Connect with us

Kosovë

Përplasen në distancë VV dhe LDK

Published

on

LDK e Vetëvendosje kanë filluar përplasjet në distancë, në prag të zgjedhjeve të jashtëzakonshme. Së fundmi, vëmendja është distancuar te këto dy parti, që në sondazhet e fundit garojnë për pozitën e parë në zgjedhje.

Sa pati jetëgjatësi qeveria e udhëhequr nga Ramush Haradinaj, LDK e Vetëvendosje u bashkuan në opozitë derisa, tentuan që të çojnë në shtëpi PAN-in edhe duke paralajmëruar për një kohë të gjatë mocionin e mosbesimit.

Meqenëse ky skenar nuk ndodhi, të dy këto parti, pasi që Ramush Haradinaj dha dorëheqje nga pozita e kryeministrit paralajmëruan se mund të bashkohen në një koalicion duke garuar në zgjedhjet e jashtëzakonshme me një listë të përbashkët.

Kështu nuk ndodhi, pasi që të dy subjektet qenë shumë të zëshme në kërkim të pozitës së kryeministrit, e për këtë nuk hoqën dorë.

Vetëvendosje duke parë që LDK nuk po lëshon pe për këtë temë, i bëri edhe një ofertë të minutave të fundit Isa Mustafës, duke ia ofruar numrin 1 në listë zgjedhore.

As kjo e as takimet e një pas njëshme nuk sollën asnjë rezultat. LDK e Vetëvendosje ia mësynë të vetme garës për zgjedhjet e jashtëzakonshme që do të mbahen me 6 tetor. Megjithatë, të dy liderët e partive deklaruan se kanë lënë të hapur bashkëpunimin pas zgjedhjeve, e pozitën e kryeministrit e merr ai që del i pari me vota.

Pa filluar ende fushata, as LDK e as Vetëvendosje nuk bënë anti fushatë kundër njëra tjetrës. Kjo deri kur kandidatët për kryeministër nga LDK e VV, Vjosa Osmani e Albin Kurti e patën përplasjen e parë në distancë. Sebep për këtë u bë ish-prokurori i prokurorisë speciale, Elez Blakaj.

Pasi u thye akulli, dy partitë që po shihen si favorite për të dalë në vend të parë këto zgjedhje, gjuajtën te njëra tjetra edhe disa akuza tjera. Të gjitha këto në distancë.

Derisa nuk janë përballur ende në një debat politik, Vjosa Osmani e Albin Kurti, nuk e patën problem që të përmendin emrin e njëri-tjetrit.

Ishte i pari Albin Kurti, lideri e kandidati i VV-së, që tha se Osmani do të bëjë pjesë në qeverinë e tij, mirëpo, në pozitën e krye parlamentares, duke thënë se ajo është e denjë për këtë pozitë.

Për këtë Kurtit iu përgjigj në një tubim në Prishtinë, nënkryetari i LDK-së, Lutfi Haziri.

Haziri, derisa foli për deklaratën e Kurtit, e krahasoi atë me komedianin Mr.Bean.

“Kurrë më ata me neve sun punojnë veç në TV kanë me na pa, edhe ata nëse ju jep naj pare Edhe ky lideri tjetër që u ba si Mr.Bini ka hy në kravatë e u qethë nuk mundet dhe nuk ka të drejtë, nuk mundet për tri arsye që Vjosa duhet me u ba kryetare e kuvendit, na i kena thanë jo Vjosa ka me u ba kryeministre. Është e pandershme me ju thanë njerëzve që këta fitojnë e shkojnë ata, po mundohen lojën e djallit me ba me qytetarët”, tha Haziri, derisa foli për Kurtin.

Deklaratës së Kurtit për Osmanin iu përgjigj në emisionin Pressing edhe kandidatja e LDK-së, për kryeministre.

Vjosa Osmani tha se është fyerje për të dhe qytetarët që Kurti të thotë se do ta vendos si krye parlamentare. Të njëjtën deklaratë Osmani e ka quajtur edhe seksiste.

“Nuk e kam dëgju kurrë z. Kurti duke thënë se filan burri do të vendosi këtu ose do ta bëjë diçka. Kurrë nuk ka thënë për Ramush Haradinajn. Sepse në raport me burra ai mendon se ulët dhe vendos, ndërsa mendon se mua si grua vetëm më vendos diku. Unë ia kam dëshmuar secilit burrë në politikë se të vetmit janë qytetarët që më vendosin”, ka thënë Osmani në Pressing.

Osmani nuk i la me kaq deklaratat e saj për Kurtin. Të njëjtin e krahasoi me ish-liderin e Venezuelës që e ka kthyer pushtetin e tij në diktaturë, Hugo Chavez.

