Connect with us

Kosovë

Dialogu me Serbinë, çka thonë partitë politike në prag të zgjedhjeve

Published

on

Në prag të zgjedhjeve të jashtëzakonshme partitë politike kanë filluar që taksën 100 për qind ta përdorin si parullë zgjedhore. Ndonëse Lëvizja Vetëvendosje dhe Lidhja Demokratike e Kosovës kanë deklaruar se do ta heqin taksën vetëm pasi të vendosin reciprocitet të plotë ndaj shtetit serb, AAK-ja dhe PSD-ja në anën tjetër kanë theksuar se taksa do të mbetet në fuqi deri në njohje nga Serbia, shkruan gazeta “Zëri“.

Zëvendëskryeministri në detyrë Enver Hoxhaj, nga PDK-ja, për “Zërin” ka deklaruar se pas zgjedhjeve të 6 tetorit, me të ardhur në pushtet, partia e tij do t’ia hapë rrugën dialogut mes Kosovës dhe Serbisë. Mirëpo ai nuk ka specifikuar nëse taksa ndaj produkteve serbe do të hiqet ose jo.

“Epilogu i taksës është se ne duam që dialogut t’i japim shans, ne duam që të jemi partnerë me amerikanët dhe interesi i Kosovës është i barabartë me interesin kombëtar të Amerikës. Interesat tona strategjike përputhen dhe duhet të kemi një qartësi se çfarë do të ndodhë me dialogun Kosovë – Serbi dhe anëtarësimi i Kosovës në OKB është në qendër të vendimmarrjes së politikës së jashtme të Kosovës. Ne dialogun e shohim pjesë të politikës së jashtme, edhe taksën e shohim vetëm si një instrument të politikës së jashtme”. Po ashtu ai ka thënë se taksa ndaj produkteve serbe është duke u shndërruar në parullë zgjedhore për disa parti.

“Neve na duhet që të kemi një qeveri serioze dhe kjo qeveri do ta trajtojë në mënyrë serioze edhe dialogun, edhe taksën dhe ne nuk duam që taksa të shndërrohet në një parullë zgjedhore siç është shndërruar për disa subjekte politike. PDK-ja, kur është në pyetje besueshmëria e Kosovës, e ardhmja e Kosovës dhe kur është në pyetje marrja e vendimeve të mëdha, është serioze”, ka shtuar ai.

Kurse Ahmet Isufi, nga AAK-ja, për “Zërin” ka deklaruar se në rast se partia e tij vjen në pushtet taksa nuk do të hiqet deri kur Serbia ta njohë Kosovën si shtet. “Epilogu i taksës do të jetë vetëm me njohjen e Kosovës nga ana e Serbisë. Nuk hiqet taksa në asnjë variant tjetër”, ka thënë ai.

Continue Reading

Kosovë

Kosova e Luksemburgu do të nënshkruajnë marrëveshje në vlerë 35 milionë euro

Published

on

Në muajin e ardhshëm pritet nënshkrimi i marrëveshjes së re bilaterale dhe memorandumit të bashkëpunimit me Qeverinë e Luksemburgut që parasheh përkrahjen financiare për Kosovën në vlerë prej 35 milionë euro.

Kjo u bë e ditur gjatë takimit që kryeministri Albin Kurti kishte sot me ambasadorin jo-rezident të Luksemburgut në Prishtinë Patrick Heck.

Populli dhe Qeveria e Kosovës janë shumë mirënjohës për përkrahjen dhe miqësinë e vazhdueshme të Luksemburgut, u shpreh kryeministri Kurti, duke shtuar se Luksemburgu është një aleat i fuqishëm i Kosovës në NATO dhe Bashkimin Evropian dhe dy vendet gëzojnë marrëdhënie shumë të mira bilaterale.

Gjatë takimit u dha zotimi i dyanshëm për avancim të bashkëpunimit ekonomik dhe rritje të shkëmbimeve tregtare në mes dy vendeve, ndërkaq u veçua edhe potenciali për bashkëpunim në sektorin e Teknologjisë së Informacionit dhe Komunikimit.

Luksemburgu është ndër shtetet e para që ka njohur Kosovën dhe që nga paslufta e ka përkrahur përmes programeve të ndryshme zhvillimore në fushën e arsimit profesional, shëndetësisë, fuqizimit të shoqërisë civile dhe procesit të integrimeve evropiane, që e tejkalojnë vlerën 100 milionë euro.

Continue Reading

Kosovë

Qeveria e Kosovës obligon kthimin në RKS të targave të komunave paralele

Published

on

Qeveria e Kosovës ka vendosur masa reciprociteti për hyrje të shtetasve të Serbisë në Kosovë. Në mbledhjen elektronike, Qeveria Kurti vendosi që aplikojë të njëjtën masë, sikur Beogradi zyrtar, që nuk pranon letërnjoftimin, por në hyrje kosovarët i pajisë me një letër që zëvendëson dokumentet e identifikimit. Në njoftimin për media të qeverisë thuhet se gjithashtu është marrë vendim që banorëve, kryesisht në veri të vendit që kanë targa të lëshuara nga Serbia, por në emër të qyteteve të Kosovës, t’ua japë edhe një shans,”të fundit”, për kthim në targa RKS. Sipas Qeverisë, pronarëve të veturave me këto targa u është mundësuar që kthimin në RKS ta bëjnë në periudhën 1 gusht 2022 – 31 shtator 2022.

Miratimin e kabinetit qeveritar e mori edhe vendimi sipas të cilit çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, të pajiset në pikë-kalimet kufitare me një fletë-deklarim që përkohësisht e zëvendëson përdorimin e dokumentit të tillë. Fletë-deklarimi do të krijojë bazë për qarkullim në territorin e Republikës së Kosovës dhe për shfrytëzim brenda institucioneve shtetërore.

