës dhe lideri i Alternativës, Gashi radhitet i fundit.
“Pas tensioneve të brendshme në BDI, Izet Mexhiti, lideri i fraksionit brenda BDI-së i njohur si “Grupi i Zjarrit” është lideri i tretë partiak më i popullarizuar me besueshmëri neto prej -28.8% dhe 35.3% të opinioneve pozitive. Bilall Kasami (Lëvizja Besa) renditet i katërti, me besueshmëri neto prej -43% dhe 28.2% të opinioneve pozitive. Lideri partiak me përkrahjen më të vogël popullore është Afrim Gashi (Alternativa), me besueshmëri neto prej -74.6% dhe vetëm 12.4% të opinioneve pozitive”, thuhet më tej në sondazhin e relaizuar nga IPP “Arbën Xhaferi”.
30.8% e shqiptarëve kanë thënë se do të votonin për BDI-në nëse zgjedhjet parlamentare do mbaheshin nesër. ASh renditet e dyta me 14.9%, e ndjekur nga Lëvizja Besa me 9.6%. Alternativa do të merrte vetëm 2% të votave, ndërsa PDSH është fare afër zeros (0.3%). Ndër partitë maqedone, 1.6% e shqiptarëve do të votonin për LSDM-në dhe vetëm 0.1% për VMRO-DPMNE-në.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut


“Interesante është se në mesin e atyre që kanë thënë se do të votonin për BDI-në, një e treta prej tyre (31.7%) do të zgjidhnin të votonin për “Grupin e Zjarrit” në rast se ky fraksion do të kandidonte si i pavarur nga BDI-ja. Kjo do të ndikonte seriozisht në skenën politike shqiptare, duke ulur përqindjen e votave të BDI-së në 19.5%, ndërsa “Grupi i Zjarrit” do të renditej si forca e katërt politike me 9.3%”, qendron në sondazhin e relaizuar nga IPP “Arbën Xhaferi”.
Sondazhi është realizuar me 1,000 të anketuar të moshës 18 vjeç e lart ku pjesëmarrësit janë anketuar ndërmjet 15 dhe 21 marsit përmes intervistave telefonike. Hulumtimi është kryer duke përdorur metodologjinë e përzgjedhjes rastësore, duke siguruar një përfaqësim gjithëpërfshirës të popullatës shqiptare në Maqedoninë e Veriut, bazuar në karakteristikat demografike si gjinia, mosha, arsimi, si dhe njësia zgjedhore dhe komuna ku ata jetojnë. Margjina e gabimit është 3.1 pikë, me një nivel besimi 95 për qind.

Continue Reading

Lajme

Taravari: Me anëtarësimin në NATO, Maqedonia e Veriut është bërë shtet i sigurt

Published

on

By

Kryetari i Aleancës për Shqiptarët Arben Taravari, thotë se me anëtarësimin në NATO, Maqedonia e Veriut është shtet i sigurt dhe larg çdo rreziku të sovranitetit dhe integritetit.
Në Facebook ai shkruan se RMV si anëtare e NATO-s jep kontributin e saj për çdo vend në të cilin duhet të sigurohet paqja botërore.
“Më 27 mars të vitit 2020, Republika e Maqedonisë së Veriut u bë anëtare më e re në NATO. Nga ky moment RMV, si pjesë e Aleancës më të fuqishme Veriatlantike, është shtet i sigurtë dhe larg çdo rreziku të sovranitetit dhe integritetit të vendit. RMV, si anëtare e NATO-s, jep kontributin e saj për çdo vend në të cilin duhet të sigurohet paqja botërore. Agresioni rus kundër Ukrainës duke rrezikuar sigurinë globale, edhe njëherë dëshmoi se duke qenë pjesë e NATO-s, qytetarët tanë dhe vendi janë të mbrojtur nga ana e aleancës së shteteve më të fuqishme në botë”.
“Aleanca për Shqiptarët kishte fatin që të kontribuojë në procesin e anëtarësimit të Maqedonisë së Veriut në NATO. ASh me dinamikë dhe seriozitet të njëjtë do të japë kontributin politik dhe programor në përshpejtimin e procesit të anëtarësimit në BE së bashku me sfidat e ndryshimeve kushtetuese që janë parakusht dhe objektiv parësor i anëtarësimit të vendit në BE”, ka shkruar Taravari me rastin e 3 vjetorit të anëtarësimit të RMV-së në NATO.

Continue Reading

Lajme

Anëtarë te Besës nga Gostivari kalojnë në ASH

Published

on

By

Katër anëtarë nga Lëvizja BESA nga Gostivari, sonte kanë kaluar në ASH. Kjo është dëshmuar përmes një fotografie të publikuar në rrjetet sociale ku ata shihen bashkë me kryetarin e ASH, Arben Taravari ku i shoqëron edhe kryetari i Degës së ASH-së në Gostivar, Gazmend Abdija.
Fotografia të cilën e ka publikuar Abdija mbanë shkrimin “Aleanca për Shqiptarët çdo ditë po forocohet”.
Ky kalim kalim i katërshes, e cila ka qenë në krye të BESËS në Gostivar, është festuar me një kafe të përbashkët.
Ndryshe, jo zyrtarisht ditëve në vazhdim pritet edhe anëtarë dhe  simpatizantë të tjerë nga Lëvizja Besa në Gostivar të kalojnë në ASH.

Continue Reading

Aktuale