“Ne ofrojmë drejtësi normale. Me i ngre zhag njerëzit me pizhama është hakmarrje, nuk është drejtësi”, ka thënë Osmani.

Vjosa Osmanit iu kundërpërgjigj për këto deklarata, kandidatja për deputete e Vetëvendosjes, Albulena Haxhiu në emisionin DPT te Fidani në T7..

“Këto janë deklarata të panikut dhe të ulëta”, ka thënë Haxhiu, derisa ka folur për deklaratat e Vjosa Osmanit. Duke folur për deklaratën e Lutfi Hazirit, Haxhiu tha se kjo ishte një deklaratë e ulët.

“Ne nuk flasim apo etiketojmë si ta, pasi kjo nuk është gjuhë e jona. Mbrëmë gjuha e shefit të Shtabit Zgjedhor të LDK’së, Lutfi Hazirit, ka qenë e ulët. Ata po e shohin se në tubimet e Vetëvendosjes ka ngazëllim dhe po e shohin fitoren tonë si të pandalshme”, ka thënë ajo.

Derisa sot ka filluar zyrtarisht fushata zgjedhore, dy partitë po përmenden si kandidate për pozitën e të parit në këto zgjedhje të jashtëzakonshme. Kështu të paktën i kanë favorizuar disa sondazhe deri më tani./GazetaExpress

Continue Reading

Kosovë

Për humbjen në Prizren, Anton Quni ia lë fajin edhe horoskopit

Published

on

Kandidati i Lidhjes Demokratike të Kosovës për kryetar të Prizrenit, Anton Quni ka arritur t’i marrë vetëm 14,98% të votave në zgjedhjet e djeshme, ku doli i treti pas Mytaher Haskukës së Lëvizjes Vetëvendosje (40,43%) dhe Shaqir Totajt të Partisë Demokratike të Kosovës (31,10%).
Një nga faktorët për humbjen e djeshme, Quni tha se ishte edhe pozita e yjeve në horoskop. Ai tha se LDK-ja e filloi vonë fushatën në këtë komunë, ndërsa tha se beson që e kanë bërë më të mirën e mundshme, raporton Express.

“Është fakt që kemi filluar vonë. Kjo më shumë lidhet me shëndetin tim.

Thuajse nga salla e operacionit jam kyçur në fushatë. Besoj që e kemi bërë më të mirën që kemi mundur, me prezantimin e programit, me agjendën tonë, me takimet, me bashkëbisedimet, me promovimet e të gjithë atyre vlerave që ne i ofrojmë për qytetarët. Normal, kjo çështje varet nganjëherë edhe nga pozita e yjeve në horoskop. Këto nuk kanë qenë në favorin tonë”, tha Quni për Klan Kosovën.

Ai shtoi se ka pasur edhe faktorë tjerë që kanë ndikuar në rezultatin e këtyre zgjedhjeve.

“Janë edhe shumë faktorë të tjerë që ndikojnë. Krijohet një opinion. Vetë fakti se përsëriteshin sondazhet publikisht, tregohet sadopak se nga duhet të orientohet vota”, tha Quni.

Ai deklaroi se nuk kanë vija të kuqe për LVV-në dhe LDK-në që do të garojnë në balotazh.

“Me Z.Haskuka nuk kemi përvoja të mira”, tha Quni, i cili shtoi se “me seriozitetin më të madh do ta analizojmë situatën”.

Continue Reading

Kosovë

Shqipëria dhe Kosova ngrenë Sekretarit të Përbashkët për implementimin e marrëveshjeve

Published

on

Dy ministret e jashtme shqitpare ranë dakord që Shqipëria dhe Kosova të ngrenë një Sekretariat të përbashkët, që do të shërbej për realizimin e marrëveshjeve që janë firmos deri më sot dhe do të bëhen në të ardhmen. Gjithashtu Shqipëria dhe Kosova do të kenë pika të përbashkëta diplomatike në disa zona si Afrika dhe Azia, ndërsa do të ketë bashkëpunim mes diplomatëve në ambasadat ekzistuese.

Bashkëpunimi Shqipëri-Kosovës do të thellohet në të gjitha fushat dhe Shqipëria ka qenë dhe do të vijojë të jetë avokatja me e fortë për Kosovën tek ndërkombëtarët. Këtë theksuan të dy ministret e Jashtme, ajo e Shqipërisë Olta Xhaçka dhe ajo e Kosovës, Donika Gërvalla, e cila ndodhet për një vizitë një ditore në Tiranë.

