Lajme

Vuçiq: Së shpejti “Shengen” me Maqedoninë e Veriut dhe Shqipërinë

Published

3 years ago

27.09.2019

B.SH

Presidenti serb, Aleksandar Vuçiq pas vizitës në Nju-Jork, duke folur për nismën për “Shengenin e vogël” dhe bashkëpunimin më të afërt ekonomik në Ballkanin Perëndimor përmes mënjanimit të barrierave, deklaroi se kjo nuk është çështje për bashkim, sepse çdoherë kur është përmendur bashkimi, disa fillojnë të flasin për hegjemoninë serbe.

Lidhur me këtë, ai theksoi se Serbia së shpejti do të jetë makinë ekonomike e rajonit, kështu që ka reagim të tillë ndaj kësaj ideje.

Ai vlerësoi se është me rëndësi që vendet dhe njerëzit nga rajoni të kuptojnë se kanë dobi nëse shtetet e rajonit paraqiten si bllok, sepse ashtu do të jenë shumë më të respektuara në Evropë.

“Grupi i Vishegradit, për shembull, në çdo kohë mund t’i shkarkojë Timermansin dhe Veberin. Parlamenti evropian mund të mos pranojë përfaqësues të Hungarisë për Komisionin evropian, por nuk mund të pengojë të jetë nga ky vend. Fuqia e tyre është e madhe, shumë e madhe, ndërkaq ne shkojmë pas thërmijave, duke sulmuar tjetrin nga rajoni, duke u kënaqur me atë që të mëdhenjve do t’u themi diçka keq për të tjerët, e të mëdhenjtë më pas thonë se çdoherë do ta mbajnë rajonin tonë në zënka, në mënyrë që të mund të bëjnë çfarë të duan dhe të nxjerrin tërë pasurinë”, tha ai.

Vuçiq bëri thirrje për ulje të shpenzimeve operative me atë që do të lirohen kufijtë për automjetet ngarkuese. Sipas tij, nuk do të jetë lehtë të arrihet kjo, por ekziston marrëveshje mes tij dhe kryeministrave të Shqipërisë dhe Maqedonisë së Veriut.

Lajme

Gostivari pushton mediat e Shqipërisë

Published

1 day ago

23.03.2023

G.A

Dje, në prag të muajit të shenjtë të Ramazanit, kryetari i Bashkisë së Tiranës z.Erion Veliaj, ishte në Gostivar. Atij ju akordua titulli Qytetar Nderi i Gostivarit me motivacionin promovim dhe mbështetje e jashtëzakonshme për qytetin e Gostivarit.
Në fjalën e tij kryetari Komunës z.Arben Taravari tregoi miqësinë e veçantë që e lidh me kryebashkiakun tiranas, dhe shprehu mirënjohjen e tij për të gjithë projektet e mbështetura nga Veliaj në Gostivar.
Nga ana e tij Erion Veliaj tregoi se dashuria e dedikimi i tij për Gostivarin, ishte e natyrshme për të, sepse ky qytet në drejtimin e Taravarit është një histori suksesi dhe është e lehtë të afeksinohesh pas komunave të sukseshme.
Më poshtë ju sjellim vegëzat dhe video nga ngjarja e cila u trajtua nga mediat më të rëndesishme të Shqipërise, kjo padyshim është një mjeshtri e Taravarit për promovimin e Gostivarit në arenën rajonale.

Veliaj nderohet me titullin “Qytetar Nderi” i Gostivarit: Krenar të kontribuoj për këtë qytet. Taravari: Tirana, qyteti më dinamik në Ballkan
Veliaj “Qytetar Nderi” i Gostivarit: “Krenar të kontribuoj për këtë qytet”; Taravari: “Tirana, qyteti më dinamik në ballkan” – Vizion Plus
Veliaj nderohet me titullin “Qytetar Nderi” i Gostivarit – Tv Klan

Lajme

Drejtori i Shtëpisë së Shëndetit publik Vullnet Selimi zgjidh problemin e 163 të punësuarve pa kontrata

Published

1 day ago

23.03.2023

G.A

163 punonjës shëndetësor në Shtëpitë e Shëndetit publik – Shkup që javën e kaluar protestuan në shenjë pa kënaqësie për faktin se kishin disa muaj që punonin pa kontrata pune tashmë çështja e tyre është zgjidhur.
Edhe pse ka vetëm pak ditë që është emëruar në krye të detyrës së drejtorit organizativ në Shtëpinë e Shëndetit publik- Shkup, drejtori Vullnet Selimi ka njoftuar se në koordinim me Ministrinë e Financave ka arritur të zgjidh çështjen e këtyre punonjësve.
“Pas pëlqimit të marrë nga Ministria e Financave gjatë javës së ardhshme do tu paguhen pagat për këto muaj si dhe do tu përgatisim kontratat për muajt vijues”, ka shkruar Selimi në rrjetin social Facebook.
https://www.facebook.com/1461036551/posts/pfbid064nfVH252tzRrKFk4qE13g3EuSFEis637cn3m7PemKZPsNkUbAUBSP4XosuDoHerl/?mibextid=cr9u03

Lajme

Minsitri Lloga uron besimtarëve agjërim të lehtë

Published

2 days ago

23.03.2023

G.A

Ministri i drejtësisë, Krenar Lloga përmes një postimi ka uruar besimtarët e komuniteti musliman për fillimin e muajt të shenjtë të ramazanit duke ju uruar një agjërim të lehtë, shkruan Top24

“Sonte hyjmë në muajin më të bekuar të vitit, muajin e mëshirës, dashurisë, sakrificës dhe solidaritetit.
Agjërim të lehtë dhe lutje të pranuara!”
https://www.facebook.com/100090407993687/posts/pfbid02xoZZduZuc9zJiaQgjq8PEwo9vTXWxZRWygZ9sxQjnvtxdhpoAv1LdVhhExScJYeBl/?mibextid=cr9u03