Gjithashtu, sipas vendimit, automjetet me targa të regjistrimit të Serbisë që paraqiten për kalim të kufirit shtetëror dhe kanë për qëllim të lëvizin në territorin e Republikës së Kosovës, duhet të kenë të vendosur ngjitësin në pjesën e simboleve dhe emërtimit shtetëror, nga data 01.08.2022. Mekanizmi i tillë do të vlejë deri me 31.10.2022.

Ky mekanizëm është pa paragjykim ndaj afatit maksimal të qëndrimit të automjeteve të tilla në territorin e Republikës së Kosovës, thuhet në kumtesën e qeverisë, transmeton klankosova.tv.

Continue Reading

Kosovë

Rasti “Subvencioni 2021”- policia arreston edhe 11 persona në gjashtë komuna

Published

on

Policia e Kosovës ka arrestuar sot 11 persona të dyshuar për përfshirje në veprimtari penale.

Sipas njoftimit të policisë thuhet se të njëjtit janë arrestuar nën dyshimin për keqpërdorime në Agjensionin për Zhvillimin e Bujqësisë.“Hetuesit policorë nga Drejtoria për Hetimin e Krimeve Ekonomike dhe Korrupsionit-Sektori i Hetimeve të Korrupsionit, pas hetimeve disa mujore të realizuara në bashkëpunim me Prokurorinë Speciale, nën dyshimin për keqpërdorime në Agjensionin për Zhvillimin e Bujqësisë, sot më 29.06.2022, kanë organizuar operacionin policor në disa komuna të Republikës se Kosovës (Pejë, Istog, Deçan, Viti Suharekë dhe Ferizaj). Nga ky operacion policorë deri me tani janë arrestuar dhe ndaluar njëmbëdhjetë persona të dyshuar”, thuhet në njoftim.

Të arrestuarit, dyshohet së janë përfshirë në veprat penale: ‘keqpërdorim i pozitës apo autoritet zyrtar’, ‘marrja e ryshfetit’, ‘dhënia e ryshfetit’, ‘mashtrimi me subvencione’ ‘falsifikimi i dokumenteve zyrtare’ dhe ‘pengim i të provuarit apo procedurës zyrtare’.

“Tre nga të arrestuarit janë persona zyrtar, ndërsa tetë persona të dyshuar janë përfitues subvencionesh të cilët dyshohet se kanë përfituar subvencione përmes dhënies së ryshfetit dhe falsifikimit të dokumenteve”, thuhet në njoftim.

Pas intervistimit të të dyshuarve, më aktvendim nga prokurori, të njëmbëdhjetë të dyshuarit dërgohen në mbajtje deri në 48 orë.

Kujtojmë se Prokuroria Speciale e Republikës së Kosovës (PSRK) më 15 janar të vitit 2021 kishte nisur veprimet e para hetimore në drejtim të hetimit të disa zyrtarëve të Agjencisë për Zhvillim Bujqësorë në kuadër të Ministrisë së Bujqësisë, pas dyshimeve për dallavere me subvencione.

Dyshimet e para ishin se në kohë dhe në vende të ndryshme kanë pranuar ryshfet në forma të ndryshme, kanë dhënë ryshfet dhe të njëjtin e kanë ndarë mes vete me qëllim që në mënyrë të kundërligjshme të përfitonin dobi pasurore.

Më 24 dhe 25 shkurt 2021, Policia e Kosovës Drejtoria për Krime Ekonomike dhe Korrupsion, realizoi bastisje në Ministrinë e Bujqësisë ku në kuadër të saj është Agjencioni i Pavarur për Zhvillim të Bujqësisë.

Bastisje në atë kohë pati edhe në Istog, Gjilan, Podujevë e Lipjan, ku në përfundim të operacionit në pranga përfunduan 21 persona nën dyshimin për keqpërdorime të fondeve dhe subvencioneve, si dhe u sekuestruan 400 mijë euro.

Aksionet në kuadër të rastit “Subvencionet 2021” nuk përfunduan me kaq. Një tjetër aksion u realizua më 1 mars 2021, në rajonin e Pejës, ku u arrestua zyrtari i Drejtorisë së Bujqësisë në këtë komunë.

Aksionet vazhduan, dhe më 12 mars 2021 policia kishte arrestuar edhe dy persona në fshatin Ponesh të Gjilanit, nën dyshimin se në bashkëveprim me njëri tjetrin kishin vendosë në aplikacion për subvencione parcelën e mbjellur me grurë pa dëshirën e viktimës mashkull kosovar, njëri nga të arrestuarit ishte zyrtar në Drejtorinë e Bujqësisë në Gjilan, kurse tjetri një fermer.

Policia nuk ishte ndalur me kaq, aksioni kishte vazhduar përgjatë vitit 2021 edhe disa herë të tjera. Më 30 qershor 2021, policia kishte zhvilluar aksion sërish në Agjencinë për Zhvillimin e Bujqësisë. Gjatë këtij aksioni ishin arrestuar edhe 21 persona të tjerë në mesin e tyre 14 zyrtarë.

Arrestimit edhe të 31 personave të tjerë për keqpërdorime me subvencione, i parapriu sërish një aksion i zhvilluar më 3 dhjetor 2021, në disa lokacione të ndryshme të Kosovës.

Prokuroria Speciale kishte njoftuar se nga ky aksion janë ndaluar dhe intervistuar gjithsejtë 31 persona, prej tyre 12 zyrtarë me pozita të ndryshme nga komunat dhe zyrat rajonale të Agjencionit Zhvillimor të Bujqësisë dhe zyrës rajonale të APK.

Continue Reading

Aktuale