Dy ministret ranë dakord që Shqipëria dhe Kosova të ngrenë një Sekretariat të përbashkët, që do të shërbej për realizimin e marrëveshjeve që janë firmos deri më sot dhe do të bëhen në të ardhmen. Gjithashtu Shqipëria dhe Kosova do të kenë pika të përbashkëta diplomatike në disa zona si Afrika dhe Azia, ndërsa do të ketë bashkëpunim mes diplomatëve në ambasadat ekzistuese.

Xhaçka tha se përparësia e Shqipërisë anëtarësimi i Kosovës në nismat rajonale dhe organizatat ndërkombëtare, ndërsa shtoi se marrëveshja e dialogut me Serbinë duhet të sjellë njohjen e ndërsjellët mes dy vendeve dhe anëtarësimin e Kosovës në OKB dhe BE.

“Biseduam për përmbushjen e detyrave të lëna nga takimi dy kryeministrave Rama-Kurti më 27 shtator, ku do të ngrihet një Sekretariat i përbashkët si një strukturë operative dhe do të jetë një mekanizëm efikas për ndjekjen dhe realizimin e marrëveshjeve të nënshkruara deri tani dhe që do të nënshkruhen në të ardhmen. Do të ketë shtim të diplomacive të përbashkëta në zona si Afrika dhe Azia dhe ndërthurja e punës së diplomatëve të Shqipërisë dhe të Kosovës në ambasadat ekzistuese. Kemi qene avokatja më e pakompromis për Kosovën, do të ngremë zërin për të dhe kemi lobuar dhe kritikuar hapur padrejtësisë që i është bërë Kosovës nga Brukseli për mos liberalizimin e vizave”, tha Xhaçka.

Edhe ministrja e Jashtme e Kosovës, Donika Gërvalla tha se Kosova dhe Shqipëria kanë një bashkëpunim në të gjitha fushat dhe do të vijnë ta forcojnë edhe më shumë. Ajo tha se Kosova e ka të orientimin drejt BE dhe NATO dhe i shikon me skepticizëm konceptet konkurruese ndaj BE, ndërsa bëri thirrje se ndaj gjuhës agresive të Serbisë, i gjithë rajoni duhet të jenë më i koordinuar që të mos cenohet stabiliteti.

“Do të bëjmë një bilanc të mirë të bashkëpunimit tonë dhe një strategji të qartë se ku duam ta shohim Kosovën dhe Shqipërinë në të ardhmen. Nuk ka tema që nuk mund të preket në bisedat tona dhe gjatë javëve të fundit gjuha e Serbisë është ashpërsuar shumë. Duhet të jemi të kujdesshëm që këtë paqe të brishtë që kemi në rajon ta forcojmë dhe të gjithë së bashku të ndikojmë që të mos cenohet stabiliteti. Kosova e ka të qartë orientimin në BE dhe NATO dhe është skeptike ndaj koncepteve konkurruese ndaj BE”, tha Gërvalla.

Gjithashtu dy ministret vendosëm të promovojmë konkursin fotografik “Colors of Albanians” ku do të hapet në nëntor në Shqipëri dhe më pas do të vijojë në Kosovë.

Continue Reading

Kosovë

Kurti takohet me komandatin e ri të KFOR-it, diskutojnë për vazhdimin e bashkëpunimit

Published

on

Kryeministri i Kosovës, Albin Kurti, ka pritur në takim mikpritës komandantin e ri të Forcave paqeruajtëse të NATO-s në Kosovë (KFOR), Gjeneral Major Ferenc Kajári.

Ai i uroi suksese Gjeneral Majorit në detyrën e re dhe shprehu mirënjohjen për rolin dhe rëndësinë e KFOR-it në ruajtjen e paqes dhe sigurisë në Republikën e Kosovës.

“U bisedua për vazhdimin e bashkëpunimit të ngushtë ndërinstitucional, të komunikimit të ndërsjelltë dhe bashkërendimin e veprimeve ndërmjet institucioneve të Republikës së Kosovës dhe KFOR-it, në shërbim të paqes, stabilitetit dhe sigurisë për të gjithë qytetarët e Republikës së Kosovës. Komunikimi i afërt dhe koordinimi ndërinstitucional u cilësua si domosdoshmëri për garantimin e sigurisë në vend, që është qëllim dhe prioritet i përbashkët i institucioneve të Republikës së Kosovë dhe KFOR-it.”, bëhet e ditur në njoftimin për media.

Gjatë takimit, Gjeneral Major Kajári gjithashtu e uroi kryeministrin Kurti për organizimin e mirëfilltë të zgjedhjeve lokale. /Zëri/

Continue Reading

Aktuale