Connect with us

Lajme

Skandal i ri publikohet për PSP/Prokurorët i kanë marrë edhe në shtëpi ‘bombat’

Published

on

Në PSP për vite me rradhë, me lejen e Katica Janeva, prokuroria ka funksionuar pothuajse pa respektuar protokollet e sigurisë, thonë burime të televizionit ‘Kanal 5’ nga ky institucion, përcjell in7.

Sipas Rregullores së Punës të PSP-së, çdo prokuror ose hetues që duhej të merrte prova të caktuara, të shkruara apo prova audio, nga e ashtuquajtura ‘bomba’, duhej të plotësonte dhe të paraqiste një formular, ku tregohej emri i personit që i merr këto prova, si dhe datën dhe kohën e këtij veprimi, por ka pasur edhe shumë raste ku në gjë e tillë nuk është respektuar.

Të punësuarit në PSP kanë mundur në çdo kohë dhe nga çdo komjuter të dëgjojnë ato prova.

E njëjta procedurë duhej të ndiqej edhe kur provat ktheheshin në depo apo arkivin e PSP-së.

Burimet e e cituara më lartë, thonë se ky rregull nuk është respektuar, domethënë që për shumë materiale nuk ka asnjë gjurmë të shkruar se kush dhe kur i ka marrë dhe analizuar për ndonjë temë të veçantë.

Për më tepër, protokolli i sigurisë parashikonte ndalim të rrjetëzimit të kompjuterave në PSP, kryesisht për të shmangur rrjedhjen e bombave, njëkohësht edhe për të parandaluar punonjësit e paautorizuar të inspektojnë punën e kolegëve të tyre. Por kjo masë e sigurisë nuk është respektuar aspak, që do të thotë se vetëm një numër i vogël kompjuterësh nuk ishin në rrjet, siç është ai në arkiv.

Këto burimet pohojnë se shumë prokurorë madje i kanë marrë këto materiale edhe në shtëpi, siç kanë aryetuar ata, që të punojnë në një atmosferë më të qetë.

Në fund, në kohën kur shpërtheu afera ‘Zhvatja’, Katica Janeva personalisht, ka kërkuar që të kryhet fshirje forenzike të kompjuterëve, gjë që tashmë është e njohur për publikun.

Por Janeva, sipas burimeve të Kanalit 5, nuk është ndalur me kaq. Ajo ka kërkuar, përmes antidatimit, të përgatisë formularët e pranimit me pretendimin e respektimit të protokollit të sigurisë, që të gjithë prokurorët dhe hetuesit e përfshirë duhet të nënshkruanin dhe të konfirmonin rrejshëm se në vitet 2015, 2016 kanë marrë dokumente dhe ‘bomba’ audio për përpunim, gjë që përbën krim të rëndë. Burimet e Kanal 5 pohojnë gjithashtu, se vetëm një numër jashtëzakonisht i vogël i punonjësve janë pajtuar, ndërsa shumica nuk kishte pranuar një gjë të tillë.

Nga ky televizion thonë se kanë kontaktuar me press qendrën dhe me një pjesë të ish prokurorëve në PSP, të cilët kanë thënë se personalisht Katica Janeva i ka ndarë ‘bombat’ sipas një programi të paracaktuar të prokurorëve dhe hetuesve, por kanë pohuar se mundësitë për abuzim kanë qenë pothuajse të pamundura. Ata pohuan se kompjuterët ishin në rrjet, por vetëm prova materiale ishin në dispozicion, e jo bombat, të cilat kanë qenë të mbajtura nën një regjim special.

Nga PSP-ja zyrtarisht kanë pohuar që protokollet e sigurisë kanë qenë të respektuara në maksimum, por deri më tani nuk ka asnjë mënyrë për të vërtetuar të vërtetën, duke pasur parasysh që të dhënat nuk janë të disponueshme për mediat.

Continue Reading

Lajme

Luma për incidentin në Kuvend: Ky akt duhet dënuar

Published

on

By

Luma për incidentin në Kuvend: Ky akt duhet dënuar

VIDEO

Continue Reading

Lajme

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Published

on

By

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Aktuale